Fənnin adı:
Fövqəladə halların təhlükəli faktorları
Mövzu: 16.Torpağın vəziyyətinin və atmosfer tərkibinin dəyişməsi ilə
əlaqədar olan fövqəladə hadisələrin xüsusiyyətləri.
Mühazirəçi:
E.K.Qafarov
Mühazirənin planı :
1. Torpağın vəziyyətinin dəyişməsi ilə əlaqədar olan fövqəladə hadisələr.
2. Atmosfer tərkibinin dəyişməsi ilə əlaqədar olan fövqəladə hadisələr.
Ədəbiyyat:
1. Ocaqov H.O., Nağıyev. N.T., Muxtarov .R.M ,Müliki müdafiə Bakı -2011. 397 s
2.C.N.Qasımov .,N.Z.Abdullayev. Fövqəladə halların təhlükəli amilləri Bakı -
2017. 390 səh.
3.С.В.Ефремов,В.В.Цаплин.Безопасность в чрезвычайных ситуациях.Санкт-
Петербург,2011 .253 səh.
4. Сычев, Ю. Н. Безопасность жизнедеятельности в чрезвычайных ситуациях
- М.: Финансы и статистика, 2015. - 224 c.
5. H.O.Ocaqov. Fövqəladə hallarda həyat fəaliyyətinin təhlükəsizliyi (Mülki
müdafiə) Bakı 2010, səh.388
6.Ocaqov H.O., Hacıyev A.İ.Sabitliyi pozan amillər və onların nəticələrinin
xarakteristikası. Bakı-2003. 189 səh.
7.
Fövqəladə halların təhlükəli amilləri
fənni üzrə elektron mühazirələr
toplusu.Bakı-2021 (azmiu.edu.az)
Bakı-2021
1. Torpağın vəziyyətinin dəyişməsi ilə əlaqədar olan fövqəladə hadisələr.
Yer səthində sürüşmələr, uçqunlar, çökmələr və s. həm təbii proseslər nəticəsində,
həm də çox vaxt insanın təsərrüfat fəaliyyəti nəticəsində, yəni antrologen amillərlə
əlaqədar olaraq baş verir.
Respublikamızda geniş geoloji-kəşfiyyat işləri aparılır. Bu işlər müxtəlif qazıntı
işlərinin - neft quyularının, şaxtaların, karyerlərin, lağımların, dərin xəndəklərin və
b.k. aparılması ilə müşayiət olunur. Dağlıq, təpəlik
relyefli yerlərdə geoloji
kəşfiyyat işlərinin aparılması çox vaxt torpaq
sürüşmələrinin aktivləşməsinə,
eroziyaya və digər proseslərə səbəb olur.
Faydalı qazıntıların işlənməsi zamanı ölkəmizdə milyonlarla hektar sahə sıradan
çıxır və hər il belə sahələr on minlərlə hektar artır.
Dərin çalaların açıq üsulla işlənməsində torpağın erroziyası, deflyasiyası,
sürüşmələri, uçqunları, çökmələri kimi hadisələr təzahür edir. Bu proseslər faydalı
qazıntıların yeraltı üsulla işlənməsində də təzahür edir.
Yer səthinin vəziyyətinin dəyişməsi ilə əlaqədar olan fövqəladə hallar torpağın ağır
metallarla kimyəvi çirklənməsi nəticəsində də baş verə bilər.
Kimyəvi çirklənmə
dedikdə, mühitin təbii kimyəvi xassələrinin dəyişməsi və ya mühitə orada olmayan
kimyəvi maddələrin daxil olması,
həmçinin,
mühitdə kimyəvi maddələrin
qatılığının fon qatılıqdan çox olması nəticəsində
formalaşan ətraf mühitin
çirklənməsi nəzərdə tutulur. Lazımsız yerdə, lazımsız vaxtda və lazımsız miqdarda
aşkar edilən bütün maddə və birləşmələr kimyəvi çirkləyicilər hesab edilir.
Torpağın ən təhlükəli çirkləyicilərindən biri
də atom çəkisi böyük olan civə,
qurğuşun, sink və digər ağır metallardır. İnsanın fəaliyyəti nəticəsində ağır
metalların torpaqda yol verilən həddən artıq miqdarda yayılması canlı
orqanizmlərin və bitkilərin zəhərlənməsinə və ya məhv olmasına səbəb ola bilər.
Ağır materialların yol verilən qatılığı (YVQ) onların torpaqda elə miqdarına deyilir
ki, bu zaman onlar torpağa və orada bitən bitkilərə uzun müddət təsir etdikdə belə
bioloji proseslərə patoloji və ya anomal təsir göstərmir, həmçinin, kənd təsərrüfatı
bitkilərində zəhərli elementlərin toplanmasına
səbəb olmur, deməli, insanın və
heyvanatın bioloji tarazlığını poza bilməz.
İnsan fəaliyyətinin torpağa mənfi təsirlərindən biri də onun tənəzzülə uğraması,
yəni pisləşməsidir.
Dostları ilə paylaş: