Fridrix Bodenştedtin Mirzə Şəfi Vazeh haqqında xatirələri
103
Tək özün bəyənər, tək özün sevər,
Xəyalı göylərdə gəzər həmişə.
Həqiqət axtarmaq istəsə əgər,
Həqiqi sənətə salmaz bir nəzər.
Mirzə Şəfi onun aldadıcı görkəmindən,
Kədərindən onunçün gözəl bir nəğmə
yazar.
Mənim ağıllı müəllimim bu şeiri mənə növbəti
dərsində oxudu. Ustadım məndən qəlyanını
gətirməyi xahiş etdi. Mən ustadımın xahişini yerinə
yetirdim. O, şərabdan bir qədəh doldurub içdi və
Mirzə Yusiflə münasib bir gündə yarışacağından
danışdı.
Mirzə Yusif isə heç cür sakitləşmirdi.
Ustadımın
şeirləri
onun
ürəyinə
ox
kimi
sancılmışdı. Bunun əvəzində o, dostları arasında
xoşagəlməz şayələr yayırdı. Guya mən şəkil
çəkməyi çox sevdiyimə görə onu özümə müəllim
götürmək istəyirəm. Mirzə Şəfinin bu sənətdən başı
çıxmır, buna görə mən gəncəli ustadımla yola
getmirəm. Mirzə Yusifi özümə cəlb etmək üçün
müxtəlif yollardan istifadə edirəm. Ən başlıcası,
mən ona ərəb güzgüsü bağışlamışam və ayrı
hədiyyələr də verəcəyimi vəd etmişəm ki, o, mənim
müəllimim olsun.
Akif Bayramov
104
-
Söylənilənlərdən ancaq bu həqiqətdir ki, mən
ona balaca bir cib güzgüsü göndərmişəm, deyə sözə
başladım. - Mənə elə gəlir ki, bu, çox da böyük
hədiyyə deyil ki, mən ondan istifadə edəm. Siz
bilirsiniz ki, Mirzə Yusifə, nə də başqalarına belə
hədiyyə lazım deyil. Mən Mirzə Yusifə əziyyət
çəkib şeirləri, şəkilləri evimə göndərdiyi üçün ancaq
öz minnətdarlığımı bildirmişəm. Onun şeirlərindən
xoşagələnləri də var.
Mirzə Şəfi gülümsünüb dedi:
-
Demək, şeirləri özü yazmayıb. O, qəlyandan
bir qullab vurub, sözünə davam etdi:
-
Səni necə başa salım ki, aydın olsun. Mənə
elə gəlir, sən Mirzə Yusifin şeirlərini yaxşı
oxumamısan və bunun üçün də onun yaradıcılığı
haqqında düzgün fikirdə deyilsən. Əgər mən çalışıb
desəm ki, çeyillikdə su yerinə şərab var, sarmaşıq
qızılgül bitirir və yaxud çayda qızıl üzür, buna necə
inanmaq olar? Demək, Mirzə Yusif də sənə
göndərdiyi “yaxşı” şeirləri özü yazmayıb, kimdənsə
oğurlayıbdır. Onun hikməti barsız ağaca bənzəyir.
Ağac kötüyü üzərində yazılan həriflər kimi, onun
hikmətinin kökü də dayazdır. Onun hikmətində
cücərmək üçün nə bir çiyid, nə də cücərə bilən bir
taxıl toxumu var. Onun şeirlərini göstər, mən deyim
hardandır.
Fridrix Bodenştedtin Mirzə Şəfi Vazeh haqqında xatirələri
105
Doğrusu, mən Mirzə Yusifin qabiliyyəti
barəsində yaxşı fikirdəydim. Onun hikmətdə
səriştəsini öyrənmək məqsədilə mənə göndərdiyi
şeirlərdən bir neçəsini ustadım Mirzə Şəfiyə
göstərdim.
Ustad şeirlərin təhlilinə çox az vaxt sərf etdi.
O, müdrik bir müəllim kimi düşüncələrimə düzgün
istiqamət vermək üçün hikmətin sirlərindən, Şərq
şeirinin özünəməxsus gözəlliklərindən danışdı.
Obrazlı dildə yazılmış xoşagələn şeirlərin kimə
məxsus olduğunu dəlillərlə sübuta yetirdi. Artıq
ustadımın hər şeirə münasibətini aydın dərk
edirdim, hərəkətlərindən duyurdum ki, nə demək
istəyir. O, bir şeiri və yaxud ürəyi istəyən bir şeyi
mənə
yazdırmaq
istəyəndə
əvvəlcə
Kaxet
şərabından aramla içər, içərisi əla tütünlə
doldurulumuş qəlyandan qullab vurub, fikrə
gedərdi. Sonra şeiri oxuyardı. Mirzə Şəfi az danışan
adamdı, deyəcəyi sözü çox qısa, mənalı deyərdi. Biz
Mirzə Yusifin dini mövzuda yazdığı bir şeirini
nəzərdən keçirdikdə, Mirzə Şəfi dedi:
-
Əgər bir şeirdən məscid qoxusu gəlirsə, o
cansıxıcıdır, demək, şeir deyil. Belə şeir sahibinin
başı boş, işi zay olar.
Məhəbbət mövzusunda yazılmış belə bir şeir
diqqətimizi cəlb etdi.
Akif Bayramov
106
Sənin baxışların ox tək qəlbə sancılır,
Sən ki bunu yaxşı bilirsən?
Bəs mənim baxışlarımdan niyə qızarırsan!
Söylə, nədir buna çarə!
Razıyam, canan, öldürməyinə,
Ancaq icazə ver xəfif qızartıları görməyimə.
Mən soruşdum:
-
Necədir, xoşunuza gəldimi?
Mirzə Şəfi:
-
Pis deyil – dedi. Şeirdə hər nə varsa, hamısı
Hafizindir. Bu kəlamlar Hafiz şeirində daha gözəl
səslənir.
Mirzə Şəfi astadan oxumağa başladı:
Ah, Hafiz! Sənin möcüzəli nəğmələrini eşidən
ürəklər arzuyla dolur, səni unutmaq da çox çətin
olur!
Sonra Mirzə Yusifin mənə ithaf etdiyi bir neçə
şeirini oxuduq. Mirzə Şəfi bu şeirin məzmununun
Camidən, Sədidən, Xaqanidən olduğunu dedi.
Gözəl dildə yazılmış olduğunu güman etdiyim belə
bir şeirə də diqqət yetirdik:
Həyat camını sıxıb dodaqlarına,
Tüllər üzərində uzanmış canan.
Fridrix Bodenştedtin Mirzə Şəfi Vazeh haqqında xatirələri
107
Xəfif qızartı çökür yanaqlarına,
Külək duvağını yellədən zaman.
Günəş tək yandıqca al yanaqları,
Əqlimi itirir bal dodaqları.
İstərəm diz çöküb bu zaman, bu dəm,
Mən öz günəşimə səcdə eyləyəm.
Mirzə Şəfi gülərək dedi:
-
Hər
nə
varsa,
hamısı
Xaqanidəndir,
Hafizdəndir, Camidəndir, eləcə də Sədidəndir.
Mirzə Şəfi bunu deyib fikrə getdi, sonra işarə
elədi ki, dəftər, qələm götürüm. O, şeir oxudu, mən
yazdım:
Ziyalı adama bənzəyir MirzəYusif,
Gah Hafizi oxuyur, gah da Quranı,
Gah Camini oxuyur, gah da “Gülüstanı”,
Gah Xaqaniyə, Sədiyə atır göz,
Hərədən bir üsul, hərədən bir söz?
Hərədən bir gözəl misra götürür,
Sonra özgələrin dediklərindən
Özüyçün bir misra çələngi hörür.
Mirzə Şəfi parlaq bir ulduz,
Qəlbi daim işıqlı bir gündüz,
Sinəsi çiçəkli bir bağça-bağdır,
Onun hər sətrinin öz ətri vardır.
Dostları ilə paylaş: |