41
dağıdıcı, sarsıdıcı qüvvələrdən seçilməsi və onların düzgün idarə
edilməsini o, praktik həkimin əsas vəzifələrindən biri hesab edir.
Xəstəliyin mahiyyətinin aydınlaşdırılmasında dialektikanın
qanun və kateqoriyalarının da əhəmiyyəti böyükdür. O, göstərir ki,
xəstəliyin gedişində forma ilə məzmun bir-birinə uyğun gəlmir.
Fəlsəfi baxışlı həkim, formanın altında dərin məzmunu görməlidir.
Ümumiyyətlə, əgər forma ilə məzmun uyğun gəlsəydi onda heç bir
elm də lazım olmazdı. Hamı elə bir baxış ilə hər şeyi görərdi.
C. H. Təqdisi əsərlərində dialektik kateqoriyalardan sayılan
spesifiklik və qeyri-spesifiklik, yerli və ümumi və s. məsələləri
daima vəhdət də, bir-biri ilə sıx əlaqədə öyrənmişdir.
Xəstəliyin mahiyyəti haqqında müxtəlif baxışları yekunlaşdı-
raraq belə bir qənaətə gəlmək olar ki, müasir təsəvvürə əsasən
xəstəlik olduqca mürəkkəb və daima dinamikada davam edən bir
proses sayılır. Bu prosesin gedişində kəmiyyət dəyişikliklərinin topla-
naraq yeni keyfiyyətə keçməsi müşahidə olunur. Xəstəlik kimi mü-
rəkkəb bir prosesin gedişi patogen amillərin dağıdıcı və sarsıdıcı qüv-
vələri ilə orqanizmin müdafiəyə uyğunlaşma reaksiyalarının mübari-
zəsindən xeyli asılıdır. Bu reaksiyaları vaxtında ayırıb, dağıdıcı qüv-
vələri ləngitmək və müdafiəyə uyğunlaşma reaksiyalarını gücləndir-
mək praktik həkimin əsas vəzifəsi sayılır. Müasir tibb də geniş tətbiq
olunan müxtəlif stimulyatorlar, neyroplegiklər, qanqlioblokatorlar,
litik və mimetik maddələr, hormon, vitamin, ferment preparatları və
s. olması bu məsələnin həllinə yaxından kömək edə bilər.
Xəstəliyin sonu-iki cür ola bilər. Sağalma və ölüm. Sağalmanı
öyrənmək bu prosesi sürətləndirmək üçün lazımdır. Ölümü isə
proses kimi öyrənməyin zəruriliyi ona görə ortaya çıxır ki, ölümün
müəyyən bir mərhələsi sayılan klinik ölüm dövründə həyatın bərpa
edilməsi imkanı vardır. Klinik ölüm dövründə həyatın bərpası əsas
etibarilə bədbəxt hadisələrə düçar olmuş insanlarda aparılarsa,
gələcəkdə orqanların köçürülməsi və süni orqanlardan istifadə
edilməsi bu məsələnin geniş miqyasda, hətta lap ağır xəstəliklərdən
ölənlər də belə klinik ölüm dövründə həyata keçirilməsinə imkan
verələcək və vaxtsız ölümlərin qarşısı alınacaqdır.
42
Klinik ölüm dövrünün müddəti əlbəttə ayrı-ayrı xəstəliklərdə
eyni deyildir. Ölüm ani baş verdikdə (məsələn, boğulma, elektrik
cərəyanı vurma zamanı) sinir sistemi ağır əzab çəkmədikdə klinik
ölüm dövrü bir neçə dəfə artıq ola bilər. Ağır, uzun müddətli davam
edən xəstəlikdən sonra isə klinik ölüm dövrü qısalır. Beləliklə,
geniş qəbul edilmiş beş-altı dəqiqələk klinik ölüm dövrünü bir
qədər şərti hesab etmək lazımdır. Həqiqətən də demək olar ki, ölüm
qan dövranı və tənəffüsün dayanmasından sonra deyil, beyin öz fəa-
liyyətini tam itirdikdən sonra baş verir.
İnsanlar üzərində öləndən sonra həyatın bərpa edilməsi imkanı
yenə də ilk dəfə dünya səviyyəsində eksperimentdə həyatın bərpa
edilməsinin banisi sayılan professor F. A. Andreyevin tələbəsi,
akademik V. A. Neqovski öyrənmişdir. V. A. Neqovskinin bu barədə
nailiyyətləri oradan başlayır ki, alim ilk dəfə ölümü necə bir proses
kimi öyrənib və onda müəyyən mərhələlərin olmasını göstərmişdir.
Bu mərhələlər belədir. Birincisi canvermədən əvvəl ki, dövr. Bu
dövrdə ürək və tənəffüs fəaliyyəti kəskin zəifləyir, huş dumanlı olur.
İkincisi canvermə dövrü adlanır. Bu dövrdə əzələlərin oksigen
çatışmazlığından qıc olması yaranır, arabir bu adamlarda tənəffüs və
ürək fəaliyyəti qısa müddətli kəskin sürətlənməyə başlayır. Bu
həyat uğrunda orqanizmin apardığı son mübarizənin nişanələridir.
Belə ki, insan var gücünü yığaraq bu kimi hərəkətləri etməyə
başlayır: Canvermə dövründə olan insanın başı arxaya dartılır, ağzı
açılır. Ona görə ki, belə vəziyyətdə boyun əzələlərinin gərginliyi
müəyyən qədər tənəffüsün qısa müddətli də olsa bərpasına kömək
edir. Nəhayət bir neçə dəfə bu kimi kortəbii xarakter daşıyan
hərəkətlərdən sonra ürək və tənəffüs fəaliyyəti tam dayanır, arterial
təzyiq sıfıra enir, zahirən ölüm baş verir. Belə şəxsin ağzının
üzərinə aynanı yaxınlaşdırdıqda heç tərləməməsi, ölümün tam mə-
nada baş verməsinə dəlalət edir. Lakin elə bu dövrdə də orqanizm
həyat qabiliyyəti müəyyən müddət saxlanmış olur. Vaxtında lazımi
tədbirlər gördükdə həyatı bərpa etmək mümkün ola bilər. Elə ona
görə də bu dövrə klinik ölüm dövrü deyilir. Lakin təəssüf ki, bu
dövrün müddəti aylar, günlər, saatlar ilə deyil, bir neçə dəqiqə ilə
43
ölçülür. Klinik ölüm dövrünün belə qısa müddətli olmasının səbəbi
onunla izah edilir ki, bir çox orqanlarda həyat nişanələri uzun müd-
dət davam etdiyi halda beyində bu müddət yalnız beş-altı dəqiqədir.
Ona görə ki, başqa orqanlardan fərqli olaraq beyin toxumasının
oksigen və başqa qida maddələrinin çatışmazlığına müqaviməti ol-
duqca azdır. Qan dövranı və tənəffüs fəaliyyəti dayandıqdan bir
neçə dəqiqə sonra orada geri qayıda bilməyən dəyişikliklər baş ve-
rib, klinik ölüm bioloji ölümə keçir. Bu zaman həyatın bərpası
mümkün ola bilməz.
Ölümün necə bir proses kimi akademik V. A. Neqovski tərə-
findən öyrənilməsi tanatologiya elminin (tatanos-yunanca ölüm
deməkdir) ortaya çıxmasına səbəb olmuşdur.
Sağalmanın mexanizmləri-Müasir təsəvvürlərə görə sağalma
çox mürəkkəb proses olub, dərin mexanizmlərə malikdir. İnsan bir
an müddətində xəstəlikdən sağalmır. Sağalma patogenez və sano-
genez ilə sıx əlaqədardır. Nə qədər ki, xəstəliyin patogenezi bizə
yaxşı məlum olarsa bir o qədər də sağalmanı sürətləndirmək olar.
Sanogenez də sağalma olmayıb, onunla sıx əlaqədardır. Başqa
sözlə desək sanogenez müdafiəyə uyğunlaşma reaksiyalarının
kompleksindən ibarət olub, pozulmuş funksiyaların bərpasına kö-
mək edir. Sanogenezin məfhumu ilk dəfə professor Pavlenko tərə-
findən irəli sürülmüşdür. Bu məsələyə Ümumittifaq konfranslar
həsr edilmişdir ki, onların bəzisində C. H. Təqdisi iştirak etmişdir.
Sanogenetik mexanizmlərin nə vəziyyətdə olmasını praktik
həkim həmişə nəzərə almalıdır. Məsələn, yaxşı cərrah yalnız sano-
genetik mexanizmlərin yüksək səviyyədə olması zamanı cərrahi
əməliyyat apara bilər. Yaxşı terapevt yalnız sanogenetik mexanizm-
lərin yüksək səviyyədə olduğu müddətdə güclü təsirli dərmanlar
təyin edə bilər. Məsələn, ürək əzələsində ehtiyat enerji mənbələri
azdırsa onun fəaliyyətini artıran digitalis və başqa güclü dərmanlar
ürəyin fəaliyyətini daha tez sarsıda bilər.
Sağalmanın gedişi orqanizmin müdafiəyə uyğunlaşma reaksi-
yalarından xeyli asılıdır. Bu reaksiyalar üç yerə ayrılır.
Dostları ilə paylaş: |