Bu münasibətdə şəxsiyyətin malik olduğu mütləq dəyərlər həyatın mənası, xeyir,
ədalət, gözəllik, həqiqət, azadlıq və sair müstəsna əhəmiyyət kəsb edir.
Dəyərlərin bu tipi şəxsiyyətin sosiallaşması prosesində birinci dərəcəli rol
oynayır. Onların həyata keçməsi öz mahiyyəti etibarilə şəxsiyyətin strukturunu
müəyyən
edən ən dərin qatların reallaşması deməkdir. Bu dəyərlər olmadan şəxsiyyətin normal
həyatı qeyri-mümkündür. Məsələn, müəyyən səbəblər üzündən öz həyatının mənasını
görə bilməyən adam tezliklə həyatının uğursuz olduğu qənaətinə gəlir, bəzən də özünü
intihar edir. Eyni fikri öz həyatını və başqa yüksək dəyərləri reallaşdırmaq imkanları
olmayan şəxsiyyət haqqında da demək olar.
Qeyd olunmalıdır ki, həyati əhəmiyyətli dəyərlər və həyatın mənası məsələsi heç
vaxt indiki qədər aktual olmamışdır. Hazırda bu məsələ bütövlükdə bəşəriyyət qarşısında
və o cümlədən də hər bir insan qarşısında tam kəskinliyi ilə durur. Təsadüfi deyildir ki,
həyatın mənasını düzgün anlam.aqda çətinlik çəkən adamlarda tez-tez ömrün gərəksizliyi
hissi yaranır. Görkəmli psixoloq V.Frankl belə vəziyyətin yaranmasını aşağıdakı kimi
izah edir; "Heyvandan fərqli olaraq instinktlər insana nə lazım olduğunu diktə etmir.
Dünənki insandan fərqli olaraq ənənələr də bugünkü insana ona nə etməli olduğunu diktə
etmir. Beləliklə, ona nə lazım olduğunu və necə hərəkət etməli olduğunu bilməyən insan
özünün nə istədiyi haqqında aydın təsəvv^ürə malik olmur. Nəticədə o, ya başqalarının
istədiyini istəyir (konfonnizm), ya da başqalarının istədiyi kimi hərəkət etməli olur
(totalitarizm).' Məşhur Amerikan psixoloqu A.Maslou şəxsiyyətin sosial- laşmasında bu
cür ali dəyərlrərin çox böyük rol oynadığını göstərirdi. Onun fikrincə bütün özünü
aktuallaşdıran adamlar müəyyən faydalı işə cəlb olunurlar. Onlar bu işi həyatın yüksək
dəyəri hesab edir və ona sadiq qalırlar. O yazırdı: "Biri həyatını qanuna, digəri ədalətə,
başqa birisi isə gözəlliyə və ya həqiqətə həsr edir. Onların hamısı bu və ya digər tərzdə öz
h
əyatım
ali varlıq xarakteri kəsb edən dəyərlərə həsr edirlər. Başqa sözlə deyilsə, ən yüksək
və əsl dəyərlərə həsr edirlər. Belə dəyərlərin sayı on dörddür. Əsasları aşağıdakılardır:
həqiqət, gözəllik, xeyirxahlıq, kamillik, sadəlik, hərtərəflilik və sair.^
Varlığın bu dəyərləri ən mühüm tələbatlar kimi çıxış edir. Onlar şəxsiyyət üçün
müstəsna əhəmiyyətə malikdir. Bunu ondan görmək olar ki, həmin dəyərlərdən hər hansı
birinin məhdudlaşdırılması insanın ruhunu patoloji vəziyyətə gətirə bilir. Buradan
aydındır ki, həmin dəyərlər əksəriyyət üçün həyatın mənası rolunu oynayır.
Yuxarıda qeyd olunan ali dəyərlər və birinci növbədə həyatın mənası
"ekzistensial vakuum" (V.Frankl) adlanan problem ilə sıx bağlıdır. Ek-
zistensial vakuum dedikdə elə bir vəziyyət başa düşülür ki, insan çoxsaylı dəyərlər
içərisində dolaşıb qalır və yaxud da heç bir dəyər tapa bilmir. Belə vəziyyət müasir dövrdə
yaşayan insanlar arasında kifayət qədər geniş yayılmışdır. Belə ki, uzun müddət ərzində
mövcud olmuş ənənəvi və nisbi sabit dəyərlər
' Bax: Франка В. Человек в носиках смысла. М., 1990, с. 25 ^ Вах: Маслоу А.
Самоактуализация (Психология личности). М., 1982, с. ПО
463
sanki tez bir zamanda yoxa çıxır, yeniləri meydana gəlir. Belə şəraitdə nəinki cavanlar
arasında, hətta kifayət qədər həyat təcrübəsinə malik adamlar arasında da nə üçün
yaşadığını, nəyə çalışdığını və nə istədiyini aydın təsəvvür etməyən şəxslərin sayı çoxalır.
Ən mühüm həyat əhəmiyyətli dəyərlərin itirilməsi, həyatın mənasının müəyyən
edilməməsi, ekzistensial vakuuma gətirib çıxarır ki, o da şəxsiyyətin sosiallaşmasma
mənfi təsir göstərir. Ekzistensial vakuum çox vaxt şəxsiy>'əti nevroz vəziyyətinə salır.
Bundan əlavə o, həyatın darıxdıncı olması ilə müşayiət edilir. Darıxdırıcılıq isə hətta
ehtiyacdan da təhlükəlidir. Çünki ehtiyac müəyyən mənada insanı fəaliyyətə sövq edir.
İnsan ehtiyac hiss etdikdə, onu aradan qaldırmağa cəhd göstərir. Bunun əksinə olaraq
darıxdırıcılıq nəinki insanın aktivliyinə mane olur, hətta çox vaxt onun real həyatdan üz
döndərərək sərxoşluğa, narkomanlığa və digər antisosial davranış formalanna
qurşanmasına gətirib çıxarır. Beləliklə, insanın ona zəruri olan dəyərləri itirməsi sözün
əsl mənasında bədbəxtlik və faciə ilə nəticələnir. Bu münasibətdə müasir ek-
zistensializmin görkəmli nümayəndəsi A.Kamyunun aşağıdaki fikri səcij^əvidir. O
göstərirdi ki, əgər kim gerçəklikdən üz döndənnək istəmirsə, onda o, buradakı insani
dəyərləri tapmağı bacaiTnalıdır.
Şəxsiyyətin sosiallaşmasında təkcə ali dəyərlər (məqsəd-dəyərlər) deyil, həm də
vasitə-dəyərlər iştirak edirlər. Sonuncular bu prosesə aralıq mövqeyində duran dəyərlər
kimi təsir göstərirlər. Onlar məqsəd-dəyərlərə tabe olub, onlarla şərtlənirlər. Məsələn,
əgər insan ədaləti bərqərar etməyə çalışırsa, onda o, heç vaxt bu məqsəd üçün
qeyri-ədalətli vasitələrdən istifadə etmir. Yaxud da xeyirxahlığa can atan adam bu iş üçün
şər vasitələri hərəkətə gətirmir. Buradan aydın olur ki, vasitə dəyərlərin özü də mühüm rol
oynayır, onlarsız məqsəd-dəyərləri əldə etmək qeyri-mümkündür. Bununla birlikdə heç
bir ən xeyirxah məqsədə çatmaq üçün belə axmaq vasitələrdən istifadə olıımnamalıdır.
Müasir şəraitdə şəxsiyyətin sosiallaşmasında dəyərlərin rolunu izah edərkən
formalaşmaqda olan bazar münasibətlərinin bu prosesə təsirini qeyd etməmək
olmaz, keçmiş SSRİ-yə daxil olmuş bütün respublikalar kimi Azərbaycan da müstəqillik
əldə etdikdən sonra totalitar rejimin qalıqlarının ləğv edilməsi və açıq demokratik
cəmiyyətə keçid dövrünü yaşayır. Bu, ictimai həyatın bütün sfera və tərəflərində bazar
münasibətlərinin bərqərar olması ilə səciyyələnir. Yaranmaqda olan bazar münasibətləri
hər şeydən əvvəl iqtisadi sahədə dövlət mülkiyyətinin inliisarına son qoymağı, xüsusi
mülkiyyəti genişləndirməyi, azad sahibkarlığa geniş meydan verməyi nəzərdə tutur. Son
illərdə bu istiqamətlərdə atılan əsaslı addımlann rolu təkcə iqtisadi həyat ilə
məhdudlaşmır, onlar həm də ictimai həyatın digər sferalarına da güclü təsir göstərir.
Həmin sferalarda (sosial, siyasi və mənəvi) ardıcıl surətdə həyata keçirilməkdə olan əsaslı
və hərtərəfli demokratikləşdirmə xətti bunun üçün əlverişli imkanlar açır. Beləliklə də
formalaşmaqda olan bazar qanunları iqtisadi, sosial, siyasi və mənəvi münasibətlər
sisteminə güclü dəyişdirici təsir göstərir, insanların bütün həyat tərzini yeniləşdirir.
Bazar münasibətlərinin mahiyyətini təşkil edən iqtisadi liberalizm, rəqabət,
daha çox gəlir və qazanc əldə etmək cəhdləri şəxsiyyətin dəyərlər
464