167
sirr yeri, insanın dar ayağında, elin,
yurdun çətin günündə
dada çatan, milli mənlik və kimliyin qaynağı, güvənc yeri,
yurd yerinin xeyir-bərəkəti, yurd ocağının hamisi, milli
soykökün iftixarı, yurd insanının ömrünü mənalandıran
müqəddəslik məqamı, insanın ruhani-mənəvi rahatlıq qay-
nağı, dünyanın pozulmuş düzəninə harmoniya gətirən
müdrik, ən başlıcası isə şeir-sənət hamisi, qəlbə, könülə,
təxəyyülə ilham verən pir-ozan kimi tərənnüm olunmuş-
dur. Bu şeirlərin hərəsindən, ən azı, bir bənd nümunə ver-
mək tədqiqatın fiziki imkanları xaricində olsa da, Dədə
Qorqudun bu şeirlərdə ümumən öz əksini tapmış obrazı
son dərəcə geniş məna tutumuna malikdir. Lakin diqqəti
cəlb edən Dədə Qorqud obrazının bu genişliyindən daha
çox, şeirlərdə ümumiləşən cizgilərin arxaik-milli tipo-
logiyasıdır. Əsas
məqam ondan ibarətdir ki, Qorqud atanın
bu obrazı onun mənbələrdən bizə məlum olan arxaik
semantikası ilə üst-üstə düşür. Yəni bu oğuz ozanının çox
qədim zamanlarda arxaik düşüncədə mövcud olmuş, sonra
aktiv yaddaş üçün unudulmuş və indi tədqiqatlar yolu ilə
üzə çıxan obrazının cizgiləri sanki müasir Azərbaycan
şeirinə yayılmış, canına, ruhuna hopmuşdur.
Bu məsələ, fikrimizcə, düşündürücüdür. Dədə Qor-
qudun mənbələrdəki obrazının müasir şeirimizdə təkrar-
lanması bunun necə baş verməsi sualını doğurur. Əlbəttə,
burada şairlərimizin Dədə Qorqudun arxaik semantikası
haqqında aparılmış tədqiqatlarla tanış olmasını əsas
götürmək, düşüncəmizə görə, bizi məsələnin mahiyyətinə
- kökünə yaxınlaşdırmaz. Düzdür, «Kitabi-Dədə Qorqud»
ümumilli abidə kimi hər bir azərbaycanlı arasında məş-
hurdur və onunla bağlı tədqiqatlar şairlərin
də diqqətini
cəlb edir. Bu cəhətdən də hansısa şairin öz Dədə Qorqud
obrazını yaradarkən tədqiqatlara müraciət etməsi tamamilə
mümkündür. Ancaq, bu, tipik hal deyil. Çünki yuxarıda
adları çəkilən və çəkilməyən şeirlərdə ümumiləşən Dədə
168
Qorqud obrazının cizgilərində biz birbaşa elmi tədqiqat-
lardan gəlməyən fərqli cizgiləri müşahidə edə bilirik. Bu
şeirlərdə obrazın ilhamla gələn elə tərənnüm qatları, elə
bədii simvolları vardır ki, onlar yalnız bədii təxəyyülün
məhsulu sayıla bilər. Obrazın həmin cizgiləri şeirlərə
könül - ilham yolu ilə gəlmişdir. Tədqiqatın əvvəlində bir
neçə məqamda qeyd etmişdik ki, «Qorqud ruhu» poetik
enerji mənbəyi kimi Azərbaycan bədii-estetik düşüncə
yaddaşında daim var olmuşdur. Bu, arxaik-bədii yaddaş
məsələsidir. Dədə Qorqud Azərbaycan
arxaik-bədii yadda-
şının energetik başlanğıcı, ayrılmaz atributudur. Tədqiqat-
lar bunu birmənalı şəkildə təsdiq edir.
Görkəmli qorqudşünas alim, Dədə Qorqudla bağlı
apardığı dəyərli araşdırmaları ilə Azərbaycan qorqudşü-
naslarının da yaradıcılığına ciddi təsir etmiş V.N.Basilov
Qorqudun epik qaynaqlarda ilkin şaman, şaman və nəğ-
məkarların hamisi, simli alət qopuzun ixtiraçısı kimi təq-
dim olunduğunu göstərərək qeyd etmişdir ki, bu obraz is-
lamın qəbuluna qədər ölümsüz təsəvvür olunan tanrı hesab
olunmuş, islamın bərqərar olması ilə onun ölümü haqqında
ayrıca bir mif yaranmışdır (376, 5). Qorqud obrazının kök-
lərinə gəlincə tədqiqatçı göstərir ki, bu obraz mifdəki mə-
rasim başçısı, mədəni qəhrəmana hamilik edən obraza qə-
dər gedib çıxır. Mərasim başçısı mərasimdən keçənin tə-
cəssüm olunduğu totem heyvandan əmələ gəlmişdir. An-
caq Qorqudu hansısa
vahid totemlə əlaqələndirmək, çətin
ki, düzgün ola. Ona görə ki, həmin obraz bu kimi çoxlu
personajlardan yaranmışdır. Daimi dəyişən sosial vəziyyət
miflərə yeni ünsür və təsəvvürlər daxil etmişdir. Mif konk-
ret tarixi epoxanı inikas edən detalları özünə hopdur-
muşdur (375, 52).
Şeirlərdə Dədə Qorqudun milli yaddaşla bağlılığı, bu
yaddaşın başlanğıcı və əsas atributu kimi tərənnüm olun-
ması bu obrazın arxaik-mifoloji düşüncədəki semantikası
169
ilə tam təsdiq olunur. Azərbaycan qorqudşünası C.Bəydili
yazır ki, etnososial yaddaşın qoruyucusu olan Qorqut Ata
bir övliyadır. Görünməzlər dünyasından - «ğaibdən» - sak-
ral sferadan dürlü xəbərlər söyləyə bilir. «Oğuznamə»də
«Ğeybi Allahdan ğeyri kimsə bilməz» - deyilsə belə (73,
222). «Kitabi-Dədə Qorqud» eposunun ilk cümləsi elə
Qorqudun qeyb aləmi ilə bağlılığını təsdiq edir: «Rəsul
əleyhissəlam zəmanına yaqın Bayat boyından Qorqut ata
diyərlər bir ər qopdı. Oğuzın ol kişi təmam bilicisiydi, - nə
diyərsə, olurdı. Ğaibdən dürlü xəbər söylərdi.
Həqq təala
anın könlinə ilham edərdi...» (202, 31).
Lakin Dədə Qorqudun qeyb eləmi ilə bağlılığında
islama zidd heç nə yoxdur. Çünki bu obraz islamdan çox-
çox əvvəldir: «Dədə Qorqut ismi-əzəm oxuyanda da Tan-
rıya sığınır. O, «vilayət issi»dir, vəlilik və kəramət sahibi-
dir. «Lakin bunu da İslam düşüncəsiylə deyil, çox əski
türk inanışlarından çıxış eləyərək demək olar» (73, 222).
C.Bəydili yazır: «Elmi ədəbiyyatlarda Qorqut atanın şəx-
siyyəti, kimliyi haqqında çoxlu sayda fikirlər var. Folklor
mədəniyyətinin dərin qatlarında daha arxaik quruluşlu
olan kompleksə bağlana bilən bu mifoloji varlığı, tam an-
latmayan, bəzən üst-üstə düşən və bir sıra hallarda da biri
digərinə qarşı olan fikirlərin təxmini mənzərəsi belədir:
Dədə Qorqud
- qədim mifoloji görüşlərlə bağlıdır;
- haqqında tutarlı tarixi qaynaqlar olmadığından
onun tarixi və ya əsatiri şəxsiyyət olduğu bəlli deyil;
-
bir el müdrikidir ki, getdikcə ümumiləşmiş rəmzə
çevrilmişdir;
- əfsanəvi şəxsiyyət olması haqqında söhbətlər
əsassızdır, Qorqut Ata tarixi şəxsiyyətdir;
- gerçək tarixi prototipini axtarmağa ehtiyac yoxdur;
- ehtimal ki, öz kökü ilə mərasim hamisi obrazına
bağlanır və b.k.» (73, 225).
170
Bu fikirlər bir həqiqəti təsdiq edir: Dədə Qorqud ar-
xaik dövrün, mifoloji düşüncənin məhsulu olsa da, onun
mədəniyyətdəki yeri təkcə mif və dastanlarla məhdudlaşıb
qalmamışdır. Çünki Dədə Qorqud bir mifə, bir dastana
sığacaq qədər kiçik mədəniyyət hadisəsi deyildir.
Onun iz-
ləri təkcə «Kitabi-Dədə Qorqud» dastanı ilə məhdudlaş-
mır. Nəhəng türk dünyasının mədəniyyət tarixində bu ad
əsas milli atributlardan, mədəniyyətin arxaik göstəricilə-
rindən biridir. Bu cəhətinə görə Dədə Qorqud miflərdə,
daha sonra dastanlarda tarixən hansı şəkildə görünməyin-
dən asılı olmayaraq, yəni bir vaxtlar oğuz dastanlarında
çox aktiv rola malik olub, sonrakı dastançılıq ənənəmizdə
- məhəbbət dastanlarında adı çəkilməsə də, milli yaddaş-
dan heç vaxt silinməyib. Obrazın gücü və əsrarəngizliyi
ondadır ki, Dədə Qorqud bir arxetip, mifoloji simvol kimi
düşüncənin alt qatlarında həmişə var olub.
Bir ulu həqiqət
var: alt qat - bönövrədir. Mədəniyyət həmişə bünövrənin
üstündə ucalmaqla ona bağlanır. Bünövrə nə qədər möh-
kəm olsa, bina bir o qədər uca olur. Azərbaycan mədəniy-
yətinin, şeir-sənət binasının da ucalığı Qorqud bünöv-
rəsinə həmişə bağlı olub. Yaxud Azərbaycan ədəbiyyatını
bir ağaca bənzətsək, Qorqud bu ağacın ana torpağın dərin-
liklərinə işləmiş kökləri timsalındadır. Ağac öz şirəsini,
həyat gücünü köklərdən aldığı kimi, Dədə Qorqud da milli
ədəbi-estetik düşüncəmizin kökləri kimi ədəbiyyatımızı
tarixən qidalandırıb. Elə buna görə düşünürük ki, müasir
şeirimizdə Dədə Qorqud obrazının elmi ədəbiyyatlardan
bəlli
olmayan estetik cizgiləri, bədii təxəyyüllə süslənmiş
poetik semantikası birbaşa milli yaddaşımızın Qorqud
kökləri (arxetipləri) ilə bağlıdır.
Qeyd edək ki, «Dədə Qorqud» motivlərinin müasir
Cənubi Azərbaycan ədəbiyyatına təsirindən danışarkən ilk
növbədə Bulud Səhəndin yaradıcılığı diqqəti cəlb edir (Sə-
hənd haqqında növbəti yarımfəsildə danışılacaq). N.Ələk-