26
da), Misirdə, Firəngistanda (Avropada) belə baş vermiş mühüm hadisələr müxtəlif sərlövhələr altında əksini
tapmışdır. Fəsillərin sonunda, bir qayda olaraq, “Müxtəlif əhvalatlar” başlığı altında həmin ilə aid qısa xəbər-
lər və “Ölümlər” başlığı altında həmin il dünyasını dəyişmiş görkəmli şəxsiyyətlər, məşhur dövlət, mədəniy-
yət, elm və sənət xadimləri haqqında məlumat verilmişdir. Əsərin mətnində çox sayda “Quran” ayələrinə və
şeirlərə rast gəlirik. Lakin farsdilli ədəbiyyatın tanınmış mütəxəssislərindən olan Ə.Nəvai “Əhsənüt-təva-
rix”də yer verilmiş şeirlərin bir qisminin bayağı və əhəmiyyətsiz olduğunu vurğulayaraq, bu cür nümunələrə
yer verdiyi üçün Həsən bəy Rumlunu tənqid etmişdir
63
.
Ş.Fərzəliyevin apardığı tədqiqatlar nəticəsində məlum olmuşdur ki, Həsən bəy Rumlu öz əsərini ya-
zarkən Həkiməddin İdris Bitlisinin “Həşt behişt”, Əbdürrəzzaq Səmərqəndinin “Mətləüs-səədeyn və məc-
məül-bəhreyn”, Mirxondun “Rövzətüs-səfa”, Dövlətşah Səmərqəndinin “Təzkirətüş-şüəra”, Əbu-Bəkr Teh-
raninin “Kitabi-Diyarbəkriyyə”, Qiyasəddin Xandəmirin “Həbibüs-siyər”, anonim müəllifin
64
“Tarixi-Şah İs-
mayıl Səfəvi”, Fəzlullah ibn Ruzbehan Xuncinin “Tarixi-aləmarayi-Əmini”, Qazı Əhməd Qəffarinin “Tarixi-
cahanara” əsərlərindən və s. tarixi məxəzlərdən yararlanmışdır
65
. Həsən bəy Rumlu farsdilli qaynaqlarla ya-
naşı, Osmanlı türkcəsində yazılmış tarix kitablarına da müraciət etmişdir
66
. Eyni zamanda, əsərdə bir çox ta-
rixi sənədlərin mətni əksini tapmışdır
67
. Müəllifin öz qeydlərinə görə, o, son cildi yazarkən bir sıra hallarda
hadisə şahidlərinin şərhlərinə yer vermiş, I Şah Təhmasibin və II Şah İsmayılın dövründə, Məhəmməd Xuda-
bəndənin hakimiyyətə yüksəlişi vaxtında baş vermiş proseslərin təsviri zamanı isə xeyli dərəcədə öz şəxsi
müşahidələrinə əsaslanmışdır
68
. Ş.Fərzəliyevin fikrincə, “Həsən bəy Rumlu özündən əvvəlki dövr hadisələri-
ni əks etdirən tarixi əsərlərdən kor-koranə istifadə etməmiş, yeri gəldikcə, onların bəzisinə düzəliş vermiş,
hadisələrin yazılışı zamanı dəqiqliyə riayət olunmasını arzulamışdır”
69
.
“Əhsənüt-təvarix” özündən sonra yazılan bir sıra tarixi əsərlər üçün mühüm mənbə rolunu oynamış-
dır. Görkəmli Azərbaycan tarixçisi İsgəndər bəy Münşinin “Tarixi-aləmarayi-Abbasi”, Qazı Əhməd Qumi-
nin “Xülasətüt-təvarix”, naməlum müəllifin “Tarixi-aləmarayi-Şah İsmayıl”, Şeyx Məhəmməd Bəqa Səxan-
purinin “Miratül-aləm”, Mirzə bəy Cünabədinin “Rövzətüs-Səfəviyyə” kimi əsərlərində “Əhsənüt-təvarix”in
təsiri duyulmaqdadır
70
.
Həsən bəy Rumlunun öz qeydlərindən məlum olur ki, o, əsərinin dövrümüzə çatmış variantının bö-
yük bir qismini h. 980 / m. 1572-73-cü ildə yazmış
71
, lakin daha sonra hadisələrin təsvirini h. 985 / m. 1578-
ci ilə kimi davam etdirmişdir
72
. Dövrümüzə gəlib çatan cildlərdən biri h. 807-899 / m. 1404-1494-cü illərin
73
,
digəri isə h. 900-985 / m. 1494-1578-ci illərin hadisələrini əhatə edir
74
. Bizim tərcüməmizdə bu cildlər müva-
fiq surətdə şərti olaraq birinci və ikinci cildlər adlandırılmışdır.
Əsərin əlyazma nüsxələri. “Əhsənüt-təvarix” Səfəvi dövrünün ən məşhur salnamələrindən biridir.
Müxtəlif dövlət kitabxanalarında və şəxsi kolleksiyalarda əsərin çoxsaylı nüsxələri mühafizə edilməkdədir.
Bunlara nümunə olaraq, mənbənin AMEA M.Füzuli adına Əlyazmalar İnstitutunda, Tehrandakı İslami Şura
Məclisi Kitabxanasında, Tehran Universitetinin Mərkəzi Kitabxanasında, Tehran Universitetinin Ədəbiyyat
Fakültəsinin kitabxanasında, Tehrandakı Gülüstan Kitabxanasında, Məlik Milli Kitabxanasında, Məşhəddəki
Fərrux kitabxanasında, Tacikistan Elmlər Akademiyasında, Sankt-Peterburqdakı Saltıkov-Şedrin adına kitab-
63
Bax: Həsən bəy Rumlu. Əhsənüt-təvarix, 1389-cu il nəşri, II c., s.770-771.
64
Bu müəllifin adının Bicən olduğu ehtimal edilir (bax: O.Ə.Əfəndiyev. Salnaməçi Bicən Şah İsmayıl Xətai haqqında // Şah İsmayıl
Xətai (məqalələr toplusu). Bakı, 1988, s.17-28).
65
Ş.F.Fərzəliyev. Azərbaycan XV-XVI əsrlərdə, s.26-35. Son araşdırmalar Həsən bəy Rumlunun XVI əsr Azərbaycan tarixçisi
Həyati Təbrizinin 914 / 1508-ci ilə qədərki Səfəvi tarixindən bəhs edən xronikasından da istifadə etdiyini göstərir. Bax:
K.Ghereghlou.
Ḥayâti Tabrizi (Qâsem Beg) // Encyclopædia Iranica, online edition, 2016, available at
http://www.iranicaonline.org/articles/hayati-tabrizi (accessed on 28 June 2016)
66
Həsən bəy Rumlu. Əhsənüt-təvarix, 1389-cu il nəşri, s.187,496,773.
67
Həsən bəy Rumlu. Əhsənüt-təvarix, 1389-cu il nəşri, II c., s.1043-1045,1186-1195 və s.
68
Həsən bəy Rumlu. Əhsənüt-təvarix, 1389-cu il nəşri, III c., s.907,1103,1301,1336-1337,1550;
Ş.F.Fərzəliyev. Azərbaycan XV-
XVI əsrlərdə, s.16.
69
Ş.F.Fərzəliyev. Azərbaycan XV-XVI əsrlərdə, s.15.
70
Bax: Ş.F.Fərzəliyev. Azərbaycan XV-XVI əsrlərdə, s.37-40.
71
Həsən bəy Rumlu. Əhsənüt-təvarix, 1389-cu il nəşri, I c., s.498,589; II c., s.807; III c., s.1280,1348,1450.
72
Həsən bəy Rumlu. Əhsənüt-təvarix, 1389-cu il nəşri, III c. s.1535-1556.
73
Həsən bəy Rumlu. Əhsənüt-təvarix, 1389-cu il nəşri, s.103-898.
74
Həsən bəy Rumlu. Əhsənüt-təvarix, 1389-cu il nəşri, s.899-1556.