dəm şərtlər göstərir ki,
həm Şərqdə, həm də Qərbdə fəlsəfənin yaranması bir sıra ümumi
qanunauyğunluqlara malikdir. Onları aşağıdakı kimi qruplaşdırmaq olar:
Birinci, fəlsəfə mifoloji şüurun fonunda, onun böhranı şəraitində meydana
gəlmişdir. Bu o deməkdir ki, cəmiyyətin ümumi inkişafı gedişində elə vəziyyət yaranır ki,
artıq dünyagörüşü ilə bağlı məsələləri mifoloji təsəvvürlər əsasında izah etmək
qeyri-mümkün olur. Beləliklə, ictimai şüurun mövcud forması (yəni mifologiya)
böhran keçirir. Dünya və insanın burada yerini ifadə edən problemlərin izahında köhnə
ənənələr, ümumi tərəfindən qəbul olunmuş rəylər artıq öz dövrünü keçirir. İnsanlar bu
problemlərin səbəblərini öyrənməyə cəhd göstərirlər. Buna uyğun gələn dünyagörüşü
forması isə məhz fəlsəfədir. İkinci, bütün regionlarda ilkin fəlsəfi təsəvvürlər quldarlıq
cəmiyyətində meydana gəlmişdir. Bu təsadüfi deyildir. Belə ki, fəlsəfi dünyagörüşünün
yaranmasını zəruri edən yuxarıda qeyd olunan şərtlər məhz bu quruluşda yetişir.
Lakin quldarlıq cəmiyyəti müxtəlif ölkələrdə eyni vaxtda qərarlaşmır. Fəlsəfənin yaranma
tarixinə görə regionlar və dövlətlər arasında fərqlilik bununla izah olunur. Üçüncü, həm
Qərbdə, həm də Şərqdə fəlsəfi biliklər ümumbəşəri dəyərlər (xeyir və şər, ədalət,
dostluq, xoşbəxtlik və sair) ilə ayrılmaz əlaqədə formalaşmışdır. Bu onunla izah edilir
ki, ümumbəşəri dəyərlər fəlsəfə üçün səciyyəvi olan müdrikliyə, sevgi və həyatın ağıllı
təşkilinin mühüm tərəfləridir. Dördüncü qanunauyğunluq insanların həqiqi biliklər əldə
etmək üçün apardığı elmi axtarış cəhdlərinin çoxalmasıdır. Başqa sözlə, söhbət
cəmiyyətin və fəlsəfənin metodoloji funksiyasına marağın artmasından gedir.
Yuxarıda qeyd olunan ümumi qanunauyğunluqlarla yanaşı hər bir regionda və
ölkədə fəlsəfənin təşəlckülü müəyyən özünəməxsusluqlara malik olmuşdur. Hər şeydən
əvvəl, qədim Şərqdə və Qərbdə müzakirə olunan fəlsəfi problemlər xeyli dərəcəciə
fərqlidir. Belə ki. Şərq fəlsəfəsində yarandığı dövrdən insan problemi mərkəzi yer
tutmuşdur. Bundan fərqli olaraq qədim Qərb fəlsəfəsi çox- problemli (naturfəlsəfə, varlıq
təlimi, idrak nəzəriyyəsi, etik və estetik baxışlar və s.) xarakter daşımışdır.
Hətta insan probleminin özünə münasibətdə də Qərbin və Şərqin fəlsəfi fikri eyni
olmamışdır. Belə ki, Şərq fəlsəfəsində bu problem daha çox insanların heyat fəaliyyəti,
praktikası və həyat tərzi baxımından təhlil olunmuşdur. Ona görə də burada insanın
mənlik şüura, hökmdarlara itaəti, böyüklərin nəsihətləri ilə bağlı məsələlər əsas yeri
tuturdu. Qərb fəlsəfəsində isə insan problemi əksərən varlığın və idrakın ümumi
kontekstində araşdı-rılmışdır. İkinci, Şərqdə fəlsəfə Qərbə nisbətən din ilə daha yaxın
olmuşdur. Buna görə də eyni bir fəlsəfi cərəyan həm dini, həm də fəlsəfi xarakter kəsb
etmişdir (məsələn, brəhmənizm, induizm, buddizm və konfusiyaçıhq). Qərb fəlsəfəsi üçün
isə dindən daha dəqiq ayrılma və elmə yaxınlıq səciyyəvi idi. Bundan əlavə qərbin ilk
fəlsəfi təlimlərindən etibarən azadfikirlilik və ateist mövqe özünü göstərmişdir.
Üçüncü, müxtəlif regionlarda müzakirə olunan fəlsəfi kateqoriyalar da bir-birindən
fərqlənir. Belə ki, Şərqin ilkin fəlsəfi təlimlərində "həyat",
28
"ölüm", "ruh", "fiziki bədən", "şüur" və s. daha çox yer tuturdu. Burada "san- sara"
(ruhun dirilməsi və yenidən təcəssümü), "karma" (insanın axirət dünyasında öz əməllərinə
görə cavab verməsi), "askez" (özünü məhdudlaşdırmaq yolu ilə fövqəltəbii qabiliyyətlərə
nail olmaq), "nirvana" (aıhun ən yüksək vəziyyəti, insan cəhdlərinin məqsədi) və sair
anlayışlar geniş yayılmışdır. Qərb fəlsəfəsində isə ənənəvi fəlsəfi kateqoriyalar (hərəkət,
ziddiyyət, materiya, məkan, zaman, substansiya və s.) üstün yer tuturdu. Məsələn,
qədim yunan fəlsəfəsində Aristotel kateqoriyaları ilk dəfə sistemləşdirmişdir. O, on
mühüm kateqoriyanın (mahiyyət, kəmiyyət, keyfiyyət, münasibət, yer, zaman, vəziyyət,
hal, gerçəklik, əziyyət) cədvəlini işləyib hazırlamışdı. Dördüncü, materiyanın quruluşu
haqqında baxışlar və idrak təlimləri də şərqdə və qərbdə eyni cür formalaşmamışdır.
Qərbdə materiyanın fasiləli (diskret) quruluşu haqqında təsəvvürlər geniş yer
tutmuşdur. Atomist təlimin nümayəndələri (Levkipp, Demokrit, Epikur və L.Kar)
əşyalarda baş verən dəyişikliklərin səbəblərini anlamağa çalışmış və onu atomları
boşluqda hərəkəti ilə izah etmişdilər. Bundan fərqli olaraq Şərq fəlsəfəsində materiyanın
fasiləliyi və onun quruluşu problemləri o qədər də geniş yayılmamışdır. Burada əsas yeri
materiyanın ruha qarşı qoyulması, yaxud da onun substansional başlanğıc kimi
göstərilməsi tutmuşdur.
Beşinci, idrak probleminin həllində de müxtəliflik özünü göstərmişdir. Bu onda
təzahür edirdi ki, Qərb fəlsəfəsində idrak təkcə empirik, hissi və rasional kimi deyil, həm
də məntiq kimi təhlil olunurdu. Sokrat, Platon, xüsusilə də Aristotel məntiq
problemlərinin işlənilməsinə qiymətli töhfələr vemıişlər. Şərq fəlsəfəsində isə məntiq ilə
demək olar ki, yalnız Hindistanda Nyaya (qayda, mühakimə deməkdir) məktəbi məşğul
olmuşdur. Bu cərəyaınn tərəfdarları həqiqəti eldə etməyin dörd mənbəyini (qavrayış,
nəticə, müqayisə və sübut) irəli sürmüşdülər. Nəhayət, sosial problematikanın qoyuluşu
baxımından da Qərb ilə Şərqin fəlsəfi fikrində fərqlər təzahür etmişdir. Şərq
fəlsəfəsində insanın kainat (kosmos) mənşəli olması fikri əsas yer tuturdu. Bütün sosial
məsələlər (cəmiyyətin keçmişi, indiki dovrü və gələcəyi) bu mövqeyə əsaslanmaqla həll
olunurdu. Hətta insanların öz-özünü təkmilləşdirməsi və başqalarım idarə edə bilməsi
üçün zəruri olan ümumbəşəri deyərlərə malik olmağın vacibliyi də həmin nöqteyi-
nəzərdən çıxış edirdi (bu münasibətdə Konfusinin təlimində səmanın həlledici rolunu yada
salmaq kifayətdir). Qədim yunan və roma məktəblərində isə sosial fəlsəfə daha geniş
miqyasda müzakirə olunurdu. Burada Demokritdən başlayaraq demək olar ki, bütün
filosoflar dövlət, qanun, idarəçilik, müharibə və sülh, arzu, mənafe, hakimiyyət,
cəmiyyətdə əmlak bölgüsü və sair məsələlərə geniş diqqət yetirirdilər. Bundan əlavə Qərb
fəlsəfəsində sosial problematika, insan problemi cəmiyyət ilə sıx vəhdətdə götürülürdü
(məsələn, Demokritin ayrıca bir insanın ehtiyacının ümumi cəmiyyətin ehtiyacından
ayrılmaz olduğu fikri. Platonun dövlət rəhbərinin şəxsiyyətinə verdiyi tələblər, onun və
Aristotelin ideal dövlət təlimləri və sair).
Yuxarıda deyilənlərdən görünür ki, şərq və qərbin ilk fəlsəfi təlimləri müvafiq
surətdə bu iki sivilizasiyanın simasnı ifadə etmişdir. Şərq sivilizasiya
29