A n a r H asənli
sivilizasiyası ilə tanışlıq. Bu amil XX yüzilliyin həm inqilabaqədorki
dövrə, həm də sovet dövrünə aiddir [49, 188]. Sovet dövrünün
əvvəlki rus təsirindən əsas fərqləri isə buraya həm də anti-islam və
üm um iyyətlə, ateizm siyasətinin əlavə olunm ası, şüurların
ideologiya çərçivəsinə salınması, digər tərəfdən, əhalinin savadlılıq
dərəcəsinin artması ilə əlamətdardır.
Son yüzilliyin axırıncı on ili isə milli şüurun intibahı və milli
özünüdərk istiqamətində axtarışlarla əlamətdardır. Belə ki, yeni
yüzilliyə biz milli özünüdərk və milli dövlət quruculuğu əzmi ilə,
dövlətçilik təfəkkürünün intibahı şansı ilə qədəm qoyduq və bu
axtarışlar indi də davam etməkdədir. Keçid dövründə formalaşmış
milli-mənəvi prinsiplər daha yaramadığından, yeni milli-mənəvi
prinsiplər isə hələ tam formalaşmadığından artıq müəyyən ciddi
problemlərlə üzləşirik. Müasir dövrdə uzun müddət qapalı şəraitdə
yaşamış Azərbaycan xarici ölkələrlə sıx əlaqəyə girir. Xarici jurnallar,
televiziya kanalları və digər informasiya vasitələri ilə Avropanın,
Amerikanın və bütün planetin mənəviyyat sahəsində nə problemləri,
nöqsanları vardısa, hamısı bizim məkana daxil olur. Əlbəttə, insanlar
mənəviyyatca kamil olsalar və kənardan hər hansı mənəvi müdaxiləyə
qarşı hazır olsalar, kənar təsirlərə qarşı fərdi daxili müqavimət
qüvvələri böyük olar. Lakin hətta tək-tək adamlar öz mənəvi varlığını
qorumaq gücündə və səviyyəsində olsalar da, əksəriyyət bunu bacara
bilməz. Çünki bütün insanlar eyni dərəcədə kamil və iradəli deyillər
[49, 188]. Ona görə də, milli varlığı və dini-mədəni dəyərləri qoruyub
saxlamaq funksiyasını dövlət öz üzərinə götürməlidir.
İdeoloji plüralizm ölkə vətəndaşlarının öz dini hisslərini tam
gerçəkləşdirməsinə zəmin yaratmışdır. Bununla yanaşı, keçmiş
kommunist hakimiyyəti illəri Azərbaycan xalqını “elmi ateizmin”
düzgünlüyünə inandıra bilməmişdi. Müstəqillik əldə etdikdən sonra
birdən-birə fikir və etiqad azadlığının hiss olunması məscidlərin,
mədrəsələrin və ilahiyyat fakültələrinin sayının sürətlə artmasına
gətirib çıxarmışdır. Dini etiqadı ilə heç vaxt fərqlənməyən sosial
təyinatlı obyektlərin fəaliyyəti üçün normal şəraiti olmayan
-24
Müasir şəraitdə Azərbaycanda dini-mədəni dəyərlərin inkişaf xüsusiyyətləri
bölgələrdə “mesenatların” köməyi ilə məscidlərin sayı artmağa
başlamışdır [49,189].
İntellektual qüvvələr öz fəaliyyətləri ilə dövlətin mədəniyyət
sahəsindəki siyasətinin müasir durumunu təhlil edir və bu siyasətin
perspektivlərinə aydınlıq gətirməyə çalışırlar. Mənəvi dəyərlərimizin
qorunub saxlanılması və inkişaf etdirilməsi müstəqil respublikanın
mədəni tərəqqisinin əsas vəzifələrindən biridir. Bu mənada
Azərbaycan dövləti öz daxili və xarici siyasətini yeni tarixi şəraitə,
müasir tələblərə uyğun olaraq, xalqımızın tarixi və mədəni
ənənələrinə, dilimizə, dinimizə, milli-mənəvi dəyərlərimizə istinad
edərək həyata keçirir. Müstəqilliyimizin əldə olunmasından sonra
həyata keçirilən mədəni tərəqqi milli-mənəvi dəyərlərimizin qorunub
saxlanılması və gələcək nəsillərə çatdırılması üçün böyük zəmin
yaradır. Xalqımızın əldə etdiyi bu böyük nailiyyət, milli sərvətimiz
olan mənəvi dəyərlərimizin istifadəsini, bəşəri dəyərlərin tərkib
hissəsi kimi inkişafını və inteqrasiyasını təmin edir. Azərbaycan xalqı
azad və suveren dövlət quraraq, mədəni-iqtisadi islahatlar aparmaqla
öz milli-əxlaqi dəyərlərinə, tarixinə qayıdır, demokratik ölkələrin
təcrübələrindən istifadə edir.
Dövlətimizin belə bir demokratik mədəni tərəqqi xətti tutduğuna
və müasir dünya mədəniyyətinə inteqrasiya olunduğumuza görə,
mədəniyyətimizin özündə böyük bir dəyişiklik etmədən, yəni
mühafizə edilməsi zəruri olan milli şəxsiyyətimizi təşkil edən
xarakterik keyfiyyətlərim izi kənarlaşdırm adan, m illi-m ənəvi
dəyərlərimizə xələl gətirmədən, təcrübəyə və elmin mütərəqqi
nailiyyətlərinə söykənərək, forma dəyişikliklərini şüurlu surətdə
aparmaq məcburiyyətində olduğumuzu qəbul etməliyik.
Dövlətin bu sahədə strateji planının olması mütləq şərtdir. İstər
təhsil sistemi, istər gənclərin mədəni-mənəvi həyatı elə bir mühit
yaratmalıdır ki, bu mühitin xarici təsirlərə qarşı reaksiya qabiliyyəti
güclü olsun. Ona görə, qarşıda əsas iki vəzifə vardır: birincisi,
insanların mədəni-mənəvi kamillik, özünüdərk dərəcəsini və
iradəsini yüksəltmək istiqamətində iş görmək və bu məqsədlə təhsil
-25
A nar H əsənli
sisteminin, tədris proqramlarının yenidən nəzərdən keçirilməsinə
ehtiyac vardır. İkincisi, insanların yaşadığı mədəni-mənəvi mühit
saflaşmalıdır, mənəvi mədəniyyət problemləri sistemli şəkildə həll
olunmalıdır [10].
Sovet dövründə belə problemlər nisbətən az idi, amma bunun
səbəbi o deyildi ki, ideologiya indikindən yaxşı idi. Sadəcə olaraq, o
zaman bütün sahələrə sərhədlər çəkilmişdi. Həm inzibati, siyasi,
iqtisadi, həm də mədəni-mənəvi sərhədlər möhkəm idi. Xaricdən hər
hansı bir təsir mümkün deyildi. Hər hansı bir xarici televiziya kanalını
tutmaq nəinki sadəcə texniki cəhətdən mümkün deyildi, həm də ona
icazə verilmirdi. Hətta radiolarda bəzi dalğalar söndürülürdü, onlara
qulaq asmaq mümkün olmurdu. Mədəni-mənəvi deqradasiyaya
xidmət edən, dövlətin ideoloji prinsiplərinə qarşı yönəldilmiş
verilişlərin qarşısı isə tamamilə alınırdı [10].
İndi biz demokratik dövlət, sivil, demokratik cəmiyyət qururuq.
Artıq bağlı qapı arxasında, ənənəvi prinsiplərlə yaşamaq mümkün
deyil. Bu mənada, qapıların açılması, bir tərəfdən, yaxşıdır, amma bu
açıq qapılardan müsbət təmayüllərlə yanaşı mənfi meyillər, lazımlı
məlumatlarla bərabər zərərli informasiyalar, insanların mənəviyyatına
mənfi təsir edən televiziya verilişləri, mətbuat orqanları da daxil olur.
Bəzi yerli mətbuat orqanları asan yolla pul qazanmaq xatirinə mənə
viyyatı satmaq yolunu tutur və ənənələrimizə böyük zərbə vururlar.
Məhz buna görə, mətbuat azadlığı prinsiplərimiz olsa da, rəsmən
senzura ləğv edilsə də, indi artıq senzuranı əvəz edəcək mədəni-mənəvi
senzuraya ciddi ehtiyac duyulur.
Qloballaşmanın müsbət təmayüllərini əxz etməklə yanaşı,
ənənələrimizə sədaqət prinsipindən, yüksək mənəvi dəyərlərimizi,
milli kimliyimizi qorumaq prinsipindən çıxış etməliyik. Çünki,
özünütəsdiq milli-tarixi köklərə arxalanır. Hazırda vəziyyət elədir ki,
istəsək də, istəməsək də, qloballaşma hərəkatından, mədəni
inteqrasiya prosesindən kənarda qala bilmərik. Bu prosesin müsbət
cəhətlərinin cəmiyyətimizin mədəni tərəqqisinə xidmət etdiyini
danmamaq şərti ilə, neqativ təzahürlərinin qarşısını almaq barədə də
-
26
-
Mıiasir şəraitdə Azərbaycanda dini-mədəni dəyərlərin inkişaf xüsusiyyətləri
düşünməliyik. Müasir dövrdə mədəniyyətin idarə edilməsi üçün
zəruri olan elmi təsəvvürün işlənib hazırlanması, ancaq gündəlik
məsələlərin həllinə yönəldilən və mədəniyyətin ayrı-ayrı sahələrini
əhatə edən tətbiqi tədqiqatlar sahəsi ilə məhdudlaşdırılmır.
Digər sahələrlə yanaşı, mədəni tərəqqidə əldə edilmiş mühüm
nailiyyətlər ölkəmizin müstəqilliyinin möhkəmləndirilməsinə şərait
yaradır. Müstəqil respublikamızın nüfuzlu beynəlxalq təşkilatlara, o
cümlədən, Avropa Şurasına tamhüquqlu üzv qəbul edilməsi onun
beynəlxalq mövqeyinin möhkəmləndirilməsinə, dünya ölkələri
içərisində öz layiqli yerini tuta bilməsinə əlverişli imkan vermişdir.
Azərbaycanın dövlət müstəqilliyinin möhkəmləndirilməsinə xidmət
edən mədəni tərəqqi dünyanın bütün dövlətləri ilə bərabərhüquqlu
əsaslar üzərində faydalı əlaqələrin inkişaf etdirilməsinə də şərait yaradır.
Mədəniyyətin tərəqqisi haqqında fikir müxtəlifliyi isə yalnız elmi
səbəblərlə deyil, eləcə də daha dərin sosial-tarixi səbəblərlə şərhini
tapır. Mədəniyyət nəinki nəzəri izah tələb edən anlayışdır, həmçinin
ictimai inkişafın real, praktik və vacib məsələsidir. Beləliklə,
“mədəniyyət” anlayışının fundamental nəzəri əhəmiyyəti və
mürəkkəbliyi müasir tarixi situasiyada mədəniyyət problemlərinin
qloballığı və çoxcəhətliliyi ilə şərtlənir. Bəşər tarixində yeni mər
hələnin - insan həyatının bütün sahələrində köklü dəyişikliklər
mərhələsinin xarakterini dərk etmədən geniş mənada mədəniyyətin
məzmununu başa düşmək qeyri-mümkündür.
Müasir dövrdə “Muğam” sənətinin müxtəlif mədəniyyətlər
arasında dialoq musiqisi kimi təbliğində Mehriban xanım Əliyevanın
fəaliyyəti olduqca mühüm rol oynayır. Belə ki Mehriban xanım
Əliyevanın himayəsi ilə 2009-cu ilin 18-25 mart tarixində Bakıda
keçirilən I Beynəlxalq Muğam Festivalı Azərbaycan Muğam
sənətinin beynəlxalq təbliği ilə yanaşı, muğam musiqisinin dünya
xalqlarını birləşdirən bir sənət olduğunu bir daha təsdiqləmişdir.
2009-cu il 18-20 mart tarixində “Muğam Aləmi” l Beynəlxalq
Festival çərçivəsində muğama həsr olunmuş elmi simpozium təşkil
olunmuşdur. Beynəlxalq Muğam və muğama qohum musiqi
-
27
-