27
Aşığı Andemiç, şərqdən Kəran kəndləri, cənubdan Araz çayı, qərbdən isə Dəstə kəndi
ilə həmsərhəd idi.
Ordubad şəhəri inzibati cəhətdən beş məhəlləyə bölünmüşdü: 1. Anbaras;
2.Kürdütal; 3. Minqis; 4. Sərşəhər; 5. Üç düdəncə.
Ordubad şəhərini su ilə çoxsaylı bulaqlar təchiz edirdi: İ. Şopen yazır: «Ordubad
şəhəri özünün görünüşü və gözəlliyi ilə İrəvan və Naxçıvandan fərqlənirdi; küçələri
Asiya şəhərlərində olduğu kimi əyri-üyrü olsa da, palçıq divarları və tikintiləri
yaşıllıqlara qərq olmuşdur. hər addımbaşında axar sular sərinlik gətirir, həyətlərin bir
çoxunda fantana çevrilirdi...»
20
.
Ordubadda altı məscid var idi. Bazar şəhərin mərkəzində yerləşirdi. Tacirlərin
ixtiyarına altı karvansara verilmişdi
XIX əsrin başlanğıcına aid mənbələrin birində deyilir ki, Cənubi Qafqazın
Rusiyaya ilhaq olunmasından əvvəlki dövrdə, demək olar ki, «bütün şəhərlərdə evlər
tikilərkən onların gözəlliyinə, düzgünlüyünə, məqsədəuyğun şəkildə tikilməsinə diqqət
verilmir»
21
.
Naxçıvanda və Ordubadda evlər birmərtəbəli tikilirdi. Sənətkarların evlərindəki
otaqlardan biri emalatxana və ya dükan üçün ayrılırdı. Bu cür evlər Yaxın Şərqin başqa
orta əsr şəhərlərindəki evlərdən fərqlənmirdi. Naxçıvanda və Ordubadda əhalinin
əksəriyyəti kiçik, o qədər də hündür olmayan evlərdə və zirzəmilərdə yaşayırdı.
Kasıbların bir və ya iki otağı olardı. Bunlar həm yataq otağını, həm də mətbəxi əvəz
edirdi. Bu cür evlərdə adətən pəncərə qoyulmurdu. Ona görə də belə evlər, xüsusilə qış
dövründə yaşayış üçün əlverişli deyildi. Yoxsulların evlərinin döşəməsində çörək
bişirmək üçün təndir olurdu. Evlərdə kiçik ocaqlar da düzəldilirdi. Tüstünün çıxması
üçün evin tavanında baca qoyulurdu.
Evin daxilində əşyalar aşağıdakı qaydada yığışdırılırdı. Divarın yuxarı hissəsində
çıxıntılar — ləmə düzəldilirdi ki, bu çıxıntı
üzərinə şüşə və digər qablar yığılırdı. Evin
döşəməsinə palaz və ya həsir döşənirdi. Yorğan-döşəyi və digər zəruri əşyaları divarda
düzəldilmiş taxçalara yığırdılar və üstünü müxtəlif
[37-38]
rəngli parçalarla örtürdülər.
Şəhər əhalisinin əksəriyyəti bu cür yaşayırdı.
Şəhərin varlılara məxsus evlərində otaqların sayı nisbətən çox olurdu. Onların
mətbəxləri də ayrı idi. Varlı təbəqənin ev ləvazimatı da fərqlənirdi. Belə evlərdə sadə
ocaqlar əvəzində daşdan hörülmüş buxarılar, sadə şüşə və ucuz qabların əvəzinə çini
qablar, gümüş və qızıl qab-qacaq, həsir və palaz əvəzinə xalı-xalçalar, gəbələr olurdu.
Yorğan-döşək divarlarda yerləşdirilmiş sandıqların üstünə və içinə yığılırdı. Taxça və
camaxatanlar pərdələrlə örtülürdü. Bəzi varlıların evlərinin divarları milli naxışlarla
bəzədilirdi, pəncərələrə rəngli şüşələr vurulurdu.
Əldə edilən ilk mənbə və sənədlərə əsaslanaraq belə qənaətə gəlmək mümkündür
ki, XVIII əsrin ikinci yarısında Naxçıvan və Ordubad şəhərləri özünün əvvəlki iqtisadi
imkanlarını və beynəlxalq aləmdə həm keçmiş iqtisadi əhəmiyyətini, həm də əhalisinin
əksəriyyətini itirmişdi.
20
İ
Şopen.. Göstərilən əsəri,s.481.
21
О. Евецкий. Статистическое описание Закавказского края в исходе XVIII в. И сравнение оного с нынешней в 2-х частях,
СПб.,1835, с.45.
28
XVIII əsrin ikinci yarısında şəhər əhalisinin sayından danışarkən o dövrdə
yaranmış gərgin siyasi vəziyyəti nəzərə almamaq olmaz. Çünki öyrəndiyimiz dövrdə
Azərbaycanın əksər şəhərləri xarici işğalçıların və ara müharibələrinin nəticəsində
dağıntıya məruz qalırdı.
Yeri gəlmişkən onu da qeyd etməliyik ki, feodalizm dövründə Azərbaycanda
şəhər əhalisinin formalaşması bu günə qədər ətraflı tədqiq olunmamışdır. XVIII əsrin
ikinci yarısında Azərbaycanda şəhər əhalisinin sayı və ictimai tərkibi də demək olar ki,
öyrənilməmişdir. Halbuki bu məsələlərin tədqiqi şəhərlərin sosial-iqtisadi quruluşunu,
ölkənin iqtisadi vəziyyətini daha dəqiq öyrənməyə imkan verərdi. Həm də əhalinin
sayca və ictimai tərkibcə öyrənilməsi, şəhərlərdə sənətkarlıq məhsullarının, ticarətin
vəziyyətini və miqdarını öyrənməyə, yerli bazarların və şəhər əhalisinin tələbatını
dəqiqləşdirməyə də şərait yaradardı.
Naxçıvan və Ordubad şəhərlərində bu vəziyyəti dəqiqləşdirmək üçün demək olar
ki, faktiki material son dərəcə azdır. Yalnız Naxçıvan xanlığı Rusiya tərəfindən işğal
edildikdən sonra çarizm zəbt olunmuş yeni torpaqlarda əvvəllər mövcud olan qayda-
qanunu öyrənmək məqsədi ilə öz məmurlarına həmin yerləri yazılı surətdə təsvir etməyi
tapşırdı. Rus məmurlarının müstəmləkəçilik baxımından tərtib etdikləri «təsvirlər» və
arayışlar hazırda obyektiv olaraq Azərbaycan tarixi üçün əvəzedilməz mənbələrə
çevrilmişdir. Naxçıvan ölkəsinin «təsviri» nəticəsində buranın əhalisi və əhalinin
ictimai tərkibi haqqında həqiqətə yaxın dəlillər əldə edilmişdir. həmin «təsvirlərdən»
müəyyən etmək olar ki, nəinki işğaldan əvvəlki dövrdə, həm də Rusiya dövlətinin
tərkibində də Naxçıvan xalis feodal şəhəri kimi qalmaqda davam etmişdir
«Təsvir»lərdə bir də göstərilir ki, feodal ara müharibələri və xarici işğalçıların
tez-tez baş verən basqınlarının nəticəsində şəhər əhalisi öz doğma evini və ocağını tərk
etməyə məcbur olurdu. Qaçqın şəhər əhalisi öz əmlakı ilə birlikdə əlçatmaz yerlərdə
gizlənirdi Belə bədbəxt hadisələr zamanı şəhər əhalisinin çox hissəsi soyuqdan və
aclıqdan məhv olurdu. Bu cür hadisələr Azərbaycanın şəhərlərində, o cümlədən
Naxçıvanda tez-tez baş verirdi. Bəzi hallarda isə işğalçılar cəzalandırmaq məqsədi ilə
əhalini zorla başqa yerlərə köçürürdülər. Məhz bu səbəbdən də Naxçıvan əhalisinin
müəyyən hissəsi 1797-ci ildə Ağa Məhəmməd şah tərəfindən İrana köçürülmüşdü.
Lakin bu cür siyasi hadisələr şəhər əhalisinin ictimai quruluşunda əsaslı şəkildə
dəyişikliyə gətirib çıxara bilmirdi. Əldə olan məlumata görə Naxçıvan xanlığının
Rusiya tərəfindən işğalı dövründə şəhərdə 5470 adam yaşayırdı. İ. Şopenin verdiyi
məlumata görə, XIX əsrin 30-cu illərinin başlanğıcında Naxçıvanda 873 ailə var idi.
həmin ailələrdən 127-sini xan, bəy, sultan, yüksək rütbəli zabit, ali ruhani, axund və
molla, və s. ailələri təşkil edirdi. Belə ki, 127-dən 2-ni xan ailəsi, 45-ni bəy və sultan
ailəsi, 11-ni hərbi vəzifəli şəxslərin ailəsi, 2-ni ali müsəlman ruhani ailəsi, 36-nı axund
və molla ailəsi, 22-ni seyid ailəsi, 3-nü dərviş ailəsi və 6-nı mirzə ailəsi təşkil edirdi.
Deyilənlərdən aydın olur ki, 873 ailədən yalnız 166-nı yüksək feodal, məmur və
ruhani ailəsi təşkil edirdi. Yerdə qalan 707 ailə isə güman etmək olar ki, sənətkar, tacir
və kəndli ailələri idi. Yuxarıda deyilən misallar bizə əsas verir ki, Azərbaycanın digər
şəhərlərində olduğu kimi, Naxçıvanda da ictimai təbəqələşmənin mövcud olması barədə
fikir yürüdək. Təbiidir ki
,
sənətkarlar və xırda ticarətlə məşğul olanlar şəhər əhalisinin
ən yoxsul təbəqəsini təşkil edirdi. Başqa
[39-40]
feodal şəhərləri kimi, Naxçıvan şəhərinin