6.2. Beynəlxalq təşkilatlar yanında dövlətlərin
daimi nümayəndəlikləri
Beynəlxalq təşkilatlar yanında dövlətlərin daimi
nümayəndəliyi diplomatiya hüququnun nisbətən yeni
institutlarındandır. Onun yaranması I Dünya müharibəsindən sonra
ümumdünya miqyaslı siyasi beynəlxalq təşkilatın – Millətlər
Cəmiyyətinin yaranması ilə bağlıdır.
Birləşmiş Millətlər Təşkilatının yaranması ilə isə beynəlxalq
təşkilatlar yanında dövlətlərin nümayəndəliyi institutu yeni inkişaf
mərhələsinə daxil olur. BMT-nin fəaliyyətinin ilk günlərindən üzv-
dövlətlər burada özlərinin daimi missiyalarını yaratmağa başladılar.
Bu institutun hüquqi əsasları da elə həmin dövrdən formalaşmağa
başlamışdır. 1948-ci il dekabrın 3-də BMT-nin Baş Assambleyasının
qəbul etdiyi 257(III) qətnamə ilə daimi nümayəndəlik yaratmaq
praktikasının qanunauyğunluğu təsdiq olundu. Bu qətnamə
dövlətlərin BMT-də və onun Avropa şöbələri yanında daimi
nümayəndəliklərini təsis
etmək hüququnu təsdiq edib
möhkəmləndirir və daimi nümayəndəliyin və daimi missiyaların
üzvlərinin təyinolunma qaydalarını və müəyyən dərəcədə hüququ
statusunu da müəyyən edir.
Beynəlxalq təşkilatlar yanında dövlətlərin daimi
nümayəndəliyi institutunun hüquqi əsasları BMT Nizamnaməsinin
105-ci maddəsində də əks olunmuşdur. Bu maddənin 2-ci bəndində
deyilir ki, “təşkilat üzvlərinin nümayəndələri də həmçinin təşkilatın
fəaliyyəti ilə bağlı öz funksiyalarını müstəqil yerinə yetirə bilməsi
üçün vacib immunitet və üstünlüklərdən istifadə edirlər”
1
.
BMT-nin Baş Assambleyası 1946-cı il fevralın 13-də
Birləşmiş Millətlər Təşkilatının immunitet və imtiyazları haqqında
Konvensiyanı, daha sonra 1947-ci il 21 noyabrda isə BMT-nin
ixtisaslaşdırılmış müəssisələrinin immunitet və imtiyazları haqqında
Konvensiyanı qəbul etmişdir.
BMT-nin immunitet və imtiyazları haqqında 1946-cı il
Konvensiyasının maddə IV 16-cı bölməsində müəyyən olunur ki,
“dövlətlərin nümayəndələri” anlayışına bütün nümayəndələr, onların
müavinləri, müşavirlər, texniki ekspertlər və nümayəndə heyətlərinin
katibləri daxildir. 1946-cı il aprelin 19-da
BMT-nin Cenevrədəki
Avropa şöbəsinin immunitet və üstünlükləri haqqında BMT-nin baş
katibi və İsveçrə Federal Şurası arasında bağlanan razılaşmanın 13-cü
bölməsində də analoji tərif verilmişdir.
BMT və ABŞ arasında bağlanan və bağlandığı anda BMT-nin
immunitet və imtiyazları haqqında 1946-cı il Konvensiyasına əlavə
hesab olunan, 1947-ci il BMT-nin mərkəzi müəssisələrinin
yerləşməsi haqqında razılaşmaya əsasən BMT yanında dövlətlərin
daimi nümayəndələri və nümayəndə heyətlərinin əməkdaşları “uyğun
şərt və öhdəliklərə əməl olunmaqla Birləşmiş Ştatlara akkreditə
olunan diplomatik nümayəndəliklərə verilən eyni immunitet və
imtiyazlara malikdir”(maddə V, 15-ci bölmə).
Müasir dövrdə dövlətlərin beynəlxalq təşkilatlar yanında daimi
nümayəndəlikləri, xaricdəki diplomatik fəaliyyətin mühüm tərkib
hissəsinə çevrilmişdir. Bu ilk növbədə BMT yanında dövlətlərin
daimi nümayəndəliklərinə aiddir. BMT-nin üzv dövlətlərinin böyük
əksəriyyəti burada öz daimi nümayəndəliklərini təsis etmişlər. Həmin
orqanların aparatı aid olduğu dövləti BMT-nin müxtəlif orqanlarının
işində hərtərəfli təmsil etməklə yanaşı,
BMT çərçivəsindən kənarda
da diplomatik fəaliyyətlə məşğul olur. Onlar digər dövlətlərin, o
cümlədən, aralarında normal diplomatik münasibətlər olmayan
dövlətlərin analoji nümayəndəlikləri ilə əlaqə saxlayırlar. BMT
yanında daimi nümayəndəliklərin bu üstünlüyü onun əhəmiyyətini
daha da artırır.
Eyni zamanda bir sıra məhəlli beynəlxalq təşkilatların
nəzdində də üzv-dövlətlərin daimi nümayəndəlikləri mövcuddur.
Məsələn, Ərəb Ölkələri Cəmiyyəti, Amerika Dövlətləri Təşkilatı və
s.
Azərbaycan Respublikasının ilk daimi diplomatik nüma-
yəndəliyi BMT-də təsis olunmuşdur. Nyu-Yorkda BMT-nin mərkəzi
müəssisələri yanında Azərbaycan Respublikasının daimi nü-
mayəndəliyi fəaliyyət göstərir. Azərbaycanın Avstriya
Respublikasındakı səfirliyi Azərbaycanı BMT-nin Vyana şöbəsində
təmsil edir. İsveçrədə BMT-nin Cenevrə ofisi və buradakı digər
beynəlxalq təşkilatlar yanında Azərbaycan Respublikası, həmçinin
daimi
nümayəndəliyə malikdir
1
. Qeyd edək ki, Azərbaycan
1
Крылов С. Б. История создания ООН. М.: ИМО. 1960, ъ. 235
1
The list of Azerbaijani Embassies, missions and consulates Abroad.
184
185
orqanıdır.”
1
Respublikasının BMT-nin Cenevrə ofisi və buradakı beynəlxalq
təşkilatlar yanında diplomatik nümayəndəliyi vasitəsilə daha geniş
əməkdaşlıq həyata keçirilir. Bu əməkdaşlıq siyasi, hüquqi, iqtisadi,
hərbi sahələrdə və həmçinin elm və mədəniyyət sferasında həyata
keçirilir.
Hər iki tərifdə daimi nümayəndəliklərin və onların
əməkdaşlarının hüquqi vəziyyətlərinin əsasını təşkil edən əsas və
həlledici əlamət göstərilmişdir. Bu həmin missiyaların nümayəndəlik
xarakteridir ki, bundan irəli gələrək onları dövlətlərin xarici əlaqə
orqanlarına aid edirlər. Səfirliklər kimi onlar da xarici əlaqələrin
daimi orqanlarına aid edilirlər və hər
bir dövlətin diplomatik xid-
mətinin bir hissəsini təşkil edirlər. Lakin səfirliklərdən fərqli olaraq,
onlar artıq qeyd etdiyimiz kimi üçtərəfli münasibətlər sahəsində, daha
dəqiq desək göndərən dövlət – təşkilat – həmin təşkilatın
qərargahının və ya şöbəsinin yerləşdiyi yerləşmə dövləti iştirak edən
münasibətlər sahəsində fəaliyyət göstərirlər. Və buna görə də
ikitərəfli diplomatiya sahəsindən fərqli olaraq, təşkilata üzv olarkən
və ya burada öz nümayəndəliyini təsis edərkən, maraqlı dövlətin başqa
dövlətlər tərəfindən de-yure tanınmasına və ya diplomatik
münasibətlərin qurulmasına ehtiyac olmur.
İnsan hüquqları sahəsində həmin nümayəndəlik vasitəsilə
Azərbaycan Respublikası BMT-nin İnsan Hüquqları Komissiyası ilə,
insan hüquqlarının müdafiəsi və təşfiq edilməsi üzrə BMT-nin
Yarımkomissiyası ilə, insan hüquqları üzrə Ali Komissariatla,
azlıqlar üzrə BMT Yarımkomissiyası ilə,
o cümlədən, insan hü-
quqlarının beynəlxalq müdafiəsi ilə əlaqədar yaradılmış digər
müxtəlif komitələrlə əməkdaşlıq edir.
Həmin missiya vasitəsilə ölkəmiz, həmçinin, Ümumdünya
Səhiyyə Təşkilatı, Beynəlxalq Əmək Təşkilatı, Miqrasiya üzrə Bey-
nəlxalq Təşkilatla, Ümumdünya Ticarət Təşkilatı ,Əqli Mülkiyyət
üzrə Ümumdünya Təşkilatı ilə əməkdaşlıq edir və onların
strukturlarının sessiyalarında iştirak edir.
Daimi nümayəndəliklərin təsis olunması qaydaları. Əvvəla,
yalnız həmin Təşkilatın üzvü olan dövlətlər belə nümayəndəlikləri
təsis edə bilərlər. Bu təşkilata daxil olmayan, lakin onun işinin
gedişatından maraqlı olan dövlətlər
burada özlərinin daimi
müşahidəçilər missiyalarını yarada bilərlər.
Azərbaycan Respublikası, həmçinin Avropa Şurası yanında
Strasburqda daimi nümayəndəliyini təsis etmişdir.
Respublikamız, həmçinin Şimali Atlantika Müqaviləsi
Təşkilatında daimi müşahidəçi missiyasına, Brüsseldə Avropa İttifaqı
yanında daimi müşahidəçisinə (Azərbaycan Respublikasının Belçika
Krallığındakı
səfiri) malikdir. Azərbaycanın Avstriya
Respublikasındakı səfirliyi Azərbaycanı həmçinin ATƏT-də də
təmsil edir. Respublikamız İslam Konfransı Təşkilatı və s. regional
qurumlarda da öz daimi nümayəndəlikləri vasitəsilə təmsil
olunmuşdur.
1975-ci il Vyana Konvensiyası “daimi nümayəndəliyi”
beynəlxalq təşkilatların üzvü olan dövlət tərəfindən Təşkilat yanında
akkreditə edilmiş nümayəndəlik və daimi xarakterli missiya kimi
müəyyən edir
1
B.V.Qanyuşkinin verdiyi tərifə əsasən “daimi nümayəndəlik -
beynəlxalq təşkilatda üzv dövləti təmsil etmək üçün, onunla təşkilat
arasında olan əlaqələri saxlamaq üçün yaradılan suveren dövlətin
187
İkincisi, 1975-ci il Konvensiyasının 5-ci maddəsində qeyd
olunur ki, Təşkilat yanında dövlətlərin
daimi nümayəndəlikləri
“təşkilatın qaydaları ilə icazə verildiyi” təqdirdə təsis oluna bilər.
Doğrudan da bəzi universal xarakterli təşkilatlar, (Beynəlxalq
Valyuta Fondu; Beynəlxalq İnkişaf və Yenidənqurma bankı), eləcə
də, regional təşkilatlar (Afrika Birləşmiş Təşkilatı) təşkilat yanında
daimi nümayəndəliklərinin yaradılmasını nəzərdə tutmur. Bununla
yanaşı 5-ci maddədəki müddəanı çox dar və hərfi mənada şərh etmək
düzgün olmazdı. Yəni bu o demək deyildir ki, təşkilatın
nizamnaməsində və ya digər təsisat aktında daimi nümayəndəliyin
yaradılmasının mümkünlüyü birbaşa qeyd olunmalıdır. Əsas qayda
kimi burada həmin təşkilatda qəbul olunmuş, daha sonra
sanksiyalaşdırılmış (məs, qətnamələrdə) adi praktikanı göstərmək
olar.
Monistry of Foreign Affairs Republic of Azerbaijan Department of State
Protocol. Baku: 2005.
1
Ганюшкин Б. В. Дипломатическое право международных органи-
заций. М.: 1972, с. 2.
1
Сандровский К.К. Право внешних сношений. Киев: 1986, с. 250
186