Yusif Zeynalabdin oğlu FƏRHƏNGDUST
410
Müasir şəhər həyatı, şəhərdəki çoxcəmiyyətli yaşayış tərzi, insanların
qeyri-sabit münasibət səviyyəsi, qəriblik, təklik hissləri, ailə üzvlərinin
sayının azalması, ailə sevgisinin tükənməsi, maddi sıxıntılar, ümidsizlik,
çalışmaqla imkanların uyğunsuzluğu, evdən qaçmalar və yad cəmiyyətlərə
sığınma, yeni şəhər həyatındakı təzadlı yaşam, həyatda qarşıda duran
problemlərlə mübarizə zəifliyi, eşq məhrumiyyətləri və digər bu kimi
narahatlıqlar meydana gəlir və insan bütün bunların qarşısında çıxış yolları
axtarır, tapa bilmir və çox hallarda intihara əl atır.
İntiharın tərifinə gəlincə, intihar mühüm sosial-fərdi tələbat olub əsasən
içki, narkotik aludəçiləri və xəstələr arasında geniş yayılmışdır. İntihar
etməyi qərara alan şəxs özündə belə bir inam yaradır ki, həyatda öz istək və
məqsədlərinə çatmamışdır, öz həyatı bərbad olmuşdur və buna görə də
ölümü hər şeydən üstün tutur. (5,107)
İntihar hadisəsi, Dehxodanın lüğətinə görə, belə verilmişdir: “Özünü
öldürmək vasitəsilə intihar etmək”. (6,327).
E.Durkheym (1858-1917) öz məşhur əsərində intiharı sosial hadisə
adlandırmış və belə tərif etmişdir: “İntihar hər bir ölümün, vasitəli və ya
bilavasitə, mənfi və ya müsbət niyyətdən nəticə almış halıdır ki, burada şəxs
öz əməlinin nəticəsinin qurbanına çevrilir”. (1,6).
Aşil Dilmas da intiharı aşağıdakı kimi izah edir: “İntihar insanın özünü
qurban vermək üçün yararlandığı bir əməldir. O halda ki, ölümlə həyat
arasındakı seçim onun özündə olur, onda əxlaqi baxımdan bu əməli etməyə
məcbur deyil”. (2,74)
Psixoloq Mincer intihar edən şəxsin ölümə meylini belə izah edir:
“İnsanın təbii və yaşam dolu enerjisinin tükənməsinə səbəb olan və son
nəticədə daxili narahatlıqları yaradan sosial və cinsi məhdudiyyətlər və
nəhayət daxili təzyiq nəticəsi intihara yol açır”. (7,178)
Jon Baçler özünün “İntihar” kitabında intiharla bağlı yazır ki, “İnsan
dözülməz həyatla üzbəüz qalmaqdan qaçır və intihar etməyə çalışır”. Başqa sözlə
o, intiharı həyatın çətin və dözülməz anlarında çıxış yolu kimi görür. (8,79)
Yekun olaraq demək olar ki, intihar açıq şəkildə insan iradəsindən doğan
bir hərəkətdir ki, bunun vasitəsilə şəxs öz həyatına son qoyur. “Suicide”
sözünün mənasına gəlincə, Defonten intiharla bağlı olaraq bu sözü ilk dəfə
işlətmişdir. Reyman Aron bu fikirdədir ki, insan həyatına son qoymaq üçün
gülləni gicgahına boşaldırsa bu müsbət niyyətdir, yanan evi tərk etməyən
İntiharın sosiologiyası
411
şəxsin hərəkətini isə o, mənfi niyyət kimi qiymətləndirir. Aristotel kimi filosof
fədakarlıq məqsədilə törədilən intiharı intihar hesab etmir. Aristotel intiharı
insanın özü ilə bağlı həyatın a son qoyması üçün törədilən bir iş hesab edir və
göstərir ki, “bu fədakarlıq məqsədilə olmur, yəni insan qurban olmaq üçün
intihara əl atmır”. Eskirol bu fikirdədir ki, “intiharda bütün dəlilik əlamətləri
özünü göstərir”. O, bu fikrə istinad edir ki, “intihar qeyri iradi bir işdir və bu iş
qanuni təhqiqatla aparılmamalıdır”. Amerika Milli Tibbi Psixologiya
İnstitutunun fikri isə belədir ki, “intihar insanın özü ilə bağlı olub, öz həyatına
son qoymaq üçün özünü büruzə verən təşəbbüsdür. Ola bilsin ki, bu təşəbbüs
həyatının sonuna qədər qala bilər. (9, 3-6)
İntihardan öncəki davranışlar. Adətən intihar etməyi qərara almış
insanlarda əksər hallarda ümumi xüsusiyyətlərə malik davranışlar özünü
göstərir. Əksər hallarda cəmiyyətdəki iqtisadi böhranın təsiri altında
depressiyaya məruz qalaraq baş verir. Xroniki iztirab, depressiya, intihar
hədəsi və s. bu davranışı şərtləndirən mühüm əlamətlərdir və bunlar intihara
səbəb olur. Bu insanlar daha çox düşünürlər ki, böyük və dözülməz çətinliklər
qarşısında qalıblar və burada yalnız bir yol var, o da ölümdür.
İntihar davranışları sosial-tibbi və ailədən doğan amillər nəticəsində də
baş verir. Gənclərdə intihar hallarının artmasına səbəb ola biləcək sosial
dəyişikliklər aşağıdakılardan ibarətdir: uşaqlıqdan depressiyanı artıran
səbəblər, ailədə mənəvi-psixi sabitliyin pozulması, silaha əl atmanın asan
olması. (10, 27-30) Avropada gənclər arasında intihar hadisələri dünya
müharibələri zamanı daha geniş yayılmışdır. Bunun səbəbləri kollektiv
işsizlik halları da ola bilərdi. İntihar halları hətta ali təhsilli insanlar, dini
etiqadı az olan şəxslər arasında baş verir, gənclərdə əxlaqi böhranlar,
boşanmanın izləri uşaqlarda özünü göstərir. (11,21-23)
İntihar səbəbləri daha çox kişilərdə dul qalma, tək qalmaq yaxud
boşanmaq, cəmiyyətdə mərkəzləşmə, iqtisadi böhranlar, böyük şəhərlərdə
yaşama, uşaqlıq dövründə ailədə baş vermiş ziddiyyətlər, psixoloji
gərginliklər və bədən xəstəlikləri kimi amillərdən yaranır. (12,196)
İntiharın yayılmasına təsir edən amilləri aşağıdakı kimi qruplaşdırmaq
olar:
Cinsə görə, kişilər bütün dövrlərində qadınlarla müqayisədə üç dəfə çox
intihara müvəffəq olmuşlar. Halbuki qadınlar kişilərlə müqayisədə üç dəfə
çox intihara əl atırlar.
Yusif Zeynalabdin oğlu FƏRHƏNGDUST
412
Yaşa görə, intihar halları və daha çox intihara cəhd fikirləri və
hərəkətləri depressiyaya uğramış yeniyetmələr arasında müşahidə olunur.
(İntihar yeniyetmələrin ölümündə üçüncü əsas amildir)
Dini mənsubiyyət, intihar halları protestantlarla müqayisədə yəhudilər və
katoliklər arasında azdır. Müsəlmanlar arasında başqa dinlərlə müqayisədə
daha azdır.
Nikah vəziyyəti, intihar halları ailəli şəxslərlə müqayisədə subay şəxslər
arasında iki dəfə çoxdur. Öz həyat yoldaşı ilə yaşayan şəxslərlə müqayisədə
dul qalmış şəxslər arasında 4-10 dəfə çoxdur.
İrq-soy, Amerikada daha çox intihar halları qaradərililərə nisbətən
ağdərililər arasında baş verir.
İqlim şəraiti, Alp dağlarının ətəklərində, hətta İranın şimalında, xüsusilə
Qorqanda əsən “fun” kimi sərin küləklərin təsiri insanlarda təşviş və qorxuya
səbəb olur, intihar təhlükələri q uru hava şəraitində, yaz vaxtı havada təzyiq
artanda da çox olur.
Psixi və fiziki sağlamlıq, şəxs istər psixoloji, istərsə də fiziki cəhətdən
səhhəti ilə problemlər yaşadıqda.
Həyat şəraiti, böyük şəhərlərdə yaşamaq intihar təhlükəsini daha da
artırır. (2,85-87)
İntihardan öncəki davranışın mühüm meyarları. Özünə qapanma,
depressiya və melanxoliya (kədər) kimi iki mənada başa düşülür.
İnsanın səmimi münasibətlərində bədbin olması.
Ailədə baş vermiş intihar.
İnsanın keçmişdə intihara cəhdi.
Cəmiyyətdən uzaqlaşma.
Alkoqolizm və narkomaniya.
Davamlı yoxsulluq və məhrumiyyətlər.
Evdə və yaxud ictimai mühitdə aqressiv davranışlar.
İntihar haqqında birbaşa yaxud dolayı söhbət.
Davranışda qeyri-adi qərarsızlıq, səbirsizlik və ya kədərli vəziyyətdən
xoş, şad-xürrəm vəziyyətə keçid kimi gözlənilməz dəyişikliklər.
Psixoloji xəstəliklər. (Ruhi xəstəliklər)
Həyat yoldaşını, valideynlərini, övladlarını, yaxınlarını, səmimi dostunu
itirmək.
Psixi xəstəxanalarda yataq rejimində olmaq.
Dostları ilə paylaş: |