Gənc şairə Afaq Şıxlı 1969-u ildə Bakı şəhərində anadan olub
YOXLUĞUNLA BARIŞMARAM MƏN!
Yüklə 0,84 Mb. Pdf görüntüsü
|
- Bu səhifədəki naviqasiya:
- YOXLUĞUNLA BARIŞMARAM MƏN!
- GÖTÜR MƏNİ!
- SƏN ELƏ BİLİRDİN
- NEYLƏYƏCƏKSƏN
- BARIŞACAQMI
- BİR SAHİL BAĞI
51 YOXLUĞUNLA BARIŞMARAM MƏN! Qoca Mustafaoğlunun xatirəsinə ithaf edirəm Sən deyirdin: dərdin alım, - dərdim sən oldun, Hər tərəfə kölgə salan ağacdın – soldun, Gəncliyini yaşamadan tez yaşa doldun. Ay dostlarım, nə dinib, nə danışmaram mən. Ata, sənin yoxluğunla barışmaram, mən! Sən getdiyin səltənətin qapısı bağlı, Balan indi səndən ayrı, sinəsi dağlı. Mən olmuşam bir divanə - ata soraqlı, “Can-can” deyən özgələrə qarışmaram mən. Ata, sənin yoxluğunla barışmaram, mən! Dünyaları alt-üst edən, ay əcəl zalım, Quruyubdur göz yaşlarım, qalmayıb halım, Görünməyir gözlərimə dövlətim-malım, İllər keçsə, bu həsrətə alışmaram mən. Ata, sənin yoxluğunla barışmaram, mən! 2007 Gürcüstan 52 GÖTÜR MƏNİ! İthafnamə Ömür dostum, gül-çiçəkli Bir diyara götür məni. İnsanları saf ürəkli Bir diyara götür məni. Bağçaların solmadığı, Yamanların qalmadığı, Xəyanətin olmadığı Bir diyara götur məni. Mən həsrətəm bir bahara, Qəribəm, çəkiblər dara, Gəl üz tutaq bu yollara, Bir diyara götür məni. Havası pak, suyu mərcan, “Can” deyəndə eşidim “can”, Bir cənnət var - Azərbaycan! O diyara götür məni! Bu bir arzu, bu bir niyyət: Kiçik otaq, kiçik həyət. Olmasın sənə əziyyət, O diyara götür məni. Afaqam, düşmüşəm uzaq, Qəlbimi vurubdur sazaq. Dostlara bir namə yazaq, O diyara götür məni. 53 54 55 İZİN VER İzin ver, sevgilim, bir izin olum, Ardınca sürünüm sən görməyəndə. Bizi ayırmasin uzanan yollar, Qoy mən də dönməyim sən dönməyəndə. * * * İzin ver, sevgilim, bir telin olum, Əllərin hər dəfə oxşasın məni. Saçına qarışım, sarılım sənə, Çəkim nəfəsimə nəfis ətrini. * * * İzin ver, sevgilim, bir sirrin olum, O sirr ki, hamıdan gizləməlisən. Qoruyub müqəddəs bir məşəl kimi Qəlbinin içində gizlə məni sən. * * * İzin ver, sevgilim, bir fikrin olum, Səni də özümlə alım aparım, Bircə an da olsa bəs edər mənə, Yenə o günləri geri qaytarım. 56 SƏN ELƏ BİLİRDİN Sən elə bilirdin sevmirəm səni, Mən də istəyirdim elə biləsən. Olub-keçənləri xatirə kimi Bir gün yada salıb gülə biləsən. * * * Sən elə bilirdin sevmirəm səni Bil ki, hər baxışım məhəbbət idi. Üzünü yaxından görə bilməyim Mənimçün ən böyük səadət idi. * * * Sən elə bilirdin sevmirəm səni, Mən də istəyirdim məğrur dayanım. Amma ki, yeganə sevincim idi Səninlə bir keçən dəqiqəm, anım. * * * Sən elə bilirdin sevmirəm səni? Heyif, ürəyimi aça bilmədim! Min kəs toplayaraq cəsarətimi Mən səni sevirəm,- demək istədim. * * * Bilmirdin, yazıram mən yaddaşıma Sənin gülüşünü, sənin səsini. Gizlicə-gizlicə sevirdim, amma Sən elə bilirdin sevmirəm səni. 57 NEYLƏYƏCƏKSƏN? Səni öz əlimlə uçurdum, gülüm, Bəlkə də bir daha dönməyəcəksən! Özün uzaqlara getsən də, düşün, Ürəyin məndədir, neyləyəcəksən? Bir gün kimsə məni sorarsa səndən, Arayıb taparsan öz ürəyindən. İstərəm: “Ömrümə qayıt!” - deyim mən, Amma gecikmişəm, gəlməyəcəksən. Sən mənə: “Vəfasız oldun!” – desən də, “Artıq mənim üçün oldün!” – desən də, “Səni yaddaşımdan sildim!” – desən də, Bilirəm, qəlbindən silməyəcəksən. Uçan quş kimidir ömürdə hər an, Mənə lazım deyil nə şöhrət, nə şan. Buraxsan əlimi, daha heç zaman Kimləyəm, hardayam bilməyəcəksən. Sənsiz zülmətlərə düşdü gündüzüm, Sənsiz olmaz oldu söhbətim-sözüm. Ey mənim ömrümə doğan ulduzum! Mənimçün heç zaman sönməyəcəksən! 58 BARIŞACAQMI? Bu gün məndən küsüb getdi sevgilim, Ürək bu həsrətə alışacaqmı? Qəlbinə dəymişəm, yanaydı dilim! Görəsən bir daha barışacaqmı? Hüsnü-camalına heyran olub el, Bu nə nazü-qəmzə, bu nə fəndi-fel? Qoşa addımlasaq, əssə sərin yel, Saçları saçıma qarışacaqmı? Mən onu sevmişəm on beş yaşında, Gözlərim qalıbdır hilal qaşında, Anasından gizli, bulaq başında, Yenə də mənimlə danışacaqmı? 59 BİR SAHİL BAĞI İlk bahar çağı, Bir sahil bağı Güllər arasında itdi. İki gənc ürək, Çox ürkək-ürkək, Sevişib əhd-peyman etdi. Çinar kölgəsində, Əlləri əlində, Düşündülər: bu qismətdi. Danışdı gözlər, Yandı bənizlər, Busələr tellərdə itdi. Bir gün əsdi yellər, Dəyişdi fəsillər, Bu məhəbbət burda bitdi. Deməyin, az oldu! Qiş keşdi, yaz oldu, O anlar bir ömrə yetdi. Yüklə 0,84 Mb. Dostları ilə paylaş:
|