Fərhad məMMƏdov tahiRƏ allahyarova

AZƏRBAYCANDA ARAŞDIRMA VƏ BEYİN MƏRKƏZLƏRİ
[yaranması, inkişafı və perspektivləri]
147
və araşdırmalar əks olunur.  Bülletenin ikinci hissəsində isə Azərbaycan  Mərkəzi 
Bankında  aparılmış  yeni    tədqiqatlar  haqqında  xülasələr    yerləşdirilmişdir.   
Bülletendə qlobal beyin mərkəzlərinin araşdırmalarının və analitik hesabatlarının 
icmallaşdırılması, Mərkəzi Bankda aparılmış tədqiqat layihələrinin xülasə şəklində 
ümumiləşdirilməsi əks olunur.
Aparılan işlər barədə ictimaiyyətin məlumatlandırılması bir tərəfdən qlobal və 
milli iqtisadiyyat haqqında ən mühüm informasiyanın istifadəçilərə ötürülməsində, 
digər tərəfdən isə peşəkar auditoriyanın fundamental tədqiqatlarda tətbiq olunan 
yanaşmalar  və  tədqiqatların  nəticələrinin  praktiki  əhəmiyyəti  ilə  tanış  etməkdə 
xüsusi əhəmiyyət kəsb edir.
Rüblük bülleten Mərkəzi Bankının internet səhifəsində (http://cbar.az/assets/ 
2760/ Tedqiqat_bulleteni.pdf) yerləşdirilir.
Tədqiqatlar və İnkişaf Mərkəzi  həmçinin “2011-2014-cü illər üçün Strateji 
Plan”  hazırlayib  təqdim  etmişdir.  Növbəti  strateji  mərhələdə  Mərkəzi  Bank 
mövcud  çağırışlara  və  yeni  prioritetlərinə  uyğun  olaraq  fəaliyyətini  aşağıdakı 
istiqamətlərdə həyata keçirməyi nəzərdə tutur:
• başlıca funksional fəaliyyət sferalarının əsaslı müasirləşdirilməsi və 
beynəlxalq standartlara uyğunlaşdırılması;
• ən müasir tələblərə uyğun korporativ idarəetmə sisteminin  inkişafı; 
• müasir və güclü insan kapitalının formalaşdırılması;
• ölkənin iqtisadi inkişaf strategiyasına daha aktiv dəstəyin verilməsi.
ARMB TİM beynəlxalq tərəfdaşlarla səmərəli əməkdaşlıq münasibətlərinin 
qurulmasın mühüm fikir verir. 
Belə ki,Tədqiqatlar və İnkişaf Mərkəzi (TİM) İqtisadi Əməkdaşlıq və İnkişaf 
Təşkilatının  Maliyyə  Savadlılığı  üzrə  Beynəlxalq  Şəbəkəsinə  üzv  olmuşdur.  Bu 
şəbəkədə hazırda 74 ölkədən əksəriyyəti mərkəzi banklar olan 135-dən artıq dövlət 
təşkilatı  təmsil  olunmaqdadır. ABŞ,  Kanada, Almaniya,  Fransa  kimi  dünyanın 
aparıcı  dövlətlərinin  xüsusi  aktivlik  göstərdiyi  şəbəkəyə  MDB  ölkələrindən 
Azərbaycan üçüncü ölkə olaraq qoşulur.
Maliyyə Savadlılığı üzrə Beynəlxalq Şəbəkənin qarşıya qoyduğu əsas məqsədi 
üzv ölkələrin aparıcı qurumları arasında iqtisadi və maliyyə savadlılığı üzrə in-
formasiya  və  fikir  mübadiləsinin  təmin  edilməsi,  habelə  beynəlxalq  aləmdə  bu 
sahədə mövcud olan qabaqcıl təcrübənin təbliğidir. Bu şəbəkəyə üzvlük həmçinin 
İƏİT-in zəngin elektron kitabxanasından istifadə imkanı verir.
TİM  geniş  ictimaiyyətin,  jurnalistlərin,  tələbələrin  maliyyə  savadlılığının 
yüksəldilməsi, eləcə də bank-maliyyə sahəsində işləyən mütəxəssislərin bilik və 
bacarıqlarının  artırılması  istiqamətində  bir  sıra  layihələrin  həyata  keçirilməsinə 
başlamışdır.  Bu  layihələrin  həyata  keçirilməsi  nəticəsində  yaradılacaq 

---

AZƏRBAYCANDA ARAŞDIRMA VƏ BEYİN MƏRKƏZLƏRİ
[yaranması, inkişafı və perspektivləri]
148
inkişaf  resursları  ölkədə  iqtisadiyyat  və  maliyyə  savadlılığının  səviyyəsinin 
yüksəldilməsinə xidmət edir.
Rabitə və İnformasiya Texnologiyaları Nazirliyinin  
Beynəlxalq əlaqələr və qeyri-dövlət qurumları ilə iş şöbəsi
Şöbə 20 fevral 2004-cü ildə qeydiyyatdan keçmişdir. Rəhbəri Ayaz Ələddin 
oğlu Bayramovdur. 
Şöbənin əsas fəaliyyət istiqaməti sosial, iqtisadi, hərbi, siyasi, mədəni və s. 
profillidir. Nazirliyin və onun tabeliyində olan hüquqi şəxs statuslu qurumların 
xarici (beynəlxalq) fəaliyyətinin, maraqlarının və hüquqlarının qorunmasını təmin 
etmək,  Nazirliyin  tabeliyində  olan  hüquqi  şəxs  statuslu  qurumların  beynəlxalq 
əlaqələr  üzrə  strukturlarının  (şöbə,  sektor  və  əlaqələndiricilər)  fəaliyyətinə 
rəhbərlik və nəzarət etmək şöbənin fəaliyyət istiqamətlərinin tərkib hissəsini təşkil 
edir.
Şöbənin  əsas  məqsədi  və  vəzifələri  rabitə,  informasiya  və  kommunikasiya 
texnologiyaları və poçt sahələrində Nazirliyin və onun tabeliyində olan hüquqi 
şəxs statuslu qurumların vahid xarici (beynəlxalq) siyasət fəaliyyətini hazırlamaq, 
icrasını  təmin  etmək  məqsədilə  kompleks  tədbirləri  yerinə  yetirmək  və  bu 
fəaliyyətə metodiki rəhbərlik etməkdir.
Qərargahı AZ 1000, Bakı şəhəri, Zərifə Əliyevə  küçəsi, 33 ünvanında yerləşir. 
Otaqların sayı 10-dur, Kompüterlərlə və sürətli internetlə təchiz olunub. Rəsmi 
internet  səhifəsi  www.mincom.gov.az-dır.  Daimi  işləyən  əməkdaşlarının  sayı  
11, müqavilə əsasında işləyən əməkdaşların sayı 10-dur. 2 şöbəsi var: Protokol 
sektoru; Beynəlxalq tədbirlərin təşkili sektoru.
Şöbə əməkdaşlarının il ərzində xarici  səfərlərinin sayı 20-yə yaxındır.
Şöbədə  əsasən  özəlləşdirmə  və  institutsional  islahatlar  istiqaməti  üzrə 
araşdırmalar aparılır. 
Həyata keçirilmiş layihələrin əsas maliyyə bazası dövlət, Azərbaycanın biznes 
təşkilatları, xarici donorlar (United States Trade and Development Agency) və s.-
dir .
Mərkəz  Azərbaycanda  “beyin  mərkəzi”  təmsilçilərindən  ibarət  Beyin 
Mərkəzləri Rəhbərləri Şurasının  formalaşdırılmasını təklif edir. 

---

AZƏRBAYCANDA ARAŞDIRMA VƏ BEYİN MƏRKƏZLƏRİ
[yaranması, inkişafı və perspektivləri]
149
Gənclər və İdman Nazirliyinin Gənclərin Problemləri üzrə 
Elmi Araşdırmalar Mərkəzi
  Mərkəz 2001-ci il avqustun 24-də yaradılmışdır. Nazirlər Kabinetinin 2001-
ci il 24 avqust tarixli 140 nömrəli qərarı ilə qeydiyyatdan keçmişdir. Mərkəzin 
direktoru Qədamşah Sadıxovdur.
Mərkəzin əsas fəaliyyət istiqaməti gənclər siyasətinin  həyata keçirilməsidir.
Əsas məqsədi və vəzifələri gənclərin problemləri ilə bağlı elmi araşdırmaların 
səmərəli təşkilidir.
Mərkəzin illik  büdcəsi 70500 manat, o cümlədən əməkhaqqı fondu 40574,40 
manat, tədqiqat layihələri, konfransların təşkili, tövsiyələrin nəşri və s. 25425,60 
manat,  ofis  avadanlığının  və  texnikasının  alınması  1500  manat,  sair  xərclər  
(dəftərxana  ləvazimatlarının  alınması,  kommunal,  rabitə  xərcləri  və  s.)  3000 
manat təşkil edir.
Qərargahı  Bakı  şəhəri,  N.Nərimanov  rayonu,  Sülh  döngəsi,  2A  ünvanında 
yerləşir. 5 otaqdan ibarətdir. Rəsmi internet səhifəsi: http://gencalim.az/. Daimi 
işləyən əməkdaşlarının sayı 14-dür 
Mərkəzdə 3 şöbə fəaliyyət göstərir: Gənclər siyasəti, Sosial-iqtisadi problemlər 
və Humanitar məsələlər. 
Mərkəzin əməkdaşları tərəfindən 3 tədqiqat layihəsi (“Gənclər siyasəti 
sahəsində ixtisasartırma və yenidənhazırlanma kursu”; “Gənclər evi” layihəsi;  
“Əməyin mühafizəsi” təlimi),  2 elmi konfrans (“Dövlətçilik və gənclər”, 
“Gənclərin məlumatlandırılması problemi”) həyata keçirilmişdir. 
Mərkəzdə aşağıdakı mövzularda hesabatlar, məqalələr və kitablar çap 
edilmişdir:
-   “Gənclərin əməyinin mühafizəsi”; 
-  “İnsan alverinin qarşısının alınması”;
-  “Vətəndaş cəmiyyəti və gənclər”;
-  “Reproduktiv sağlamlıq”;
-  “İdmanla məşğul olan gənclərin qidalanması”;
-  “Sağlam həyat”;
-  “İş axtarışında gərəkli olan məlumatlar”.

---