Q.M.Palatnikov, R.Y.Qasımov
38
rında, Ob və İrtış çaylarında, təsadüfi hallarda
Xəzərin qərb sahillərində
yaşayan şirin su balığıdır. Bakı və Qızıl-Ağac körfəzlərində rast gəlinmişdir
və oradan təsadüfi nümunələri Kür çayına daxil olmuşdur. Cökə balığına
Vyanaya qədər Dunay çayında da təsadüf olunur; ədəbiyyatda cökə balı-
ğının Kvarner körfəzində (Adriatik dənizinin şimal hissəsində) də olduğu
barədə qeydlər vardır. Kanallar vasitəsilə cökə balığı Şimalı Dvinaya, Ladoqa
və Oneqa göllərinin hövzəsinə daxil olmuşdur. Sibirdə Ob, İrtış və Yenisey
çaylarında yayılmışdır. Pyasin, Xatanqa, Lena çayları və oradan şərqə tərəf, o
cümlədən Amurda cökə yoxdur (Amurda gətirilmiş Ob cökəsi var).
Cökə balığı nərəkimilər fəsiləsindən olan balıqlardan
öz ölçüləri və ensiz
uzun burnu, ağzına qədər çatan uzun bığları, iki hissəli alt dodağı, həmçinin
bir-birinə söykənən yan qalxancıqları ilə fərqlənir. Qeyd edildiyi kimi,
nərəkimilər
fəsiləsindən olan bütün balıqların bədənləri adi balıq pulcuqları
əvəzinə 5 eninə xətt boyu yerləşən sümükdən olan pulcuqlarla örtülmüşdür.
Bu xətlərdən biri belin ortası, ikisi yanları, ikisi də qarının kənarları boyunca
uzanır; bu pulcuqların arasında dərinin səthi ya boş, ya da müxtəlif formalı
daha xırda sümük pulcuqlarla örtülmüş olur. Cökədə bunlardan əlavə kürək
pulcuqları da bir-birinə sıx söykənmişdir; onların sayı 13-17 ədəddir
və hər
birinin ucu iti tikanlı olur. Yan pulcuqların sayı olduqca çoxdur – 60-70 ədəd,
qarın pulcuqları 13-15 ədəd olur ki, onlar bir-birinə toxunmurlar.
Cökə balığının rəngi məskunlaşdığı yerdən asılı olaraq ya sarı, ya da
daha tünd rəngdə olur. Lakin bir qayda olaraq kürəyi bözumtul, ya da tünd
boz, qarnı sarımtıl-ağ, üzgəcləri boz rəngdə olur. Cökə balıqlarının burunları
da fərqli olur ki, bir çox yerlərdə balıqçılar cökənin itiburunlu və kütburunlu
növlərini fərqləndirirlər.
Çayların əksəriyyətində iti burunlu (Berqə görə tipik forma) və enli bu-
runlu cökələr olur. Cökə balığı şimali Dvina çayından Dauqava (Qərbi Dvi-
na), Mezen, Neman, Oneqa, Peçora və Şuyu çaylarına (Oneqa gölü hövzəsi)
gətirilmişdir.
Bundan başqa, Ob cökəsi və cökə ilə nərənin hibridi Obdan
Amura, cökə balığı isə bəzi göllərə gətirilmişdir. Volqa və Kama çaylarında
küt burunlu və iti burunlu cökəyə nisbətən daha sürətlə böyüyür; o daha ətli
olur, çox nəsl verir. Ovlanan cökənin adi çəkisi 0,5-2 kq və uzunluğu 30-65
sm, daha az 3-4 kq və 80-90 sm, müstəsna hallarda 6-8 kq olur. Cökənin mak-
simum çəkisi 16 kq, uzunluğu isə 100-125 sm olur.
Cökə balığı əsas etibarilə çayın ən dərin yerlərində məskunlaşaraq daim
suyun dibində olur,
demək olar ki, suyun dibi ilə sürünür və çox qapalı həyat
tərzi sürür. Yalnız axşam və gecələr onlar dayaz yerlərə – otluq və sahil zo-
nalarına çıxır, sahildəki bütün oyuqları və yuvacıqları axtarır və ya suyun
Nərəkimilər – dinozavrların həməsrləri
39
üzünə qalxaraq çox ehtiyatla, qarnı yuxarı çevrilərək gizlincə ağzı ilə suya
düşən həşəratları tutur.
Erkək cökə balığı 3-7 yaşlarında (daha çox 4-5 yaşlarında), dişilər isə 5-12
yaşlarında (daha çox 7-9 yaşlarında) 28-34 sm uzunluğunda yetkinliyə çatır-
lar. Ob cökəsinin törəmə qabiliyyəti 6-45 min kürü, İrtış cökəsinin 6-16 min
kürü, şimali Dvina cökəsinin isə 4-140 min kürüdür. Cökə balıqları 1-2 ildən
bir kürü tökürlər. Erkəkləri Volqada 3 yaşında cinsi yetkinliyə çatır, dişiləri
isə 6-cı ildə kürü tökürlər. Volqa çayında payızda
və yazda kürü tökən növləri
mövcuddur. Kürü tökmə dövrü yazda – aprelin sonundan iyun ayına qədər
sürətli axında və çınqıllıqda suyun temperaturu 7-10°C-dən 20°C-ə qədər ol-
duqda – baş verir. Kürüsü yapışqanlı 1,9-2 mm diametrdə olur. İnkubasiya
dövrü dörd-beş sutka davam edir. Rüşeymlərin sarılıq kisəsi temperaturdan
asılı olaraq 6-10 sutka ərzində sovrulur.
Cökə balığı onurğasızlarla, əsasən suda olan ağacların üzərindəki
həşəratların sürfələri ilə qidalanır. Qidasına xironomid sürfələri də daxildir.
Təbiətdə cökə balığının nərə və uzunburunla qarışığına – hibridlərinə
rast gəlmək olur. Volqada nərə ilə hibridinə daha tez-tez; uzunburun ilə hib-
ridi isə Volqada, Donda, Dunayda olur. Ob və Yenisey çaylarında
Sibir nərəsi
və Sibir uzunburunu ilə (“dəlicəotu”) qarışıqları yaxşı tanınır. Volqada süni
mayalanma yolu ilə davamlı hibridləri - nərə x cökə və cökə x nərə - alınmış-
dır. Bester adlanan bölgə cökə hibridi Azov dənizinə və bəzi su anbarlarında
məskunlaşdırılmışlar.
Müasir dövrdə Dnepr, Don, Kuban, Ural, Sura, yuxarı və orta Kama çay-
larında cökənin sayı kəskin şəkildə aşağı düşdüyünə görə, həmin hövzələrdə
bu balıq qorunan növə çevrilmişdir.
Q.M.Palatnikov, R.Y.Qasımov
40
NƏRƏKİMİLƏR FƏSİLƏSİNDƏN
OLAN BALIQLAR PLANETİMİZİN
SU HÖVZƏLƏRİNDƏ
Xəzər dənizi hövzəsində məskunlaşan nərəkimilər fəsiləsindən olan ba-
lıqların təqdim etdiyimiz altı növündən başqa, hal-hazırda Acipenserifor-
mes dəstəsinə aid edilən ən azı daha 18 növü də müəyyən edilmişdir.
Bunlar
nərəkimilər fəsiləsinin nümayəndələri (
Acipenseridae) və kürəkburunlardır
(
Polyodontidae).
Adriatik nərəsi (
Acipenser Naccaril Bonaparte, 1836) – az təsadüf edilən və
az öyrənilmiş növdür.
Çox da böyük nərə deyil: müstəsna hallarda uzunluğu 2 m, çəkisi 25 kq-a
çatsa da, adətən xeyli kiçik olur.
Rus nərəsinə
A. gueldenstaedti çox yaxındır
və ola bilsin ki, onun bir qədər
dəyişmiş növdaxili formasıdır. Sonuncudan çoxlu sayda qəlsəmə dişcikləri
ilə fərqlənir: onun 30-35 dişciyi, rus nərəsinin isə qəlsəməsində adətən 30-dan
az dişcik olur. Adriatik nərəsinin 10-14 kürək pulcuğu, 32-42 yan pulcuğu,
8-11 qarın pulcuğu olur. Kürək üzgəcində 36-48, anal üzgəcində isə 24-31mil
sümüyü olur. Bədəninin rəngi bozumtul-qəhvəyidən demək olar ki, qaraya
qədər dəyişir, qarın hissəsi ağımtıldır.
Miqrasiya edən növdür. Çoxalma məqsədilə şimali İtaliyanın, Yuqoslavi-
yanın və Albaniyanın: Po, Adidce, Brenta, Liventsa, Tsetina və digər çayları-
na daxil olur. Dənizdə sahillərə yaxın yerlərdə 10-40
m dərinliklərdə adətən
çayların ağzında üzür. İtaliyanın çaylarına ilin ilk aylarında daxil olur, şirin
sularda oktyabra qədər qalır. Kürü tökmə dövrü fevral-mart aylarındadır.
Artımı, çoxalması, məhsuldarlığı, kürüsünün inkişafı, qidalanması və biolo-
giyasının digər tərəfl əri öyrənilməmişdir.
Sayının az olmasına görə, bu nərə balığının təsərrüfat baxımından
əhəmiyyəti yoxdur. Onun sayı barədə məlumat yoxdur. Hal-hazırda onun
süni yetişdirilməsi cəhdləri həyata keçirilir.
Amur nərəsi (
A.schrenckii) – Amur çayı hövzəsi.
Çox işlənilən adı: buryat dilində – kilimı, Çin dilində - tsilifu.