145
Mehdi bu işi öz öhdəsinə götürmüşdü.Şikayətçiləri qardaşının yanına beş-beş
buraxırdı.
Əldən düşmüş arıq bir qoca əsasına dirənə-dirənə Qaçaq Nəbiyə yaxınlaşdı.
Əlindəki kağızı bilmədi Həcərə versin, yoxsa Nəbiyə, Qaçaq Nəbi kağızı qocanın
titrək əlindən özü aldı:
-Əmican, dərdin nədir?
Qoca udqunub utana-utana sızıldadı:
-Oğul, başına dönüm, molla Əhməd hamısını ora yazıb. Bizim o keçəl koxanı,
yəqin, tanıyırsan. Ala Mahmud bəyi deyirəm e… Mən özüm Xocikdənəm.keçən
şənbə günü mal nobatına gedəndə Ala Mahmud bəy gəlib Pəriçınqılında mənim
alaçığımı ələk-vələk eləyib. Yaxşı ki, aparmağa gözədəyən şey dəymiyib…Axırda
bir gavahınım vardı, aparıb Gorusda təzəcə zoddatmışdım, onu götürüb gedib.Heyf
ondan, lap qılınc kimi gavahın idi.
Qaçaq Nəbi gülümsəyib mehribanlıqla xəbər aldı:
-Əmican, koxaya neyləmisən ki?
-Ay oğul, elə onu de də!...Vallah, biədəb eşşəyə gücü çatmır çıxmasa da…
palanı toqqaşdayır, sizə gücü çatmır, acığını bizdən alır. Deyir ki, qaçaqlar
Pəriçınqılında olanda mən onları görmüşəm…
Qaçaq Nəbi məktubu oxuyandan sonar Həcər xanıma dedi:
-Keçəl koxaya bir kağız yaz. Yaz ki, bu kişini incitmə.Əgər incitsən, sənin
də ev-eşiyini dostun Kərbəlayı Cəfərin ev-eşiyi kimi yandıracağam. Yaz ki, kişinin
gavahınını gətir ver özünə…
Həcər xanım kağızı qocaya verdi:
-Əmican, əgər işdi koxa gavahınını verməsə, bizə xəbər göndər.Qoca
kişisən, özün zəhmət çəkib bir də Ərzə qayaya gəlmə.Biz özümüz əncam çəkərik.
Qoca dilində dua camaatın arasından yoxa çıxdı.
Şalvarının dizləri süzülmüş, ayaqyalın, ovurdları batıq, saqqallı bir kişi irəli
yeridi. Onun açıq, çal sinəsi həyəcandan qabarırdı.Kişi tükü tökülmüş buxara
papağını qoltuğuna vurub, qaçaqların qabağında diz çökmək istədi. Qaçaq Nəbi
onun qolundan yapışıb qaldırdı:
-Əmican, mənim belə şeydən xoşum gəlmir.Şikayətin kimdəndir?
Qocanın qurumuş dodaqları büzüldü. Qırış basmış balaca, bulanıq
gözlərindən iki gilə yaş qopub Qaçaq Nəbinin əlini isitdi. Qoca uçuntulu
barmaqları ilə tərli papağının içindən bir kağız çıxartdı:
-Qadan canıma, Nəbi, al oxu.
Kağız tərdən islandığından xətlər bir-birinə qarışmışdı.Qaçaq Nəbi nə qədər
çalışdısa da ərizəni oxuya bilmədi.
-Əmican, dilcavabı de görüm.
-Sənə canım qurban, Nəbi… Yəqin, iranlı Canavarpapaq Qara Nəbinin
adını eşitmiş olarsan. O quldurun əlindən bilmirik hara qaçaq. Gözümüzün ağı-
qarası bir öküzümüz vardı. O günü sizin adınızla gəlib öküzümü ağulda gönnəyib.
– Kişini qəhər boğdu, sözünü tamamlaya bilmədi. Xəcalətdən qabarlı əlinin dalı ilə
üz-gözünü qapadı: Hə, oğul, o kafir oğlu heyvanı erməni qibləsinə kəsmişdi, heç
əti də vecə gəlmədi… Həmin gecə bizim qonşunun da iki atını apardı. O
quldurbaşı köpəkoğlu kəndimizə yaman vaynövsə salıb…
146
Qaçaq Nəbi əlini qocanın çiyninə qoyub onu silkələdi:
-Fikir eləmə, ay əmi, hər şey düzələr. – Sonra o, əlini cibinə salıb beş
onluq qızıl çıxartdı: - Al bu onluqları, get özünə öküz al. Qaldı o Canavarpapaqla
biz özümüz hesablaşarıq. O əclaf bizim qaçaqların adı ilə çox işlər görür.
Kişi qızılı alıb ovcunda sıxdı. O, elə bil yuxu görürdü. Xəyalında birdən-birə
şirin arzular cücərdi, ovcundakı qızılla gah torpaq, gah öküz, gah da at almağa
başladı… Qızını da köçürürdü…
Qaçaqlardan bir neçəsi alaçıqların qabağında şikayətə gələnlərlə söhbət
edirdi. Karapet nə isə əlini ölçə-ölçə danışır, arabir Topalın adını çəkirdi:
-Nəbi kirvə and içib, lap Kərbəlayı Capar qubernatorun ağzına girsə də
onu dişlərinin arasından çıxardacaq! O, haranın tulasıdır Gözəl xalanın kürəyinə
qaynar samovar şəlləyə?!
Qaçaq Nəbi Karapeti çağırdı:
-Ey, dostum, o quldur Qara Nəbi bu kişinin öküzünü gönnəyib; ona karlı
bir yük atı bağışlayın, qoyun aparıb qaçaqların sağlığına işlətsin.
-Baş usta, Nəbi! Kərbəlayı Cəfərin yük atlarından birini verərəm
aparar.Gəl əmi, gəl bura, gedək ata bax, gör bəyənirsənmi?
Yastısifət, kürən bir kişi ağ dəsmallı başını Qaçaq Nəbinin qarşısında əydi:
-Nəbi qardaş, mən Başkənddən gəlmişəm.
-Hə, bizim Şahhüseynin kəndindən?
-Bəli.
Qaçaq Nəbi ətrafa boyandı. Mehdi qardaşının baxışlarından onu çağırtdığını
duydu:
-Məni istəyirsən?
-Yox, Şahhüseyn hardadır?
-Keşikdə dayanıb, lazımsa çağırım.
-Elə isə qoy dayansın. Deyirdim ki, öz kəndlisinin şikayətinə özü baxsın.–
Qaçaq Nəbi böyründə ərizələri oxuyan xanımına göz qoydu.“Sənin adamların
gəlib” demək istədi, ancaq onu işdən ayırmağa dili gəlmədi. – Əmican, de görüm
nə olub?.. Kərbəlayı Heydər əlini tapdı, ya ox?!
Həcər xanım koxanın adını eşitcək başını astaca qaldırdı. Sifəti elə qızardı
ki, az qala yanağındakı xal yanacaqdı.
Qoca dedi ki, gərək onun da ev-eşiyini Kərbəlayı Cəfərinki kimi
oddayaydınız, düşəydi çöllərə. Çolaq köpəkoğlu bizə yenə göz verib, işıq vermir,
özü də deyir hara şikayətə gedirsiniz gedin, heç kimdən qorxmuram.Kürəyini də
söykəyib Naxçıvandakı o böyük urus naçənniyi Slavçinskiyə.Arxalı köpək qurd
basar. Başkəddə yenə hər gün su davasıdır. Elin bağ-bağatı əldən gedir, ağaclar
quruyur. Həcər bacı gərək onun biləyini yox, başını vuraydı.Onda bizim canımız o
əzazil koxanın əlindən birdəfəlik qurtarardı.
Qaçaq Nəbi duran yerdə Həcər xanım heç vaxt söhbətə müdaxilə
etməzdi.Ər-arvad arasında pərdə var idi.Həcər xanım bu pərədəni həmişə saxlardı.
-Əmican, bu dəfə koxa Kərbəlayı Heydərlə Nəbi özü danışar. Şikayətnaməni
ver ona…