Gənc şairə Afaq Şıxlı 1969-u ildə Bakı şəhərində anadan olub
Yüklə 0,84 Mb. Pdf görüntüsü
|
- Bu səhifədəki naviqasiya:
- MƏN OYUNCAQ DEYİLƏM!
- SƏN UŞAQ OLMAMISAN
- YENƏ YALAN DANIŞDIN
- BAHAR, SƏNİ GÖZLƏYİRƏM!
- QIYMA , ƏCƏL!
- SƏNİ BİR DƏ GÖRMƏK ÜÇÜN
41 MƏN OYUNCAQ DEYİLƏM! Mən oyuncaq deyiləm Mənə evcik qurasan! Nə vaxt kefin istəsə Açarımı burasan. Mən oyuncaq deyiləm Qutuda saxlayasan! Yorulanda, bezəndə Bir bucağa atasan. 42 SƏN UŞAQ OLMAMISAN Sən uşaq olmamısan. Yaddaşımda qalalı Böyük kimi düşünüb, Böyüktək davranmısan. Sənə ümid ediblər, Hey səni buyurublar. Elə səndən küsüblər, Elə səndən umublar. Heç boş vaxtın olmayıb Dəcəlliklər etməyə. Öyrənmisən tək-tənha Xəyallarda gəzməyə. Başqaları ataya, Anaya naz edəndə Nazlarına dözmüsən. Hərdən haqsız deyilən Sözlərinə dözmüsən. 43 Yəqin, qibtə etmisən Çöldə oturanlara, Qaçdı-tutdu, gizlənpaç, Beşdaş oynayanlara. Tum çırtlaya-çırtlaya Söhbət eləyənlərə, Yoldaşlarıyla birgə Gəzməyə gedənlərə… …Heyif keçən günlərə, Beləcə yaşlanmısan. Heyif, keçən günlərdən Öcünü almamısan. Görəsən, məhkum idin Sən böyük doğulmağa? Yoxsa ki, qoymayıblar Səni usaq olmağa? 44 YENƏ YALAN DANIŞDIN Yenə yalan danışdın, Yenə sənə inandım. Sənin içdiyin andın Heç dəyəri varmı ki?! Yalan olar bir, iki. Daha qalmayıb gücüm. Sənin yalanların çox… Yenə aldandığımçün Mən utandım, Sənsə yox. 45 BİLMƏDİM Sözümlə, özümlə öyünən adam Məni xəyanətlə vurdu arxadan. Dedi ki, ayrılıq keçdi aradan, Mən də vəfasızam, dözə bilmədim. Nə qədər gizləsə sirri faş oldu, Gözümdən sel axdı, sinəm yaş oldu, Mənim göz yaşıma qəlbi daş oldu. İstədim söyləyəm sizə, bilmədim. Mən onu satmadım şöhrətə-şana, İnsanda üz gərək səhvini dana. Yalan sözlərindən gəlmişəm cana, Çatıbdır əlliyə-yüzə, bilmədim. Dərd-ələm yox etdi iqtidarımı, Bağçamda qar-şaxta vurdu barımı, Uçurdu əlimlə qurduqlarımı, Əvvəlki sahmanla düzə bilmədim. Düşmənlər duymasın düşüb qan-qada, Yaraşmaz məndəki mənliyə, ada. Silərdim, atardım, salmazdım yada, Arada bağları üzə bilmədim. 46 BAHAR, SƏNİ GÖZLƏYİRƏM! Saya-saya günlərimi, Mən günəşi səsləyirəm. Ötürürəm illərimi, Nisgilimi gizləyirəm. Bahar, səni gözləyirəm! Şən misralar yaza-yaza, Keçsin bu qış, dönsün yaza! Novruz gəlsin yurdumuza! Göy səməni bəsləyirəm, Bahar, səni gözləyirəm! Buludları qovsun külək, Çöl-çəmənlər açsın çiçək, Gəl, yenə də deyək-gülək! Al şəfəqlər istəyirəm! Bahar, səni gözləyirəm! Qoy açılsın göyün üzü, Qalmasın şaxtanın izi. Qoşa gəzək elimizi! Vətənimi özləyirəm! Bahar, səni gözləyirəm! 47 TANIYARAM Məhəbbəti tanıyaram Qəlbimdəki təlatümdən, Sevincimdən, fərəhimdən. Səadəti tanıyaram Gətirdiyi həvəsindən, Bahar dolu nəfəsindən. Mən nifrəti tanıyaram Şimşək çaxan gözlərimdən, Alov saçan sözlərimdən. Mən həsrəti tanıyaram Nisgilimdən, kədərimdən, Sənsiz keçən günlərimdən... 48 QIYMA , ƏCƏL! Gülnarə Məmmədquliyevanın unudulmaz xatirəsinə ithaf edilib Sən bu ömrə qıyma, əcəl! Hələ təzə, hələ tərdir. Qıyılası yamanlar gör nə qədərdir... Səbr et, dayan! Qırılacaq arzuları sən gəlincə. O ki, çiçək qədər incə, O ki, həyat qədər gözəl! Sən bu ömrə qıyma, əcəl! Möcüzədir barmaqları, Düzəltdiyi muncuqları, Öz əliylə işlədiyi yaylıqları. Nələr, nələr… Yoldaşları toplaşıblar otağına, Sığışmayır yatağına. Hələ şıltaq, hələ dəcəl! Sən bu ömrə qıyma, əcəl! 49 Arzusuydu həkim ola, Ürəklərə ümid sala, Hər könüldə, hər yaddaşda adı qala. Qismətə bax… Yaddaşına iz salmamış sevgi sözü Vaxt qalmayıb, gedir özü… Gül yanaqlar olub xəzəl! Sən bu ömrə qıyma, əcəl! İnsanın əlindən gələ, Dərdinə bir əlac bilə, Onun yenə əvvəlkitək üzü gülə! Amma heyhat... Qış ötüncə gəlməyəcək bir də yazı, Qismətiymiş ömrün azı. Ürəklərə dağ çəkmə, gəl! Sən bu ömrə qıyma, əcəl! Sən bu ömrə qıyma, əcəl! 50 SƏNİ BİR DƏ GÖRMƏK ÜÇÜN Ahım ərşə duman olur Səni bir də görmək üçün. Gözümə qanlı yaş dolur, Səni bir də görmək üçün. Həsrət yaman, kədər acı, Hardasan, başımın tacı? Göynəyir burnumun ucu, Səni bir də görmək üçün. Yarğan uca, dərə dərin, Torpaq soyuq, yerin sərin. Niyə sənə çatmır əlim, Səni bir də görmək üçün? Zülmət yollardan keçəydim, Özümə ölüm seçəydim, Mən də dünyadan köcəydim, Səni bir də görmək üçün. 1995 Qazax Yüklə 0,84 Mb. Dostları ilə paylaş:
|