66
keçirilməsi və ya müxtəlif ixtisaslaşdırılmış alıcılarla iş ola bilər. Belə bölmələrin
rəhbərliyi onlar tərəfindən rəhbərlik edilən bölmə üçün strategiyanı özləri
hazırlamaq hüququna malikdir və bilavasitə təşkilatın yuxarı rəhbərliyinə tabe
edilir.
4. Biznesin strateji vahidlər bazasında təşkilati struktur o vaxt tətbiq olunur
ki, həmin təşkilatda yaxın fəaliyyət profilinin çoxlu müstəqil bölmələrinə malikdir.
Bu halda onların işlərinin uzlaşdırılması üçün bölmələr və yüksək rəhbərlik
arasında mövcud olan xüsusi aralıq idarəetmə orqanları yaradılır. Bu orqanlara
təşkilatın yuxarı rəhbərliyinin müavinləri başçılıq edir və korporasiyanın bu
hissələrinə biznesin strateji vahidi statusu verilir.
5. Matris təşkilati strukturu firmanın təşkilati quruluşuna rəhbərliyin iki
istiqamətini təhkim edir. Şaquli istiqamət-təşkilatın struktur bölmələrin idarə
edilməsi. Üfüqi istiqamət-ayrı-ayrı layihələrin və proqramların idarə edilməsi,
onların reallaşdırılması üçün təşkilatın müxtəlif bölmələrinin insan və resursları
cəlb olunur. Belə strukturda bölmələrin idarə edilməsini həyata keçirən
menecerlərin və layihənin yerinə yetirilməsinə rəhbərlik edən menecerlərin
hüquqlarının bölgüsü müəyyən edilir.
Bu və ya digər təşkilati strukturun seçimi bir sıra amillərdən asılıdır. Daha
əhəmiyyətli amillər aşağıdakıları hesab olunur (Şəkil 3):
-təşkilatın ölçüsü və ona xas olan fəaliyyətin müxtəliflilik dərəcəsi;
- təşkilatın coğrafi yerləşməsi;
- texnologiya;
- təşkilatın rəhbərliyi və əməkdaşları tərəfindən təşkilata münasibət;
- xarici mühitin dinamizmi;
- təşkilat tərəfindən reallaşdırılan strategiya.
Təşkilati struktur təşkilatın ölçüsünə uyğun gəlməli və lazım olduğundan
daha mürəkkəb olmamalıdır. Adətən, təşkilatın ölçüsünün onun təşkilati
strukturuna təsiri təşkilatın idarə edilməsinin iyerarxiya səviyyəsinin sayının
artırılması şəklində meydana çıxır. Əgər təşkilat kiçik və rəhbər əməkdaşların
fəaliyyətini tək idarə edərsə, onda elementar təşkilati struktur tətbiq olunur.
67
Əməkdaşların miqdarı o qədər arta bilər ki, onda onların bir rəhbərlə idarə
olunmasında çətinlik yaranar və ya ayrı-ayrı ixtisaslaşmış fəaliyyət növləri
meydana çıxa bilər. Belə hallarda təşkilatda aralıq səviyyəsi meydana çıxır və
funksional struktur tətbiq olunmağa başlayır.
Şəkil 3. Təşkilati strukturun seçiminə təsir edən amillər
Təşkilatın sonrakı inkişafı iyerarxiya idaretməsində yeni səviyyələrin
meydana çıxmasına səbəb ola bilər. Nəticədə divizional və ya biznesin strateji
vahidlərinin yaradılmasını əks etdirən struktur kimi təşkilati strukturlar tətbiq oluna
bilər. Təşkilatda kompleks layihələrin meydana çıxması matris strukturun tətbiq
olunmasına gətirib çıxarır.
Əgər regionlar kifayət qədər təcrid olunubsa, onda təşkilatın coğrafi
yerləşməsi regional bölmələrə qərarların qəbulunda müəyyən hüquqların verilməsi
imtiyazlarına, təşkilati strukturda regional bölmələrin meydana gəlməsinə gətirib
çıxarır. Əgər hüquqlar çox da böyük deyilsə, onda funksional strukturda özəklərin
sayı artırılır.
Texnologiyanın təşkilati struktura təsiri özünü aşağıdakı kimi göstərir.
Birincisi, təşkilati struktur təşkilatda istifadə olunan texnologiyaya bağlıdır.
Struktur vahidlərin sayı və onların qarşılıqlı yerləşməsi təşkilatda hansı texnologi-
yanın istifadə olunmasından asılıdır. İkincisi, təşkilati struktur elə qurulmalıdır ki,
Təşkilatın ölçüsü və onun
fəaliyyətinin müxtəliflilik dərəcəsi
Təşkilatın coğrafi yerləşməsi
Təşkilat tərəfindən
reallaşdırılan strategiya
Təşkilati
struktur
Texnologiya
Xarici mühitin
dinamizmi
Rəhbərlərin və
əməkdaşların təşkilata
münsibəti
68
o, texnologiyanın tənzimlənməsini aparmağa imkan versin. Xüsusilə də, təşkilati
struktur texnoloji inkişaf ideyalarının əmələ gəlməsinə və yayılmasına, texnoloji
təzələnmə proseslərinin aparılmasına kömək etməlidir.
Xarici mühitin dinamizmi təşkilati struktur seçimini müəyyən edən çox
güclü amildir. Əgər xarici mühit stabildirsə, həmin mühitdə əhəmiyyətsiz
dəyişikliklər müşahidə olunursa, onda təşkilat uğurla daha az çevikliyə malik olan
və onların dəyişməsi üçün böyük qüvvə tələb edən mexanistik təşkilati struktur
tətbiq edə bilər. Həmin halda əgər xarici mühit çox dinamikdirsə, onda struktur
üzvi, çevik və xarici dəyişikliyə sürətli reaksiya vermək qabiliyyətinə malik
olmalıdır. Xüsusilə də belə struktur mərkəzləşdirmənin yüksək səviyyəsini,
struktur bölmələrdə qərar qəbul edilməsi zamanı böyük hüquqların mövcudluğunu
nəzərdə tutmalıdır.
Məhz bu baxımdan “Azneftkimyamaş” ASC-nin ayrı-ayrı zavodları üzrə
təşkilati-idarəetmə strukturunu “Suraxanı maşınqayırma zavodu” TASC-nin idarə-
etmə strukturunun timsalında saylı sxemdə olduğu kimi verə bilərik (Sxem 3).
Strategiya təşkilati strukturun seçiminə əhəmiyyətli dərəcədə təsir göstərir.
Təşkilatın yeni strategiyaya keçidi zamanı hər dəfə strukturu dəyişmək heç də
məcburi deyildir. Lakin mütləq olaraq elə bir sistem yaratmaq lazımdır ki,
müəyyən etmək olsun ki, mövcud təşkilati struktur nə dərəcədə strategiyaya
uyğundur, yalnız bundan sonra müvafiq dəyişikliklər aparmaq zəruridir. Təşkilati
strukturların nöqsanları və üstünlükləri haqqında məsələyə keçməmişdən qabaq
qeyd etmək lazımdır ki, onların üstünlüklərini və nöqsanlarını mütləqləşdirmək
olmaz.
Biznesin strateji vahidlərinin mövcudluğunu əks etdirən təşkilati strukturlar
oxşar fəaliyyəti həyata keçirən avtonom bölmələrin koordinasiyası imkanlarını
təmin edirlər. Bu, sözügedən təşkilati strukturun əsas müsbət keyfiyyəti sayılır.
Eyni zamanda, onlar təşkilatda iyerarxiya idarəetməsində daha bir səviyyənin
yaradılması ilə bağlı problemlər yarada bilərlər.
Dostları ilə paylaş: |