Novruzun təbiətin oyanması, əkinçilik təsərrüfatının başlanması
ilə bağlı əsl dünyəvi bayram olduğunu göstərmişdir.
XI əsrin digər bir nümayəndəsi Nizam əl-Mülk özünün
“Səyahətnamə” əsərində Novruz günü bayramının baharın gəlişi
ilə əlaqədar keçirilən kütləvi xalq bayramı olduğunu söyləmişdir.
Qədim azərbaycanlıların bahar bayramını hələ eramızdan əvvəl
qeyd etdiklərini Nizami Gəncəvi “İsgəndərnamə”də təsvir
etmişdir.
Novruz bayramından bəhs edən orta əsr müəllifləri Şərq
ölkələrində İslam dini yayıldıqdan sonra da bu bayramda yaz
əmək ənənələrinin, əkinçilik etiqadlarının möhkəm yer tutduğunu
göstərirlər. Əhməd Kəsrəvi yazır ki, “"Novruz bayramı günü
buğda, arpa, qarğıdalı, mərcimək, düyü, paxla, küncüt unundan
müxtəlif şirniyyat növləri, qoğallar bişirilib süfrəyə düzülürdü.
Arpanın böyüməsini müşahidə etmək yaxşı əlamət sayılırdı. Su
sıçratmaq adəti geniş yayılmışdır”(19, s. 15). Bir sıra tarixçi-
şərqşünaslar (A.Mets, İ.S.Braginski, L.İ.Klimoviç və b.) orta əsr
müəlliflərinin məlumatlarına əsaslanaraq Novruzun - bahar
bayramının və digər xalq bayramlarının əmək prosesləri barədə
təsəvvürlərdə bağlı olduğunu qeyd edirlər. Xalq kütlələri bahar
bayramı olan Novruz gününə təsədüf edilən bütün hadisə və
proseslərin şamil olduğunu təbii qəbul etmişlər.
Görkəmli tacik yazıçısı Sədrəddin Ayni öz “Xatirələr”ində
inqilabdan əvvəlki Orta Asiyada Novruz şənliklərini, mahnı və
oyunlarını məharətlə təsvir etmişdir. O zaman Novruz günündə
camaat kütləvi xalq bayramları düzəldərək şənlik edir, malını
oxuyur, varlıları və məmurları lağa qoyur, kəskin tənqid atəşinə
tuturdu. Xalqın etdiyi bu bayram ənənələrinin təsiri o qədər güclü
idi ki, “sadə adamları” bu cür hərəkətlərə görə təqib etmir və
cəzalandırmırdılar. Novruzqabağı bir qayda olaraq, ağac əkilir,
bağ-bağça salınır, abadlıq işləri aparılır, ev-eşik səliqə-səhmana
salmır, həyət baca silinib-süpürülür, əhənglənib-ağardılır, küsülü
olanlar bu gündə barışır, yaslılar yasdan çıxır. Novruz günündə el-
obalarda qara zurna dilə gəlir, “Koroğlu” nəğməsinin səsi aləmə
yayılır. Aşıqlar Novruzu mədh edirlər. Oğlan və qızlar çalıb-
54
oynayır, yallı gedirlər. Cavanlar at çapır, güləşir, küştü tutur,
hünər, igidlik göstərirlər. “Haxışta”, “Bənövşə”, “Kos-kosa”
oynayırlar. Beləklə, Novruz günü ta qədimdən azərbaycanlılar
arasında da yaz fəslinin, həm də əkinçilik təqviminin başlanğıcı
hesab edilmişdir. Xalq arasında Novruz “ilin gözəl fəsli” adlanan
bahar bayramı, əmək və şənlik bayramı, əkinçilik bayramı kimi
yaşayır. Əmək dedikdə insanların hər hansı bir sahənin inkişaf
etdirilməsi onun başlanğıcı və açarı hesab olunur. İstər əkinçilik,
istər yaz-tarla işlərinin başlanması, istərsə də təhsil sahəsində bilik
və bacarığa zəhmətlə nail olmaq nəzərdə tutulmuşdur. XIX əsrin
görkəmli maarifpərvər şairi Seyyid Əzim Şirvani deyirdi: “Təhsil
xəzinədir, əmək onun açarı”.
Əmək bolluq və bərəkət rəmzidir, bu mənada nəinki
müqəddəs İslam dini, ondan qabaq əski dinlər də halal əməklə
məşğul olmağın axirət üçün faydalı olduğunu söyləmişlər. Ən
qədim dinlərdən olan “Zərdüştlük” təlimində də insan əməyi öz
əksini tapmışdır. “Zərdüştə görə, düzgün və sağlam həyat tərzi
dinc və halal əməklə məşğul olmaqdan ibarətdir. Onun fikrincə,
bu həyatda fövqəltəbii qüvvələrin mərhəmətinə axirətdəki səadətə
çoxlu qurbanlar verməklə nail olmaq mümkün deyildir. Səadət
əməkdədir, «taxıl dəni cücərəndə divləri (şər qüvvələri) şər
basır; dəni sovuranda divlər zəifləyir; dən üyüdüləndə divlər
fəryad qoparırlar, bağırırlar... Qoy həmişə dən, un yeməkləri
olsun»” (20, s. 36).
Ölkə Prezidenti cənab İlham Əliyev 19 mart 2008-ci il
tarixdə Novruz bayramı münasibətilə Azərbaycan xalqına
təbrikində deyirdi: “Təbiətin əbədi qanunları və kainatın
dəyişməz nizamı ilə əlaqədar olan Novruz bayramı gecə ilə
gündüzün bərabərləşdiyini xəbər verən ilk bahar günü
yurdumuza qədəm qoyur. Qədim əcdadlarımızın bizə misilsiz
yadigarı kimi Yaz bayramının gəlişi Odlar diyarında yüziUərdən
bəri xüsusi mərasimlərlə qarşılanır, təntənəli el şənlikləri ilə
miişayət olunur. Milli varlığımızı və ulu babalarımızın mənəvi
aləminin zənginliyini ən incə çalarlarınadək nümayiş etdirən bu
55
el bayramı əsrlərin sınağından çıxmış gözəl adət-ənənələri ilə hu
gün də çox sevilir, uca tutulur və layiqincə qorunub yaşadılır”.
Bütün bu mühüm xüsusiyyətlərin məntiqi nəticəsidir ki,
2011- ci il dekabr ayının 29-da dördüncü çağırış Naxçıvan Muxtar
Respublikası
Ali
Məclisinin
dördüncü
sessiyasında
Naxçıvanımızda 2012-ci ili “Milli dəyərlər ili” elan edilmişdir. Ali
Məclisin Sədri hörmətli Vasif Talıbov həmin sessiyada demişdir:
“2012-ci ildə milli-mənəvi dəyərlər sahəsində tədbirlərə diqqət
artırılacaq, milli dəyərlərin bərpası, qorunması və gələcək
nəsillərə çatdırılması ilə bağlı əvvəlki illərdə başlanmış tədbirlər
2012- ci ildə daha geniş miqyasda davam etdiriləcəkdir. Hər
birimiz bu sahədə fəaliyyətimizin nəticəli olmasına çalışmalı,
milli dəyərlər ilində muxtar respublikamızın inkişafına öz
töhfəmizi verməliyik”.
Naxçıvan Muxtar Respublikası Ali Məclisi Sədrinin milli
dəyərlərimizə verdiyi önəm ulu öndərimiz Heydər Əliyev
tərəfindən əsası qoyulmuş siyasi xəttin davamıdır. Doğma
Naxçıvanımızda da xalqımızın ən müqəddəs milli dəyərinə -
Novruz bayramına böyük önəm verirlər. Milli dəyərlərin
qorunması, milli şüurumuzun, milli dövlətçiliyimizin qorunub
saxlanılması və inkişafı baxımından çox əhəmiyyətlidir.
Nəticə etibarilə onu demək olar ki, Naxçıvan əlyazma
mətnlərdə rast gəlinən milli dəyərlərimizi zənginləşdirən amillərə,
əməyə, həyata, təbiətə məhəbbəti göstərən Novruz öz ruhuna,
mahiyyətinə uyğun ənənəvi, nəcib, mütərəqqi xüsusiyyət və
keyfiyyətləri ilə zənginləşmiş, fərəhli olmuş, yeni məna çalarları
kəsb etməklə daha da miiqəddəsləşmişdir. İnanırıq ki, milli
dəyərlərimizin qorunması rəmzinə çevrilmiş bir el bayramı olan
Novruz doğma Naxçıvanımızın qoruyub saxladığı müqəddəs
düşüncə məfkurəsini daha da möhkəmləndirəcək. Çünki Novruz
bayramı dünya sivilizasiyasının başlanğıcı hesab edilən müasir
Naxçıvanda milli təfəkkürümüzün və milli-mənəvi dəyərlərimizin
parlaq təcəssümü sayılır.
56
Dostları ilə paylaş: |