118
Pənahi Makulu
İNTİQAM DƏSTƏSİ
Adamcıl qurdlar
Dağların arasından əsən güclü külək gecədən yağan təzə
qarları sovuraraq, çala-çuxurlara doldurmaqda idi. Kəndal
kən dindən Qarazəmi kəndinə gedən üç nəfər atlı baş-qulaq-
larını isti və yun şeylər ilə sarıdıqlarına görə və əsən küləyin
uğultusun dan, bir-birinin dediyi sözləri güclə eşidə bilirdilər.
Ağ yoxuş deyilən yerdə çox sərt bir eniş başladığından
süvarilərin üçü də atlarından yerə enib atlarını yedəklərində
çək məyə məcbur oldular. Onsuz da küləyin, boranın şiddətin-
dən və havanın soyuqluğundan at üstündə oturmaq mümkün
deyildi. Kü lək o qədər güclü əsirdi ki, yolçular və atlar ayaqla-
rını yerdən götürər-götürməz onların izlərini qar doldururdu.
Yolçular hələ Ağ yoxuşu tamamilə enməmişdilər ki, Kən-
dal düzünə yaxın Şot və Qarazəmi yolundan eşidilən bir neçə
güllə səsi onların diqqətini cəlb etdi. Hamıdan qabaqda, ağ
mad yan atını yedəyində çəkən gənc ayaq saxlayıb üzünü da-
lınca gə lən yoldaşlarına tutaraq əlini hovxura-hovxura soruşdu:
– Güllə səslərini siz də eşitdinizmi?
Həmin gəncin arxasında arıq və qırmızı yabısını çəkən
kişi dinmədisə də, başının hərəkəti ilə güllə səslərini eşitdi-
yini bil dirdi. Arxadan gələn gənc isə durduğu yerdə uca səslə
cavab verdi:
– Toqay bacı, mən lap yaxşı eşitdim, özü də Şot və Qara-
zəmi yolundan gəlirdi.
Arada olan yaşlı yolçu gəncin sözünü kəsib saymazyana
bir tövr ilə:
– Görəsən, hansı yazığın biridir. Havaya güllə atıb havar
çağırır.
119
İntiqam dəstəsi
Toqay bacı deyə çağrılan yolçu, kişi libası geymiş bir qa-
dın idi. Hərəkət etdiyi zaman onun döşündə bir şey parlayırdı,
lakin bu heç də qadınlara məxsus daş-qaş və qızıldan qayrıl-
mış başqa zinət şeylərindən deyil idi. Bu İyirmi bir Azər inqi-
labında fəal bir surətdə iştirak etdiyi üçün Azərbaycan Mil-
li Hökuməti tərəfi ndən bu qadına verilmiş “İyirmi bir Azər”
medalı idi. Bu qara qaş, qara göz, uzun kirpik, yüksək boy,
incəbel qadına geydiyi frenc və qalife şalvar çox yaxşı yara-
şırdı. Fədailərə məxsus olan qulaqlı məxmər börkü, boz şineli,
parlaq çəkmələri, çiyinlərindən asdığı patron qatarları, əlində-
ki balaca bir tüfəng ona gözəlliklə bərabər, mərdlik və igidlik
sifəti də verirdi. Eşit dikləri güllə səslərinə yaşlı yoldaşlarının
əhəmiyyət vermədiyini görüncə, bu qadın bir az tutulan kimi
oldu. O öz pərtliyini zahirə verməyərək üzünü həmin yaşlı
yoldaşına tutaraq dedi:
– Elə isə onun harayına çatmalıyıq.
Kişi bu dəfə də laqeyd bir tövr ilə:
– İki şeydən biridir, – dedi, – ya biz ora yetişincə o adam
özünü sağ-salamat kəndə yetirib canını qurtarar, ya da ki,
adamcıl qurdlar onun işini bitirər, o ki qaldı sən deyirsən,
onun harayına çataq, sözüm yoxdur. Qar və boran bundan ar-
tıq yeri məyə imkan verirsə çataq. Görürsən ki, adam ayağını
ata bilmir. Əgər düzdə qar az olsa, o zaman mümkündür ki,
atlara bir az zor gələk.
Bu vaxt axırda gələn gənc ikinci dəfə olaraq sözə qarışıb
dedi:
– Sizin danışığınızdan belə çıxır ki, guya o güllələri atan
tək bir adamdır? Özü də heyvanatın qorxusundan güllə atıb
özünə havarçı çağırır, belədirmi?
Qoca sözə başlamamış Toqay gəncə cavab verib dedi:
– Bəli, Həsən əminin fi krincə elədir.
– Qətiyyən belə bir şey yoxdur, – deyə gənc Toqaya cavab
verdi.
120
Pənahi Makulu
Bayaqdan bəri danışıqları fövqəladə bir soyuqqanlılıq ilə
dinləyən qoca, bu dəfə əsəbi halda arxaya dönüb:
– Gedərik, görərik, – deyə gəncə etiraz etdi.
Qocanın bu əsəbiləşməsinə əhəmiyyət verməyən gənc
çox sadə bir tövrlə:
– Həsən əmi, acıqlanmayın, – dedi, – məsələ siz düşünən
kimi deyil. Eşitdiyiniz güllə səslərini bir də xatirinizə gətirin.
Həmin güllələr bir nəfərin yox, bəlkə bir neçə nəfərin tüfəngi-
nin ağzından bir anda çıxan güllə səsləri idi. Bir nəfərin gülləsi
elə sürət ilə dalbadal açıla bilməzdi. Bunlardan əlavə, havar-
çı çağır maq üçün havaya atılan güllələrin səsi həmişə havada
yayılar. Bu güllələrin gumbuldayıb həmin dəqiqə səslərinin
kəsilməsi atılan güllələrin havayı güllə olmayıb hədəfə dəyən
güllə olduğunu göstərir. Buna görə də atılan bu güllələri adi bir
şey hesab etmək olmaz. Məncə, biz bacardığımız qədər sürə-
timizi artırıb özü mü zü Şot və Qarazəmi yoluna yetirməliyik.
Gəncin bu düzgün mülahizəsi Toqaydan əlavə yaşlı yol-
daş ları olan Həsən əmini də qane etdi. Bu söhbətlərdən sonra
yolçular öz hərəkətlərini sürətləndirmək istədilərsə də, arzula-
rına müvəffəq ola bilmədilər. Həsən əmi demişkən, qar, boran
bun dan artıq yeriməyə imkan vermirdi.
Onlar Ağ yoxuşun ayağına yetişməmişdilər ki, on addım-
lıqda güclü bir qar boğanağına rast gəldilər. Həsən əmi: “Qız,
dayan” – deyə qışqırdı. Toqay dərhal dayandı və Həsən əmi nin
bu gözlənilməz bağırtısından öz təəccübünü gizləyə bilmədi. Bu
zaman Həsən əmi tələsik tüfəngini çiynindən aşırıb çaxma ğını
çaqqıldatdı. Həsən əminin bu nagahani bağırması və onun dalın-
ca patronu sandıqdan lüləyə yeritməsi tək Toqayı deyil, gənc yol-
daşları İslamı dəxi təəccübləndirmişdi. Həsən əminin bu halətinə
hər ikisi mat qalmışdılar. Bu zaman Həsən əmi dübarə səslənib:
– Nəyə durub baxırsınız, görmürsünüz məgər? – deyə ba-
ğırdı və onlara yaxınlaşan qar boğanağını barmağı ilə göstərib
qışqırdı: – Adamcıl qurdlar!
Dostları ilə paylaş: |