152
Qeyri-maliyyə aktivlərinin dəyərsizləşməsi. Bərpa edilə bilməyən aktivlərin
balans dəyərini əks etdirən hadisələr və ya şəraitlərə əsasən rəhbərlik hər bir he-
sabat tarixində bütün qeyri-maliyyə aktivlərinin mümkün dəyərsizləşməsi üzrə hər
hansı göstəricilərin olub-olmamasını müəyyən edir. Bu cür göstəricilərə aşağıdakılar
daxildir: Qrupun biznes planlarında baş verən dəyişikliklər, qeyri-rentabelli
fəaliyyətə gətirib çıxaran əmtəə qiymətlərində dəyişikliklər, məhsul qarışıqlarında
olan dəyişikliklər və neft və qaz əmlakına gəldikdə isə - təxmin edilmiş təsdiqlənmiş
ehtiyatların əhəmiyyətli dərəcədə azalması. Qudvil və digər qeyri-müəyyən faydalı
istifadə müddətinə malik olan qeyri-maddi aktivlər hər il və digər vaxtlarda
dəyərsizləşmə göstəriciləri olduğu zaman dəyərsizləşmə üzrə yoxlanılır. Digər qeyri-
maliyyə aktivləri bərpa edilə bilməyən balans dəyərinə dair göstəricilərin mövcud
olduğu zaman dəyərsizləşmə üzrə yoxlanılır.
İstifadə dəyəri hesablanarkən rəhbərlik aktivlər və yaxud pul vəsaitlərini yaradan
vahidlər üzrə gələcək pul vəsaitlərinin hərəkətini təxmin edir və onların cari dəyərini
hesablamaq üçün uyğun diskont dərəcəsini seçir.
2010-cu ildə bəzi pul vəsaitlərini yaradan vahidlərin gözləniləndən zəif nəticə
göstərməsinə görə Qrup həmin pul vəsaitlərini yaradan vahidlərin bərpa dəyərlərini
təhlil etmişdir və nəticədə 360,047 AZN (2009: 241,639 AZN) məbləğində
dəyərsizləşmə xərci yaranmışdır. Bu aktivlər Qrupun Neft və Qaz seqmentində
istifadə edilir. Potensial olaraq dəyərsizləşmiş aktivin balans dəyərinin hesablanması
üçün dəyərsizləşmənin tələb olunduğunu müəyyən edərkən aktivin balans dəyəri
onun bərpa dəyəri ilə müqayisə edilir. Aktivin bərpa dəyəri onun satışı üzrə məsrəflər
çıxılmaqla, ədalətli dəyəri və istifadə dəyərindən daha yüksək olan dəyəridir. Qrupun
fəaliyyətinin xarakterini nəzərə alaraq, potensial alıcılıar ilə danışıqlar aparılmayana
qədər aktivin ədalətli dəyəri haqqında məlumat əldə etmək adətən çətindir. Müvafiq
olaraq, başqa cür qeyd olunmadığı halda aşağıda göstərilən dəyərsizləşmə üzrə
xərclərin müəyyən edilməsində istifadə edilən bərpa dəyəri istifadə dəyəridir. Qrup
adətən istifadə dəyərini rəhbərliyin təsdiq etdiyi maliyyə büdcəsindəki diskont
edilmiş pul vəsaitlərinin hərəkəti modelindən istifadə edərək təxmin edir.
İstifadə dəyərinin hesablanmasında istifadə edilən əsas fərziyyələr
Neft yataqları üçün istifadə dəyərinin hesablanması aşağıdakı fərziyyələrə görə
çox həssasdır:
Hasilatın həcmi: İstehsalın təxmin edilən həcmi yataqlar ilə bağlı ətraflı məlumatlara
əsaslanır və uzunmüddətli planlaşdırma prosesinin bir hissəsi kimi rəhbərlik
tərəfindən təsdiqlənmiş yataqlar üzrə inkişaf planlarını nəzərə alır. Təxminlərə görə
ümumi hasilat növbəti 15 il üçün 10 faiz azalsaydı, bu 95,984 AZN məbləğində
əlavə dəyərsizləşmə xərcinin yaranması ilə nəticələnərdi.
Ümumi marja: Ümumi marja əvvəlki ilin faktiki rəqəmlərinə əsaslanır. Bu marjalar
proqnozlaşdırılan inflyasiya dərəcəsinə uyğun olaraq büdcə dövrü ərzində artırılır.
153
Kapital məsrəfləri: Təxmin edilən hasilatın həcmini təmin etmək üçün zəruri
olan kapital məsrəfləri müəyyən neft yatağı üzrə uzunmüddətli inkişaf planlarına
əsaslanır.
Xam neftin qiyməti: Proqnozlaşdırılan istehlak qiymətləri ictimaiyyətə açıq olur.
Diskont dərəcəsi: Pul vəsatlərinin hərəkəti üzrə proqnozlara tətbiq edilən vergidən
sonrakı diskont dərəcəsi 12.81 faizdir (2009: 13.55 faiz). Diskont dərəcəsinin
hesablanması Qrup ilə bağlı spesifik vəziyyətlərə və əməliyyat seqmentlərinə əsaslanır
və kapitalın orta çəkili dəyərindən (“WACC”) irəli gəlir. WACC hesablanarkən kapitalın
dəyəri oxşar qrup məlumatlarından istifadə etməklə təxmin edilir və borcun dəyəri
Qrupun xidmət etməli olduğu faiz hesablanan borc öhdəliklərinə əsaslanır. Xüsusi
risklər ayrı-ayrı beta amillərini, bazar riskini və Qrupun həcmini tətbiq etməklə
nəzərə alınır. Beta amilləri ictimaiyyətə açıq olan bazar məlumatlarına əsasən hər il
qiymətləndirilir. Əgər hesablamada istifadə edilən təxmin edilmiş WACC rəhbərliyin
təxmin etdiyindən 1 faiz yuxarı və ya aşağı olarsa, o zaman dəyərsizləşmə zərərinin
məcmu məbləği, müvafiq olaraq, 26,054 AZN yuxarı və ya 11,899 AZN aşağı
olacaqdır.
İnflyasiya dərəcələri ilə bağlı təxminlər: İstifadə edilən dərəcələr Beynəlxalq Val–
yuta Fondunun (“BVF”) proqnozlarına əsaslanır.
Aksiz vergisi və ixrac rüsumları: Neft və neft məhsulları üzrə aksiz vergisi və ixrac
rüsumları Neft və Qaz əmlakı və avadanlıqları üçün vacib amildir.
Debitor borclarının dəyərsizləşməsi üzrə ehtiyatlar. Debitor borclarının
dəyərsizləşməsi üzrə ehtiyatlar müştərilərin debitor borclarının yığılması ehtimalının
rəhbərlik tərəfindən qiymətləndirilməsinə əsaslanır. Müştərinin əhəmiyyətli maliyyə
çətinlikləri, onun müflisləşmə və ya maliyyə strukturunun yenidən təşkilinə məruz
qalması ehtimalı və defolt və ya ödənişlərin gecikdirilməsi debitor borclarının po-
tensial olaraq dəyərsizləşmiş olmasını əks etdirən göstəricilər hesab edilir. Əgər
əsas müştərinin ödəniş qabiliyyətində pisləşmə baş verərsə və ya bu faktiki defolt
təxminlərindən yuxarı olarsa, faktiki nəticələr bu təxminlərdən fərqlənə bilər.
Debitor borcları üzrə əlavə pul vəsaitlərinin bərpası gözlənilmədikdə, debitor
borcları müvafiq ehtiyatlara silinir.
Dəyərsizləşmə üzrə zərərlərə qarşı qiymətləndirilən debitor borcları üzrə pul
vəsaitlərinin gələcək hərəkəti həmin aktivlərin müqavilə üzrə pul vəsaitlərinin
hərəkətinə, rəhbərliyin keçmişdə baş vermiş zərər halları nəticəsində vaxtı keçəcək
məbləğlərin həcmi ilə münasibətdə təcrübəsinə və vaxtı keçmiş məbləğlərin geri
ödənilməsinə əsasən təxmin edilir. Keçmiş dövrlərə təsir göstərməyən cari şəraitin
təsirini əks etdirmək və cari dövrdə mövcud olmayan keçmiş şəraitin təsirini aradan
qaldırmaq məqsədilə əvvəlki təcrübə müşahidə edilə bilən cari məlumatlara əsasən
tənzimlənir.
Dostları ilə paylaş: |