Nərəkimilər – dinozavrların həməsrləri
45
Atlantika (uzunburun)
nərəsi (
A.oxyrinchus) – Labradordan Meksika
körfəzinə qədər Amerikanın Atlantik sahillərində yayılmışdır.
Sayı azalmaqda olan növdür. TQBİ-nin Qırmızı Kitabına
II kateqoriya ilə
daxil edilmişdir.
Uzunburun nərə (A.oxyrinchus) A.sturio Atlantik nərəsinə yaxındır və
bəzən onun Şimali Amerika sahillərində yayılmış yarımnövü də hesab edilir.
Uzunluğu 2,5-3,5 metrə, çəkisi 160 kq-a çatan çox iri balıqdır. XX əsrin birinci
yarısına aid olan ədəbiyyat mənbələrində bu balığın çəkisi 270 kq-a(1932-ci
il) və hətt a 365 kq-a (1924-cü il) qədər olan nəhəng nümunələrinin tutulması
barədə məlumatlar var.
Avropa Atlantik nərəsindən quyruğunun üst yelpiyinin ilə nisbətən
uzun olması ilə fərqlənir. Cavan və yaşlı nümunələri, demək olar ki, eyni
rəngdədir: kürək və baş hissə tünd-göy, hətt a qara,
yan hissələri isə nisbətən
açıq rəngdədir. Pulcuqları açıq, təzadlı rəngdədir. Qarın hissəsi ağ, bəzən
zərif çəhrayıya çalan rəngdə olur. Labrador və S.Lavrentiy çayından Florida-
ya qədər Şimali Amerikanın Atlantiuk sahilləri boyunca, cənubda isə Meksi-
ka körfəzindən Missisipinin mənsəbinə qədər yayılmışdır.
Tipik keçici nərədir. Kürü tökmək üçün Kanadanın və ABŞ-ın bir çox
çaylarına, o cümlədən S. Laurentiy çayına və onun qollarına, S. Con, Dela-
ver, Qudzon, Potomak, Merrimak və Appallaçdan gələn (Şimalı və Cənubi
Karolina, Corciya, Luiziana ştatlarındakı) nisbətən kiçik çaylara daxil olur.
Kürü tökmək üçün çox az – dənizdən cəmi 140-200
km məsafəyə qədər
çaylarla yuxarı qalxır. Nəsil verən balıqların əksəriyyəti çaylara yazda da-
xil olur, lakin az sayda payızda kürü tökən fərdləri də mövcuddur. Cənub
çaylarında kürü tökmə mart-aprel aylarına, şimala getdikcə isə (S. Lav-
rentiy çayının qolları) iyuna təsadüf edir. Törəmə dövründə suyun tem-
peraturu 12-18° C olur. Kürü dənəcikləri nisbətən kiçik olur – 1 qramda
100 ədəd, onların diametri isə 2,5-2,7 mm olur. Nəsl vermə qabiliyyəti çox
böyükdür - təxminən 3,7 milyon ədəd, iri dişilərdə adətən 800 min – 2,4
milyon ədəd. Kürü tökdükdən dərhal sonra nəsil verən balıqlar
okeana
qayıdırlar.
Cavan fərdlər tez böyüyürlər; avqust-sentyabr aylarında (S.Lavrentiy
çayı) kiçik balığın uzunluğu 13-20 sm olur. Bir neçə il estuari zonalarında
Q.M.Palatnikov, R.Y.Qasımov
46
az duzlu sularda qaldıqdan sonra onlar 76-92 sm uzunluğa çataraq okeana
gedirlər.
Uzunluğu ən azı 122 sm-ə çatdıqda yetkinləşir. Cavan balıqlar estuarilərdə
xironomidlər, həşəratların sürfələri və molyusklarla qidalanırlar. Dənizdə qi-
dasını balıqlar və molyusklar təşkil edir.
Bu nərə növünün sayı barədə məlumat yoxdur. XX əsrdə 70-ci illərin
sonu – 80-ci illərin əvvəllərində təkcə Şimali və Cənubi Karolinada 60 ton,
ümumilikdə isə ABŞ-da və Kanadada 100-130 tona qədər ovlanırdı.
Onun ov-
lanması müxtəlif ştatlarda müxtəlifdir: tam qadağadan tutmuş lisenziyalı və
tam azad ova qədər müxtəlif tədbirlərlə tənzimlənirdi. Bu nərə balığının sayı-
nın bərpa edilməsi və onun süni şəraitdə yetişdirilməsi məqsədilə geniş miq-
yaslı proqramın həyata keçirilməsi üçün əlavə bioloji məlumatlara ehtiyac var.
Ağ nərə (
A.transmontanus)
yayılma yerləri– Alyaskadan Kaliforniyaya
qədər Sakit Okean sahilləri.
Yaşıl nərə (
A.medirostris)
yayılma yerləri – Aleut adalarından Meksika
sərhədinə qədər Sakit Okean sahilləri.
Çin nərəsi (
A.sinensis)
yayılma yerləri – Yantszı çayı, Mirvari çayı və Çin
dənizi hövzəsi.
Qısaüzlü nərə (
A.brevirostrum)
yayılma yerləri – Şimali Karolina, Flori-
da, ABŞ.
Nərəkimilər – dinozavrların həməsrləri
47
Göl nərəsi (
Acipenser fulvescens rafi nesgue, 1817)
yayılma yerləri – ABŞ-ın
Böyük
Amerikan gölləri, S.Lavrentiy çayı hövzəsi.
Çox işlənilən adı: Göl nərəsi,
şirin su nərəsi, çay nərəsi, sümüklü nərə.
Sayı azalan ğöl, çay nərə balığı. TQBİ-nin Qırmızı Kitabına II kateqori-
ya ilə daxil edilmişdir. Uzunluğu 206 sm, çəkisi isə 86 kq-a qədər ola bilir.
Həmin rayonlarda məskunlaşmış kütburunlu nərədən
A.brevirostrum daha
uzun və sivri uclu burnu və quyruq üzgəcinin daha qısa üst pəri ilə fərqlənir.
Rəngi yaşından və məskunlaşma yerindən asılıdır. Adətən bədənin bel və yan
hissələri boz-qara və ya zeytun –qəhvəyi, qarın hissəsi isə ağ və ya sarımtıl
rəngli olur. Gənc fərdlərinin rəngi yaşlılarına nisbətən daha açıq, yanlarında
və burunlarında isə tünd ləkələri olur.
Bu balıqlara Missisipi çayı, Böyük Göllər, S.Lavrentiy çayından şimala
tərəf
Qudzon körfəzinə qədər, Vinnipeq gölü, Saskaçevan çayı hövzələrində
rast gəlmək olar. Onlar Şimali Amerikanın bir sıra nisbətən kiçik göllərinə -
Mendota, Monona, Vinqra, Böyük Kedr və s. də gətirilmişdir.
Nərə balığının dişiləri 20-25 yaşlarında yetkinləşir və uzunluqları 120-140
sm olur. Onlar 4-6 ildə bir dəfə çoxalırlar. Erkəklər 15-20 yaşlarında yetkinliyə
çatır və uzunluqları 100-120 sm olur. Onlar iki ildə bir dəfə, bəziləri isə hər il
çoxalmada iştirak edirlər.
Nərə balığının dişiləri erkəklərindən daha çox yaşayır: 30 yaşlından yu-
xarı nərələrin 97%-ni dişilər təşkil edir. Kürünü çaylarda çaqıl daşlı yerlərdə,
aprelin sonundan iyunun ortalarına qədər tökürlər. Axının səviyyəsi yüksək
olduğu vaxtlarda kürü tökmə əsasən suyun temperaturu 14ºC çatdıqda,
axının səviyyəsi aşağı olduqda isə 14,5-15º C temperaturda başlayır. Kürü
tökmə yerlərinə erkəklər dişilərdən tez gəlir. Onlara
adətən səkkiz və ya daha
çox saylı qruplarda rast gəlmək olur. Kürü tökmə yetkin dişi balıqda həmin