60
əlavə olunması sürətlə çökməni təmin edir. Bu proses 1,5 saat
müddətində tamamilə başa çatır. Çöküntüyə getmiş şərab daşı
kizelqur filtrdə aşağı temperaturda filtrlənir.
“Kristalstop” qurğusuna məhsulu verən nasos; soyuqluğu
bərpa etmək üçün lövhəli istlik dəyişdirici, məhsulun axında ultra
soyuducusu (“Friqouniversal” tipli); şərab daşı suspenziyasını
durulaşdırmaq üçün qarışdırıcılı tutum və dozalaşdırıcı nasos; pas-
lanmayan poladdan şaquli tutumun mərkəzi qarışdırıcılı reaktoru,
şərab daşının bərpası üçün hidrosiklon; klapanlar; ötürücü borular;
komputerlə idarəetmənin avtomat pultu, diatomit yaxma filtri
(“Qrinfiltr” tipli), məhsulun işlənmə səviyyəsini müəyyənləşdir-
məyin avtomat qurğusu (avtomat konduktormetr) daxildir. Kom-
plektə həmçinin məhsulun kristal bulanmalara davamlılığını təyin
etmək üçün ekspress təhlillər aparmağa imkan verən laboratoriya
cihazı (RDK markalı) daxildir.
Şərab materialında şərab daşını kristallaşdırmaq üçün istifadə
olunan reaktor özünü paslanmayan poladdan hazırlanan silindrşə-
killi şaquli, tamamilə termoizolə edilmiş tutum kimi göstərir.
Onun daxilində zəif tezliklə fırlanan qarışdırıcı yerləşir.
“Kristalstop” qurğusunun işi aşağıdakı kimi baş verir. Emal
üçün nəzrdə tutulan temperaturu 20
0
C-yə yaxın şərab materialı
nasosla lövhəli pasterizatora verilir və burada 0-2
0
C-yə qədər
soyudulur. Sonra şərab materialı “Friqouniversal” tipli axında
soyuducuya istiqamətləndirilir, burada donma temperaturunadək
(mənfi 4-12
0
C şərabın tipindən asılı olaraq) kəskin soyudulur.
Soyudulmuş şərab materialı reaktora onun aşağı hissəsindən
daxil olur.
Qarışdırıcılı tutumda əvvəlcədən şərab daşı kristallarının (ka-
lium bitartarat) suspenziyası hazırlanır. Bu suspenziya da
həmçinin reaktora vurulur.
Vurulan reagentin miqdarı şərab turşusu duzlarının ifrat doy-
muş məhlulunun yaradılması hesabı ilə müəyyən olunur. Şərab
materialının reaktorda saxlanma müddəti 1,5 saata yaxındır. Löv-
bərli qarışdırıcı yavaş-yavaş fırlanaraq şərab materialının reak-
torda üzmə fırlanmasını təmin edir. Iri hissəciklər mərkəzdən-
61
qaçma qüvvəsi ilə konusvari dibə çökür və oradan fasilələrlə kənar
edilir.
Saxlanmadan sonra şərab materialı reaktorun yuxarı hissə-
sindən nasosla götürülür və soyuq vəziyyətdə yaxma diatomit
filtrdə filtrlənməyə verilir. Filtrlənmədən əvvəl şərab materialında
böyük olmayan (hidrosiklonla müəyyən miqdarda) şərab daşı
kristalları kənar olunaraq, qarışdırıcılı tutuma geriyə qaytarılır və
yenidən material (zatravka) kimi istifadə olunur. Filtrlənmədən
sonra şərab materialı yenidən lövhəli istilikdəyişdiriciyə verilir və
burada işlənməyə daxil olan məhsulla qarşılaşaraq soyuqluğunu
ona ötürür. Qurğunun çıxışında konduktometrli avtomat analizator
qoyulur və burada şərabın elektrikkeçiriciliyi əvvəl müəyyən
olunmuş göstəricidən yüksək olarsa bu məhsulun kifayət qədər
emal olunmadığını göstərir. Bu halda çıxış klapanı bağlanır və
şərab materialı sona qədər emal olunmaq üçün geriyə qaytarılır.
Beləliklə, “Kristalstop” qurğusundan keçən məhsulun kristal
bulanıqlara davamlılığı təminat altına alınmış olur.
62
İKİNCİ FƏSİL
ÜZÜM, ŞİRƏ VƏ ŞƏRABIN MİKROFLORASI
2.1. Mayaların təbiətdə yayılması və dövranı
Hazırda qıcqırmanın törədicilərinin maya göbələkləri olması
hamıya məlumdur.
Mayalar təbiətdə müvəqqəti, lakin az və ya çox müntəzəm
qaydada şəkər olan bütün yerlərdə yayılmışlar. Belə yerlərə ilk
növbədə üzümlüklər aiddir.
Yarım yetişmiş, yetişmiş və yetişib ötmüş gilələr quşlar
tərəfindən zədələnir və torpağa düşür. Bəzən gilə və bütöv
salxımlar saplağın çürüməsi ilə əlaqədar olaraq torpağa düşə bilir.
Düşən gilələr ayaqlana bilir, yetişib ötmüşlər isə həşərat və
arılarla dağıdılır. Belə gilələrin şirəsi çıxır. Ümumiyyətlə gilə
şirəsinin torpağa düşməsinin çoxlu səbəbləri vardır və mayalar
bura düşərək sürətlə çoxalırlar. Bu proses substratda şəkərin
qurtarmasına qədər davam edir. Torpağın səthində olan mayalar
birbaşa düşən günəş şüalarının təsirinə məruz qalaraq quruyur,
məhv olur, 50 sm-ə qədər dərinlikdə isə ildən-ilə canlı hüceyrələrə
rast gəlmək olur. Torpaqda uzun illər mayaların sporlarına da
təsadüf olunur. Torpağın səthindən külək və canlılarla mikroor-
qanizmlərin yenidən gilə üzərinə qayıtması baş verir.
Beləliklə, torpaqda hər il maya florasının inkişafında planlı
növbələşmə müşahidə olunur.
Bağ və dirrik sahəsində bitkinin qırılıb torpağa düşən şəkərli
hissələri mayaların yayılma yerinə çevrilir. Ona görə də alma,
armud, gavalı, qarağat, quş üzümü, həmçinin çiyələk altında olan
torpaqlar həmişə mayalara malik olur. Tərəvəz altında olan
torpaqlar da bitkinin torpağa düşən şəkərli hissələri, həmçinin
qalıqları ilə zəngin olur.
Bütün oxşar sahələr mayalara malik olur. Təbiətdə mayaların
63
rolu ondan ibarətdir ki, onlar şəkərin toplanmasının qarşısını
alaraq, onu karbon qazı və suya qədər parçalayır.
Gülçülükdə (nektarlarda) də mayalar olur. Həmin mayalar
həşəratlar yaxud küləklə tozcuqlarla birgə torpağa düşür. Bu
mayalar gülçülükdə daim tapıldığına görə onları nektar mayaları
adlandırırlar. Onlar arasında zəif qıcqırdıcı cins və növlər üstünlük
təşkil edir. Bu mayalar şəkəri spirtə qıcqırtmaya nisbətən daha çox
tənəffüsə sərf edirlər.
A.Kaproitti alma, badam, ərik, gavalı, şaftalı çiçəklərində,
həmçinin noxud, yonca və kələmdə Candida, Torulopsis, Kloec-
kera, Rhodotorula maya cinslərinin, eləcə də mayalara oxşar
Spherulina intermixta (Dematium) hüceyrələrinin olmasını müəy-
yən etmişdir.
Meyvə emal olunduqda həmin mayalar şirəyə düşərək inkişaf
etməyə başlayır, şəkərin parçalanmasını törədir, lakin arzu olunan
keyfiyyətdə şərab alınmasının təmin olunması təsadüfən mümkün
ola bilir.
Nəmli zirzəmilərin divarları da mayaların yayıldığı yerlərə
aiddir. Divarların və zirzəmi havasının temperaturunda azacıq fərq
əmələ gəldikdə soyudulmuş səthdə su buğu, həmçinin spirt buğu,
uçucu turşular, efirlər, aldehidlər, ammonyak, sulfid anhidridi və
digər uçucu məhsullar toplanır. Belə yerlərdə yerləşən mayalar
özünün karbonlara, azot və kükürdə olan tələbatını onları zirzəmi
havasından mənimsəyərək ödəyirlər.
Spirt, efir və uçucu turşuların buğu mikroorqanizmlər üçün
karbon mənbəyi, hidrogen sulfid və merkaptan buğları isə kükürd
mənbəyi rolu oynayır.
Xüsusi qalın selik qatı ilə örtülən mayalar selikli mayalar adı
almışlar. Onlara Torulopsis və Rhodotorula növləri aiddir. Onların
zirzəmi divarlarında toplanması çox vaxt adi gözlə belə müşahidə
edilə bilir. Onlar nəm vəziyyətdə olduğu müddətdə şərab üçün
təhlükə törətmir. Lakin qurududuqdan sonra toz şəklində zirzəmi
havasina yayılaraq təhlükəli olurlar. Bu cinsə aid olan mayalar az
miqdarda spirtə dözə bilir və hətta 10-12 h% spirtə malik şəraba
düşdükdə onlarda bulanma, yaxud qıcqırma törədə bilmir.
Dostları ilə paylaş: |