165
şəkərə malik şərabların maya və qalıq çöküntülərindən alınır.
Bolqarıstan və Almaniyada sirkəni hətta konyak bardasından
alırlar. Sirkənin texnologiyasının əsasında sirkə turşu bakteriyaları
tərəfindən etil spirtinin sirkə turşusuna oksidləşdirilməsi durur.
CH
3
CH
2
OH + O
2
CH
3
COOH + H
2
O
Şərab sirkəsi istehsalının 3 üsulu mövcuddur: 1) orlean; 2)
sirkulyasiya (dövretmə); 3) daxili.
Birinci üsul istehsalda və həcmdə çəlləklərdə yerinə yetiril-
məsinə baxmayaraq, yüksək keyfiyyətli sirkə alınmasını təmin
edir. Şərab materialı hər iki yanından hava daxil olması üçün
deşiyi olan çəlləklərə doldurularaq sirkələşdirilir.
İkinci üsulda (dövr etdirilmə) şərab materialının oksidləşməsi
oksidləşdirici-reaktorlarda, temperatur və oksigen rejimini nizam-
lamaq və aşqarlardan (fıstıq, tozağacı yonqarı) istifadə edilməklə
aparılır. Oksidləşdirici reaktor kimi ağac, yaxud polad (paslan-
mayan polad) rezervuardan istifadə olunur. Oksidləşmə prosesinin
getmə səthini artırmaq üçün rezervuara aşqar (ağac kəpəyi)
doldurulur. Aşqarın üzərində əvvəlcədən sirkə turşu bakteriyaları
artırılır. Şərab materialı rezervuara daxil olan kimi aşqarla
toxunma səthində dərhal sirkələşmə prosesi gedir. Prosesin başa
çatmasını dövr etdirilən məhlulda 0,2-0,3 h.% spirt qalmağı ilə
bilmək olur. Alınmış hazır sirkənin 20%-i reaktorda saxlanmaqla,
qalanı götürülür. Sonra reaktora yeni sirkə materialı daxil edilir və
dövr təkrar olunur. Hazır sirkə pasterizə olunur, duruldulur, kupaj
olunaraq doldurulmaya verilir.
Daxili üsulla (üçüncü üsul) sirkə hazırlandıqda bakteriyalar
daimi oksigen vurulmaqla məhlulun bütün həcminə yayılır.
Oksigenin vurulması rezervuarın dibində qurulmuş xüsusi qurğu –
aeratorla həyata keçirilir.
Etil spirtinin daxili üsulla sirkə turşusuna çevrilməsi 38-40
0
C
temperaturda normal gedir. Göstərilən temperaturu tənzim etmək
üçün rezervuarın daxilində istilik mübadiləedici yerləşdirilir.
Materialda 0,15-0,2 h.% spirt qalması prosesin başa çatdığını
166
bildirir.
Sirkə bir sıra milli xörəklərə əlavə kimi işlədilir.
Sirkədən respubkamızda İsgəncəbi adlanan içki hazırlanır.
Hazırlamaq üçün üzüm sirkəsinə (bəzən abqoraya) bərabər miq-
darda bəhməz (bəzən şəkər) qatır və ətirli ədviyyat və ya əlavələr
(bədmüşk, nanə cövhəri, gülab) vurularaq bəhməz qatılığına çata-
nadək qaynadılır. Alınmış məhsula İsgəncəbi cövhəri deyilir. Ona
su qataraq qarışdırır və içirlər. İngəncəbi turşaşirin, iştahaçan içki
olub, yağlı xörəklərlə istifadə olunur.
Italiyada balzam sirkəsi hazırlanır. Bunun üçün qaynadılmış
üzüm şirəsi çəlləklərdən aşağı temperturda xüsusi qıcqırdıcı ilə
qıcqırdılır. Həmin qıcqırdıcı sirkə turşusu bakteriyalarından və
Zygosaccharomyces cinsinə daxil olan mayalardan ibarət olur.
Balzam sirkəsi asetilmetilkarbinol, sirkə və kəhraba turşula-
rına, spirt və qliserinə malik olur.
Sirkənin keyfiyyətini müəyyən etmək üçün oksidləşən və re-
duksiya olunan maddələrin təyini metodları tövsiyə olunur. Çünki
bu maddələrin mövcudluğu şərab, pivə, sidr, spirt məhlulları üçün
səciyyəvidir. Bu həm də qida sirkəsini sintetik sirkədən fərqlən-
dirməyə imkan verir.
Şərabın səthində sirkə turşusu bakteriyalarının inkişafı zamanı
onların efirləri biosintez etmək xassəsi xüsusi əhəmiyyətə malik-
dir. Turşuyan şəraba sirkə etil efiri səciyyəvi iyi verməklə 40 mq\l
miqdarında dadda hiss olunur. Lakin şərabın tərkibinə daxil olan
digər komponentlər turşumuş şərabın iyini hiss etməyə əngəl
yaradır.
Turşumuş şərabda sirkə etil efirinin əmələ gəlmə dərəcəsi
müxtəlif amillərdən asılıdır: bakteriyaların növ və irqindən, tem-
peraturdan, şərabın səthindəki pərdənin şərabın həcminə olan nis-
bətindən, şərabda etil spirtinin və azotlu maddələrin miqdarından
və s.
Şərabın uçucu turşular əmələ gətirən digər bakteriyaları (şə-
kərlər, qliserin, şərab turşusu və b. parçalandıqda əmələ gələn süd
turşusu və b.) efir əmələ gətirmək xüsusiyyətinə malik olmur. Ona
görə də sirkə turşusu efirlərinə çevrilmə göstəricisi şərabda uçucu
167
turşuların miqdarını və onun nöqsanını törədən mikroorqanizm-
lərin növü və səbəblərinin müəyyən olunması baxımından rol
oynaya bilər.
Bir çox ölkələrin məişətində qədindən sirkə turşusu bakteriya-
ları və mayaları simbioz artırılır. Onlar üçün qida mühiti kimi
şəkər məhlulu və çay ekstraktı istifadə olunur. Maya və bak-
teriyaların mübadilə məhsullarına malik olan mayeyə Rusiyada
“çay göbələyi” və “çay kvası”, Yaponiyada – “ kombu-ça” Çində
- “xa-bom” adlandırırlar. Müəyyən olunmuşdur ki, “çay kvası”nda
saxarozanı levana polişəkəri əmələ gətirməklə parçalayan
A.Xylinum, A.Suboxydans növ müxtəlifliyi və saxarozanı
qıcqırtmayan müxtəlif mayalar olur. Bunlar H.apculata,
H.javanica, Torulopsis sp., Candida tropicalis, C. albicansdır.
“Çay kvası” mayaları vitaminlər və digər bioloji fəal maddələr
əmələ gətirirlər.
Şərabın xəstələnməsi. Şərab xəstələndikdə sirkə turşusu bak-
teriyaları onun səthində pərdə əmələ gətirir. Həmin pərdə xarici
görünüşünə görə pərdəli mayaların əmələ gətirdiyi pərdədən
fərqlənir. Onun rəngi ağımtıl, bəzən göy çalarlarla, yağlıtəhər,
qeyri yumşaqdır. Şəraba buraxılan əşyaya pərdə yapışmır.
Sirkə turşusu bakteriyaları şəraba avadanlıq və qabların sət-
hindən düşür. Bəzən onlar qırmızı şərablar hazırlandıqda, oksigen
daxil olması şəraitində əzintidə qıcqırtma zamanı əmələ gəlir.
Yavaş qıcqırma zamanı mühitin səthi oksigen daxil olması üçün
karbon qazı ilə kifayət qədər mühafizə olunur. Eyni zamanda
yüksələn temperatur sirkə turşusu bakteriyalarının inkişafını sti-
mulə edir və mayaların faydalı fəaliyyətini çətinləşdirir və
beləliklə də sirkə turşusunun əmələ gəlməsini tezləşdirir. Ona görə
də sirkə turşusu qıcqırması, xüsusilə də üzümün isti payızda emalı
vaxtı çox baş verir. Spirt qıcqırmasının imkan daxilində çox tez
başlaması və karbon qazının kütləvi çıxması ilə müşayiət olunması
çox vacibdir. Bunun üçün qıcqırmanın güclü təmiz maya kulturları
ilə aparılması və əlverişli temperaturun tənzimlənməsi üzərində
sistemli müşahidə aparılması etibarlı vasitədir.
Qıcqırması qurtaran şərabı havasız şəraitdə, sirkə turşusu
Dostları ilə paylaş: |