A n a r H əsənli
tikilən bina evləri; 3) Həyət evləri. Həyət evləri də müxtəlif tiplərə
ayrılır: a) villalar və kotteclər, b) adi evlər və c) gccəqondular. Müasir
evlər əsasən əhəngdaşı, kərpic və betondan tikilir. Evlərin hamam,
tualet və mətbəxinin olması əsas şərtdir. Evlərin quruluşu, dizaynı
əsasən Qərb ölkələrindən götürülsə də bir çox milli elementlər
saxlanmaqdadır. Ayrıca qonaq otağının mütləq olması, yataq
otaqlarının ayn və nisbətən qapalı saxlanması belə elementlərdəndir.
Müasir evlər daha çox hündür, işıqlı olur, hər bir rahatlıq təmin edilir.
Şəhərlilər evlərini təmir etdirərkən dəbə uyğun, lakin zövqlərinə
müvafiq rənglərə, dizayna üstünlük verirlər. Evlərin giriş qapısı mütləq
dəmirdən olmalı, həyət evlərində və aşağı mərtəbələrdə isə dəmir
şəbəkəli pəncərələr qoyulmalıdır. Sovet binalarında darısqallıq
olduğundan birinci mərtəbədə yaşayan bir çox sakinlər həyətlərdən
əlavə tikililər tikmiş, binanın ümumi görünüşünü pozmuşlar.
Balkonların örtülməsi və otaqların balkonlarla birləşdirilməsi az qala
hər bir mənzildə mövcuddur. Müasir şəhər evlərinin dizaynında
rahatlıq, gözoxşayan bəzəklər və əşyaların yerləşdirilməsi mühüm yer
tutur. Evlərin tavanı əsasən asma tavan və alçipandan, döşəməsi parket
və laminat parketdən hazırlanır. Divarlar zövqə uyğun rənglənir, ya da
divar kağızları vurulur. Otaqların qapıları bir qayda olaraq уапуа qədər
şüşəli olur. İmkandan asılı olaraq qapılar taxtadan (şam, palıd, qoz,
şabalıd və s.) və süni materiallardan hazırlanır. Pəncərələr çox vaxt
alüminium və plastik materialdan qoyulur. Belə pəncərələr Bakı
mühitində evi yağış və küləkdən daha etibarlı qoruyur.
Beləliklə, qloballaşma şəraitində Azərbaycanda həyat tərzi dini-
mədəni və habelə qərb dəyərlərinin təsiri nəticəsində daim yaşadığımız
mühitin tələbləri səviyyəsində dəyişikliklərə uğrayır. Bunun nəticəsində
isə insanlarımızın özü də müasirləşərək yeni həyat tərzinə uyğunlaşırlar.
48
-
Muasır şəraitdə Azərbaycanda dini-mədəni dəyərlərin inkişaf xüsusiyyətləri
1.3. Müasir Azərbaycanın inkişafında dini-mədəni
dəyərlərin transformasiyası
Müasir dövrün özünəməxsusluğu cəmiyyətin iqtisadi və siyasi
həyatı ilə yanaşı, artıq qeyd edildiyi kimi, əhalinin həyat tərzi və
etnomədəni oriyentasiyasına, o cümlədən etnososial proseslərin
inkişafına da mühüm təsir göstərmişdir. İqtisadi və siyasi sistemin
dəyişdiyi, yeni ideologiyaların və dünyagörüşünün təşəkkül tapdığı,
qloballaşmanın və ona qarşı mübarizənin genişləndiyi bir şəraitdə
insanların şüur və düşüncə tərzində, hadisələri və prosesləri
dəyərləndirmə meyarında, mədəniyyətə və ümumiyyətlə həyata
baxışında yeni meyillərin formalaşdığı müşahidə olunur. Müasir
sivilizasiyanın yarandığı məkan olan şəhərlərdə bu proses, daha
mürəkkəb və nəzəraçarpan şəkildə gedir. Şəhərlər yeni mədəniyyətin
yaradıcısı və ixracatçısı funksiyasını yerinə yetirir. Qloballaşmanın
milli məkanlara təsiri prosesində dövlətin daxili siyasi inkişafı böyük
əhəmiyyət kəsb edir. İnteqrasiya proseslərinin təsiri yeni qavrayış,
təfəkkür tərzi formalaşdırır, sonra isə yeni dövrün bu komponentlərinə
həyat verir. Davranışın yeni stereotipləri və formaları meydana gəlir.
Demokratik dövlət kimi Azərbaycan hüquqi və demokratik əsaslan
möhkəmləndirmək istiqamətində irəliləyir [ 139].
Sürətlə inkişaf edən və qloballaşan cəmiyyətdə vaxtaşırı iqtisadi,
sosial və mədəni tələbatlar da dəyişir. Nəticədə zövqlər, maraqlar,
stillər müxtəlifləşir, fərdiləşmə və sosial identifıkasiya güclənir.
Kütləvi mədəniyyət heç də hamını qane etmir və tələbatları ödəmir.
Ona görə də cəmiyyətdə yeni həyat stilləri meydana çıxır. Əsas
mədəniyyətdən fərqlənən submədəniyyətlər yaranır.
Ə vvəllərdə göstərildiyi kim i, həyat stili həyat tərzi
problcmatikası çərçivəsində öyrənilən kateqoriyalardan biridir. Bu
kateqoriya həyat stili, həyat tərzi, sosial rollar və statuslar kimi
komponentləri özündə birləşdirir. Həyat stili sosial-psixoloji
kateqoriya, insanların davranışının müəyyən tiplərinin təzahürü kimi
anlaşılır. Həyat stili eyni zamanda submədəniyyətlər üçün də
-
49
-
Anar Həsənli
müəyyən baza rolu oynayır. Fərqli həyat stilləri əsasında bəzi
submədəniyyətləri müəyyənləşdirmək mümkündür.
«Submədəniyyət» (subculture) anlayışı elmi ədəbiyyata XX əsrin
30-cu illərində gəlmişdir və 60-70-ci illərdə gənclərin davranışlarının
tədqiqi ilə əlaqədar geniş şəkildə işlənməyə başlamışdır. İlk vaxtlar
Qərbdə meydana gələn bu anlayış sonralar rus elminə keçmişdir və 80-
ci illərdən başlayaraq SSRİ məkanında (sonralar Rusiya) mövcud olan
submədəniyyətlərin tədqiqində geniş istifadə olunmuşdur. Azərbaycan
elmində submədəniyyətlər problemi hələlik işlənməmişdir və yalnız
bəzi epizodik təsəvvürlər mövcuddur.
«Submədəniyyət» anlayışının müxtəlif elmi təsəvvürləri və
izahları vardır. Məsələn, sosioloq E.M .Babosov onu belə
qiymətləndirir: «Submədəniyyət - şəxsiyyətin daxil olduğu və özünü
sərbəst hiss etdiyi, şəxsiyyətdə «mən» anlayışının «biz» anlayışı ilə
qarışdığı və özünəməxsus baxışlar və davranış qaydaları ilə fərqlənən
qrupa xas dəyərlər sistem idir». Şepanskayanın fikrincə,
submədəniyyət müəyyən zamanda özünü təqlidin kommunikativ
sistemidir. O, həmin tərifi model və ya konkret materiallarla asan
doldurula bilən matrisa şəklində açır [94,127].
Rus tədqiqatçısı Şatorost submədəniyyət anlayışını belə
dəyərləndirir. «Submədəniyyət hər şeydən əvvəl əsas cəmiyyətdən
fərqlənən qrupun norma və dəyərlər sistemidir. O, yaş, etnik törəmə,
din, sosial qrup və ya yaşayış yeri kimi faktorların təsiri altında
formalaşır [94,129]. Submədəniyyət dəyərləri əksəriyyətin qəbul
etdiyi milli mədəniyyəti inkar etmir. İ.M.Morozov isə öz məqaləsində
submədəniyyət anlayışı altında fəaliyyət sahəsini müəyyənləşdirən,
öz atributlarını, davranış stilini, habelə xüsusi dil və həyat tərzini
yaradan, bu və ya digər mədəni ənənələr çərçivəsində yaranan ictimai
maraqlara əsaslanan qrupun cəmini təsvir edir [94,128-131].
Göründüyü kimi, tədqiqatçıların fikirləri xeyli dərəcədə üst-üstə
düşür və hamı submədəniyyətlərin ayrıca qrup tərəfindən
yaradıldığını qəbul edir. Lakin submədəniyyətləri yaradan amillərə
gəldikdə isə fikirlər müxtəlifləşir. Din, dil, məkan, yaş, həyat tərzi,
-
50
-
Muasır şəraitdə Azərbaycamla dini-mədəni dəyərlərin inkişaf xüsusiyyətləri
sosial mühit kimi amillər submədəniyyəti formalaşdıran faktorlar
kimi nəzərdən keçirilir.
Müasir dövrdə submədəniyyət anlayışı həm də «yeraltı
mədəniyyət» (subterranean culture) və «zirzəmi mədəniyyəti»
(underground culture) anlayışlarını da özündə ehtiva edir. Avropa və
Qərb elmi ədəbiyyatında çox işlənən bu terminlər hələlik bizdə az
işlədilir. Bununla belə adı çəkilən mədəniyyətlər artıq mövcuddur və
cəmiyyətimizin reallıqlarına çevrilmişdir.
Yuxanda göstərilən elmi fikirlərə və şəxsi müşahidələrə
əsaslanaraq belə bir fikrə gəlmək mümkündür ki, mövcud hakim
mədəniyyətin əksinə olaraq submədəniyyət özlüyündə hakim
dəyərlər sisteminə reaksiya olaraq cəmiyyətdə tabe sosial-struktur
mövqedə duran sosial qrup tərəfindən yaradılmışdır. Belə ki,
submədəniyyət qrup şəklində normalar, davranış stereotipləri,
mənalar, dəyərlər, ifadə vasitələri və həyat tərzini əks etdirir.
Kulturoloq A. V.Kravçenkonun fikrincə, submədəniyyət millətin
ümumi mədəniyyətinin bir hissəsi olsa da, müəyyən aspektlərdə
ümumiyə qarşı durur, lakin ümumi cəhətlərinə görə dominant
mədəniyyətin əsas cəhətləri ilə razılaşaraq, milli mədəniyyətin
davamçısı kimi çıxış edir. Submədəniyyət dominant mədəniyyətdən
dili, həyata baxışları, davranış xüsusiyyətləri, saç forması, geyimi,
adətləri ilə fərqlənir. Bu fərqlər kəskin olsa da, submədəniyyət
dominant mədəniyyətə qarşı tam çıxış etmir. Submədəniyyət
dominant mədəniyyətin bir sıra dəyərlərini qəbul edir və ona
özünəməxsus xüsusiyyətlər əlavə edir [94,162].
Tədqiqatçı alim A.M.Abramovun fikrincə isə, submədəniyyətlərin
nümayəndələri eyni məkan və zaman çərçivəsinə mütləq daxil deyillər,
onlar nisbətən müstəqil mövcud olurlar. Yəni submədəniyyətlər zamana
və məkana görə fərqli mövqelərdə olsalar da, mahiyyətcə oxşar ola
bilərlər [72,336-350].
Müxtəlif həyat stilləriniıı və submədəniyyətlərin yaranması
sosial mühitdən və müxtəlif mədəni təsirlərdən asılıdır. İnformasiya
texnologiyalarının inkişafı və qloballaşmanın mədəni təzahürləri bu