QƏDİM ROMA
Qədim Roma mətbəxi və qida mədəniyyəti qədim Roma
dövlətinin bütün dövrlərində dəyişib inkişaf etmişdir.
Romalıların yeməyi əvvəlcə çox sadə olub. Romada kuli-
nariya sənəti eramızdan əvvəl III əsrdən inkişaf etməyə başladı,
qədim yunan mədəniyyətindən təsirləndi, sonra imperiyanın
genişlənməsi qədim Roma mətbəx reseptlərinin və yemək ənə-
nələrinin inkişafına töhfə verdi. Qədim Romada bir çox romalı-
ların zənginləşməsi imperiya dövründə varlıların arasında israf
və acgözlüyün çiçəklənməsinə səbəb oldu. Kəndli və senatorun
yeməyi, şəhər sənətkarları və varlanmış zadəganların yeməyi,
istehlak mədəniyyəti bir-birindən fərqlənirdi. Hələ erkən dövr-
lərdə Romada əsas qidalar çörək, un məmulatları idi. Onlardan
sıyıq, bal, duz, zeytun yağı və su önəmli hesab olunurdu.
Romalıların çoxu sadə qidalanırdı. Gündəlik qidaları əsa-
sən, paxlalı və dənli bitkilərdən, o cümlədən müxtəlif çörək, sı-
yıq və kökələrdən ibarət idi. Romalıların gündəlik rasionunda
tərəvəz və meyvələr, yumurta, bir neçə növ balıq və ilbiz məh-
sulları məşhur idi. Qədim antik müəlliflərin fikrincə çörək və
şərab əsas ərzaq məhsulu idi. Romalıların aclıq anlayışı əsas
qida məhsulu olan taxılın sona çatması demək idi. Bunun sə-
bəbi çörəyin olmaması və ya məhsul çatışmazlığı səbəbindən
əhalinin narazılığı və üsyanı idi. Ət, balıq və ya tərəvəz olmaması
səbəbindən hər hansı bir üsyan olduğuna dair dəlil yoxdur.
61
Bəzi şəhərlər və əyalətlər məhsulları ilə tanınırdı. Məsələn,
Venafro və Kasində ən yaxşı zeytun yağı istehsal edilirdi. Pit-
sendən Romaya ən yaxşı zeytun növləri çatdırılırdı. Po çayı bo-
yunca ərazilər və Qalliya əla hisə verilmiş sala, donuz əti və
veçinası ilə, Brindizi, Taranto, Ariçça, Ostiya kəvəri, soğanı ilə,
Pompey kələmi, Lukaniya kolbasası ilə məşhur idi. Süd məhsul-
ları, donuz və quzu əti, quş əti və yumurta Romaya şəhərətrafı
ərazilərdən, pendir isə Mərkəzi İtaliyadakı Vestin bölgəsindən
Umbriya və Eturiyadan gətirilirdi.
Qədim Romada əvvəllər buğda daha çox emmer demək
idi. Daha sonra emmer becərilən buğda ilə əvəz olundu. Çov-
dar Aralıq dənizi bölgəsində çətinliklə yayıldı. Lakin II əsrdən
sonra şaxtaya davamlılığı səbəbindən imperiyanın şimal əyalət-
lərində becərilməsi getdikcə artmağa başladı. Yulaf burada aşa-
ğı növlü taxıl hesab olunurdu və əsasən, heyvan yemi olaraq
yetişdirilirdi. Böyük Pliniyə görə, yulaf yalnız Almaniyada bir
qida məhsulu olaraq becərilirdi. Arpa ilk növbədə yem olaraq
və daha az yemək kimi istehlak edilirdi. Romanın padşahlıq
dövründə arpa sıyığı kasıbların yeməyi idi. Legionlar üçün arpa
pəhrizi cəza hesab olunurdu.
Çörək və kökələr Qədim Romanın padşahlıq dövründə ro-
malıların tipik yeməyi hesab olunmurdu. Əhali əsasən, sıyıq
yeyirdi. E.ə. II əsrdən Romada ictimai çörək bişirilən sexlər
fəaliyyətə başladı və çörək yoxsullar arasında tez məşhurlaşdı.
Zaman keçdikcə çörək növlərinin sayı artdı. Adətən hər evdə çö-
rək bişirilirdi. Ancaq yuvarlaq çörəklərin satıldığı xüsusi çörək
dükanları var idi. Məşhur çörək növləri: zərif üyüdülmüş ağ buğ-
da unundan olan çörəklər, qara undan olan orta keyfiyyətli çö-
rəklər, pis üyüdülmüş sərt olan çörəklər idi. Üçüncü sinfə daha
çox düşərgə zamanı Roma legionlarının özlərinə bişirdikləri
çörək qırıntılarına bənzəyən legion çörəyi də daxil idi.
Çörəklər isti kül ilə qızdırılan sobalarda bişirilirdi. Dəniz
məhsulları ilə hazırlanan yeməklər üçün xüsusi növ çörəklər
bişirilirdi. Süd, yağ, arpa yarması, dəfnə, kərəviz, keşniş, adi
62
cirəgülü, xaşxaş toxumu, bal, zirə, küncüt bəzi çörək və xəmir
növlərinə əlavə edilirdi. Çörək çörəkçidən asılı olaraq müxtəlif
formalarda bişirilirdi. Hətta tanrı Priap şəklində də çörək
bişirirdilər.
Peçenye və şirniyyatları heyvanlar, quşlar, komik fiqurlar,
piramidalar və s. formalarda bişirirdilər. Piroqlara üzüm, pen-
dir, badam qatırdılar. Bəzi yeməklər bol yağda qızardılır, üzə-
rinə bal və xaşxaş toxumları tökülürdü. Burada, həmçinin çox-
qatlı tortlar, pendirli, üzümlü və meyvəli piroqlar bişirilirdi. Su
qatılmamış süd barbar və ya kəndli içkisi hesab olunurdu.
Kəndlilər ilk növbədə qoyun və keçi südündən istifadə edir-
dilər. İnək südü ən az istifadə edilən qida sayılır, çox nadir hal-
larda istifadə olunurdu. Uzunqulaq südü çox güman ki, yalnız
xəstələrə verilirdi. Pendirin növləri çox idi, hətta kasıblar üçün
ucuz və əlverişli idi. Keçi və qoyun pendiri geniş yayılmışdı.
Qədim Roma mətbəxinə aid olan ilkin reseptlərdə pendir çox
vaxt yeməklərin və hətta çörəyin tərkibinə daxil idi. İmperiya
dövründə isə pendirə əsasən, sadə mətbəx reseptlərində rast
gəlinirdi.
Romalılar qaymağın nə demək olduğunu bilmirdilər. Latın
dilində bu məhsul üçün bir kəlmə belə yox idi. O dövrdə yalnız
ərimiş formada olan kərə yağı romalılar üçün barbarların qida
məhsulu olaraq qalırdı. Yumurta qaynadılmış, az qaynadılmış
və omlet şəklində yeyilmiş, digər reseptlərdə, o cümlədən çö-
rək və souslar üçün də istifadə edilmişdir. Daha çox toyuq yu-
murtasından istifadə edilirdi. Ördək və qaz yumurtalarından
daha az, istisna hallarda istifadə olunurdu. Qurmanların men-
yusuna tovuz quşu, bildirçin yumurtası, daha az hallarda isə
dəvəquşu yumurtası daxil idi.
Mal əti qurmanlar arasında məşhur deyildi, çünki inəkdən
əkinçilikdə çox istifadə edildiyindən onun əti sərt idi. Lakin
buna baxmayaraq, bir çox arxeoloji qazıntılar zamanı kəsilmiş
inək cəsədlərinin qalıqları tapılmışdır. Donuz ətindən daha çox
istifadə olunurdu. Əvvəllər donuz əti yalnız bayramlarda tan-
63
rıların şərəfinə bişirilirdi. Məsələn, İmperator Tiberinin döv-
ründə yaşamış aşpaz Mark Qabiy Apitsiyin reseptinə görə is-
tiot, kərəviz toxumu, qurudulmuş nanə, bal, sirkə və digər
ədavalar ilə dişi donuzun içalatının əvvəl qaynadılmış, sonra
qızardılaraq sousla yeyilməsi, yaxud elə onun tövsiyəsi ilə ən-
cirlə bəslənən donuzların baş, qaraciyər, mədə və digər içala-
tından hazırlanan yeməklər ən dadlı yemək hesab edilirdi.
Kolbasalar adətən mal və ya donuz ətindən hazırlanırdı.
Bunun üçün xeyli sayda reseptlər var idi. Ən geniş yayılanı
küçədə satılan mal ətindən hazırlanmış sadə formalı bortlus idi.
Müxtəlif ədviyyatlarla zəngin olan donuz ətindən bişirilmiş
sadə formalı Lukan kolbasası kütlə arasında ən çox sevilən kol-
basa sayılırdı. Hesab edilirdi ki, o imperiyaya ilk dəfə İtaliya-
nın cənubuna yürüşdən dönən Roma əsgərləri tərəfindən gəti-
rilmişdir. Buna bənzər reseptlərin bu günə qədər də davam et-
diyini söyləmək lazımdır. Xüsusi bir dad almaq üçün kolbasa
və meyvələrlə marinə edilmiş donuz ocaqda bütöv şəkildə bişi-
rilirdi. Dovşan və adadovşanı da bəslənirdi. Doğrusu, dovşanın
bəslənməsi çətin olduğundan, o, dörd qat baha olurdu. Dovşan
əti Roma qurmanları üçün delikates sayılırdı. Onu hazırlamaq
üçün əvvəlcə qaynadılır, sonra sobada qızardılır və yalnız bun-
dan sonra süfrəyə bibər, kəklikotu, göy soğan, kərəviz, turp, şə-
rab və zeytun yağı ilə birlikdə verilirdi. Eramızdan əvvəl II əsrdə
ağac gəmiriciləri xüsusi delikates hesab olunurdu. Onlar xüsusi
gil qablarda bəslənir və süfrəyə içi doldurulmuş şəkildə gətilir-
di. Bu haqda yalnız aşpaz Mark Qabiy Apitsiydə deyil, həm də
Plininin, Petroninin və Mark Valeri Marsialın əsərlərində də
rast gəlinir.
Bəzən süfrəyə bişirilmiş bütöv bir qabanın əti verilirdi. Apit-
siy qaban qovurması ilə birlikdə bibər, kəklikotu, adi cirə, şüyüd
toxumu, şərab, soğan, xurma, bal, sirkə turşusu, habelə rəng ver-
mək üçün qarağatdan ibarət soyuq bir sous məsləhət görürdü.
Ev quşlarından əlavə, qırqovul, firəngtoyuqkimilər, tovuz
quşu da yetişdirilirdi. İmperiya dövründə müxtəlif quş növləri
64
qida kimi istehlak edilirdi. Bunların arasında toyuqlar, ördək-
lər, qazlar, leyləklər, durnalar, toyuqkimilər, qaratoyuq, kəklik-
lər, göyərçinlər, bülbüllər, tovuz quşu, qırqovul, qızılqaz, tutu-
quşular daxil idi. Qurmanlar üçün toyuqlar Rodosdan və Numi-
diyadan, su quşları Parfiyadan, tovuz quşları Babildən, qırqo-
vullar isə Kolxidadan gətirilirdi. Balıq isə qiymətdə sadə ət
növlərindən üstün idi. Qədim romalıların menyusuna aşağıdakı
balıq növləri daxil idi: boz kefallar, nərə balığı, treska, alabalıq,
dərəqaya balığı, tutuquşu balığı, tuna, dəniz kirpiləri, lavrak,
qurmanlar arasında məşhur idi. Tiberi dövründə tutuquşu balığı
dəb halına gəldi. Böyük Plini vaxtında qırmızı kürək, eyni za-
manda, açıq dənizdə tutulan böyük balıqlar qiymətli oldu. Qır-
mızı kürək balığı delikates hesab olunurdu, bir müddət lüksün
təcəssümü olaraq xidmət etmişdi. Tərəvəzlərdən adi soğan, kə-
vər soğanı, sarımsaq, turp, yerkökü, o cümlədən bir neçə növ
kələm məlum idi. Kələm sirkə ilə bişməmiş şəkildə istifadə olu-
nur, qaynadılır, ədviyyat və duz ilə, bəzən isə sala ilə də yeyi-
lirdi. Çuğundur yarpağının qalın hissələri, yarpaqları yeyilirdi.
Paxla, noxud, acıpaxlalardan əsasən, yalnız kəndlilər, le-
gionların və qladiatorların yediyi sıyıq hazırlayırdılar. Paxla-
lılar, ümumiyyətlə, zadəganların mövqeyinə zidd hesab olunur-
du və yalnız yeyilən mərciməklər layiqli qida sayılırdı. Bir sıra
kol bitkiləri və göyərti muss halına gələnə qədər bişirilir, sirkə,
zeytun yağı və bir çox ədviyyatlarla - istiot və ya gicitkən, adi
əvəliklə yeyilirdi. Ənənəvi olaraq romalılar armud, albalı, ga-
valı, nar, heyva, əncir, üzüm və alma yeyirdilər. Eramızdan əv-
vəl I əsrdə İtaliya bağlarında kifayət qədər becərilən alma ağac-
ları var idi. Şərq meyvələri: albalı, şaftalı və ərik ortaya çıxdı.
Meyvələr təzə yeyilir, bal və ya üzüm suyu içərisində konserv-
ləşdirilir, qurudulur, həmçinin əsas yeməklərdə və qəlyanaltı-
larda istifadə edilirdi. Məsələn, Apitsiya şaftalı və armuddan
hazırlanan yemək reseptlərini təsvir etmişdi. Qədim Romada
yeməyin dadını müxtəlif ədviyyatlarla dadlandırmaq təcrübəsi
geniş yayılmışdı. Zeytun yağı, sirkə, duz, bal yeməklərdə əd-
65
viyyat olaraq istifadə olunurdu. Yerli bitkilərdən şüyüd toxu-
mu, adi cirəgülü, xardal, mərzə, kərəviz toxumundan ədviy-
yatlar kimi də istifadə edilirdi. Makedoniyadan cəfəri, Suriya
və Efiopiyadan zirə, Frakiyadan kəklikotu, zəncəfil, darçın,
Hindistandan qara istiot idxal olunurdu. Apitsiya qara istiotu ən
vacib ədviyyat hesab edirdi və onu quş əti, noxud, həmçinin
qaynadılmış və qızardılmış yumurtalara əlavə etməyi məsləhət
görürdü. Çox vaxt bibər reseptlərdə bal ilə eyni vaxtda istifadə
olunurdu. Böyük Plini bu ədviyyatın istifadəsini tənqid edirdi.
Onun fikrincə, qara istiot yalnız Hindistandan gətirildiyi üçün
yeməklərə əlavə edirdilər. Bəzi əliəyri tacirlər qara istiotun
içinə xardal toxumları və hətta qurğuşun tozu qatıb satırdılar.
Dostları ilə paylaş: |