257
Hə, it necə qarpız yeyir
Bugün sizə göstərərəm.
Şöklü Məlik yaxındadır,
Yurdun Ala dağındadır.
İndi ora mən çaparam,
Uçan külək olaram mən.
Mənə bəylik söz verib o,
Bəyliyimi alaram mən.
Sonra gözəl Çiçəyi də
Kəməndimə salaram mən (180, 127).
Qeyd edək ki, şair əsərdə bir sıra maraqlı obrazlar
daxil etmişdir. Sənətkar bunları yaradarkən yaradıcılıq
əməliyyatları aparmışdır. Məsələn, Çəpgöz surəti bizə
«Kitabi-Dədə Qorqud»dakı Yalançı oğlu Yalıncığı xatırla-
dır. Yalıncıq Beyrəyin sevgilisi Banu Çiçəklə evlənmək
istəyir. Pyesdə də onun tamah saldığı qızın adı Çiçəkdir.
Eposda isə Uruzun sevgilisi haqqında heç bir söhbət
açılmır. N.Xəzri burada maraqlı kontaminasiyalar – çar-
pazlaşmalar yaradaraq əsərin dramatizmini qüvvətləndir-
mişdir. Bu cəhətdən
Qazanla ova gedəcək Odoğlu, Sıldı-
rım kimi igidləri də qeyd etmək olar. Onların adları igid-
likdən, qəhrəmanlıqdan, qədim Oğuz və müasir Azərbay-
can cəmiyyətində uca tutulan mənəvi dəyərlərdən soraq
verir. Şair bu dəyərləri obrazlaşdırmaqla əsərin polifoniya-
sını - çoxsəsliliyini artırmışdır. Polifoniya burada həm mə-
naların - dəyərlərin zənginliyində, həm konkret obrazların
funksiya müxtəlifliyində ifadə olunmuşdur.
Birinci şəkildə Şöklü Məliyin Oğuza necə hücum
etməsi təsvir olunmur. N.Xəzri
bu hadisələri birinci şəklin
sonunda Dədə Qorqudun fəryadı və «Salur Qazan» deyə
nalə edən Burla Xatunun hayqırtısı ilə təcəssüm etdirmiş-
dir. Hücum təfərrüatını verməyə ehtiyac duymayan sənət-
kar diqqəti hadisələrin mənəvi təcəssümünə yönəltmişdir.
258
Bu cəhətdən ikinci şəkil Şöklü Məliyin çadırının təsviri ilə
başlanır. Dədə Qorqudun dili ilə verilən və xor vasitəsi ilə
təkrar edilən «Həyatda ilk dahi elə anadır, // Dünyanın
allahı elə anadır» misraları (180, 129), əslində, əsərin əsas
ideyasını, yazıçının təcəssüm etdirmək istədiyi əqidə və
amalı ifadə edir. Pyesin süjet konfliktinin başlanğıcında
ana haqqında səslənən bu misralar ki, dramatik konfliktin
əsasında duran Xeyir-Şər modelinin şər qütbünü zorakılıq,
namərdlik, kəmfürsətlik,
xeyir qütbünü ana məhəbbəti,
ana obrazında təcəssüm olunan namus, sədaqət, vəfa,
ümid, inam kimi ideyalar təmsil edir.
Şalur Qazandan intiqam almaq istəyən Şöklü Məlik
onun arvadını görmək istəyir. Lakin qızlar Burla Xatunu
ələ vermirlər. O, qızları rəqsə məcbur edir. Heç kəs oyna-
mır. Xor oğuz qızlarının düşdüyü bu ağır durumda onları
düşmən qabağında cəsarətli edən qüvvəni belə tərənnüm
edir:
Açılmaz yadlarçın ana qolları,
Əyilməz zirvədir ana vüqarı!
(180, 134).
Müəllif Şöklü Məliyin Salur Qazana nifrətinin və
Burla Xatunu təhqir etmək istəyinin niyə bu qədər güclü
olmasının səbəblərini obrazın öz dili ilə belə açır:
Bəli, mən mərdliklə zəfər çalıram.
Zəfər çaldıqca da qisas alıram.
Bir vaxt mən istədim Burla xatını,
Yaşıl oylaqlara sürüb atını
Sevgimi əlimdən aldı düşmənim,
Vücudum, varlığım qisasdır mənim
(180, 139).
259
N.Xəzri Şöklü Məliyin
Oğuz eli ilə düşmənçiliyinə
şəxsi motivi qatmaqla bir tərəfdən dramatik konflikti qüv-
vətləndirmiş və əsəri daha da maraqlı etmişdirsə, digər tə-
rəfdən konfliktin ideya əsaslarını ülviləşdirmişdir. Evinin
yağmalanmasından xəbərsiz olan əri ondan çox-çox uzaq-
larda olduğu üçün Burla Xatun düşmən hüzurunda təkcə
Oğuz elinin ləyaqətini, qeyrətini çəkməməli,
həm də öz
şəxsi sevgisini, həyat seçimini çirkabdan, təhqirdən qoru-
malıdır. Demək, əsərin ideya əsasında duran Xeyir-Şər
mübarizəsində qarşı-qarşıya həm də sevgi ilə nifrət, mə-
həbbət ilə qisas gəlir. Burada sevgi-qisas mübarizəsi çox-
mənalıdır. Şöklü Məlik bir
vaxtlar Burla Xatunu sevmiş,
Xatun isə onu rədd etmişdir. Burla Xatun əldən çıxdaqdan
sonra Şöklü Məliyin sevgisi nifrət və qisas hissinə
çevrilmişdir. Bu cəhətdən Şöklü Məliyin qəlb dünyasında
keçmiş sevgisi ilə indiki nifrəti qarşı-qarşıya gəlmiş və
indi o, birmənalı şəkildə nifrət və qisas hisslərinin daşıyı-
cısına çevrilmişdir. İndi onun qəlbində sevgidən əsər-əla-
mət yoxdur: bir vaxtlar istədiyi, bəyəndiyi, evlənmək istə-
diyi Burla Xatunun qadınlıq
ləyaqətinə keçmiş sevgilisi
kimi heç bir hörmət bəsləmir. Bu an o, birmənalı şəkildə
şəri, mənəvi eybəcərlikləri təmsil etməklə qadınlıq, na-
mus, sevgi mücəssəməsi Burla Xatuna qarşı durur. Şöklü
Məliyin bütün bu hərəkətləri Salur Qazana qarşı yönəlsə
də, əslində, real mübarizə Şöklü Məliklə Burla Xatun ara-
sında gedir. Salur Qazan ovdadır, bütün bu hadisələrdən
xəbərsizdir. Ona görə də N.Xəzrinin yaratdığı poetik mü-
barizə meydanında iki nəfər - şəri təcəssüm etdirən Şöklü
Məliklə xeyiri təcəssüm etdirən Burla Xatun var.
Pyesdə Şöklü Məlik Burla Xatunu qırx qızın içəri-
sində tanımaq üçün eposda olduğu kimi Ulusun (Uruzun)
ətindən qovurma bişirilib qızlara yedirdilməsini əmr edir.
N.Xəzri ölüm qarşısında qalan oğul ilə oğlunun ətindən
yemək məcburiyyəti qarşısında qalan ananı üz-üzə gətirir
260
və biz onların dialoqunda ölüm-həyat dilemmasının milli
mənəviyyatımızdakı fəlsəfəsinin ən munis, ən uca və ülvi
məqamlarının şahidi oluruq.
Ulus Burla Xatunu başa salır ki, o, bütün varlığı, ca-
nı və qanı ilə ona ana südü ilə verilmiş oğuz dəyərlərinin
daşıyıcısıdır və o, ölüm qarşısında
bu dəyərlərdən güc al-
maqla hər bir qorxu və əzaba sinə gərə bilir:
Gözlərinin yaşını sil,
Canım mənim, qanım mənim.
Düşmən görər,
Düşmən gülər,
Anam mənim!
Ana, sənin ana südün
Qorxusuz ol - deyib mənə,
Anam mənim!
İlk öyüdün qorxusuz ol, deyib mənə
Anam mənim!
Adım igid olmasa da,
Mərd böyüdüm mən dünyada
(180, 144).
Oğul dağından bağrı yanan,
içi göynəyən, zərif ana
qəlbi iki sevgidən - oğul sevgisi ilə ər sevgisindən (namus)
birini seçmək dilemması qarşısında qalan Burla Xatun
Oğuz mənəviyyat dünyasının oğlunun dili ilə səslənən
sarsılmaz məntiqi ilə razılaşmalı olur:
Ata qartal,
Ana qartal qanadıdır.
Pak namusla, təmiz vicdan
Analığın ilk adıdır
(180, 148)