31
Enerji (güc)
Həndəsi,
Kinematik
Brabender
farinoqrafı,
Bolşakov-
Fomin cihazı; güc-məsafə diaqramını
göstərən cihazlar
Üçüncü metod zamanı gərginlik sabiti cihazın hərəkətli hissəsinin dəyişməz kütləsindən
asılıdır. Ölçmə müddəti adətən sabitdir (180 – 300 s) və relaksasiya müddətinə nisbətən, bir
qədər böyük götürülür. Cihazlarda xüsusi formalı indentorun materialında baş verən yüklənməni
ölçürlər ki, bu da son həddə sıfra bərabər olur.
Dördüncü metod «güc-yerdəyişmə» koordinatlarında alınan diaqramın sahəsi boyunca
yerdəyişmə enerjisini, ordinat oxu isə diaqramda qüvvəni göstərir. Bundan başqa, bu tip
cihazlarda, özü yazan və qeyd edən vattmetr və ya sayğac varsa, enerji gücə görə hesablanır.
M.P.Volaroviçin təsnifatına görə reoloji tədqiqat metodlarını və cihazları iki qrupa
ayırmaq olar: inteqral və diferensial. İnteqral metodlar ümumi axma effektini müəyyən etməyə
imkan verir. Diferensial metodlar dispers sistemin axması zamanı onun hər bir nöqtəsində
yerdəyişməni vaxtında müşahidə etməyə imkan verir. Diferensial metodlar stukturlu sistemlərin
mürəkkəb axma hadisələrinin tədqiqi zamanı gərginlik sahəsində dəyişiklikləri və
deformasiyaları müşahidə etməyə imkan verir.
Bu zaman müşahidələr vizual şəkildə, eləcə də rentgenin, mikrokinoçəkilişin köməyi
və s. ilə aparılır. Diferensial metodlar tədqiq olunan hadisənin yalnız keyfiyyət xarakteristikasını
almağa imkan verir. Məsələn, özlü-plastik materialın iki silindr arasında axmasının tədqiqi
zamanı M.P.Volaroviç əməkdaşlarla birlikdə işə başlamazdan əvvəl materialın səthinə
alüminium tozu sürtmüşlər. Deformasiya zamanı ( daxili silindrin fırlanması zamanı) materialın
səthində iki sahə aydın görünmüşdür: a) plastik axma zonası; b) elastiklik zonası (şək. 2.1)
İnteqral metodlar axmanın ümumi effektini
müşahidə etməyə imkan verir. Tədqiqat şərtlərindən asılı
olaraq, model təhlilinin köməyi ilə hər bir ayrıca hal üçün
sistemin mexaniki xassələrinin qoyulan məsələnin həlli üçün
vacib olan müstəqil xarakteristikalarının sayını müəyyən
edirlər. Kapilyar və rotasiyalı viskozimetriya, konusun tətbiqi,
b
a
ω
Şək. 2.1. Özlü-plastik
deformasiyanın
sxemi
32
lövhənin uzununa yerləşdirilməsi, eləcə də diyircəkli vizkozimetrlər daha mükəmməl hesab
olunurlar.
2.2 Reometrlərin təsnifatı
Reometrik tədqiqatların planlaşdırılmasında və təşkilində cihazların və tədqiqat
metodlarının təsnifatı mühüm rol oynayır. M.Reyner reometrləri 3 tipə bölür:
1. Bircins deformasiyaların baş verdiyi cihazlar. Məsələn, bərk cisimlərdə dartılma və
sıxılmanı təcrübədən keçirmək üçün maşınlar.
2. Laminar yarımbircins deformasiyaların baş verdiyi cihazlar, burada qeyri-bircins
deformasiyasının
nəticəsi
olan
rəqəmlərin
işlənməsi
empirik
(təcrübi)
nəticələrin
inteqrallaşdırılmasını və diferensiallaşdırılmasını tələb edir. Buna misal olaraq rotasiyalı və
kapilyar viskozimetrləri göstərmək olar.
3. Daha mürəkkəb növ deformasiyaların baş verdiyi cihazlar. Məsələn, düşən diyircəkli
viskozimetrlər.
Fiziki-kimyəvi əsaslandırılmış reoloji xassələrin öyrənilməsi üçün cihazları mütləq,
nisbi və şərti olmaqla 3 yerə bölmək olar.
Birinci qrup cihazlarda öyrənilən xassələrin qiymətlərini mütləq vahidlərlə alırlar. İkinci
qrup cihazlarda işləyərkən etalon nümunələrdə onların ilkin tarirovkasını həyata keçirirlər ki,
onların da xüsusiyyətləri sınaq şəraitində əvvəlcədən məlumdur. Eksperimentlər nəticəsində
nisbi qiymətlər alınır və onlar qrafiklərin köməyilə hesablanaraq asanlıqla mütləq kəmiyyətlərlə
ifadə edilir.
Üçüncü qrup cihazlarda verilmiş cihaza xas olan bir qədər şərti qiymətlər alınır. Bu şərti
göstəricilərdən müxtəlif kütlələrin müqayisəsi, eləcə də istehsal prosesində texnoloji və digər
amillərin sınaq materiallarına təsirinin öyrənilməsi üçün istifadə edilir. Onlar yalnız keyfiyyəti
müəyyən edir, maşın və avadanlıqların hesablanması üçün istifadə edilmir.
Birinci iki qrup cihazlarda alınan nəzəri cəhətdən əsaslanmış məlumatlar həm ərzaq
məhsullarının keyfiyyətinin qiymətləndirilməsi, həm də maşınların işçi hissələrinin
hesablanması, onların səmərəli iş rejimlərinin seçilməsi üçün tətbiq oluna bilər.
İstehsalatda tədqiqatların aparıldığı şərtlər, eləcə də tətbiq edilən metodlar və cihazlar
qoyulmuş məsələdən asılı olaraq müəyyən edilir. Buna uyğun olaraq, qida materiallarının
struktur-mexaniki xassələrinin ölçülməsi üçün nəzərdə tutulan cihazlar dörd qrupa bölünür:
33
1) sənaye cihazları, bilavasitə texnoloji avadanlıqların üzərində və kütlələrin xassələrini
axında qeyd edirlər;
2) laboratoriya cihazları kütləvi istifadə və texnoloji proseslərə sürətli nəzarətin
aparılması üçün nəzərdə tutulmuşdur;
3) müəssisələrin laboratoriyalarında daha dərinləşdirilmiş sınaqların aparılmasına imkan
verən cihazlar;
4) elmi-tədqiqat məqsədləri, materialların bəzi spesifik fiziki xassələrinin ölçülməsi
üçün nəzərdə tutulmuş cihazlar.
Hər hansı bir materialın reoloji xassələrinin öyrənilməsi üçün tədqiqat metodlarının
seçilməsi zamanı bəzi şərtlərin emal maşınlarında olmasını da nəzərə almaq lazımdır.
Bəzi hallarda bir məhsulun reoloji xassələrinin müxtəlif metodlarla ölçülməsi müxtəlif
nəticələr verə bilər. Bu onunla izah olunur ki, hər bir ölçü metodu cihazın müəyyən həndəsi,
kinematik və dinamik parametrlərlə və təcrübənin aparılması şərtlərilə izah olunur. Göstərilən
parametrlər və şərtlər nəzəri müddəalara əsaslanır ki, onların işlənməsi zamanı həmişə müəyyən
ehtimallar tətbiq edilir. Elmi əsaslandırılmış sınaq metodları zamanı ölçülən parametrlər ölçmə
üsulundan və cihazın konstruksiyasından asılı olmayaraq eyni qiymətlər almalıdır.
MÜHAZİRƏ 7
Yerdəyişmə xassələrinin ölçülməsi üçün cihazlar
Plan:
1.Rotasiyalə viskozimetrlərin yeyinti sənayesində tətbiqi.
2.Rotasiyalı viskozimetrlərin quruluşu.
3.Rotasiyalı viskozimetrləriniş prinsipi.
4.rotasiyalı viskozimetrlərin növləri.
6.Kapilyar viskozimetrlərin mahiyyəti.
7.Müxtəlif kapilyar viskozimetrlərin modelləri
Yerdəyişmə xassələri məhsulların səthlərinin toxunaraq yerini dəyişməsi zamanı üzə
çıxır. Göstərilən xassələrin ölçülməsi üçün cihazlar iş prinsipinə görə aşağıdakı qruplara bölünür: