Akif Bayramov
88
dostunu ortada aparırdılar. Mənzil başına düz
gəlmək üçün onlar vaxtaşırı dayanırdılar.
İrəlidə gedən türk soruşdu:
- Bu, kimin komasıdır?
- Tacir Abdullanın mənzilidir, - deyə ikinci
türk cavab verdi. -Bura qorxulu yerdir, qala
bilmərik!
Onlar aşağı enib, balaca bir evə çatdılar.
Birinci türk yenə soruşdu:
- Bu kimin evidir?
- Bu ev dərzi İbrahimin dul qadınının
komasıdır.
Onlar burada gecələməli oldular. O biri gün
rus zabiti səyahətini davam etdirdi. Yusif və onun
qohumları Axalsixə qayıtdılar. Mən Georgi ilə
birlikdə Ömər əfəndinin yanında qaldım. Burada
qaldığım müddətdə Adıgöyün yaxınlığındakı və
türk sərhədlərindəki kəndləri, mal örüşlərini gəzib-
dolaşdıq, xristian kilsələrinin qalıqlarına rast gəldik.
Kilsələrin yazılarından öyrəndik ki, onlar XIV əsrdə
tikilmişdir. Mən dağılmış kilsələrin birindən bir
şəkil tapıb sürətini çıxardıqdan sonra Adıgöyə
qayıtdıq və Ömər əfəndinin yanında yaxşı günlər
keçirdik. Bizim kef məclisləri gözəl arxlarla əhatə
olunmuş sulu meyvəli bağlarda qurulurdu. Qızılgül
kolunun kölgəsinə xalça sərilirdi, xalçanın üstünə
Fridrix Bodenştedtin Mirzə Şəfi Vazeh haqqında xatirələri
89
stolu əvəz edən altı mütəkkə qoyulurdu. Biz
mütəkkəyə söykənib, əyləşirdik.
Həmişəki kimi, məclisimizə kəndin hörmətli
adamları çağrılmışdı. Onların çoxu bizim xidməti-
mizdə dayanmışdı. Ağzına qədər dolmuş qədəhlər
içilirdi. Həzin səslə oxuyan xanəndənin əvəzinə
yaxşı əhval-ruhiyyə doğuran bir melodiya lazım idi,
mən Ömər əfəndinin şəraba olan münasibətini
öyrənə bilmədim ki, o, ətraf camaatın qatı dindar
olmasından çəkinir, yoxsa Quranın tələbinə ciddi
əməl etdiyinə görə şərabın ləzzətindən imtina edir.
Mənə elə gəlir, o, dindar camaatın onu tənbeh
edəcəyindən çəkinib şərab içmirdi. Onun mənə
oxuduğu nəğmələrinin hamısında şərabın tərifi
göylərə qaldırılırdı. Qonaq qaldığım evin ciddi
qayda-qanunlarını öyrənə bilməsəm də, Ömər
əfəndinin etirazına səbəb olmamaq üçün onun hər
tələbini yerinə yetirirdim.
Mən Mİrzə Şəfidən öyrəndiyim hikmətlərdən
Ömər əfəndiyə oxumaq, bunun əvəzində isə onun
nəğmələrini dinləmək istəyirdim. Mən Mİrzə Şəfi
kimi onun nəğmələrində nə qədər güclü daxili
hisslər, özünə inam olduğunu kəşf etdim. Lakin
nəğmələrinin bir qismi məna dərinliyindən,
orijinallıqdan uzaq idi.
Akif Bayramov
90
Ev yiyəsinin mənim gəlişimlə şadlanması və
uzun ayrılıqdan sonra gələcəkdə mənimlə yenə
görüşüb, xatirələrimizi yada salmaq arzusunda
olduğu barədə birlikdə Mİrzə Şəfiyə məktub
yazdıq.
Biz bir-birimizin xəttini təriflədik. Yaxşı
yazmaq Şərq aləmində yüksək qiymətləndirilir. Bu,
elmiliyin ayrılmaz hissəsidir. Burada bir xəttatın o
birini dəvət edib, öz yazısını ona nümunə kimi
göstərmək və yaxud onu pis xəttinə görə təhqir
etmək halları heç olmur. Nəzakət xatirinə yazdığım
məktubu Ömər əfəndiyə, o da yazdığını mənə
göstərdi. Mən isə hər ikisinin üstünə “Mirzə Şəfinin
xəttidir” yazdım. Ömər əfəndi dedi:
-
Müəllimini mükafatlandırmaqda haqlısan,
ancaq ustadlıq başqa əşyalar kimi paylanılmır.
Yarısını
sənə
verərlər,
yarısını
da
özün
qazanmalısan. Daş üstündə ağac bitmədiyi kimi,
axmağın da başında ağıl olmaz. Hafiz necə deyib:
Bəzən əziyyət çəkməklə arzuna çata bilmirsən.
Eh Hafiz! Bəzən də o sənə əziyyətsiz nəsib olur.
Bunun əvəzində mən İncildən bir yeri misal
gətirdim. Orada deyilir: “Kimin varıdırsa, demək,
ona verilib, kimin yoxudursa, demək, onun olanı da
əlindən alınıb”.
Fridrix Bodenştedtin Mirzə Şəfi Vazeh haqqında xatirələri
91
O, anladığını başı ilə təsdiqlədi, mən isə
sözümə davam etdim: “Dilənçinin əlinə pul necə
gəlirsə, axmağın da başına ağıl o cür gəlir. Bu haqda
Sədi yaxşı deyib: “Sevənin başında səbr, dilənçinin
əlində pul ələkdə su duran kimi durur”.
Ömər əfəndi dedi:
-
Ağılsıza ağıl öyrətməkdən, ağıllının da
başından ağılı çıxartmaqdan çətin şey yoxdur.
Mən onu qabaqladım:
-
Bu o deməkdir ki, bol məhsul verən zəmidə
yaxşı məhsul əvəzinə, gözəl bitmiş sarmaşıq görsən,
əlbəttə, sarmaşıq əvəzinə, gərək bol məhsul olsun.
Bunun üçün zəhmət çəkmək, mübarizə aparmaq
gərəkdir. Bu da insandan bacarıq və şəxsi ləyaqət
tələb edir. Düzgünlük nə deməkdir? Əyriliklə
mübarizədir. Gərginlik nə deməkdir? Bütün yaxşı
şeylərin əksi olan pisliyə qarşı mübarizədir. Bu
insanın daimi fəaliyyəti, həm də şöhrətdir. Çünki
onun gücü tükənməzdir, o, mübarizədə özünü daha
qabarıq göstərir.
Ömər əfəndi gözlərini bir an qarşısına zilləyib,
əlindəki əsanı dinməzcə oynatdı. Sonra çalmasını
geri itələyib, üzünü mənə tutdu:
-
Mən bilmək istərdim, ikimizdən hansımız
ustad olarıq?
Akif Bayramov
92
Mən bu qeyri-adi sual qarşısında özümü
gülməkdən saxlayıb, məcburən dedim:
-
Siz bu suala necə cavab verərdiniz? Xırdaca
su damlası cəvahirin yanında nədir? Və yaxud bir
toz zərrəsi almazla müqayisədə nə ola bilər? Mən
özümü sizinlə necə müqayisə edə bilərəm?
O, cavabımızdan razı qalıb güldü. Lakin
hansımızın ustad olduğumuzu öyrənə bilmədi.
Mən onun bu məcələni necə öyrənəcəyi ilə
maraqlandım.
Ömər əfəndi içəri keçib, eyni boyda iki parça
kağız gətirdi. Onun birini mənə verdi, o birini
yazmaq üçün dizinin üstə qoyub dedi:
- Di yaz, mən də səninlə birlikdə yazacağam!
Mən onun nə məqsədilə haşiyə çıxdığını başa
düşmədim. Odur ki, soruşdum:
- Ömər əfəndi, xahiş edirəm arzu, istəyinizi
deyəsiniz, nə etməliyik?
O, məni başa saldı ki, mən onun haqqında şeir
yazım, o da mənim barəmdə şeir yazsın. Hansımız
vərəqi axıra qədər yazıb qurtarsaq, ustad o
olmalıdır.
Mən qəzəli başqa dildə öz istədiyim kimi
aydın şəkildə ona çatdırmaqda əziyyət çəkirdim.
“Mən iyirmi il də türk dilini öyrənsəm, yenə sizin
kimi gözəl cümlələr tapıb yaza bilmərəm”, - dedim.
Dostları ilə paylaş: |