I FƏSİL
DÖVLƏTİN XARİCİ ƏLAQƏLƏRİNİN
HÜQUQİ TƏŞKİLİ
1.1.Beynəlxalq hüquq, xarici siyasət və
diplomatiyanin qarşılıqlı əlaqəsi
Beynəlxalq hüquq, xarici siyasət və diplomatiya təkcə bir- biri
ilə sıx bağlı olan deyil, həmçinin, bir çox baxımdan kəsişən anlayış-
lardır. Buna görə də onlardan hər hansı birinin ayrılıqda tədqiq olun-
ması qeyri-mümkündür.
Beynəlxalq hüququn xarici siyasət və diplomatiya ilə qarşılıqlı
əlaqəsi beynəlxalq hüququn mühüm nəzəri problemlərindən birini
təşkil edir. Bu qarşılıqlı əlaqə problemini daha ümumi xarakterli iki
məsələnin – siyasət və hüququn qarşılıqlı əlaqəsi və xarici siyasət və
diplomatiyanın qarşılıqlı əlaqəsi şəklində araşdırmaq olar.
1.1.1. Beynəlxalq sistemdə siyasət və hüquq
Siyasət geniş və çoxşaxəli bir anlayışdır. ”Siyasət” sözü yun-
anca politika sözündən götürülüb dövləti idarə etmək məharəti
mənasını verir. Müasir anlamda bu termin dövlətin həyata keçirdiyi
kurs, dövlət fəaliyyətinin müəyyən istiqaməti deməkdir.
Siyasət anlayışı dövlətin fəaliyyətinin məqsəd
və prinsiplərini
və onun həyata keçirilməsinin üsul və vasitələrini əhatə edir.
Bütövlükdə siyasət dövlətin həyatının ən müxtəlif sferalarına dəlalət
edir. Ümumi siyasət anlayışı ilə yanaşı bu və ya digər konkret sahəni
əhatə edən iqtisadi siyasət, mədəni siyasət kimi xüsusi anlayışlar da
mövcuddur.
Hər bir dövlətin siyasəti tətbiq olunma sferasına müvafiq
olaraq onun daxili və xarici siyasətinə bölünür. Həm daxili, həm də
xarici siyasət eyni ali dövlət orqanları – dövlət başçısı, hökumət və s.
vasitəsilə idarə olunur. Lakin müxtəlif sferalarda reallaşdığına görə
onların həyata keçirilməsinin üsul və vasitələri də müxtəlif olur.
Xarici siyasət beynəlxalq sistemdə reallaşır və burada o, digər
dövlətlərin, xarici siyasətləri ilə qarşılıqlı əlaqədə olur. Dövlətin
xarici siyasət fəaliyyəti təkcə daxili faktorlarla deyil, həmçinin
beynəlxalq sistemin vəziyyəti ilə də müəyyən olunur.
Bütövlükdə xarici siyasət anlayışı geniş anlayış olub aşağıdakı
elementləri özündə cəmləşdirir:
xarici siyasət kursu, xarici siyasət
doktrina və konsepsiyaları, xarici siyasəti həyata keçirən orqanlar və
dövlətin xarici siyasət fəaliyyəti.
Xarici siyasət və beynəlxalq hüququn qarşılıqlı əlaqəsi prob-
lemi mahiyyətcə beynəlxalq sistemdə siyasət və hüququn qarşılıqlı
əlaqəsi problemidir.
Hər hansı bir siyasətin nəticəsi kimi yaranan münasibətlər
məhz hüquq normalarının köməyi ilə qorunub saxlanılır və
möhkəmləndirilir. Siyasət öz birbaşa ifadəsini hüquqda tapır.
Hüquq normaları siyasi qərarlara məcburi xarakter verməklə
yanaşı, həmçinin özündən öncə mövcud olan hüquq prinsiplərinə
əsaslanır.
Hüquq, siyasətin nəticələrini möhkəmləndirməklə və eyni
zamanda onun reallaşdırılmasının təşkilati formalarını yaratmaqla
yanaşı, digər tərəfdən siyasətin öz üzərində fəal təsirini də hiss edir.
Onların qarşılıqlı əlaqəsində siyasət prioritetə malikdir. Belə ki,
hüquq normalarının yaradılması, onun məzmununun müəyyən
edilməsi ilə yanaşı, siyasət, həmçinin hüququn həyata keçirilməsi
prosesinin məzmununu da müəyyən edə bilir. Bəzən müxtəlif
şəraitlərdə hüququn tətbiq edilməsi
prosesində onun məzmunu
dəyişikliyə uğrayır.
Beləliklə, hüquq və siyasətin qarşılıqlı əlaqəsi həm hüqu-
qyaratma, həm də hüquqtətbiqetmə proseslərində özünü büruzə verir.
Siyasi münasibətlər nəticəsində yaranan hüquq normaları elə həmin
siyasi münasibətlərin tənzimlənməsinə xidmət edir.
Mahiyyətcə bütün beynəlxalq hüquqi aktlar təkcə hüquqi deyil,
həmçinin siyasi xarakter daşıyır. Onların doğurduğu münasibətlər də
eyni zamanda həm hüquqi, həm də siyasi münasibətlərdir. Amerikalı
müəllif L. Henkin yazır ki, “bütün norma və öhdəliklər öz əsaslarına
görə siyasidirlər, onlara əməl etmək, həmçinin onları şüurlu surətdə
pozmaq – siyasi aktdır, xarici siyasət aktıdır”.
Doğrudan da beynəlxalq hüquq normalarının pozulması, həm
də onlara əməl olunması xarici siyasət fəaliyyətində ifadə olunur və
dövlətin uyğun qərarı isə xarici siyasət qərarıdır.
8
9
Beynəlxalq sistemdə hüquq və siyasətin qarşılıqlı
münasibətlərinin nəzəri cəhətdən düzgün müəyyən olunması mühüm
praktiki əhəmiyyətə malikdir.
Bu narahat dövrümüzdə ən realist xarici siyasət beynəlxalq
hüquqa istinad edən siyasət olmalıdır. Yalnız beynəlxalq hüququn
tələblərinə əməl edərək dövlətlərin ən mühüm siyasi maraqlarına –
onların müstəqilliyinə, suverenliyinə və təhlükəsizliyinə təminat
vermək olar.
1.1.2. Xarici siyasət və diplomatiyanın qarşılıqlı əlaqəsi
Beynəlxalq hüquq normaları dövlətin
xarici siyasət, xüsusilə
də diplomatik fəaliyyət prosesi zamanı yaranıb fəaliyyət göstərir.
Müxtəlif müəlliflər diplomatiyaya bir çox təriflər vermişlər.
Lakin diplomatiya anlayışı çoxtərəflidir və onu bir təriflə əhatə etmək
mümkün deyil
Fransalı diplomat Qarden diplomatiyanın tam kursunda yazır:
“diplomatiya sözün geniş mənasında dövlətin xarici əlaqələri
haqqında elmdir, daha dəqiq mənada isə danışıqların aparılması elmi
və ya sənətidir. ”
Bir sıra müəlliflər isə diplomatiyanın tərifinə subyektiv xü-
susiyyətlər də əlavə edir. Məsələn, ingilis diplomatı E.Satau diplo-
matiyanı müstəqil dövlətlərin hökumətləri arasında rəsmi
münasibətlərin aparılmasına ağlın və taktın tətbiqi kimi müəyyən
edir. Digər ingilis diplomatı Q.Nikolson da yazır ki, diplomatiya sözü
nə xarici siyasəti, nə də beynəlxalq hüququ deyil, yalnız danışıqlar
məharətini ifadə etməlidir.
Keçmiş sovet ədəbiyyatlarında isə diplomatiya daha çox xarici
siyasətin həyata keçirilməsi vasitəsi kimi təyin olunur. Diplomatik
lüğətdə diplomatiyanın tərifi aşağıdakı kimidir: “Diplomatiya – həll
olunan məsələnin xarakterini və konkret şərtləri
nəzərə almaqla tətbiq
olunan üsul və vasitələrin, qeyri-hərbi praktiki mərasimlərin
məcmusundan ibarət olan dövlətin xarici siyasətini həyata keçirmək
üsuludur. İkinci tərifə əsasən diplomatiya – dövlətin xarici siyasətinin
məqsəd və vəzifələrinin həyata keçirilməsi, dövlətin, onun xaricdəki
müəssisə və vətəndaşlarının hüquqlarının və maraqlarının qorunması
üzrə dövlət və hökumət başçılarının, xarici işlər nazirinin, xaricdəki
diplomatik
nümayəndəliklərin, beynəlxalq konfranslardakı
nümayəndə heyətlərinin rəsmi fəaliyyətidir.” Bir çox yerlərdə diplo-
matiya dar mənada dövlətlər arasında danışıqlar aparmaq və
müqavilələr bağlamaq məharəti, bacarığı kimi də qiymətləndirilir.
Diplomatiya və xarici siyasət anlayışlarını bir-birindən fərq-
ləndirmək vacibdir. Xarici siyasət daha geniş anlayışdır və dip-
lomatiya onun həyata keçirilməsinin vasitəsi rolunu oynayır. Diplo-
matiyadan başqa dövlətin xarici siyasətinin
həyata keçirilməsinin
fərqli üsul və vasitələri də mövcuddur; iqtisadi əməkdaşlıq, hərbi
güc, kəşfiyyat, xarici siyasi təbliğat və c. Lakin diplomatiyadan fərqli
olaraq onların bir çoxu xarici siyasətə münasibətdə müstəqil məqsəd
və vəzifələrə malik olurlar.
Xarici siyasət dövlətin beynəlxalq
məsələlərdə ümumi kur-
sudur. O dövlətin məqsəd və vəzifələrini, onun beynəlxalq
münasibətlərdə fəaliyyətinin əsas istiqamətlərini, həmçinin istər sülh,
istərsə də müharibə dövründə bu fəaliyyətin forma və metodlarını
müəyyən edir.
Deyilənlərdən aydın olaraq görünür ki, diplomatiya xarici
siyasətə münasibətdə daha dar anlayışdır, çünki onun realizəsinin
vasitələrindən sadəcə olaraq biridir. Lakin qeyd etmək lazımdır ki,
diplomatiyanı xarici siyasətin digər üsulları ilə qarşılaşdıranda dip-
lomatiya xarici siyasətin əsas vasitəsidir və yalnız onun məqsədlərinə
xidmət edir.
Lakin bu üsul beynəlxalq hüquqdan fərqlənir. Diplomatiya hər
hansı bir dövlətin xarici siyasət maraqlarını başqa dövlətlərə (onların
hökumətlərinə, ayrı-ayrı siyasi dairələrinə, ictimai fikirə)
mənəvi si-
yasi təsir vasitəsilə həyata keçirməyə, bu maraqların təmin olunması
üçün onları başqa dövlətlərin xarici siyasət maraqları ilə razılaşdır-
mağa çalışır. Diplomatiyanı beynəlxalq hüquqdan fərqləndirən
cəhətlərdən biri də odur ki, beynəlxalq hüquq bütün hallarda vahid
tənzimləmə sistemi kimi çıxış edir və bütün beynəlxalq aləm üçün
eynidir, lakin məlumdur ki, hər kəs üçün eyni olan ümumi diplo-
matiya mövcud deyildir. Hər dövlətin özünəməxsus diplomatiyası
vardır ki, onların da effektivliyi həmin dövlətlərin diplomatiya
məharətindən asılıdır.
Diplomatiya təbiətinə əsasən beynəlxalq münasibətlərin siyasi
tənzimləmə vasitəsidir və zor işlətməyin və zorla hədələmənin qada-
ğan olunduğu müasir dövrdə xarici siyasətin həyata keçirilməsinin
əsas vasitəsidir.
K.K.Sandrovskiy diplomatiyanın spesfik və yalnız ona xas
10
11