Design by Ali Agakishiyev
52
3.Üstəgəlmə və örtük (şaryaj)
Qırışığın inkişafının davamı olaraq ,plikativ dislokasiya dizyuktiv
dislokasiya ilə əvəz olunarsa ,bu zaman əmələ gələn qırılma üstəgəlmə
adlanır.Basqa sözlə Qırılma səthi 10º-ə qədər bucaq altında , yaxud üfüqi yatan
əks laya üstəgəlmə deyilir. Üstəgəlmədə başqa qırılmalardan fərqli olaraq qanadlar
aşağıdakı kimi adlanır.
Qırılma səthi üzərində yerləşən qanada asılı qanad deyilir.
Qırılma səthindən altda yatan qanada isə yatıq qanad deyilir.
Üstəgəlmədə adətən asılı qanad irəli hərəkət etmiş olur, yatıq qanad isə
hərəkətsiz olur.
Üstəgəlmənin yaranması hər hansı bir qırışığın uzununa əyilmə yolu ilə
inkişafını dizyunktiv , qırılma variantında davamıdır. Beləki, əgər qırışığa
tangensial qüvvələr (sıxılma gərginlikləri) öz təsirini davam edirsə o yatıq
vəziyyətə düşə bilər. Qırışığın bu vəziyyətindən sonra tangensial qüvvələrin təsiri
Design by Ali Agakishiyev
53
altında qırışıq ya çevrilmiş növə (qırışığı təşkil edən layların reoloji xüsusiyyətləri
yüksək olduğu halda) yaxud da onun ən gərgin hissəsi olan layların əyimi (tağı)
zonasında laylar qırılmaya məruz qala bilərlər, nəticədə qırışığın ustdə yatan
qanadı təsir istiqamətində hərəkət edərək üstəgəlmə növ qırılmanın yaranmasına
səbəb olurlar. Buna görə də astagəlmə növ qırılmalar qırışıqları bir qayda olaraq
onların uzanması boyu mürəkkəbləşdirilirlər. Üstəgəlmə növ qırılmalar
geosinklinal ərazilər, orogen zonalar üçün səciyyəvi strukturlardır. Platformalarda
bu növ qırılmalar formalaşmırlar.
Üstəgəlmə növ qırılmalar lokal və regional miqyasda, eləcə da qlobla şəkildə
inkişaf edə bilərlər, məsələn: Şimali Abşeron Arxipelaqında Pirallahı qırışığı
üstəgəlmə ilə mürəkkəbləşib. Regional miqyasda üstəgəlmələr dağ qırışıqlıq
sistemlərində daha çox inkişaf etmiş olurlar. Üstəgəlmənin amplitudu 2-3 km-dən
çox olarsa, bu vaxt o örtük və ya saryaj adlanır. Tektonik örtük öz inkişafını
istənilən üstəgəlmədən və əks faydan başlaya bilər.
Üstəgəlmədən fərqli olaraq örtük aşağıdakı elementləri ilə səciyyələnir:
1)
Örtüyün asılı qanadı Alloxton adlanır. Yatıq qanadı isə Avtoxton
adlanır. Qırılma səthi isə Sürünmə səthi adlanır. Bu səth adətən üfüqi yaxud
üfüqiyə yaxın vəziyyətdə , bir qədər dalğavari formada olur. Bununla belə örtüyün
başlanğıc və ön hissələrində bu səthin yatım bucağı nisbətən böyük ola bilər.
2)
Şaryaj yaxud örtük xətti – sürünmə səthi ilə relyef səthinin
kəsişməsindən alınan iz nəzərdə tutulur.
3)
Frontal yaxud ön şarnir – saryajın önündə lay səthi ilə ox səthinin
kəsişməsindən alınan izə deyilir.
4)
Radikal şarnir – saryajın , örtüyün başladığı zonada , lay səthi ilə ox
səthinin kəsişməsindən alınan izə deyilir.
5)
Saryajın kökü – örtüyün yaxud saryajın inkişafa başladığı hissəyə
Design by Ali Agakishiyev
54
deyilir. Örtüyün inkişafa başladığı qırışıq onun kökü adlanır.
6)
Qalıq yaxud Klippen – Alloxton həmişə hərələtsiz olduğundan
ekzogen proseslərin təsiri nəticəsində yuyulmaya yaxud aşınmaya məruz
qalır.Aşınma nəticəsində ondan ayrılmış hissə Klippen adlanır.. Aşınma baş verən
vaxt elə hal ola bilərki , Alloxtonun önündə onun bir hissəsi əsas kütlədən tam
ayrıla bilər.Avtoxton üzərində yatan belə kütlə qalıq yaxud klippen adlanır.
Klippeni təşkil edən süxurların yaşı bir payda olaraq üzərində yatdığı Alloxtonu
təşkil edən süxurların yaşından daha qədim olur.
7)
Tektonik pəncərə - Alloxtonun sahəsində Avtoxtonun qapalı çıxışına
tektonik pəncərə deyilir.Başqa sözlə Alloxtonun sahəsində qapalı şəkildə
Avtoxtonun süxurları Yer səthinə çıxmış olurlarsa belə çıxış tektonik pəncərə
adlanır. Yaranması Alloxtonun süxurlarının həmin sahədə intensiv aşınmaya məruz
qalmasıyla əlaqədardır.
Erozion pəncərədən fərqli olaraq tektonik pəncərədə yer səthinə çıxan
süxurların yaşı onun əhatəsində yatan, Alloxtonu təşkil edən süxurların yaşından
daha cavan olur. Erozion pəncərədə isə (qapalı çıxışda) adətən onu əhatə edən
süxurlara nisbətən daha qədim yaşlı süxurlar yer səthinə çıxmış olur. Bəzi hallarda
altda yatan struktur mərtəbənin layları erozion pəncərədə yer səthinə çıxa bilər.
Tektonik örtüklər və ya Şaryajlar dağ qırışıqlarının ayrılmaz elementi hesab
olunur.
Design by Ali Agakishiyev
55
4.Qırılmalar sistemi haqqında anlayış (horst, qraben,
qraden)
Qırılmalar sistemim dedikdə hər hansı bir ərazinin bir sıra, müxtəlif yaxud
eyni növ qırılmalarla mürəkkəbləşməsi nəzərdə tutulur. Bu zaman alınan
qırılmaların qanadlarının qarşılıqlı vəziyyətindən asılı olaraq aşağıdakı növ
qırılmalar sistemi seçilir.
1. Horst—Qırılma sistemində mərkəzi blok qalxmış, kənar bloklar enmiş
olarsa belə sistem Horst adlanır.Horstların mərkəzi blokları daha qədim
çöküntülərlə örtülüb. Geoloji xəritədə horstu mərkəzi blokda, kənar bloklara
nisbətən daha qədim yaşlı süxurlar təmsil olunması ilə təyin etmək olar. Bəzi
hallarda qırılmaların sayı çox olduqda geoloji quruluşda bir neçə horst və qraben
seçmək olur. Bu zaman ümumi mənzərədə belə sistemin mərkəz hissəsini təşkil
edən bloklardan nisbətən qədim laylar Yer səthinə çıxmış olarsa, belə sistem
mürəkkəb quruluşlu horst adlanır. Horstlar sadə və mürəkkəb olur.
a) İki fay və əks faydan əmələ gəlmiş qrabenlər sadə horst adlanır.
b) Daha çox fay və əks faydan ibarət olan qrabenlər mürəkkəb horstlar
adlanır.
Mənşəyinə görə də horstlar 2 növə ayrılır.
a)
Konsedimentasion horstlar-çöküntü toplanma ilə eyni zamanda inkişaf
edir.
b)
Postsedimentasion horstlar-çöküntü toplanmadan sonra inkişaf edən
horstlardır.Qalxan və düşən bloklarda qalınlıq eynidir.
2. Qraben—Qırılma səthində mərkəzi blok yaxud bloklar enmiş, kənar
bloklar qalxmış olarsa belə sistemə qraben yaxud mürəkkəb quruluşlu qraben
deyilir və mərkəzi cavan çöküntülərlə örtülmüş olsun. Qrabenlər sadə və mürəkkəb
olur.
a) İki fay və əks faydan əmələ gəlmiş qrabenlər sadə qrabenlər adlanır.
b) Daha çox fay və əks faydan ibarət olan qrabenlər mürəkkəb qrabenlər
adlanır.
Mənşəyinə görə də qrabenlər 2 növə ayrılır.
c)
Konsedimentasion qrabenlər-çöküntü toplanma ilə eyni zamanda inkişaf
edir.Bu cür qrabenlərin düşən mərkəzi bloklarında layların qalınlığı kənar
bloklara nisbətən daha çox olur.
d)
Postsedimentasion qrabenlər-çöküntü toplanmadan sonra inkişaf edən
qrabenlərdir.Qalxan və düşən bloklarda qalınlıq eynidir.
Geoloji xəritə və profildə qrabeni onun mərkəz blokunda Yer səthinə kənar
bloklarındakına nisbətən cavan layların çıxmasıyla təyin etmək mümkündür.
3. Qraden—pilləvari qırılma sistemi—bu növ sistemdə hər növbəti blok
əvvəlkinə nisbətən qalxmış (enmiş) olur. Qırılmalar sistemi bütün tektonik
zonalarda inkişaf edə bilərlər.
Dostları ilə paylaş: |