62
NAXÇIVAN XANLIĞI GÜLÜSTAN MÜQAVİLƏSİNDƏN SONRA VƏ İKİNCİ RUSİYA —
İRAN MÜHARİBƏSİ DÖVRÜNDƏ
Gülüstan müqaviləsinə görə, 1813-cü ildə Naxçıvan diyarında mövcud olan
əvvəlki inzibati quruluş — xanlıq ləğv edildi. Beləliklə, XVII əsrin ortalarında İran
hakimiyyətindən xilas olmuş Azərbaycanın müstəqil xanlıqlarından olan Naxçıvan
xanlığı yenidən İranın əyalətlərindən birinə çevrildi.
Əvvəllər böyük nüfuza malik Kəlbəli xanı hakimiyyətə gətirməklə şah Naxçıvan
diyarında öz nüfuzunu artırmağa cəhd edirdi. Lakin Kəlbəli xana olan bu münasibətlə
İranın hakim dairələri ciddi səhvə yol verirdilər. Gözləri İran şahı Ağa Məhəmməd
tərəfindən çıxarılmış Kəlbəli xan qəlbində şah hökumətinə nifrət bəsləyir, Rusiyanın
himayəsi altında olmağı daha üstün tuturdu. Rus ordusunun düşmən üzərində qələbəsi
azərbaycanlıların, o cümlədən Naxçıvan əhlinin də sevincinə səbəb oldu. İran şahından
asılı vəziyyətə düşən Kəlbəli xan bir an belə Rusiyanın təbəəsi olmaq fikrindən əl
çəkməmişdi. Onun Rusiyaya olan meyli İrana gedərkən yolüstü Naxçıvana gəlmiş
general A. P. Yermolovla söhbətində bir daha özünü göstərdi.
[87-88]
A. P. Yermolovun diplomatik missiyasının fəaliyyəti tədqiqat obyektinə daxil
olmasa da, bu hadisə ilə əlaqədar bəzi məsələlərə toxunmağı məqsədəuyğun hesab
edirik. Rusiya ilə müharibədə məğlubiyyətə baxmayaraq, İngiltərə hakim dairələri
tərəfindən qızışdırılan İran hökuməti yenidən müharibəyə hazırlaşırdı. Dörd il
keçdikdən sonra ingilis zabitləri tərəfindən təlim keçmiş İran ordusu qüvvə
topladığından, şah yeni döyüşlərə başlamaq üçün bəhanə axtarırdı. Ona görə də şah
Talış və Muğan torpaqlarını Rusiyadan tələb etdi və bu məqsədlə özünün səlahiyyətli
səfirini Peterburqa göndərdi. Şahın nümayəndəsi hökumət adından Gülüstan
müqaviləsinə yenidən baxılmağı tələb etdi.
Əvvəlcə Fransa və daha sonra İngiltərə tərəfindən qızışdırılan İran hökuməti
Gülüstan müqaviləsinin bağlanmasına baxmayaraq, mövcud sərhədlərə yenidən
baxılmasını tələb edirdi. Rus dövləti şahın «xahişinin» yeni müharibəyə gətirib
çıxarmasını istəmirdi. Ona görə də imperator I Aleksandr münasibətləri qaydaya salmaq
üçün general A. P. Yermolovu xüsusi təlimatla İrana göndərdi.
İmperatorun Yermolova verdiyi təlimatın bir hissəsi xüsusilə diqqəti cəlb edirdi:
«Qarabağ və Şimali Talışın İrəvan və Naxçıvan xanlıqları ilə dəyişdirilməsi məqsədə
müvafiq olardı»
1
. Bu fikir göstərilən xanlıqların siyasi və strateji cəhətdən daha böyük
əhəmiyyətə malik olduğunu göstərir. Qəribədir ki, rus diplomatları və konsulları əsasən
İrana Volqa — Xəzər vasitəsilə gedirdilər. Lakin A. P. Yermolov başqa yol seçərək
İrana Tiflis, İrəvan və Naxçıvan vasitəsilə getməyi qərara almışdı. A. P. Yermolov
Gürcüstandan keçərək «... bir sıra sərhəd zonalarını gəzmiş və müəyyən yerlərin
gələcəkdə iranlılara güzəşt edilməsinin rus ordusunun bu sərhəd zonasında mövqelərinə
necə təsir göstərəcəyini öyrənmişdi»
2
.
Səlahiyyətli səfirin nümayəndə heyətində 200-dən artıq adam var idi. Mənşəcə
erməni olan Mədətov, Nəzərov, praporşiklərdən Bəylərov və Əlixanov səfirin
1
Mərkəzi Dövlət Hərbi Dəniz Donanması arxivi, f. 19, 4-cü siyahı, -141-ci sənəd, vərəq 14.
2
Yenədə orada
63
tərcüməçiləri kimi nümayəndə heyətinin tərkibinə daxil edilmişdilər. A. P. Yermolov öz
nümayəndə heyəti ilə birlikdə 1816-cı ilin mayında Naxçıvan
tərəfdən Azərbaycana
daxil oldu.
A. P. Yermolovun İrana səfəri haqqında tarixi ədəbiyyatda lazımi məlumatlar
vardır. Lakin onun Naxçıvanda olması və Kəlbəli xanla görüşü bu günə qədər
Azərbaycan tarixi ədəbiyyatında bir sözlə belə xatırlanmır. Hüquqi cəhətdən İranın
tabeliyində olsa da Kəlbəli xanın Naxçıvan torpağında A. P. Yermolovla görüşü və
danışıqları Naxçıvan xanlığının siyasi cəhətdən müstəqilliyini göstərir.
Azərbaycanda birinci olaraq A. P. Yermolovun görüşünə «öz adamları ilə birlikdə
Şərur kəndinin sahibi» çıxdı. Rus dövlətinin nümayəndə heyətini qonaqpərvərliklə
qarşılayan şərurlular qonaqları onlar üçün Xok kəndində salınmış düşərgəyə qədər
müşayiət etdilər. Rus nümayəndə heyətinin Xok kəndinə gəldiyini eşidən Kəlbəli xan,
öz qaynı Maqsud xanı göndərdi ki, A. P. Yermolovu Naxçıvana qədər müşayiət etsin.
Onları yolda Kəlbəli xanın iki qardaşı və nəvəsi süvari dəstəsi ilə qarşıladılar. Onlar rus
nümayəndə heyətini silahlardan yaylım atəşi ilə salamladılar. Naxçıvanın yaxınlığında
isə A. P. Yermolovu Kəlbəli xan özü qarşıladı.
Naxçıvanda A. P. Yermolov üçün Kəlbəli xanın qardaşı Kərim xanın evi
ayrılmışdı. Kəlbəli xan səfiri həmin evə qədər müşayiət etdi. Nümayəndə heyətinin
digər üzvləri gətirdikləri yüklərlə yaxınlıqdakı düşərgəyə aparıldı.
Bir gün sonra 1816-cı il may ayının 12-də general A. P. Yermolov öz
adamlarının müşayiəti ilə Kəlbəli xanın görüşünə gəldi. Görüş qarşılıqlı anlaşma
şəraitində keçdi. Bu diplomatik qəbulun iştirakçısı B. Borozna yazır ki, «bizi qızılgül
suyu ilə hazırlanmış qəhvə və çaya qonaq etdilər... Hər şey bol idi». Kəlbəli xan
haqqında isə V. Borozna belə yazır: «... xan özünün bütün bədbəxtliklərinə baxmayaraq,
gülərüz və hazırcavab idi. O, söhbət zamanı maraqlı lətifələrdən və misallar gətirirdi
4
.
Çox güman ki, Kəlbəli xan lətifələri ümumi danışıqlar zamanı gətirirmiş. Lakin A. P.
[89-
90]
Yermolovla şəxsi söhbətlərində isə ciddi məsələlərə toxunur,
özünün vəziyyəti, İrana
və Rusiya dövlətinə olan münasibətləri ilə əlaqədar məsələlərdən danışırdı. Bu haqda
səfirliyin jurnalında çox maraqlı faktlar verilir. A. P. Yermolov yazır: «Yaşlı ikən
gözünü itirmiş bu bədbəxt qoça 20 il ərzində təbəələrindən uzaqlaşdırılmış olsa da heç
təsəlli tapa bilmirdi».
Kəlbəli xanın sözlərindən belə nəticəyə gəlmək olur ki, həmin dövrdə Naxçıvan
xanlığı hüquqi cəhətdən İrandan asılı olsa da, əslində o, şaha nifrət bəsləyirdi. heç də
təsadüfi deyildi ki, «ehtiyatlı» İran dövləti Kəlbəli xanın oğlunu «sədaqət naminə girov
saxlayırdı». A. P. Yermolov yazır ki, Naxçıvanda «...böyük məmnuniyyətlə kor xanla
görüşdüm. O, İran idarəçiliyinin çürüklüyünü hiss edirdi. Yalnız zor gücünə şaha tabe
olmağa məcbur idi». A. P. Yermolovla söhbət zamanı Kəlbəli xan iranlılar haqqında
ciddiyyət və cəsarətlə danışır. Rusiya idarəçiliyinin üstün olduğunu tərifləyirdi.
A. P. Yermolov yazır ki, Kəlbəli xan mənim səmimi olduğumu hiss etdiyindən
heç kimdən və heç nədən çəkinməyərək açıq söhbət edirdi. Xan rus generalı A. P.
Yermolova demişdi: «Ağa Məhəmməd xan mənim gözlərimi çıxarmışdır. Mənim güclü
əllərim qisas almağa hazırdır». A. P. Yermolov yazır ki, Kəlbəli xan yenidən
4
V. Borozna. Göstərilən əsəri, s. 61; A. E. Sokolov. Göstərilən əsəri, s. 14