Bu torpaqlar tipi də,boz meşə torpaqları kimi
enliyarpaqlı meşələr altında, lakin rütubətli və mülayim
okean iqlimi olan şəraitdə əmələ gəlir. Buna görə
Avrasiyanın mərkəzi vilayətlərində qonur meşə torpaqları
yoxdur, lakin onlar Qərbi Avropada geniş yayılmışdır. Bu
torpaqlar ilk dəfə 1905-ci ildə məşhur alman alimi
E.Ramanna tərəfindən öyrənilmiş və “burozem”
(braunerde) adlandırılmışdır.
Lakin torpaqşünasların 2-ci Beynəlxalq konqresində
(1930-cu il) həmin “burozem” terminini “бурые лесные
почвы”, yəni qonur meşə torpaqları termini ilə dəyişmək
üçün qərar qəbul edilmişdir. Keçmiş SSRİ-də qonur meşə
torpaqları Xabarovski ölkəsinin cənubunda, Amur
vilayətində, Belarusiya və Litvanın qərb rayonlarında,
Karpatlarda, Dağlıq Krımda, Qafqazda və Primorski
ölkəsinin isti və rütubətli rayonlarında inkişaf etmişdir.
Şəkil 14.2. Qonur meşə torpaqlarının coğrafiyayılma arealı
61
Şimali Amerikada enliyarpaqlı meşələrin qonur
torpaqları kontinentin atlantida sahilləri boyunda
yayılmışdır. Onlar şimalda çimli-podzol torpaqlarla və
cənubda qırmızı-qonur və qırmızı subtropik torpaqlar
arasında keçid vəziyyətini tuturlar.
14.6. Qonur meşə torpaqlarının genetik və morfoloji
xüsusiyyətləri
İllik atmosfer yağıntılarının xeyli olmasına (600-
650mm) baxmayaraq, bu torpaqların profili zəif yuyulur,
belə ki, yağıntıların böyük hissəsi yayda düşür və yuma
rejimi çox qısa müddət ərzində təsir göstərir. Fəal
temperatur cəmi 2000-3000°C-dir. Bununla yanaşı
yumşaq iqlim şəraiti və yüksək atmosfer rütubəti üzvi
maddələrin dəyişilmə proseslərini gücləndirir. Uzaq şərq
rayonlarında iqlim musson xarakterlidir. Qonur meşə
torpaqlarının səthinə daxil olan töküntülərin xeyli kütləsini
çoxlu miqdarda olan onurğasızlar yüksək enerji ilə
parçalayıb qarışdıraraq, mull formalı humus qatı əmələ
gətirir. Humuslaşmanın sonrakı prosesləri, dəmirlə
kompleks şəkildə birləşmiş fulvoturşuların humin turşuları
birləşmələrinin əmələ gəlməsinə səbəb olur.
Bu birləşmələr zəif polimerləşməyə çevrilir və
narındispersli gilli maddə ilə laxta və pərdə əmələ
gətirərək çökür. Nəticədə zəif qozvari struktura yaranır.
Əgər hər hansı bir səbəbdən qatılaşmış humus
maddəsinin dağılması baş verərsə, onda gilli hissəciklər,
ayrı-ayrı nümunələr şəklində, toplanma qatına (illüvial
62
qata) tərəf yavaş-yavaş hərəkətə başlayır. Lessivaj
olunmuş qonur torpaqlar belə meydana gəlir.
Qonur meşə torpaqlarının profili orta və zəif
differensiasiya olunması və o qədər də tünd olmayan
nazik humus qatı ilə səciyyələnir. Profilin quruluşu
aşağıdakı kimidir:
Humus qatı - qonur və boz-qonur rəngdədir, rəng
aşağı getdikcə açıqlaşır, strukturu topavaridir. Qalınlığı
20-25sm-dir.
Yuyulub toplama qatı üstdə aydın qəhvəyi-
qonurdur, gillidir, quruyan zaman topavari-qozvari struktur
əmələ gətirir. Alt hissədə struktur daha da iriləşir, qəhvəyi
rəng azalaraq ilk süxurun rənginə yaxınlaşır. Qatın
qalınlığı 50-60sm-dir.
Torpaqəmələgətirən süxur - açıq küləşi rəngdə
lösəbənzər gillicədir, bəzən karbonatlı yenitörəmələrə
malikdir.
Qafqazın qonur-meşə torpaqlarının ifadə
dərəcəsinə görə yaxşı defferensiasiyalıdır (cədvəl 14.1).
Qonur meşə torpaqlarında humusun miqdarı xeyli
yüksəkdir: 4-8% və daha artıqdır. Xəzəl qatı nisbətən
qalın olub yaxşı ifadə olunmuşdur. Bununla belə
fulvoturşuların miqdarı bu torpaqlarda humin turşularına
nisbətən bir qədər üstündür. Belə hal humus qatının aşağı
hissəsində xüsusilə nəzərə çarpır. Su çəkimi zəif turş və
neytral reaksiyaya malikdir, pH-ın ən aşağı qiyməti, boz
meşə torpaqlarında olduğu kimi, humus qatından keçid
qata keçdiyi yerdə müşahidə edilir. Çox güman ki, bu
profilin həmin sahəsində fulvoturşuların hərəkəti ilə
əlaqədardır.
63
Cədvəl 14.1. Qafqazın qonur meşə torpaqlarında profil boyu
humusun, narındispersli hissəciklərin, pH miqdarının və
udulmuş kalsiumun paylanması
Genetik
qatlar
Miqdarı, %-lə
Sulu
çəkintinin
pH-ı
Udulmuş
Ca
(kationların
cəminə
görə, %-lə)
humus
0,001mm-
dən kiçik
hissəciklər
A 2-7 sm
5,02
19
6,9
88
A/B 22-27
sm
2,94
20
7,0
84
B/C 70-75
sm
0,53
21
6,5
65
C 105-110
sm
0,33
19
5,7
45
Lessivaj olunmuş meşə torpaqlarının illüvial qatı
narındispersli hissəciklərin miqdarının çoxalması ilə
nəzəri cəlb edir. Bu torpaqların profilində mütəhərrik
narındispersli hissəciklərin zəngin toplantıları da
müşahidə olunur. Gilin miqdarının profil boyu çoxluğu da
tutumunun yüksəlməsinə səbəb olur, bu halda udulmuş
kationlar sırasında kalsium üstünlük təşkil edir. Boz
torpaqlarda olduğu kimi udulmuş kalsiumun miqdarı
humus qatı üzrə yuxarıya doğru artır. Karbonatla zəngin
torpaqəmələgətirən süxurlar (məsələn, löslər) üzərində
əmələ gələn qonur meşə torpaqlarının profilinin aşağı
hissəsində xeyli miqdarda karbonatlar olur və pH-ın
qiyməti 7-dən artıqdır.
14.7. Qonur meşə torpaqlarının kənd təsərrüfat
istifadəsi
64
Dostları ilə paylaş: |