AZƏRBAYCANDA ARAŞDIRMA VƏ BEYİN MƏRKƏZLƏRİ
[yaranması, inkişafı və perspektivləri]
150
Dövlət strukturlarına və nazirliklərə dövlət siyasətinin bu və ya digər
sahələrinin təkmilləşdirilməsi məqsədi ilə verilmiş tövsiyələr aşağıdakılardır:
- Gənclər siyasəti konsepsiyası;
- Gənclər siyasəti sahəsində ixtisasartırma və yenidənhazırlanma kursu;
- “Gənclər evi” layihəsi.
Mərkəzin 5 il ərzində gördüyü işlərə gəldikdə isə:
Həyata keçirilmiş tədqiqat layihələrinin sayı - 12;
Elmi konfranslarin sayı - 2;
Çap edilmiş hesabatların, məqalələrin, kitabların sayı - 24;
Dövlət strukturlarına və nazirliklərə dövlət siyasətinin bu və ya digər
sahələrin təkmilləşdirilməsi məqsədi ilə verilmiş tövsiyələrin sayı - 4-dür.
Əmək və Əhalinin Sosial Müdafiəsi Nazirliyinin
Əmək və Sosial Problemlər üzrə Elmi-Tədqiqat və Tədris Mərkəzi
Mərkəz 1997-ci ildə yaradılmış və qeydiyyatdan keçmişdir. Rəhbəri texnika
elmləri doktoru, professor Məsumə Məmmədovadır.
Mərkəzdə Azərbaycan Respublikasında əhalinin sosial müdafiəsi sahəsində
dövlət siyasətinin elmi-metodoloji əsaslarının işlənilməsinə xidmət edən
əməyin iqtisadiyyatı, sosial-əmək münasibətləri, əmək bazarı, məşğulluq, sosial
müavinətlər, demoqrafiya və s. istiqamətlərdə fundamental və tətbiqi tədqiqatlar
həyata keçirilir. Mərkəz, eyni zamanda sosial müdafiə orqanlarında informasiya-
kommunikasiya texnologiyalarının tətbiqi, Nazirliyin struktur bölmələrində
çalışan mütəxəssislərin ixtisasının artırılması və yenidən hazırlanmasının təşkili,
doktorantura və dissertantura vasitəsilə əmək və sosial məsələlər sahəsində
yüksəkixtisaslı kadrların hazırlanması məsələləri ilə də məşğul olur.
Mərkəz Bakı şəhəri, S.Bəhlulzadə küçəsi 44 ünvanında yerləşir. .Daimi işləyən
əməkdaşlarının sayı 54-dür. Onlardan 23 nəfəri elmi işçidir. Mərkəzdə 3 nəfər
elmlər doktoru, 9 nəfər fəlsəfə doktoru fəaliyyət göstərir. Mərkəzdə həmçinin İT
sahəsi üzrə də yüksəkixtisaslı mütəxəssislər çalışırlar.
Mərkəzdə 8 şöbə fəaliyyət göstərir. Bunlardan 5-i bilavasitə elmi tədqiqat işləri
ilə məşğul olur: Əmək bazarı və məşğulluq problemləri şöbəsi, Həyat səviyyəsi və
sosial müavinətlər şöbəsi, Demoqrafiya və əhali sakinliyi şöbəsi, Əmək haqqı və
əmək münasibətləri şöbəsi, Əmək şəraiti və əməyin mühafizəsi şöbəsi.
AZƏRBAYCANDA ARAŞDIRMA VƏ BEYİN MƏRKƏZLƏRİ
[yaranması, inkişafı və perspektivləri]
151
Bundan başqa, 2 şöbə (Sosial sahənin proqram təminatı və Proqram
vasitələrinin tətbiqi və texniki xidmət şöbələri) informasiya texnologiyalarının
tətbiqi ilə, Kadr hazırlığı və ixtisasartırma kursunun təşkili şöbəsi isə Nazirliyin
struktur bölmələrinin kadrları üçün ixtisasartırma kurslarının təşkili ilə məşğul
olur.
Mərkəzin nəzdində 2006-cı ilin aprel ayından Əhali və Demoqrafiya üzrə Təlim
və Tədqiqat Mərkəzi (ƏDTTM) fəaliyyət göstərir. Əhali sakinliyinin inkişafı və
demoqrafiya məsələləri üzrə elmi tədqiqatların və praktiki işlərin yerinə yetirilməsi,
o cümlədən ölkənin demoqrafik vəziyyətinin yaxından öyrənilməsi məqsədi ilə
əhali arasında demoqrafiya və əhali sakinliyi üzrə doğum və reproduktiv sağlamlıq,
ailə və nikah, uşaq ölümü, gender və s. aspektlərdə sosioloji sorğuların keçirilməsi
və monitorinqin aparılması ƏDTTM-in əsas fəaliyyət istiqamətlərindəndir.
Mərkəz Türkiyə Respublikası, MDB ölkələri, o cümlədən Rusiya Federasiyası,
Qazaxıstan, Özbəkistan, Ukrayna, Gürcüstan respublikalarının əmək və sosial
problemlərlə məşğul olan elmi-tədqiqat təşkilatları ilə yaradıcılıq əlaqələri
yaratmışdır.
Bundan əlavə, Mərkəz BMT Əhali Fondu, TACIS, Avropa Təhsil Fondu,
Dünya Bankı, BƏT və digər beynəlxalq təşkilatlarla əməkdaşlıq edir. Büdcə
hesabına il ərzində 6 nəfərin xarici səfərlərə göndərilməsinə imkan var.
Mərkəzin əməkdaşları aşağıdakı istiqamətlər üzrə elmi-tədqiqat işləri yerinə
yetirirlər:
• yoxsulluq problemləri və ünvanlı sosial yardım;
• əhalinin həyat səviyyəsi;
• gəlirlərin qiymətləndirilməsi və əhalinin həyat keyfiyyəti;
• demoqrafiya və əhali sakinliyi sahəsində araşdırmalar və proqnozlar;
• əhalinin miqrasiyası, o cümlədən əmək miqrasiyası;
• əmək bazarı, məşğulluq və işsizlik problemləri;
• əməyin ödənilməsinin və əmək münasibətlərinin nəzəri və praktiki problemləri;
• əməyin mühafizəsi və əmək şəraitinin yaxşılaşdırılması məsələləri.
2003-2010-cu illərdə 35 tədqiqat işi həyata keçirilmişdir.
Mərkəzin əməkdaşları tərəfindən 12 beynəlxalq və respublika səviyyəli elmi-
praktiki konfrans keçirilmiş və konfransların materialları çap edilmişdir. Eyni
zamanda, Mərkəzdə mütəmadi olaraq müxtəlif aktual sosial problemlərə həsr
olunmuş elmi-metodiki seminarlar keçirilir.
Bəzi konfransların mövzuları: “Azərbaycanda bazar münasibətlərinə keçid
şəraitində sosial islahatlar”; “Sosial islahatlar və cəmiyyət”; “Sosial-iqtisadi
inkişaf və demoqrafik proseslər”; “Azərbaycanda əhalinin sosial müdafiəsi
problemləri”; “Qloballaşmanın milli əmək bazarlarının formalaşmasına təsiri və
AZƏRBAYCANDA ARAŞDIRMA VƏ BEYİN MƏRKƏZLƏRİ
[yaranması, inkişafı və perspektivləri]
152
məşğulluq problemləri”; “Əmək bazarı və kadr hazırlığı problemləri”; “Müasir
mərhələdə Azərbaycanda demoqrafik inkişafın, məşğulluq və işsizliyin sosial-
iqtisadi problemləri”; “Ailə problemləri – sosial-demoqrafik aspektlər”; “Совре-
менные проблемы социально-экономического развития и информационных
технологий”.
Əmək və sosial problemlər sahəsində son 10 ildə 360-dan çox məqalə və 10-
dan artıq kitab nəşr edilmişdir. “Əmək və sosial problemlər” adlı elmi əsərlər
toplusunun 10 sayı çapdan çıxmışdır. Toplu Nazirliyin prioritet fəaliyyət sahələrinə
və aidiyyəti Dövlət Proqramlarına uyğun tərtib edilir və hər biri müvafiq təklif və
tövsiyələrlə yekunlaşır. Məsələn, 2006-2010-cu illərdə 25 hesabat hazırlanmış və
98 tövsiyə verilmişdir
Mərkəzin 5 il ərzində həyata keçirdiyi elmi-tədqiqat işlərinin sayı 25, layihələrin
sayı 8, konfransların sayı 4-dür. Çap edilmiş hesabatların, məqalələrin, kitabların
sayı 250-dən çoxdur. Dövlət strukturlarına və nazirliklərə dövlət siyasətinin bu və
ya digər sahələrin təkmilləşdirilməsi məqsədi ilə verilmiş tövsiyələrin sayı 98 -dir.
AMEA –nın Rəyasət Heyətinin nəzdində
Elmi İnnovasiyalar Mərkəzi (EİM)
Azərbaycan Respublikası Nazirlər Kabinetinin 22 avqust 2008-ci il tarixli 197
№-li qərarına müvafiq olaraq AMEA-nın Elmi-Tədqiqat Təcrübi-Konstruktor
İşlərinin və Müdafiə Olunmuş Dissertasiyaların Dövlət Qeydiyyatı Mərkəzinin
adı dəyişdirilərək Elmi İnnovasiyalar Mərkəzi (EİM) adlandırılmışdır.Elmi
İnnovasiyalar Mərkəzinin (EİM) Baş Direktoru Fərman Qasımovdur.
Elmi İnnovasiyalar Mərkəzinin (EİM) fəaliyyətinin məqsədi respublikada
elmi-tədqiqat işlərinin təhlili, elmtutumlu sahələrin inkişafı ilə bağlı qabaqcıl
texnologiya və innovasiyaların toplanılması və məlumat bazasının yaradılmasıdır.
EİM-in əsas vəzifələri:
- Dünya iqtisadi təsərrüfatının qloballaşma prosesində baş verən dəyişiklikləri
tədqiq edən yeni elmi sahə olan innovatikanın respublikada yayılması;
- Elmtutumlu sahələrin inkişafı ilə bağlı xarici ölkələrin qabaqcıl texnologiya və
innovasiyalarının öyrənilməsi;
- Azərbaycan Milli Elmlər Akademiyasının (AMEA), nazirliklərin, komitələrin,
konsernlərin, şirkətlərin müstəqil balansda olan təşkilatları, idarələri, ali
Dostları ilə paylaş: |