306
Çiriş - Yelizavetpol (Gəncə) quberniyasının Zəngəzur qəzasında, indi Qafan rayonunda kənd.
Rayon mərkəzindən 43 km şimal-şərqdə yerləşir.
Kənddə 1897-ci ildə 27 nəfər, 1922-ci ildə 73 nəfər, 1926-cı ildə 79 nəfər, 1931-ci ildə 95 nəfər
azərbaycanlı yaşamışdır (415, s.60-61, 136-137). 1950-ci illərdə Kurud kəndi ilə birləşdirilmişdir.
1988-ci ildə kəndin sakinləri deportasiya olunmuşdur.
Toponim «zanbaq fəsiləsinə mənsub yabanı bəzək bitkisi» mənasında işlənən çiriş sözü (12,
s.437) əsasında əmələ gəlmişdir. Fitotoponimdir. Quruluşca sadə toponimdir.
Çınqıl - Tiflis quberniyasının Borçalı qəzasında, indiki Şəmşəddin rayonu ərazisində qışlaq.
1930 - cu ildə ləğv edilmişdir. Toponim «xırda daşlar, daş qırıntıları» mənasında işlənən çınqıl sözü
(339, s.616; 12, s.441) əsasında əmələ gəlmişdir. Relyef əsasında yaranan sadə toponimdir.
Çınqıl - Tiflis quberniyasının Borçalı qəzasında, indi Şəmşəddin rayonunda dağ. Qafqazın 5
verstlik xəritəsində (348, s.285) qeyd edilmişdir. Oronim «dağda olan daş qırıntılan», «xırda daş»
mənasında işlənən çınqıl sözü əsasında (339, s.616; 278, s.157; 12, s.441) əmələ gəlmişdir. Sadə
oronimdir.
Çınqıllıq - İrəvan quberniyasının İrəvan qəzasında, indi Ellər (Kotayk, Abovyan)
rayonunda
dağ. Rayondakı Göykilsə (Kaputan) kəndindən şimalda yerləşir. Oronim «dağda daş qırıntıları» (278,
s.157), «xırda daş» (12, s.441) mənasında işlənən çınqıl sözünə məkan mənası bildirən -lıq şəkilçisinin
qoşulması yolu ilə əmələ gəlmişdir. Düzəltmə quruluşlu oronimdir.
Çınqıl yaylası - İrəvan quberniyasının Aleksandropol qəzasında, indiki Hamamlı (Spitak)
rayonunda yaylaq. Rayondakı Qızılörən kəndində yerləşir. Mürəkkəb quruluşlu oronimdir.
Çıraqlı - Yelizavetpol (Gəncə) quberniyasının Qazax qəzasında, indi Barana (Noemberyan)
rayonunda dağ. Oronim qızılbaşların çıraqlı etnonimi (ASE, Xc., B., 1987, s.364) əsasında əmələ
gəlmişdir. Çıraqlı etnoniminin kökündə, fikrimizcə, qədim sirak//çirak tayfası (235, s.23-24, 38, 48-56;
287, s.336-337) dayanır. Etnooronimdir. Quruluşca sadə oronimdir.
Çıraqlı - İrəvan quberniyasının Aleksandropol qəzasında, indi Düzkənd (Axuryan)
rayonundakı kənd. Rayon mərkəzindən 13 km cənub-şərqdə yerləşir. 1937-ci ilə kimi Leninakan
rayonunun tərkibində olmuşdur.
«İrəvan əyalətinin icmal dəftəri»ndə (143, s.125), Qafqazın 5 verstlik xəritəsində (348, s.285)
qeyd edilmişdir.
Toponim çiraq (<şirak
lı mənsubluq bildirən şəkilçisinin artırılması ilə əmələ gəlib «çiraq (şirak-sirak) tayfasına mənsub
yaşayış yeri, kənd» deməkdir. Qızılbaş tayfalarından birinin adı da «çıraqlılar»dır (ASE, Xc., B., 1987,
s.364). Etnotoponimdir. Sadə quruluşlu toponimdir.
Erm.SSR AS RH-nin 7.XII.1945-ci il fərmanı ilə adı dəyişdirilib Crarat qoyulmuşdur.
Çıraqlı - Tiflis quberniyasının Loru-Borçalı qəzasında, indiki Barana (Noemberyan)
rayonunda qışlaq. Ləmbəli kəndinin yaxınlığında yerləşirdi. Toponim qızılbaşların çıraqlı etnonimi
(ASE, X c., B., 1987, s.364) əsasında əmələ gəlmişdir. Etnotoponimdir. Quruluşca sadə toponimdir.
Çıraxor - Yelizavetpol (Gəncə) quberniyasının Zəngəzur qəzasında,
indi Qafan rayonunda
kənd. Rayon mərkəzindən 12 km şimal-qərbdə, Oxçu çayının sağ sahilində yerləşir. Kəndin başqa adı
Şamlar olmuşdur (415, s.60).
Kənddə 1897-ci ildə 18 nəfər, 1922-ci ildə 20 nəfər, 1926-cı ildə 26 nəfər, 1931-ci ildə 34 nəfər
yalnız azərbaycanlı yaşamışdır (415, s.60-61, 136-137). 1988-ci ilin noyabr ayında kəndin sakinləri
Ermənistan dövləti tərəfindən deportasiya olunmuşdur. İndi burada ermənilər yaşayır.
Toponim türk dilində «su mənbəyi», «bulaq», «qaynaq, çeşmə» mənasında işlənən çerak
sözünün (287, s.478) fonetik forması olan çırax sözü ilə türk dilində «xəndək, çuxur», «təpə», «qala
istehkamı», «qala səddi, bəndi» (крепостной вал) mənasında işlənən or sözünün (339, s.415-416)
birləşməsindən əmələ gəlmişdir. Orotoponimdir. Quruluşca mürəkkəb toponimdir.
Çırpılı - İrəvan quberniyasının Aleksandropol qəzasında, indi Ağin (Ani) rayonunda kənd.
Rayon mərkəzindən 36 km məsafədə yerləşir. Qafqazın 5 verstlik xəritəsində Çirpili kimi (348, s.285)
qeyd edilmişdir.
Toponim «quru budaq, kol qırıntısı» mənasında işlənən çırpı sözünə (12, s.441) mənsubluq
bildirən -lı şəkilçisinin artırılması yolu ilə əmələ gəlmişdir. Fitotoponimdir.
Quruluşca düzəltmə
toponimdir.
307
Erm.SSR AS RH-nin 3.ll.1947-ci il fərmanı ilə adı dəyişdirilib Crapi, sonra Nerkin Crapi
qoyulmuşdur.
Çırçır - Tiflis quberniyasının Borçalı qəzasında, indiki Şəmşəddin rayonu ərazisində qışlaq.
1930 - cu ildə ləğv edilmişdir. Toponim Azərbaycan dilində şəlalə mənasında işlənən şırşır sözünün
(253, s.134) fonetik forması olan çırçır sözü əsasında əmələ gəlmişdir. Hidrotoponimdir. Quruluşca
sadə toponimdir.
Çırçır - İrəvan quberniyasının Yeni Bayazid qəzasında, indi Sevan rayonunda kənd. Rayon
mərkəzindən 3
km məsafədə, Göyçə gölünün sahilində, Zəngi çayının yanında yerləşir. Sevan rayonu
təşkil edilənədək, yəni 31 dekabr 1931-ci ilə kimi Axta (Razdan) rayonunun tərkibində olmuşdur.
Kəndin digər adı Sutökülən olmuşdur (143, s.18). Erməni mənbələrində (419, s.121), Qafqazın 5
verstlik xəritəsində (348, s.285) Çirçir formasında qeyd edilmişdir.
Toponim Azərbaycan dilində «kiçik şəlalə» mənasını ifadə edən şırşır sözünün (253, s.134)
dialekt variantı olan çırçır (çirçir) sözü əsasında əmələ gəlmişdir. Azərbaycan dilinin
dialekt və
şivələrində, türk dillərində ş~ç səs əvəzlənmələri qanunauyğun haldır.
Hidrotoponimdir. Quruluşca sadə toponimdir.
Erm.SSR AS RH-nin 26.IV.1946-cı il fərmanı ilə adı dəyişdirilib Varser qoyulmuşdur.
Çobanqara - İrəvan quberniyasının Eçmiədzin qəzasında, indiki Sərdarabad (Oktemberyan)
rayonu ərazisində kənd. Zəngi çayı ilə Qarasu çayının arasında yerləşirdi. Qafqazın 5 verstlik
xəritəsində (348, s.286) qeyd edilmişdir. 1930 - cu ildə ləğv edilmişdir.
Toponim çobankərə türk etnonimi (386, s.631) əsasında əmələ gəlmişdir. Etnotoponimdir.
Quruluşca sadə toponimdir.
Çivandərə - İrəvan quberniyasının İrəvan qəzasında, indiki Vedi (Ararat) rayonunda kənd.
Çanaxçı kəndinin yaxınlığında, Bazhunnu dağının ətəyində yerləşirdi. Qafqazın 5 verstlik xəritəsində
(348, s.284) qeyd edilmişdir.
Kənddə 1873 - cü ildə 113 nəfər, 1886-cı ildə 154 nəfər, 1897-ci ildə 157 nəfər, 1914 - cü ildə
172, 1916-cı ildə 389 nəfər yalnız azərbaycanlı yaşamışdır (415, s.88-89, 156-157). 1918-ci ilin
yazında azərbaycanlılar erməni təcavüzünə məruz qalaraq tarixi-etnik torpaqlarından
deportasiya
olunmuşdur. 1920-ci ildə kənd ləğv edilmişdir. İndi ölü kənddir.
Toponim oğuzların yiva//yıva etnoniminin (238, s.334; 228, s.40) fonetik variantı olan çiva
etnoniminə Azərbaycan dilində «dar və uzunsov əyri-üyrü çökək» mənasında işlənən dərə sözünün
qoşulması yolu ilə əmələ gəlmişdir. B.Budaqov yivə (yıva) etnoniminin Çuva toponimində (59, s.184),
H.Mirzəyev Dərələyəz mahalının Keşişkənd (Yeğeqnadzor) rayonundakı Çivə toponimində (211,
s.202-203) qaldığmı qeyd edirlər.
Türk dillərində y>c>ç səsəvəzlənməsi qanunauyğun haldır (369, s.54). Bu fikri türk dillərində
eyni mənada («dik, sıldırım sahil, yarğan» mənasında) işlənən çar və yar sözləri bir daha sübut edir
(339, s.607, 650; 339, s.238).
Etnotoponimdir. Quruluşca mürəkkəb toponimdir.
Çobanmaz - İrəvan quberniyasının Aleksandropol qəzasında, indi Alagöz (Araqadz)
rayonunda kənd. Rayon mərkəzindən 2022
km şimal-şərqdə, Hədis dağının ətəyində, Göykilsə
(Kaputan) kəndinin yaxınlığında yerləşir. 15 mart 1972-ci il kinıi, Alagöz (Araqadz) rayonu təşkil
edilənə qədər Abaran rayoııunun inzibati - ərazi bölgüsünə daxil olnuışdur. Erməni mənbələrində
kəndin adı Çobangöməz, Çobangörükməz, Çobangərəkməz, Çobangerikməz formalarında
da qeyd
edilmişdir (415, s.5). Qafqazın 5 verstlik xəritəsində Çobangyərəkməz formasında əksini tapmışdır
(348, s.286).
Kənddə 1873 - cü ildə 24 nəfər, 1886-cı ildə 36 nəfər, 1897-ci ildə 77 nəfər, 1905-ci ildə 88
nəfər, 1914 - cü ildə 97 nəfər, 1916-cı ildə 96 nəfər azərbaycanlı yaşamışdır (415, s.45, 96-97). 1850-ci
ildə Qarsdan ermənilər, 1877-78-cı il rus-türk müharibəsı zamanı Türkiyədən kürdlər köçürülərək bu
kənddə yerləşdirilmişdir (427, s.367) 1918-ci ilin yazında azərbaycanlılar erməni təcavüzünə məruz
qalaraq tarixi-etnik torpaqlarından deportasiya olunmuşdur. İndi ermənilər yaşayır.
Toponim çoban
türk etnoniminə (ASE, Xc., B., 1987, s.369; 286, s.41) «təpə» mənasında işlənən mar sözünün (237,
s.473) fonetik variantı olan maz sözünün qoşulmasından əmələ gəlmişdir. Türk dillərində, o cümlədən
Azərbaycan dilində söz sonunda r~z səsəvəzlənməsi (gör~göz, yor (maq) - yoz (maq) qanunauyğun
haldır (2, s.234-248; 70, s.116-122).
Deyilənlərdən
bir daha bu qənaətə gəlirik ki, mar və maz eyni mənalı sözlərdir.