151
Şəkil 4.7.Същизосаъъщаромйъес pombe
(x2000)
İfadə olunan qıcqırtma xüsusiyyətinə baxmayaraq onlar
saxaromiset mayaları ilə rəqabətə dözmür və üzüm şərabçılığında
təsadüfən rast gəlinir. Onlar meyvə (alma) şirəsini, alma turşusunu
qıcqırtma qabiliyyətlərinə görə daha çox yoluxdururlar. Onların bu
xassəsindən bioloji turşuluğun aşağı salınması məqsədilə istifadə
etməyə cəhd edilir.
152
BEŞİNCİ FƏSİL
BAKTERİYALAR VƏ KİF GÖBƏLƏKLƏRİ
5.1. Bakteriyalar
5.1.1. Ümumi səciyyəsi
Bakteriyalar. Adətən üzümün yetişən dövründə gilə üzərində
nəinki mayalar, eyni zamanda bakteriyalar da olur. Ancaq onların
şirə və şərabda inkişafı yüksək aktiv turşuluqda, şirədə şəkərlərin
osmotik təsirindən və şərabda spirt təsirindən məhdud dərəcədədir.
Ona görə pH 2,5-4,5 olan şirə və şərabda 12-18% həcm spirtə
davamlı bakteriyalar inkişaf edə bilir.
Məlum olan bütün qrup bakteriyalardan şərabçılıqda mühüm
rolu süd turşusu və sirkə turşusu bakteriyaları oynayır. Şərabın
bakteriyalara qarşı davamlılığı (bakterisit müqaviməti) çox yük-
səkdir. Belə ki, yarısına qədər su ilə qarışdırılmış şərab tif
vibrionlarını tezliklə məhv edir. Ağ şərab qırmızı şəraba və meyvə
şərabına nisbətən vibrionlara tez təsir edir. Şərabdan asılı olaraq
bu müddət 5-20 dəqiqə ola bilər. Ağ şərablarda tif bakteriyaları
15-20 dəqiqədə, qırmızı şərabda 2-4 saatda tələf olur. Tədqiqatlara
görə şərabın bakterisid təsiri spirtlə yanaşı turşuluqdan çox
asılıdır.
Şərabda nisbətən dözümlü olan vərəm bakteriyalarıdır. Onla-
rın məhv olması üçün 6-8 gün tələb olunur.
Bakteriyaların morfologiyasına gəldikdə əsas iki formada, şar
şəkilli və yaxud kokklar və çöpşəkilli bakteriyalar vardır.
Kokkların hüceyrəsi şar şəkilində, diametrləri 0,3-0,5 mkm
olub, bəzən 1,5 mkm qədər ola bilər (məsələn, Misrossus varisos-
sus inkişaf etdikdə ayrıca şar şəkilində olur, onlara monokokklar
deyilir. Əgər şarlar ayrılmasa, diplokokklar (qoşa kokklar) və əgər
153
eyni istiqamətdə çoxalarsa və qızhüceyrələri uzun müddət təsbehə
oxşar birləşmiş olarsa, streptokokklar deyilir).
Çöpşəkilli bakteriyaların hüceyrələri silindrik, qısa, yaxud
uzunsov olur. Çöplər uzununa artaraq ortadan keçid əmələ gətirir
və çöp iki bərabər hissəyə bölünür. Bölünmüş çöplər ayrılmadan
uzun müddət bir – biri ilə əlaqə saxlaya bilər. Zəncirvari əlaqə
əyri, dolaşıq bəzən sap kimi əyrilib yığılaraq pambığa oxşar olur.
Bakteriyalar qida mühiti əlverişsiz olduqda xırda kirpikcikləri
(qamçıları) ilə hərəkət edə bilir. Şərabda spirt təsirindən
hərəkətləri dayanır (2% həcm). Bakteriyaların sporları şərabda bir
neçə il həyat qabiliyyətli ola bilər.
Milyon hətta milyard sayda bakteriyalar bir – birləri ilə yapı-
şaraq zooqley əmələ gətirir. Süd turşusu bakteriyaları turşuluğu az
meyvə şərabında qoz və yaxud yumurta boyda zooqleylər əmələ
gətirir.
5.1.2. Bakteriyaların təsnifatı
Hələlik bakteriyaların vahid təsnifatı olduğunu demək olmaz.
MDB ölkələrində İ.A.Krasilnikov tərəfindən verilən təsnifat qəbul
olunmuşdur. Həmin təsnifata görə bakteriyalar xlorofilsiz sadə
orqanizmlər olub, dörd sinifə bölünür.
I sinif – Actinomycetes (aktinomisetlər)
II sinif – Eubakteriae (həqiqi bakteriyalar)
III sinif – Myxobacteriae (mikobakteriyalar)
IV sinif – Spirochaetae (spiroxetlər)
Actinomycetes, yaxud şüalı göbələklər bakteriya və göbələk-
lər arasında keçid qrupdur. Onlar zərif budaqlanmış mitsellərə ma-
lik olub, uzunluğu bir neçə santimetrə çatır. Bəzi aktinomisetlər
sporlarla çoxalır. Onlar əsasən torpaqda yaşayırlar.
Bu sinifdə çoxlu antoqonist mikroblar var. Actinomyceteslərə
vərəm çöpləri və torpaqda yaşayan strepomyces (streptomiseslər)
aiddir. Onlar vərəm çöplərini məhv edən streptomisin antibiotiki
hazırlaya bilir.
154
Eubacteriae- bu bakteriyaların daha geniş sinifidir. O, kokları,
çöpşəkilli və qıvrılmış bakteriyaları (spiroxetlərdən başqa) birləş-
dirir. Onlara hərəkətsiz və hərəkətli spor əmələ gətirən və əmələ
gətirməyən baketriyalar aiddir. Onlar arasında saprofit və para-
zitlər (yoloxucu xəstəliklərin törədiciləri) vardır. Onlara çürümə
və qıcqırma törədənlər, məsələn süd turşusu bakteriyaları aiddir.
Myxibacteriae – selik bakteriyalarıdır. Onlar həqiqi bakteriya-
lardan tərtibatlı nüvənin olması və fəal hərəkəti ilə fərqlənirlər.
Əmələ gətirdiyi meyvə cismi, özünü hüceyrələr yığımı kimi
göstərir. Onlara şərabın xəstəlik törədiciləri (yağımsovlaşma)
Bacillus viscosus vini (basillus viskozus vini) aiddir.
Spirochaetae – bakteriyalar tıxacaçanu xatırladan çoxsaylı
spirallardır. İlanvari hərəkət edir. Onlar arasında saprofit və
parazitlər – xəstəlik törədicilər vardır.
5.1.3. Sirkə turşusu bakteriyaları
Əsas növlərinin səciyyəsi və onların təsnifatı. Hazırda sirkə
turşusu bakteriyalarının şərabda inkişaf edən bir neçə növü və
çoxlu irqləri vardır.
Sirkə turşusu bakteriyalarına Beyerink tərəfindən təklif olunan
cins adı Acetobacter olub, hazırda demək olar ki, ümumi qəbul
olunmuş məfhuma çevrilmişdir. Berdce Asetobacter cinsinə 12
bakteriya növü aid edir. N.A. Krasilnikov növlərin müəyyən edil-
məsinin əsasında həmin bakteriyaların biokimyəvi xüsusiyyətlərini
qoymaqla, onları 4 növə bölür.
İ.Frater ədəbiyyat məlumatları və özünün tədqiqatları əsasında
Acetobacter cinsinin yeni təsnifatını təklif etmişdir. Onun təsni-
fatında sirkə turşusu bakteriyaları biokimyəvi göstəricilərə görə
fərqləndirilir (cədvəl 5.1).
Suboxydansa nisbətən Oxydans qrup bakteriyaların təsiri al-
tında oksidləşdirilən üzvi birləşmələrin daha dərin parçalanması
baş verir. Mesoxydans qrupu isə onlar arasında aralıq vəziyyət
tutur. Katalazlardan məhrum olan sirkə turşusu bakteriyaları
Dostları ilə paylaş: |