Fridrix Bodenştedtin Mirzə Şəfi Vazeh haqqında xatirələri
113
-
Ustad, necə olur ki, biz yağmursuz havada
üst-başımızı təmiz saxlaya bilmirik, sən isə yağışlı
gündə uzaq yolu işə piyada gələrkən şalvarının
balağını,
ayaqqabını,
zərif
corablarını
çirkə
batırmırsan?
Mirzə Şəfi gülümsünüb, öz dilində: -
Adətdəndir! – dedi və yoldaşlarıma üz tutub, sualla
müraciət etdi. Yoldaşlarım Azərbaycan dilini
anlamadıqları üçün nə deyəcəklərini bilmədilər.
Ustadım üzünü mənə tutub, yoldaşlarımın şərab
içmələri barəsində soruşdu. Mən ona yoldaşlarımın
şərabı xoşladıqlarını bildirdim. Onu da deyim ki,
Mirzə Şəfi mənim köməyim vasitəsilə gimnaziyada
yeni
vəzifə
almaq
arzusunda
idi.
Lakin
allahsızlığına görə, rəqibləri ona mane oldular. Ona
görə də bizimlə şərab içsə, dilə-dişə düşəcəyindən
ehtiyat edirdi. Mən onun narahatlığını hiss edib,
yoldaşlarımın
etibarlı,
sirr
saxlayan
adam
olduqlarına onu inandırdım.
Mirzə Şəfi yan otaqda büzüşüb oturan oğlanı
Hafizin nəğməsilə: “Sofi, bear badə” –deyə səslədi.
Gənc, ustadın nə dediyini o dəqiqə anladı və qapıya
tərəf yönəldi. Görünür, bu işarə ona yaxşı məlum
idi.
Mirzə Şəfidən soruşdum: -Bu gənc oğlan
kimdir?
Akif Bayramov
114
- O mənim kasıb qohumumun oğludur. Atası
öləndən sonra yanımda saxlayıram. İstəyirəm elm
öyrənsin. Ancaq ondan bir şey çıxan deyil. Çalışır
ki, molla olsun. Onun üçün molla, müctəhid böyük
şəxsiyyətlərdir. Qoca bir seyidin əlini öpmək,
mənim əlimdən şərab alıb içməkdən ona daha
xoşdur. Onun gələcəkdə müctəhid olacağına heç
şübhəm yoxdur. Bunun üçün onda hər bacarıq
vardı. Dərviş kimi cilddən-cildə girməyi, həm də
mollalar kimi yay tək açılıb-yığılmağı bacarır, -deyə
ustad cavab verdi. –Ancaq gözəl xətti var. Hər gün
oturub köhnə mərsiyələrin və cürbəcür əhvalatların
üzünü köçürməklə məşğul olur. Bu minvalla özünə
gələcəkdə çörək pulu qazanmaq istəyir. Mirzə Şəfi
gəncin barəsində danışan zaman oğlan, əlində şərab
kuzəsi içəri girdi və qırmızı pərdəli taxçadan stəkan
götürüb şərab süzmək istəyəndə, ustad kuzəni
ondan alıb:
- Ver mən süzüm. Sən get yazdığın dəftərlərini
gətir. Bu cavan ustadlar bilmək istəyirlər ki, sən bu
həftə ərzində nə yazmısan, -dedi.
Gənc tez gedib, səliqə ilə yazılmış iki dəftər
gətirdi. Dəftərlərdən birinin başlığı: “Rusların
İrəvana gəlməsinə dair tərif”, o birinin isə “Qarabağ
müsəlmanlarının rus çarına duası” idi. Hər iki
dəftər şeirlə yazılmışdı. Şeirlərin əksəriyyəti fars
Fridrix Bodenştedtin Mirzə Şəfi Vazeh haqqında xatirələri
115
dilində
idi
və
elə
səliqəli
yazılmışdı
ki,
tərifləməmək mümkün deyildi. Mən xahiş etdim bir
nüsxəsini mənə versin. Gənc oğlan tərifdən
xoşallanıb, dəftərlərini mənə bağışlamaq istədi,
lakin Mirzə Şəfi ona mane olub, mənə:
- Sən dəftərləri almağa tələsmə. O, bir nüsxə
də səliqə ilə köçürər, mən gələn dərsdə gətirib,
orada yazılan mərsiyə şeirlərinin nə olduğunu sənə
başa salaram, -dedi və gəncə işarə etdi ki, getsin.
Gənc gedəndən sonra əlavə etdi: -Əgər sən şeirlərin
təsirindən Allaha inansan, mən bir daha səninlə
şərab içməcəyəm.
- Məni sənin kitabxanan maraqlandırır, ustad.
Yəqin kitabxanada mərsiyələrdən başqa ayrı
kitabların da var. Yaxşı olardı bizə kitabxananı
göstərəydin.
Mirzə Şəfi gülümsünüb, Hafizin şeiri ilə mənə
cavab verdi və dedi:
-Doğrusu, mənim kitablarımı daşımaq üçün
dəvə karvanı gərək deyil.
O mənə, kiçik olsa da, fars və ərəb dillərində
yazılmış qiymətli əlyazmalarını göstərdi. Onun bu
ədəbi sərvəti fəlsəfi fikirlərlə dolu şeirlərdən ibarət
idi. Mən özümü saxlaya bilməyib soruşdum:
- Ustad, bəs necə olur ki, qidalandığın söz
dəryası bu qədər kiçik olduğu halda, hər gün Şərq
Akif Bayramov
116
poeziyasının əlvan, rəngarəng söz boyalarını aləmə
bəxş edirsən?
- Bu elm dəryası kiçik görünsə də, məzmunu
dərin, fikir dünyası genişdir. Böyük şairlərin
yazdıqlarını mən
əzbər bilirəm, əgər onu
unudaramsa, təkrar-təkrar oxuyub öyrənirəm. Bu,
mənə xoş olur. Pis şairlərin bircə sətrini də
oxumuram. Məzmunsuz şeir kimə gərəkdir? İnsan
müdrikləşdikcə kitabları da azalır. Yüz dənə pis
kitabı bir yol oxumaqdansa, yaxşı bir kitabı yüz
dəfə oxumaq məsləhətdir. Gərəksiz kitablar çox
olduqca dolaşıqlıq da artır. Gərəksiz şeirləri
oxuyandan sonra hirslənirəm, onlar gözəl şeir
yazmağa mənə mane olur. Ona görə ilhamımı
başqalarından almaq istəmirəm. Mən öz ilhamımı
gözəllərdən, təravətli çiçəklərdən, əla şərabdan və
baharın ətirli nəfəsindən alıb, şeir yazıram. Şairlərin
ilham mənbəyi bu olmalıdır.
Mirzə Şəfi sözünə ara verib, şərab dolu qədəhi
başına çəkdi və onu yenidən doldurub, həyəcanla
sözünə davam etdi:
-Çiçəkli bir bağ mənə daha çox rayihə verir,
nəinki sərvət dolu karvanların keçdiyi susuz bir
səhra. Bir gözəlin gül yanaqlarının qızartısından
daha çox ilham alıram, nəinki boşboğaz şairlərin
şeirlərindən. Günahsız bir körpənin səsi mənə daha
Dostları ilə paylaş: |