tbn Hövqəl (səh. 393) bildirir: Abeskundan Xəzər ölkəsinə — 300 fər- səx,
Təbəristandan Bab ül-Əbvaba — bir həftə, İtildən Səməndərə — 8 gün. Səməndərdən
Bab ül-Əbvaba — 4 gün yoldur.
Sərir padşahlığı ilə Bab ül-Gbvab arasında — 3 gün yoldur.
İtildən Burtaslar hüdudunun başlanğıcına — 20 gün: bu hüdudların
başlanğıcından onun son hüdudlarına təqribən — 15 gün, Burtaslar (ölkəsindən)
peçeneqlərə — 10 gün, İtildən peçeneqlərə — bir ay, İtildən Bulqar çöllərinə təqribən
— bir ay, su yolu ilə isə iki ay, Bulqardan Rum hüdudlarının başlanğıcına təqribən —
10 gün, Bulqardan Kuyabaya təqribən — 20 mənzil yoldur. Peçeneqlərdən başqırdlara
~ 10 gün və başqırdlardan Bulqa- ra — 25 mənzildir.
İdrisi (səh. 337) bildirir: İtildən Səməndərə —
8
mənzil. Səməndərdən Bab
ül-Əbvaba — 4 mənzildir.
Təbəristandan Bab ül-Əbvaba, küləyin istiqamətində hərəkət etməklə, 7 mənzil;
külək olmazsa — 9 mənzil yoldur,
8. VIII—IX əsrlərdə Azərbaycanda
etnogenez problemi
İslamın başlanğıc dövründə hər hansı ərəb tayfasının
Azərbaycana köçməsi haqqında ərəb tarixçilərinin heç birində
məlumata rast gəlmirik. Bu cəhət bizə əsas verir iddia edək ki, həmin
dövrdə istilaçılar üçün yeni olan ölkələrdə onların vəziyyəti möhkəm
olmadığına görə bu ölkələrə əhali köçürdüb yerləşdirməyin
qeyri-mümkün olduğunu hesab edən ərəblər yeni ölkələrdə yalnız iri
şəhərləri və qovşaq məntəqələrini işğal edərək, bunlarda rabitə
yollarını qorumaq üçün kiçik qarnizonlar®^® saxlayırdılar, qoşunun
əsas hissəsi isə ərazi tamamilə ərəblərin əlinə keçənədək ölkənin
içərilərinə doğru irəliləyirdi.
Ərəb qoşunlarında hər birləşmə hərbi səfərlərdə və
müharibələrdə dörd il ərzində iştirak edirdi. Bundan sonra ordu
toplandığı doğma yerinə qayıdır, onun əvəzində isə sonrakı dörd il
üçün yeni ordu göndərilirdi. Təbərinin verdiyi məlumata görə,
ərəblərdə bu qayda yeni Ölkələrin işğalının başlanğıc dövründə
mövcud idi. "Kufə qoşunlarının hərbi səfər etdiyi vilayətlər Rey və
Azərbaycan idi. Bu iki diyarda Kufə əhalisindən on min döyüşçü var
idi və bunların altı mini Azərbaycanda, dörd mini isə Reydə
yerləşdirilmişdi. Bu zaman Kufədə qırx min nəfərlik qoşun var idi.
Bunlardan hər iki diyara edilən səfərlərdə yalnız on min döyüşçü
iştirak edirdi, beləliklə, hər bir əsgər hərbi səfərdə dörd il ərzində bir
dəfə iştirak edirdi".®^®
İstila edilmiş ölkələrə ərəblərin köçməsi və bu ölkələrdə məskən
salması yalnız həmin ölkələr tamamilə işğal ediləndən, yeni ələ
keçirilmiş ərazidə ərəb hakimiyyəti möhkəmləndikdən sonra
başlandı.
148
Başqa ərazilərin əhalisinin Azərbaycana ilk dəfə köçüb gəlməsi
haqqında Bəlazuri məlumat verir: "Valid ibn Uqbə Azərbaycana
gələndə əl-Əşəs ibn Qeys də onunla idi. Valid Azərbaycanı tərk
edərkən əl-Əşəsi Azərbaycanın hakimi təyin etdi. Lakin
[Azərbaycan] müqaviləni pozdu (üsyan etdi — Z.B.) və [əl-Əşəs]
Validdən kömək istədi, o da Kufə əhalisindən təşkil olunmuş böyük
bir ordunu onun üçün göndərdi. Əl-Əşəs ibn Qeys [üsyançıları]
bağdan-bağa təqib edərək [Azərbaycanı] Xuzeyfə və Uqbə ibn
Ferqədin bağladıqları müqavilə şərtləri əsasında itaətə gətirdi, sonra
təqadüd (əta) alan və divan [hesabında] sayılan ərəbləri oraya
köçürdü və onlara əmr etdi ki, əhalini islama dəvət etsinlər".
Əməvi xəlifələri ilk ərəb müstəmləkəçilərinə Azərbaycanda
torpaq verib onları oturaq həyat tərzinə keçirməklə, eyni zamanda iki
məqsədə nail olurdular: birincisi, xəzinəni təqaüd vermək
xərclərindən azad edir və ikincisi, yeni tutulmuş vilayətlərdə
ərəblərin hakimiyyətini möhkəmləndirirdilər. Lakin əvvəllər
köçənlər yalnız ayrı-ayrı şəxslərdən ibarət olduğu halda, tezliklə
bütöv tayfalar yeni torpaqlara köçməyə başladılar.
Bəlazuri bildirir: "Ərəblər Azərbaycanı tutduqdan sonra iki
mahaldan [Kufə və Bəsrədən] və Suriyadan ərəb tayfaları oraya
getdilər və onlardan hər biri bacardığı qədər [torpaq] tutdu. Bəziləri
isə ərəb olmayanların [əcəmlərin] torpağını satın alırdılar. Bundan
əlavə, kəndləri qorumaq onlara həvalə olundu və beləliklə də, həmin
kəndlərin əhalisi onların qulluqçusu oldu".®^^
Bu xəbəri verən müəllif hansı tayfanın birinci olaraq
Azərbaycana köçməsi və hansı tayfanın harada məskən salması
haqqında məlumat vermir. Aydındır ki, Azərbaycana köçən ilk
tayfalar müəyyən bir qrupa mənsub olmayıb, şimal, orta Ərəbistan və
cənub tayfalarından, yəni qeysilər, nizarilər və qəhtanilərdən ibarət
idi. Yəqubinin dediyinə görə. Abbasilər hakimiyyət başına
keçməzdən əvvəl, Azərbaycana yalnız şimal tayfalarından Rəbiə və
Mudar nizariləri k ö ç ü r d ü l ə r . H ə m i n əl-Əşəs Azərbaycanın
hakimi olanda, "təqaüd alan ərəblərin müəyyən qismini Ərdəbilə
köçürdü".
Ərəb tayfalarını Arrana köçürmək məsələsində isə vəziyyət
başqa cür oldu. Bu ölkə ərazisinə soxulan ərəb orduları burada
xristianlara (əhl əl-kitab) rast gəldilər; ərəblərin bunlarla
münasibətləri isə tamamilə başqa cür qurulurdu. Bundan əlavə,
ərəblər Arranı istila edərkən, ölkəni öz nəzarəti altında saxlayan
qüdrətli düşmənlə — xəzərlərlə qarşılaşdılar.
149
Yüz ildən artıq davam edən ərəb-xəzər müharibələri ərəbləri
məcbur etdi ki, xristian ölkəsində öz ağalıqlarını möhkəmlətmək
üçün istehkamh məntəqə və şəhərlərə ciddi diqqət yetirsinlər. Ərəblər
Arranm bütün strateji cəhətdən mühüm məntəqələrində qarnizonları
olan möhkəmləndirilmiş hərbi məskənlər (rə- batlar) yaratmağa
başladılar. Bu qarnizonların maddi cəhətdən təminatı yerli əhalinin
boynunda ağır bir yük idi.
Rəbatlarda başlıca olaraq, xəlifədən maaş almayan və "mü-
tatəviyyə" adlanan qoşun toplanırdı. Həmin yerlərdə bütöv tayfalar
məskən salıb yerli əhaliyə məxsus ən yaxşı yerləri tutur və qəbilə
ağsaqqallarını məcbur edirdilər ki, istehkamh yerləri onların
ixtiyarına versinlər. Onlar həmin adamların qadın və uşaqlarını girov
götürürdülər ki, onların əleyhinə çıxmasınlar.
Arran əhalisinin torpaqlarını tutan ərəblərin bu torpaqları öz
əsgərlərinə verdiklərini ərəb tarixçiləri də təsdiq edirlər. Bəlazuri
bildirir ki, ərəblər Dərbəndi aldıqdan sonra dərhal Xilafətin şimal
hüdudlarında bu şəhərin hakim mövqe təşkil etdiyinə diqqət
yetirdilər. Buna görə ərəblər Dərbənddə Xilafət torpaqlarını
xəzərlərin hücumundan qorumağa qadir olan çox güclü bir qarnizon
saxlayırdılar. Bunun üçün "Məsləmə [ibn Əbd ül-Malik] Bab
ül-Əbvab şəhərinə Suriya əhalisindən iyirmi dörd min əsgər köçürdü
və onlara müəyyən məbləğdə maaş (əta) təyin etdi".®®®
Ərəblər Bərdə, Beyləqan, Qəbələ və digər Arran şəhərləri
ətrafındakı torpaqları da eyni qayda ilə tutmuşdular. Bundan əlavə,
ərəblər Arranda Kasal (Qazax)®®® kimi yeni istehkamh şəhərlər və
şimal sərhədləri boyunca məntəqələr qururdular.®®^ Bütün bu
yerlərdə ərəb qarnizonları rəbatların ətrafındakı kəndlərin hesabına
yaşayırdı, çünki ərəb əsgərlərinin yerli əhalinin mənzillərində
qalması həmin əhalinin istismarından başqa bir şey deyildi.®®®
Vaxtilə V.V.Bartold bu cəhəti düzgün qeyd etmişdir: "Ərəblərin istila
edilmiş ölkələrə mühacirəti, əvvələn, xəlifə canişinləri üçün hərbi
ordugahların qurulması, ikincisi, bədəvi qəbilələri tərəfindən
müəyyən ərazilərin tutulması şəklində ifadə olunurdu. Ordugahlar tez
bir zamanda şəhər həyatının mərkəzi, başlıca olaraq ümumi
müsəlman mədəniyyət növünün yarandığı bir yer olurdu",®®®
Beləliklə, rəbatİ8u*ın vəzifəsi müəyyən rayonda Xilafətin
hakimiyyətini möhkəmləndirmək, sərhədləri qorumaq, yerli əhalinin
baş verə biləcək çıxışlarını yatırtmaq və vergi toplanmasını təmin
etmək idi. Rəbat komandirləri eyni zamanda hə-
150
Dostları ilə paylaş: |