Fridrix Bodenştedtin Mirzə Şəfi Vazeh haqqında xatirələri
73
O, bir qədəh şərab içib, özünə qəlyan sifariş
etdikdən sonra başqa hadisələrdən danışmaq
istəyəndə mən onun sözünü kəsib:
-
Sənin sözlərin çox səmimi səslənir, Mirzə
Şəfi! Mən də Quranda gözəl kəlamları oxumağı
sevirəm. Xahiş edirəm qadınlar barəsində öz fikrinə
davam elə! – dedim.
-
Xahişin ağıllı xahişdir – deyə Mirzə cavab
verdi. Məmnuniyyətlə sənin xahişini yerinə
yetirərəm. Qadına qəlbən nə qədər bağlansan, bir o
qədər onu yaxından tanıyırsan, öyrənirsən. Yaxşı
tanıdıqdan sonra bir o qədər çox sevirsən. Nə qədər
onları çox sevirlər, bunun əvəzində, bir o qədərdən
də artıq onlar bizi sevirlər. Çünki əsl məhəbbətə
onlar qarşılıqlı cavab verirlər. Ən ülvi məhəbbət
yüksək ağıl deməkdir. Bu dünyada qadından
yüksək
nə
ola
bilər?
Şən
xəyalımızda
canlandırdığımız cənnətin gözəlləri yer üzündə
yaşayan mələklərin yanında nədir? Xəyal həqiqət
yanında nəyə gərəkdir? Kölgə canlı varlıq yanında
nədir ki? Mən sənə deyirəm ki, qadın yer üzündə
Allahın
həqiqi
varlığıdır!
Onlardır
həyatın
daşıyıcısı. Onlar həyatın ən gözəl məxluqudur.
Onlardır xoşbəxtlik tacının ən qiymətli daşı. Kim ki,
onların tərəfdarıdır, həyat da onlarındır! Gözəl
Akif Bayramov
74
qadının əlini öpmək ən dadlı yeməklərdən
üstündür...
-
Öpdüyün gözəlin əli erməni qadınlarının
əllərindən təmiz olmalıdır, Mirzə Şəfi!
-
Sən yersiz danışırsan! Qadınların təbiətində
ən maraqlı cəhət odur ki, qadınların pintiliyi ağıllı
kişilərin onlarla düzgün rəftar etməməsindən irəli
gəlir. Qadını elə öyrət ki, onun əlini öpsünlər. Onda
onun əli həmişə təmiz olar. Onun ayağını öpsən, o
çalışacaq ki, öz ayaqlarına bütün qadınlıq səyi ilə
qulluq etsin!
Mən Ustadın bu gecəki kimi vəcdə gəldiyini
görməmişdim. O, qadını tərifləməklə qurtarmaq
bilmirdi. Artıq neçə vaxtdı o, gözümə xasiyyəti
dəyişilmiş kimi dəyirdi. Onun sifətində qabaqlar
hiss olunan məyusluq xoş əhval-ruhiyyə ilə əvəz
olunmuşdu. Onun axşam macəralarını görəndə
başa düşdüm ki, o yenidən vurulub. Mənim bu
fərziyyəm tamamilə doğru çıxdı. Mən onu xəyaldan
ayırıb, fikrini gündəlik məsələlərə yönəldəndə,
dalğın halda olsa da, kefi yaxşı olurdu. Dərsin hər
tənəffüsündə nəğmə oxunurdu. Hər arzu, hər istək
bir neçə nəğmədə öz gözəl ifadəsini tapırdı.
O boş şərab şüşəsini götürüb, ucadan səsləndi:
-
Qoy şərab gətirsinlər. Hafiz necə deyib:
Fridrix Bodenştedtin Mirzə Şəfi Vazeh haqqında xatirələri
75
Qızıl gülün fəsli gəlib
Şərab gətir ay sevgilim
Bir-birimizə sevda verib
Xoşbəxt gəzək ay sevgilim.
-
Mirzə Şəfi, - deyib onun sözünü kəsdim. –
Boynuna al sən bütün varlığınla aşiqsən. Mən bunu
hərəkətlərindən başa düşürəm.
-
Haqlısan, - o gülümsünərək cavab verdi. –
Dünya yenə mənə olduğundan gözəl görünür!
Hafiz necə deyib:
Mən coşğun dənizdə çox səyahət etdim,
Ölümlə üzbəüz gəldim, lakin ölüm yan keçdi.
Elə ki mirvari tapdım, dəniz mənə dəhşətli
görünmədi.
Mən yenə onu qabaqladım:
-
Sən niyə nəğmələrini oxumursan, Mirzə Şəfi?
Hafizin gözəl nəğmələrini həmişə oxuya bilərik.
Lakin sənin nəğmələrini ancaq yanında olanda
eşidirəm.
O, razılıq əlaməti olaraq başını tərpətdi. Mən
qələm-kağız hazırladım. Mirzə Şəfi o dəqiqə də
nəğmə oxumağa başladı.
Arzumuza çatmaq üçün
Mən də, sən də can atırıq.
Gecəmizi, gündüzmüzə
Yorulmadan biz qatırıq.
Akif Bayramov
76
Sən gəlbini mənə verdin,
Mən könlümü sənə verdim.
Hər ikimiz ayrılıqda
Yaşasaq da birik dedim.
Gəlbimizdə istək böyük,
Ayrılmayan bir bütövük.
Qartal kimi səmalara
Biz durmadan yüksəlirik.
- Sən yazırsanmı? – deyə o sözünü kəsib
sordu.
- Necə bəyəm? Sənin özün mənə yazmağı
tapşırmışdın ki?
- Belə mənasız şeyi yazmağa dəyməz. Mən bir
coşmaq istədim. Ağıllı nəğmə yazmaqdan və aşiq
olmaqdan asan şey yoxdur!
- Əgər bu sənə asan müəssər olursa, demək,
qərib bir şey olmalıdır!
- Bu, onu yetirən kökdən asılıdır! İndi mən
oxuyum, sən yaz.
Mirzə Şəfi oxuyur:
Hər tərəfdə duman olsa, çən olsa,
Qorxumuzu, qəmimizi unudaq.
Gözəl yanında, şərab məclisində
Riyakarlığı unudaq.
Müdrikləri, xeyirxahı qoruyaq
Fridrix Bodenştedtin Mirzə Şəfi Vazeh haqqında xatirələri
77
Peyğəmbərin iti, qılıncı ilə.
Xurafatı məhv edib doğrayaq,
Günəşi, ayı yerə endirib
Ocağını nəğməmizlə alovlandıraq.
Qoy bizim nəğməmiz gözəllik
Mehrabımın nəzir alovuna çevrilsin,
Qıvrım telli gözəlləri öz
Şəfəqində isitsin, bizə sevinc gətirsin.
Biz burada Mirzə Şəfi və “Divani-hikmət”
barədə
söhbəti
saxlayıb,
səyahətimiz
boyu
danışılacaq görüşlərimizdən söhbətə imkan tapaq.
Buradaca bir neçə qısa nəğmə veririk ki, bu da
“Divani-hikmət” məktəbindən gələn əks-səda, yeni
səyahətimizə keçid nöqtəsidir.
Ayaqlarım altında coşğun, sarı rəngli Kür axır,
Onun dalğaları günəş şəfəqləri altında rəqs edərək,
bərq vurub gülümsünür.
Mənimsə qəlbim çəmənlikləri seyr edir,
Kaş həmişəlik belə olaydı.
Qırmızı rəngli Kaxet şərabı qədəhdə şəfəq saçır,
Sevgilim isə qədəhimə şərab süzür,
Dostları ilə paylaş: |