147
Qaçaq Nəbi Slavçinskiyə və Başkəndin koxası Kərbəlayı Heydərə məktub
yazdı.Məktub hədə ilə dolu idi. Qaçaq nəbi şallağının sapındakı möhürü vurub
qocaya verdi:
Əmi, bunu çatdırarsan naçalnikə. Əgər naçalniki tapmasan, verərsən koxaya,
sonrası ilə sənin işin olmasın.
Yay günəşi Ərzə qayanın düz kəlləsində idi.Ancaq istilik hiss olunmurdu;
dərələrin boğazında işıldayan xarlanmış qar tarları ətrafa sərinlik yayırdı.Daşlardan
sizan minbir avazlı buz bulaqlar yenə könülaçan nəğmələr oxuyurdu.Ərzə qayanın
çiçəkli sinəsində ağlı-bozlu qoyun-quzu sürüləri mələşirdi. Bir az aşağılarda qızmış
buğalar boynuzlarını yarğanlara dirəyib torpağı başına sovurur, gücləri gəldikcə
böyürürdü. Günəşə doğru millənən sütün-sütün qırmızımtıl qayalar bu səsləri
sinəsinə çəkib daha da gücləndirir, uzaqlara, lap uzaqlara yayırdı.
Cavan bir çoban ətəyinə yığdığı narın duzu ovuclayır, yalamaqdan ortası
çökələn duzlaq daşlarının üstünə səpirdi.Qoyun-quzular bir-birini burunluya-
burunluya daşların başına yığışırdı, atlar quyruqlarını çalırdı.Mıxa bağlanmış
uzunqulaqların belinə çoxlu qarğa qonmuşdu.Ot biçməkdən gələn çiyni kərəntili
kəndlilər daş atıb qarğaları qovurdular.
-A kişi!...Qanadı sınmışlar heyvanın ətini necə didir?!
-Heç qorxuları-zadı yoxdur, lap sırtıq koxalara dönüblər.
Saf və sərin dağ mehi tər çiçəklərin, yaşıl otların saçlarına incə-incə daraq
çəkirdi.Bənövşənin, kəklikotunun, qantəpərin, dağ nanəsinin ətri duyulurdu.Lalələr
ağzını qızıl piyalələr təki açmışdı.Arılar lalələrin qara tacında zümzümə edirdi.Ağ
və qızıl güllərin kəpənək qanadından seçilməyən zərif telləri mehdən titrəyirdi.
Göz dincəldən bu qəşəng mənzərədən Qaçaq Nəbi xəbərsiz idi.“Gör nə
qədər şikayətə gələn var. Gərək bunların hamısına əncam çəkəm”.Qaçaq Nəbinin
əlacı olsaydı, min yerə bölünər, hər bir ərizənin ardınca özü gedərdi.
-Ax… tacir köpəkoğlu!...
-Hə, qadan canıma, mənim şikayətim o tacirdəndir.
-Tacir sənə neyləyib, əmi?
-Ay oğul, demə mən onu tanımamışam, hiyləgərin biri imiş. Sən Təbriz
qazmatında olanda gəlmişdi Xocahan bazarına, mən də xalça satırdım. Məndən beş
əntiqə Xanlıq xalçası aldı. Məni tutdu şirin dilə, dedi ki, bu xalçalarını bir neçə
aylığa ver mənə, çeşnisini götürdüb sonar qaytarım. Mən boynusınmışda allandım.
Indi nə pulunu verir, nə də xalçalarımı. Dərdimi kimə deyirəm-baxan
yoxdur.Getdim naçalnik Səlim bəyin yanına. Tacir Hacı Fərəcoğlunun adını çəkən
kimi məni yasavullara o ki var döydürdü…
-Əmican, mən İranda o tacirin başına oyun açmışam.Mayasıda əlindən
çıxıb.Yenə də ona öftə olmur. Tacir tayfası belədir: müştərilərini altadtmasa-ölər,
al bu kağızı ver ona, əgər xalçalarının haqqını beşqat artıq qaytarmasa, mənə xəbər
göndərərsən.
Kişi razılıq edə-edə kağızı papağının içinə qoyub atlandı.
Sinəsi açıq, boğazının damarları çıxmış, seyrəksaqqal, çəlimsiz bir qoca
Həcərə yaxınlaşdı:
-Qızım, mən sənin atan Kərbəlayı Xanalı ilə yaylaq qonşusu olmuşam.
Atan mənim xətrimi o iki qardaşın qədər istəyir… Mən dərdimi ona danışdım.
148
Atan mənə dedi ki, Həcər xanımgil Ərzə qayada olacaqlar. Get şikayətini onlara
elə… Qızım, qoca kişiyəm, məni bağışla, uzunçuluq eləyib başını ağrıdıram, sən
çovuş Kərbəlayı Pirverdini tanıyırsan?
-Tanıyıram.
-Qızım, allah onun bəlasını versin. Görüm getdiyi Kərbəla ona qənim
olsun. Keçən qış məndən üç manat qızıl pula alıb ki, rəhmətlik atam Cümşüdün
əmanətini aparsın Kərbəlaya. Sonar zəvvarlardan eşitdim ki, səhrayi-birabanın
birində çovuşun atı yorulub, mənim atamın əmanətini atıb yolun ortasına. Qızım,
bəs belə də müsəlmançılıq olar?!Kimə dərdimi deyirəm, ağzımdan vurur. Lap
Tiflisə Şeyxul-İslamın yanına getmişəm. Şeyx məni göndərib Zəngəzur qazısının
yanına. Getmişəm qazının yanına, o da dedi ki, get dərdini Molla Əhmədə de,
Molla da mənim ağzımı boza Verdi. Dedi ki, a kişi sən dünya görmüş adamsan,
mən çovuşa bir söz deyə bilmərəm; şahidin, sübutun yoxdur, bəlkə çovuş.
Kərbəlayı Pirverdiyə şər atırsan.Işi divana salsan, səni basarlar qoduqluğa. Get fas-
farağat otur yerində, çovuşu dilə-dişə salma…
-Əmican, indi çovuş hardadır?
-Nə bilim, ay qızım, heç bir yerdə dayanır ki!...Gecə-gündüz kaftar kos
təki qəbir eşir.Deyirlər ki, bu yaxınlarda gələcək Sisyan mahalına.
-Əmican, sən arxayın get evinə, biz o çovuşu tapıb dərsini birdə verərik…
-Allah sənin qardaşlarını saxlasın. Allah səni atana çox görməsin.
Ucaboy, saçları tamam ağarmış, dikburun, sifəti misə çalan bir oğlan dərdini
Qaçaq Nəbiyə odlu-odlu danışırdı:
-Hə, qardaş, mənim bəxtim-taleyim belədir… Soflu Əsəd yüzbaşı mənim
başıma belə iş gətirib. Axırda kəbinli arvadımı əlimdən aldı.Daha mən nə üzlə
kəndə dönə bilərəm?! Arazı olsan, elə bu gündən qoşularam sizə, gedib Əsəd
yüzbaşıdan intiqam alaram.
Qaçaq Nəbi sofulu Balakişinin adını çoxdan eşitmişdi.Eşitmişdi ki, igid
oğlandır.Neçə dəfə Əsəd yüzbaşı ilə otlaq üstə, torpaq üstə, su üstə davaları
olub.Bir-iki dəfə də düşüblər divanxanaya.Əsəd yüzbaşı rüşvət verib, Səlim bəyin
əli ilə Balakişini bir ay basdırıb Gorus həbsxanasına. Balakişi qazamatdan
çıxandan sonar da Əsəd yüzbaşı onunla yola getmir. Axırda da kişini el içində
bihörmət eləmək üçün onun namusuna sataşıb.
Nəbi son əmrini Verdi:
-Get Mehdidən silah al!
Üst-başı yamaqlı, üzgün, yekəpapaq bir erməni Qaçaq Nəbiyə yaxınlaşıb
gözünün gorasını sıxdı:
-Başına pırlanıb, ay kibrə qarababalı hampa Sərkis gecə-gündüz bizi aparıb
biyarda eşşək kimi işlədir. Biz də axı adamıq. Nəbi kibrə, sən oğlunun canı, ona bir
qulaq burması ver, bundan sonra pağır-puğaraya bulaşmasın... Bizim qonşu
Arakel və hampa Sərkisdən şikayətə gələcəkdi. Yazıq xəstələndi deyə gələ
bilmədi. Dedi ki, məndən Nəbi kibrəyə salam de. Harda olsa, gəlib onu tapacağam.
Dərdim böyükdür...
Qaçaq Nəbi qoçanın ərz-halına diqqətlə qulaq asandan sonra onunla erməni
dilində danışmağa başladı. O, ermənicə elə təmiz danışırdı ki, qoca məəttəl