Ü M U M İ D İ L Ç İ L İ K – I I C İ L D
89
TÜRK AREALI
Türk coğrafiyası – türklərin yaşadıqları yerlər dün-
yanın olduqca böyük və geniş sahəsini əhatə etmişdir.
Yer üzündə türklər qədər geniş yayılmış ikinci bir milləti
təsəvvürə gətirmək çətindir. Dünyanın
hər yerində türk
insanları yurd salıb həyat sürmüşlər. İndi də müasir türk
dünyası ucsuz-bucaqsız ümmana bənzəyir.
TÜRKLƏRİN İLK YURDU. Türk xalqlarının əcdad-
ları – ulu babaları miladdan əvvəl – iki min il bundan öncə
Orta Asiyada yaşamışlar. Türklərin beşiyi,
məskunlaşma
mərkəzi Altay dağlarının şimalı və Yenisey çayının sahillə-
ri olmuşdur. Həmin ərazilər, bölgələr bu gün də türk xalq-
larına məxsusdur. Türksoylu xalqların bəziləri bu qədim
türk yurdlarında öz mövqelərini möhkəmlətmiş və oralara
daha möhkəm bağlanmışlar.
TÜRKLƏRİN YAYILMASI
Qədim türklərin bəzi soyları, qəbilə, tayfa və qrupları
müxtəlif şərait, vəziyyət və səbəblərlə bağlı doğma yurdla-
rından ayrılıb dünyanın başqa-başqa yerlərinə üz tutmuş-
lar. Türklərin dünyaya yayılmasının bir neçə səbəbi vardır.
Hər şeydən əvvəl bildirməliyik ki, türklərin başqa torpaq-
lara getməsi iqtisadi məsələlərlə əlaqədar meydana çıxmış-
dır. Türk əhali bir tərəfdən sürətlə artmış, çoxalıb öz yur-
duna sığışmamış, digər tərəfdən də mal-qara inkişaf etmiş
və mövcud torpaqlar darlıq etmişdir. Türklər bu ictimai və
iqtisadi problemləri həll etmək üçün qonşu ölkələrə, daha
münbit və geniş bölgələrə getmək zərurəti ilə qarşılaşmış-
lar. Bütün bunlarla bağlı get-gedə türklər yer üzünə yayıl-
mağa başlamışlar.
Türklərin dünyaya yayılmasının
tarixi eradan əv-
vəl hun türklərindən başlamışdır. Türk adamlar dörd is-
tiqamətə – dünyanın dörd qütbünə yayılmışlar. Onlar
Ü M U M İ D İ L Ç İ L İ K – I I C İ L D
90
şərqdə
Sakit okeana qədər, qərbdə Avropanın mərkəzlə-
rinə, şimalda Uzaq Sibirə, cənubda Hindistana gedib çat-
mışlar. Türk boylarının başqa yerlərə yayılması
müxtəlif
dövrlərdə baş vermişdir.
Türklərin Qafqaz ərazilərinə gəlmələri onlar üçün
böyük əhəmiyyət kəsb etmişdir. Belə ki, Cənubi və Şima-
li Qafqaz bəzi türk tayfalarının başqa yerlərə, o cümlədən
Kiçik Asiya və Avropaya keçməsində imkanlı bölgə, əlve-
rişli yol olmuşdur.
Cənubi Qafqaza – Azərbaycan ərazisinə uzaq keçmiş-
də türk mənşəli bir çox tayfa və qruplar gəlmiş, bunlardan
bəziləri
köçüb getmiş, bəziləri isə daimi məskunlaşıb bu
torpaqları özlərinə vətən etmişlər.
Azərbaycan ərazisinə türklərin gəlişi miladdan əvvəl
VII əsrdən başlanmışdır. İlk dəfə Azərbaycana sakalar (is-
teklər) gəlmişlər
1
. Qədim sakalar bu bölgədə uzun illər ya-
şamışlar. Onlardan sonra buraya gələn türk mənşəli hesab
edilən albanlar olmuşdur. Uzun sürən alban hakimiyyətini
midiyalılar devirmişlər.
II əsrdən Azərbaycan bölgəsinə hun türkləri,
sonra
xəzərlər, V əsrdə sabirlər və başqaları gəlmişlər.
VI–VIII əsrlərdə – Göytürk hakimiyyəti illərində (552–
744) Orta Asiyadan bir sıra türk tayfaları Azərbaycana gəl-
miş və burada yerləşib qalmışlar.
VIII əsrdə oğuzların bir qolu Azərbaycana gəlmişdir
2
.
Səlcuqlar dövründən isə Azərbaycan tam türk ölkəsinə
çevrilmişdir. Orta Asiyadakı türk ölkələri monqol istilası-
na məruz qalandan sonra da bəzi türk qrupları Azərbayca-
na köçüb burada məskunlaşmışlar.
1
Prof. Dr. Mehmet Saray. Azerbaycan Türkləri Tarihi. İstanbul, 1993.
2
”Dədə Qorqud” dastanı oğuz tayfalarına məxsusdur. Həmin tayfalar müasir azərbaycan-
lıların, türk və türkmənlərin formalaşmasında özək xətti təşkil edərək, onların ulu babaları
olmuşlar.
Ü M U M İ D İ L Ç İ L İ K – I I C İ L D
91
Deməli,
Azərbaycanda bir deyil, zaman-zaman bir
neçə türk tayfa və qrupları
yerləşmiş və onlar bugünkü
Azərbaycan millətinin tərkibini təşkil etmişlər. Bu proses
digər türk xalqlarının da tarixində baş vermişdir. Türklə-
rin beləcə yer üzünə yayılması, ayrı-ayrı tayfaların, xalqla-
rın formalaşması çoxsaylı müstəqil türk dillərinin tarixən
yaranmasına, meydana çıxmasına başlıca səbəb olmuşdur.
Müasir türkdilli xalqlar Orta Asiyada (Qırğızıstan-
da, Özbəkistanda, Türkmənistanda, Qazaxıstanda), Uzaq
Şərqdə, Çində, Qafqazda, Rusiyada, İranda, İraqda, Kiçik
Asiyada – Türkiyədə yaşayırlar. Bundan başqa, ABŞ-da, Fran-
sada, Almaniyada, İngiltərədə, İtaliyada və digər ölkələrdə
də xeyli türk yaşamaqdadır. 260 milyonluq dünya türklə-
rindən 30 milyondan çoxu azərbaycanlıdır. Azərbaycan-
lılar türk xalqları arasında əhalinin miqdarına görə ikinci
yeri tutur.
Dostları ilə paylaş: