161
Şəkil 5.1. Acetobacter aceti (x1000)
Tək halda, yaxud 2-3 hüceyrə birlikdə yayılmışdır. Səthdə
pərdə əmələ gətirir və şərabı bulandırır. 9,5 h% spirtdən 7h% sirkə
turşusu əmələ gətirir. Onların fəaliyyəti üçün optimal temperatur
28-33
0
C, minimum -10
0
C-dir.
Acetobacter assendens (asetobakter assendens)- qısa çöp şək-
lində olub, ölçüsü (1,2-1,6)x(1,8-2,0) mkm-dır. Hüceyrələri tək,
yaxud 8 şəklində, təsadüfən zəncir şəklində olur. Şərab üzərində
mavi rəngli, zərif pərdə əmələ gətirir. Bakteriyaların bu növü 12
h% spirtdən, 9 h%-ə qədər sirkə turşusu əmələ gətirir. Optimal
temperatur 31
0
C, minimum -10
0
C-dir. Çoxlu sirkə-etil efiri əmələ
gətirir. Köhnəldikdə sirkəyə xoşagəlməz iy verdiyindən, onun
hazırlanması üçün əlverişli sayılmır.
Acetobacter xulinium (asetobakter ksilinum)-hüceyrələri qısa
və uzun çöpşəkilli, ölçüsü (0,8-1,0)x(2,0-2,5) mkm-dır (şəkil 5.2).
Həmçinin çöp formasında, çox hallarda əyilmiş spiral halında
tapılır. Şərabın üzərində selik şəkilli pərdə əmələ gətirir. Pərdə
köhnəldikcə davamlı olur, qabın dibinə çökərək selikli kütlə (sirkə
yağını) yaradır. Bu növ bakteriyalar 7-8 h% spirti olan şərablarda
inkişaf edib, 4,5 h%-ə qədər sirkə turşusu əmələ gətirir. Sonra onu
karbon qazı və suya qədər oksidləşdirə bilirlər. Fəaliyyəti üçün
optimal temperatur 35-37
0
C-dir. Spirti oksidləşdirdikdə xoşagəl-
məz iyə malik köməkçi məhsullar əmələ gətirir.
162
Şəkil 5.2. Acetobacter xulinium (x 24000)
Şərabın seliklənməsini törədən bakteriyalar Bacterium visco-
sus vini (bakterium viskozus vini) - qısa çöp şəklində olub, ölçüsü
(0,3-0,6)x(2-6) mkm-dir. Anaerobdurlar. Hava iştirak etmədikdə
ağ süfrə şərablarının seliklənməsini törədirlər. Qalıq şəkərdən
selik əmələ gətirirlər.
5.1.3.1. Sirkə turşusu bakteriyalarının inkişafına təsir
edən amillər
Oksigen. Sirkə turşusu bakteriyaları obliqat aeroblardır. Onla-
rın çoxalması və oksidləşdirici fəaliyyəti qida mühitinin fasiləsiz
və güclü havalandırılmasında daha intensiv baş verir.
Spirtin oksidləşməsində bir Acetobacter sp. hüceyrəsi saatda
8
× 10
-10
mq O
2
sərf edir. Acetobaeter sp. çoxalması üçün optimal
şərait oksigenin 0,02Mpa parsial təzyiqində yaranır, parsial
təzyiqin 0,0045 Mpa-a qədər düşməsi sirkə turşusu bakteriyala-
rının fermentativ fəaliyyətini dayandırır.
Qida mühitində daxili üsulla çoxaldıldıqda spirt və sirkə
turşusunun 9,4% miqdarında (ümumi qatılıq) aerasiyanın 1 dəqiqə
dayandırılması hüceyrələrin 100% məhvinə gətirir. Qaz fazasında
oksigenin 0,06 Mpa və daha çox parsial təzyiqində sirkə turşusu
bakteriyaları çoxalmır. Artıq oksigenin də onlara mənfi təsir etdiyi
163
güman olunur. Spirt və sirkə turşusunun çox duruldulmuş məhlu-
lunda bakteriyalar havanın çatışmazlığına, xüsusilə də aşağı
temperaturda az həsas olurlar.
Karbon qazı. Müəyyən olunmuşdur ki, sirkə turşusu bakte-
riyalarının hava karbon qazına ehtiyacı var. Mühitdə karbon qazı
çatmadıqda həmin bakteriyaların nəinki inkişafı ləngiyir, eyni
zamanda hüceyrələrin gələcək inkişaf xüsusiyyəti itir. Karbon qazı
sirkə turşusu bakteriyalarının inkişafının birinci və ikinci günü fəal
mənimsənilir. Çünki, həmin vaxt intensiv sintetik proseslər baş
verir.
Temperatur. Sirkə turşusu bakteriyalarının inkişafına mühitin
temperaturu əsaslı təsir göstərir. Bütün növlər üçün temperatur
minimumu demək olar ki, eyni olub, 6-10
0
C təşkil edir. Ondan
yuxarı 15
0
C-yə qədər temperaturda onlar yavaş çoxalır, qısa və
qalın çöp şəkilində olur. Çenneberqə görə optimal temperatur 15
və 37
0
C arasında olmaqla, müxtəlif bakteriya növlərində fərqlidir.
Belə şəraitdə sirkə turşusu bakteriyaları sürətlə çoxalaraq zəncir
əmələ gətirir.
Temperatur maksimumu da geniş intervalda dəyişir: 35-45
0
C
arası yüksək temperaturda sirkə turşusu bakteriyalarının bəzi
növləri arakəsmələrsiz şəffaf sapa çevrilir. Onlar bu halda həyatda
qalsalar da özlərinin səciyyəvi biokimyəvi xassələrini itirirlər.
Sirkə turşusu bakteriyalarının məhv olma temperaturu onların
fizioloji vəziyyətindən, həmçinin mühitin tərkibindən və maddələ-
rin qatılığından asılıdır. A. aceti növü süfrə şərabında SO
2
əlavə
olunmadan 50
0
C-də 10 dəqiqə müddətində, 75-100 mq/l SO
2
əlavə
olunmaqla isə 45
0
C temperaturda məhv olur.
Aşağı pH göstəricisi məhvi tezləşdirsə də, şəkər ona
müdafiəedici təsir göstərir.
Etil spirti. Sirkə turşusu bakteriyaları spirtə xeyli davamlıdır.
Əgər A.ascendens növü öz həyat fəaliyyətini mühitdə spirtin 12,5
h% qatılığında dayandırırsa, A.rancens üçün letal dozanı 6,5 h%
təşkil edir. Digər kulturlar üçün bu göstərici 11-12 h% arasındadır.
Sulfid anhidridi. Xüsusilə də antiseptik təsirə malik olan
sərbəst SO
2
bakteriyaların yaşamına təsir göstərir. A.aceti bakte-
164
riyalarının hüceyrələri şərab materialına 50 mq/l miqdarında SO
2
vurulmaqla anaerob şəraitdə 10
0
C və ondan aşağı temperaturda 5-
10 günə, 28-35
0
C-də isə adətən bir neçə saat ərzində məhv olurlar.
pH göstəricisi. Sirkə turşusu bakteriyaları digər bakteriyalarla
müqayisədə turş mühitə daha dözümlüdürlər. Onların bəziləri pH
2,5 -3,0 olduqda çoxalır.
İşıq. Birbaşa düşən və əks olunan günəş şüaları sirkə turşusu
bakteriyalarının çoxalmasını dayandırır. Bunun ultrabənövşəyi
şüaların hüceyrənin ferment sisteminə təsiri ilə bağlı olması
göstərilir. Məlum olmuşdur ki, yalnız 55 dəqiqəlik şüalanma sirkə
turşusu bakteriyalarının inkişafını tam təsir altına ala bilir.
5.1.3.2. Istehsalatda sirkə turşusu bakteriyaları
Sirkənin alınması. Qida sirkəsi almaq üçün təmiz sirkə turşusu
kulturlarından istifadə olunması daha səmərəli nəticə verir. Bu
onların daha yüksək oksidləşdirici fəaliyyəti ilə əlaqədardır. Sirkə
alınması üçün əsas xammal etil spirtinə malik təbii substrat və
içkilər (sidr, şərab, pivə şirəsi, bal, meyvə giləmeyvə şirəsi qıcqır-
madan sonra) yaxud etil spirtinin sulu məhluludur. Sonuncudan
spirt sirkəsi (ağ) alınır.
Spirt sirkəsinin tərkibinə sirkə turşusundan (6-11%) əlavə ol-
duqca az miqdarda məhlula xüsusi dad və xoşagələn ətir verən ali
efirlər də daxildir. Kimyəvi yolla alınan sirkə esensi bu maddələrə
malik olmur. Efirlərin keyfiyyət tərkibi və onların miqdarı bakte-
riyaların xüsusiyyətləri və onların yaşayış şəraiti ilə əlaqədardır.
Üzüm sirkəsi Azərbaycanda çox qədimdən hazırlanır. Bu
məqsədlə yetişmiş üzüm yığılaraq əzilir və küplərə doldurulub
ağzı möhkəm bağlanır. Şirənin yaxşı qıcqırması üçün içərisinə
çörək parçası və ya kömür atırlar. Bu vəziyyətdə 1-2 ay sərin
yerdə saxlandıqdan sonra, şirəni süzür və sirkələşməsi üçün günün
altına qoyurlar. Alınan sirkəni bir neçə il saxlamaq mümkündür.
Sənayedə sirkə az tündlüyə (7-9 h.%) və ekstraktlığa malik ağ,
yaxud zəif rəngli qırmızı şərablardan; cecənin sulu ekstraktından;
Dostları ilə paylaş: |