249
«Oğuz» adı oğuz xalqının
hər bir nümayəndəsi üçün mü-
qəddəsdir. Bu ad sosial təbəqə və mövqeyindən asılı olma-
yaraq hamını birləşdirən əsas ideyadır. Dastanı dərindən
bilən Ə.Dəmirçizadə insanlar arasında sosial-sinfi mübari-
zəni əsas götürən bir cəmiyyətdə - sovet dövlətində yaşa-
dığına baxmayaraq, pyesdə milli birlik ideyasını ifadə et-
məyə nail olmuşdur. Bu cəhətdən pyesin sonunda Dədə
Qorqudun milli birlik haqqında alqışları, əslində, müəllif
Ə.Dəmirçizadənin pyesdə təcəssüm etdirmək istədiyi əsas
ideyanın açıq şəkildə bəyanıdır:
Ey el oğlu, qoy yaşasın bu ellər!
Elin üçün hünər göstər, zor göstər!
Amansız ol müxənnətə, namərdə!
Macal vermə, çal qılıncı hər yerdə! (98, 67)
Maraqlıdır ki, «Kitabi-Dədə Qorqud»
eposunun milli
birlik və sosial vəhdət haqqında bu əsas ideyası təkcə
Ə.Dəmirçizadənin «Qaraca Çoban» pyesində yox, eposa
müraciət etmiş digər dramaturqların, o cümlədən N.Xəzri-
nin yaradıcılığında da uğurla davam etdirilmişdir.
Qeyd olunduğu kimi, Azərbaycan ədibləri içərisində
«Kitabi-Dədə Qorqud» eposuna ardıcıl şəkildə müraciət
edən sənətkarlardan biri görkəmli Azərbaycan şairi Nəbi
Xəzri olmuşdur. Maraqlıdır ki, şair-dramaturqun «Dədə
Qorqud» motivləri üstündəki poema və əsərləri eposun
ikinci boyu olan «Salur Qazanın evinin yağmalanması»
oğuznaməsi ilə bağlıdır. Deyildiyi kimi, sənətkar bu boy
əsasında bir poema və iki pyes yazmışdır. Onda bu halda
təbii olaraq belə bir sual meydana çıxır: şairi eposun bu
boyunda ona təkrar-təkrar qayıtmağa məcbur edən nədir?
Əslində, bu sualın cavabını prof. T.Hacıyev sənətkarın
«Burla Xatun» dramından danışarkən vermişdir.
Azərbay-
can yazıçılarının «Kitabi-Dədə Qorqud» eposuna olan bə-
dii marağının səbəblərini səciyyələndirən alim N.Xəzriyə
250
çatarkən yazır: «Nəbi Xəzri qadın-ana obrazını ön plana
çəkdi. Şair «Dədə Qorqud kitabı»ndakı Ana haqqı – Tanrı
haqqı etnik-psixoloji düsturunu əsas tutdu. Böyük Oğuz
elində Qazan xan bəylərbəyi, Burla Xatun isə xanımlar
xanımıdır. Bəli, Burla Xatun Böyük Oğuz elinin baş
xatunudur. Dövlətçiliyin bütövlüyündə əri Qazan xanın
Ana-xatun müşaviridir. Bu mövqe Göy Türk dövlətçili-
yindəki təcrübə ilə tam səsləşir - Bilgə Kağan belə deyir:
«Türk xalqı yox olmasın deyə, xalq olsun deyə atam İlteriş
xaqanı, anam İlbilgə xatunu Tanrı öz ucalığında tutub yu-
xarı götürmüşdü - yüksəltmişdi». Deməli, qədim türkün
düşüncəsinə görə,
dövlətin dövlət, millətin millət olması
üçün hökmdarla xanımı müdriklikdə, kamillikdə biri-birini
tamamlamalıdırlar. Nəbi Xəzri qədim türk adətinə hörmət-
lə yanaşır, bu tarixi normanı guya hüquq bərabərliyi xatiri-
nə qadını ictimai müqəvvaya çevirən sovet həqiqətinə qar-
şı qoyur. Nəbi dramında vətənin, millətin taleyi üçün qa-
dın - ana harayı qaldırır. Bu, Vətənimizin bugünkü halı
üçün Dədə Qorqud ədəbiyyatına ehtiyacın real aktıdır.
Kimsə «çeçen olmaq gərəkdir» deyir. Nəbi isə deyir ki,
yaralarımızı sağaltmaq üçün Qazan xan,
Burla xatun,
Bamsı Beyrək, Qanturalı olmaq gərəkdir» (157, 6).
Prof. T.Hacıyev qədim oğuz cəmiyyətində, sosial-
inzibati quruluşunda qadın-ananın rolunu çox gözəl səciy-
yələndirib. Elin başçısı Salur Qazan bir başçı olmaqla ya-
naşı, eyni zamanda oğuz kişiləri - ərləri üçün ideal nümu-
nə, ərlik, igidlik simvoludur. Onun xanımı Burla xatun da
eyni zamanda Oğuz elinin xanımları üçün qadınlıq – ana-
lıq simvoludur. Prof. S.Əliyarov yazır ki, KDQ Boylarında
tarixdən öncəki çağlarla səsləşən anlayışlardan biri “ana
haqqı” anlayışıdır. Bu anlayışa görə Ana – Tanrı şərafətli
bir varlıqdır, “Tanrı haqqı” daşıyıcısıdır… Ana haqqının
Tanrı haqqına bərabər tutulması anaxaqanlıq (matriarxat),
yəni Ulu İcma yaşayışının qalıntısıdır (123, 29-30).
251
Səciyyəvidir ki, biz cəmiyyətin sosial-inzibati zirvə-
sini təşkil edən rəhbər cütlüyün bu rolunu başqa bir eposda
- «Koroğlu» dastanında da müşahidə edirik. Çənlibeldə
dəlilərin başçısı - sərkərdəsi Koroğludur.
Lakin Cənlibel
cəmiyyətində Koroğlu ilə bərabər onun həyat yoldaşı
Nigar xanımın da, az qala, elə Koroğlunun özünə bərabər
başçı statusu var: Düzdür, «dastanda bir sıra kamil qadın
obrazları vardır. Bunların içərisində diqqəti ən çox Nigar
xanım obrazı çəkir. Diqqətlə fikir verilsə, Nigar xanımın
Çənlibeldə, bir növ, Koroğlu səviyyəsində statusu vardır.
Koroğlu bütün dəlilərin başçısı olduğu kimi, o da, elə bil,
bütün xanımların başçısıdır. Ancaq Nigar xanımın nüfuzu
təkcə bununla ölçülmür.O, Çənlibelin ağbirçəyidir. Bu,
dastanın müxtəlif epizodlarında aydın şəkildə ortaya çıxır.
Çənlibeldə müəyyən incikliklə və s. bağlı konfliktlər yara-
nanda o, barışdırıcı rol oynayır... Nigar xanımın istər dəli-
lərin, istərsə də Koroğlunun yanında çox böyük nüfuzu
vardır.. O, buna ağıllı, ədalətli, haqq tərəfi saxlayan bir
qadın kimi ad çıxarması ilə nail olur» (186, 135).
Göründüyü kimi, N.Xəzri öz «Dədə Qorqud» yara-
dıcılığında (poema və pyeslərində) qabartdığı, əsərlərinin
əsas ideyası kimi götürdüyü Qadın - Ana amalı Azərbay-
can xalqının milli mənəviyyat
tarixinin əsas cizgilərindən
biridir. Ana cəmiyyət tariximizin bütün dövrlərində mü-
qəddəs tutulmuşdur. Elə ədəbiyyat tariximizə nəzər salsaq,
ulu qaynaq miflərdən tutmuş günümüzədək ananın uca,
əlahiddə varlıq kimi tərənnüm olunmasına rast gəlirik. Bu,
tariximizin bütün dövrlərində belə olub. Bu məsələdə
«Ana haqqı - Tanrı haqqı» deyən tanrıçı oğuzların anaya
bəslədikləri müqəddəs münasibəti islam dininin «Cənnət
anaların ayaqları altındadır» hökmü daha da ülviləşdirib.
Bu cəhətdən N.Xəzrinin «Dədə Qorqud» yaradıcılığında
«Ana - Qadın» ideyası «Ana - Vətən» ideyası ilə ayrıl-
mazdır. Şair-dramaturqun əsərlərində Ana ilə Vətən
252
eyniləşdirilmiş, Vətənin müqəddəsliyi və mənafeyi ilə
Ananın müqəddəsliyi və mənafeyi arasında bərabərlik işa-
rəsi qoyulmuşdur. N.Xəzri «Vətən - Ana» amalını tərən-
nüm etməklə xalqımızın tarixi yaddaşını oyatmağa çalışıb,
xalqı milli tarixin «Ana» adlanan ən müqəddəs dəyəri əsa-
sında
yenidən təmizlənməyə, paklanmağa, «Torpaq Ana-
mızı» «Qan Anamız» bilib, onu göz bəbəyi kimi qoruma-
ğa çağırıb.
Deyildiyi kimi, N.Xəzrinin «Torpağa sancılan qı-
lınc» mənzum pyesi «Kitabi-Dədə Qorqud» eposunun
«Salur Qazanın evinin yağmalanması» boyu əsasında ya-
zılmışdır. Bu pyes 1985-ci ildə ilk dəfə böyük səhnəyə
çıxdı və tamaşaçılar tərəfindən böyük maraqla qarşılandı.
Əsər və onun tamaşası haqqında görkəmli sənətşünas və
ədəbiyyatşünaslar mətbuatda təqdiredici məqalələr çap et-
dirdilər. Məsələn, yazıçı-publisist Hidayətin «Qorqud Də-
də, xoş gəlmisən səhnəmizə» adlı məqaləsində N.Xəzrinin
«Dədə Qorqud» mövzusunda «Əfsanəli yuxular» poema-
sından sonra yenidən əsər yazması və Ə.Dəmirçizadədən
sonra teatrlarımızın bu mövzuya müraciəti böyük coşqu ilə
alqışlanmış və məqalədə bu
istiqamətin dramaturqlar və
teatrlar tərəfindən davam etdirilməsimnin vacibliyi xüsusi
vurğulanmışdır (166, 387-395).
Sənətşünas İ.Kərimov uzun müddət repertuardan
düşməyən bu əsər və onun tamaşasının əhəmiyyəti haqqın-
da üstündən bir çox illər keçdikdən sonra belə yazmışdır:
«Kitabi-Dədə Qorqud»... olduqca zəngindir, təcəssüm im-
kanları baxımından dəyərlidir. Şair-dramaturq Nəbi Xəz-
rinin dastanın «Salur Qazanın evinin yağmalanması» bo-
yunun əsasında yazdığı və 1985-ci ildə Azərbaycan Döv-
lət Dram Teatrı səhnəsində tamaşaya qoyulmuş «Torpağa
sancılan qılınc» əsəri fikrimizin təsdiqi üçün yaxşı sübut-
dur. Nəbi Xəzrinin əsərində «Kitabi-Dədə Qorqud» dasta-
nının ruhu saxlanılmış, onun romantik-qəhrəmanlıq