Gənc şairə Afaq Şıxlı 1969-u ildə Bakı şəhərində anadan olub
Yüklə 0,84 Mb. Pdf görüntüsü
|
- Bu səhifədəki naviqasiya:
- KÖHNƏ DOST
- BİR ŞAİR VAR
- BİR TUZAQDA
- VƏTƏN BAYATILARI
- ŞƏHƏRİMİN KÜÇƏLƏRİ
- MƏN DEDİM Kİ…
32 KÖHNƏ DOST Təkcə sənə ümid bəslərdim, amma, Sən də məni atıb getdin, köhnə dost! Əlvida deməyə verməyib aman, Niyə üz çevirib getdin, köhnə dost! Qəlbimin sirrini söylərdim sənə, Doğmadan-doğmaydın, əzizdin mənə. Əski dost çevrilməz, dedim, düşmənə, Bax, sən də xəyanət etdin, köhnə dost! Həsrəti ömrümə sarmadım, ey yar! Mənim əvəzimə sən verdin qərar! Gözlərim yenə də tək səni arar, Qəlbimdə tikantək bitdin, köhnə dost! Sözlərin könlümə olmuşdu dərman, Sənsizlik acısı yamandır-yaman! Bilmirdim, bizi də ayırar zaman... Yadlar arasında itdin, köhnə dost! 33 BİR ŞAİR VAR Şair Zakir Təkəliyə ithaf edilib Bir şair var bu gün bizdə, Əyləşibdir süfrəmizdə. Bir səhv tapır hərəmizdə, Nə desə sözün düzüdür. Misraları ilmə-ilmə, Onu heç də aciz bilmə! Dodağından qopan kəlmə Qəlbin alovu-közüdür. Qonaqları bir-bir süzür, Sözləri yan-yana düzür, Cahillərə dodaq büzür, Gözləri sərraf gözüdür. “Savadsızam”, - deyir özü, İnanmırıq buna, düzü. Bilirik, aldadır bizi, Zakir Təkəli - özüdür. 34 BİR TUZAQDA Sanki rol oynayıram, Özü də heç çaşmadan. Nə artıq demək olmaz, Nə əskik demək olmaz. Sərhədimi aşmadan Bir az sağa gedirəm, Bir az sola gedirəm. Amma onu bilirəm - Hamı tamam başqadır, Mənsə tamam özgəyəm, Hamı iş adamıdır, Mənsə gərək gözləyəm: Gələnləri qarşıla, Gedənləri yola sal… Boş sözləri alqışla, Elə ayaq üstə qal… Onunsa vaxtı yoxdur, Onu buyurmaq olmaz! Öz qayğıları çoxdur: İşə gedir, yorulur, Hələ ali məktəbə Pul da verib oxuyur. 35 Nə olsun ki, mən ondan İyirmi sənə öncə, O, alkoqol əlində, Papiros damağında Küçələri gəzəndə, Gecə-gündüz oxuyub Ali məktəb bitirdim?! Lakin necə oldusa, Amalımı itirdim. Mən əhli-müsəlmanam, Gərək, dözəm, dayanam. Kafir ayrı, mən ayrı. Amma görəsən niyə Qoyanda tərəziyə Bəxtəvərlik payını Onunku ağır gəlir. Bəs onda yaxşı ilə Yamanın fərqi nədir? Budurmu mükafatım? Yeksənəkdir həyatım… İndi ondan geridəyəm, Çünki mən bir yerdəyəm, Çünki mən bir tuzaqda! …Azadlıqsa uzaqda… 36 VƏTƏN BAYATILARI Bu yerə yollar uzaq, Gecə düşübdür sazaq. Şairlərin vətəni Bizim Qazaxdır, Qazax! * * * Küçələri çıraqban, El-obası firavan, Soruşsanız: Haradır? Naxçıvandır, Naxçıvan! * * * Unutmaram bu yayı, Nə ulduzu, nə ayı. Min dərdin dərmanıdır Lənkəranımın çayı. * * * Qurtarsın qan davası, Köz bağlasın yarası. Laçında bir toy vuraq, Çalaq “Laçın” havası. 37 * * * Hanı o şən çağların, Çiçəkli yaylaqların? Gözləri yolda qalıb Kəlbəcərdə dağların. * * * Bu yerin suyu qaymaq, İçdikcə olmur doymaq. Bu bahar Qarabağı Gəzəydim oymaq-oymaq! * * * Çöl-çəməni, meşəsi, Laləsi, bənövşəsi. Mənim üçün cənnətdir Vətənin hər guşəsi. 38 ŞƏHƏRİMİN KÜÇƏLƏRİ Dar dalanlı, gen qucaqlı Şəhərimin küçələri. Həm sirlidir, həm maraqlı Şəhərimin küçələri. Qış qurtarıb, yaz gəlibdir, Səmadan nur ələnibdir, Gözəllərlə bəzənibdir Şəhərimin küçələri. Deyin, hanı ilk baharım, Gözü yolda qalan yarım? O günlərdən yadigarım, Şəhərimin küçələri! Seyr etdikcə Xəzərimi Unuduram dərdi-qəmi. Gözəldir bir gəlin kimi Şəhərimin küçələri. Ruhum Bakımı dolaşır... İftixarım aşıb-daşır. Sənə nəğmələr yaraşır, Şəhərimin küçələri! Doymaq olmur bu vətəndən, Yaralıyam həsrətindən. Yola salın, gedirəm mən, Şəhərimin küçələri! 39 YAĞIŞ Nəfəs-nəfəs buxarlanıb havaya, Yerə damla-damla qayıdan yağış! Yüksəkdən nəzər sal bizim obaya, Varmı o yollarla qayıdan, yağış? Yaz gələndə çöllərə dost olursan, Dənizlərə, dəryalara dolursan, Çiçəklərin ləçəyini yolursan, Yeri nəfəsiylə soyudan yağiş! Kaş hər səhər pəncərəmi vuraydın, Həsrətimin sədasını duyaydın, Ağlayanda göz yaşımı yuyaydın, Yoxdur səndən başqa ovudan, yağış. 40 MƏN DEDİM Kİ… Mən dedim ki, arzuları qanad edib uçacağam! Fələk dedi: çox öyünsən inadını qıracağam! Mən dedim ki, inadımı çətinliklər qıra bilməz! Fələk dedi: heç bir qüvvə mənə qarşı dura bilməz! Mən dedim ki, ümidim var, çalışacam gündüz-gecə, Qarşımdakı sərhədləri aşacağam bircə-bircə! Yolum nəki uzun olsa, mən bu yolu keçəcəyəm! Fələk dedi: heç yorulma, bəxtini mən seçəcəyəm! Yüklə 0,84 Mb. Dostları ilə paylaş:
|