Gəncə Bölməsi
Yüklə 1,36 Mb. Pdf görüntüsü
|
- Bu səhifədəki naviqasiya:
- Akif Bayramov
- Fridrix Bodenştedtin Mirzə Şəfi Vazeh haqqında xatirələri
Akif Bayramov 68 Söylə, hardadır Züleyxa? Hanı ona qarşı etibarın? Necə gözəl, sonsuz-nəhayətsiz qəribə gecələr idi... *** Biz yenə “Divani-hikmət” ədəbi məclisinə yığışmışdıq. - Mirzə Şəfi, – deyib ustadıma müraciət etdim. Hafiz vəfasız qadınlar barəsində necə demişdir? Mirzə Şəfi qəlyanını yana qoydu, şərabdan bir- iki qurtum içib, oxumağa başladı: Gözəllikdə nöqsan olmaz Desəm yanılmaram. Gözəl qızda vəfa olmaz Desəm yanılaram. Ustad oxumağa başlayanda, qurtarmaq bilmirdi. O, axırıncı misranı qurtaran kimi Hafizdən başqa bir nəğmə oxudu. Mən sənə baxanda yanaqlarının parlaq izlərini qəlbimdə daşıyıram. Bax, günəş də sənin yanaqlarının arlaqlığında titrəyir. Fridrix Bodenştedtin Mirzə Şəfi Vazeh haqqında xatirələri 69 - Bu barədə daha bəsdir – dedim. Mən istəyirəm ki, sən mənə bu gün başqa məsələləri öyrədəsən. Mənə de görüm, Mirzə, vəfasız kişilər barəsində Hafiz necə deyib? - Sən yersiz sual verirsən! Vəfasız kişilər haqqında Hafiz necə şeir deyə bilərdi? Sənin sözündən belə çıxır ki, o, qadınlara xain çıxmaqda özü-özünə düşməndir? O, mənə diqqətlə nəzər yetirdi, əlini əlinə vurub təzə qəlyan sifariş etdi və məni razı salmaq üçün öz fikrinə qayıtdı. Kişi vəfasızlığını qadın vəfasızlığı ilə müqayisə etmək olar? Bir gülü ancaq bir dəfə dərmək olar. O solsa, ətri özündə qalar. Külək incə qızılgülü, pöhrəni sındıra bilər, ancaq möhtəşəm ağacların başı üstündə əsib keçər, iz də qoymaz. Təzə açmış qızılgülü soldurmaq üçün heç onun üstündə əsməyə qıyarmı? - Sən düz danışırsan, oğlan! Sən öz düşüncənlə mənim fikirlərimə yaxınlaşırsan. Bir bax, qadın surəti gözəllik rəmzi kimi sanki möhkəm dəfnə ağacına məhəbbətlə sarmaşıb, həm ağacı, həm də özünü əyir. Gənc çağlarında yerə sərilmiş ağacı götür. O, insanların ayağı altında əzilib məhv olacaq. Əgər başqa xatalar gözləməsə, yenidən dirçələ bilər, yaşıllaşar. Akif Bayramov 70 - Fikrini mənə çatdırmaq üçün əyanilik lazım deyil, Mirzə? - Əyanilik olmasa, danışıq nəyə dəyər? Yaxşı işi ayan gənc kimə gərəkdir? - Sən haqlısan, ustad, sözünə davam et. - Sənin həyata baxışını yoxlamaq üçün bir sual vermək istəyirəm. Mənə de görüm, qadınlar arasında axmaqlar çox olar, yoxsa kişilər arasında müdriklər? Mən axırıncıya daha çox inanıram! Mirzə başı ilə dediyimi təsdiq edib, dolu qədəhdəki şərabdan içdi və sözünə davam etdi: - Ağıllı adamla söhbət etmək yaxşıdır, yoxsa dəli ilə? - Mən inanıram ki, əvvəlinci ilə söhbət etmək yaxşıdır. - Biz eyni fikirdəyik. Sən gərək elə bir vəziyyətdə olasan ki, qadınlar və kişilər arasındakı vəfasızlığın sirlərini ilk baxışdan ayırd edə biləsən. Əgər ürək məhəbbətlə dolarsa, onda başqa şeyə yer qalarmı? - Mirzə, mən xahiş edərdim ki, sənin üçün çətin deyilsə, öz hikmətlərindən, şəxsi həyatından danışasan. Fridrix Bodenştedtin Mirzə Şəfi Vazeh haqqında xatirələri 71 Mən əvvəllərdə olduğu kimi, özümü sakit apardım. Buna görə ustad mənə yoxlayıcı bir nəzər yetirdi. - Elə mənim həyatım başdan-ayağa qeyri- adidir! Mirzə qısa tənəffüsdən sonra sözə başladı. - Heç kəs mənim kimi aşiq ola bilməzdi! Lakin mənim günəşim çoxdan sönübdür, ancaq onun canda qoyduğu hərarət insanların öyrəşdiyi adi odun hərarətindən daha qiymətlidir. Hafiz necə demişdir: Qop yerindən, mənim parçalanmış ürəyim. Min yerə parçalan, Min qiymətli şeylərdən daha çox ol. Qadınlar bunu bilib məni sevirlər. Vaxt vardı biri mənə hamını əvəz edirdi. Indi hamı mənə birini əvəz edə bilmir! Gecələr sayrışan ulduzlar həyatıma işıq salsa da, mən buna sevinmirəm, çünki günüm keçibdir. Biz gördüyümüz qadınların ağır zəhmətlərindən, onların böyük daşlardan soba tikmələrindən danışanda, Mirzə Şəfini fikir götürmüşdü. Biz hiss etdik ki, o, qadınların əli ilə tikilmiş sobaların gələcəkdə nifrət damğası olaraq Akif Bayramov 72 onların kişilərini təhqir edəcəyi barəsində düşünürdü. - Eyib olsun onların kişilərinə! – deyib Mirzə fikrindən ayrıldı. Ən yüksək qiyməti qadınlara vermək lazımdır. Bu gözəl məxluqun əziyyət çəkməsində ancaq kişilər günahkardırlar. Mənə de görüm, günəş olmasa gül necə açar? Şoran torpaqda bənövşə bitərmi? Qadınlar o zaman gözəlləşər, çiçək kimi açılar ki, onu bəsləyib qoruyasan. Kişilər gözəl bağban olar, bağçaları güllərin ətri bürüyər. Onlar çiçəkləri gobud əlləri ilə məhv etməməlidirlər. Fikirlərini çiçəklərinin açmasına, qorunmasına sərf edənlər pis əməllərdən uzaq olurlar. Qızılgülü ayaqların altında tapdalasan, onun tikanları mütləq ayaqlarına batacaq. Əgər sən qızılgülün qayğısını məhəbbətlə çəksən, o açacaq, ətirli olacaq, həm özünü, həm də səni bəzəyəcək. Əgər sən bir qadını könüllü qul etmək istəsən, o buna dözməsə də, özünün ağası kimi qarşında baş əyib minnətdarlıqla öz məhəbbətini bildirəcək. Əgər sən qadını zorla öz qulun etmək istəsən, onda o buna heç vaxt dözməyəcək, məkr və hiyləsi ilə sənin üzərində hakim olmağa çalışacaq. Çünki məhəbbət səltənətində təzadlar aləmi də var. Ağıllı adamlar bunu fikirləşib, öz bildikləri kimi hərəkət edirlər. Yüklə 1,36 Mb. Dostları ilə paylaş:
|