KİV millətlərarası və dövlətlərarası münasibətlərin təkmilləşdirilməsi faktoru kimi
44
artıq 25 ildir ki, respublikada qaçqın-köçkün həyatını
yaşayır.
Qarabağ müharibəsindən zərər çəkmiş insanların
saxlanılması - yəni məskunlaşmaları, ərzaqla təminatı,
əmək məşğulluğu, təhsil, tibbi xidmət və s. sosial-hüquqi
problemlərinin həlli üçün Azərbaycan dövləti hər il 1
milyard manatdan çox vəsait xərcləyir. Əlbəttə, hansı
vəziyyətdə olmalarından asılı olmayaraq, öz vətəndaşlarının
yaşayış şəraitinin beynəlxalq normalara görə heç olmasa,
minimum səviyyədə təmin olunması və tədricən daha da
yaxşılaşdırılması hər bir dövlətin milli siyasətinin strateji
istiqamətlərindən birini təşkil edir. Amma, etiraf edilməlidir
ki, müharibə şəraitində olan bir ölkədə bu qədər böyük
həcmdə maliyyə resursunun dinc quruculuq işlərinə, bəşəri
sosial problemlərin həllinə, insani ehtiyacların ödənilməsinə
deyil, hansısa eqoist bir millətin tərsliyinin, xəyanətkar-
lığının və nankorluğunun (bəli, erməninin. – İ.M.) bölgəyə
gətirdiyi humanitar fəlakətin aradan qaldırılmasına yönəldil-
məsi bu bölgədə yaşayan bütün millətlərin və xalqların
iqtisadi-sosial vəziyyətinə mənfi təsir göstərdiyi kimi, bu
problemlərə aid kütləvi informasiya vasitələrində verilən
materiallar da insanların sosial-psixoloji vəziyyətinə neqativ
neyro-linqvistik təsir göstərir. Xüsusilə də, yeni informasiya
texnologiyalarının informasiya industriyasına tətbiqi buna
daha münbit şərait yaradır.
Millətlərarası münasibətlər zəminində baş verən
münaqişələr zamanı özünü daha qabarıq şəkildə büruzə
İlham A.Mazanlı_________________________________________________________
45
verən sosial-siyasi qeyri-sabitlik ucbatından münaqişə
zonasında yaşayan bütün millətlər, o cümlədən, azsaylı
xalqların nümayəndələri də zərər çəkirlər. Bu ziyan
bütövlükdə ölkənin xarici iqtisadi əlaqələrinə mənfi təsir
göstərməklə yanaşı, millətlərarası və dövlətlərarası münasi-
bətlər sahəsində də qarşılıqlı etibarsızlıq, inamsızlıq mühiti
formalaşdırır. Xarici investorlar qeyri-sabit ölkələrin
iqtisadiyyatına kapital qoymağa ehtiyat edirlər. Bu da öz
növbəsində əksər hallarda ölkə iqtisadiyyatının tamam
çökməsinə gətirib çıxarır. Konkret olaraq bizim situasiyada
Ermənistan iqtisadiyyatının düşdüyü vəziyyəti buna misal
göstərə bilərik.
Müasir dünyada insan potensialı və çoxmillətlilik
ölkəni regionda güc sahibinə çevirə bilən amillərdən biri
kimi nəzərdən keçirilir. Dəqiq hazırlanmış milli siyasət
çoxmillətli cəmiyyətin güc mənbələrindən biri hesab olunur.
Əks təqdirdə o, zəiflik və qeyri-sabitlik amilinə də çevrilə
bilir. Ona görə də hər bir cəmiyyətdə dövlətin mükəmməl
milli siyasət konsepsiyasının hazırlanması və ardıcıl olaraq
həyata keçirilməsi olduqca önəmlidir. Hər bir dövlətin milli
siyasət Konsepsiyasına KİV-in bu proseslərdə iştirakını,
yerini və rolunu təmin edən bölmənin də daxil edilməsi çox
vacibdir.
Azərbaycan Respublikası öz müstəqilliyini yenidən
bərpa etdikdən sonra dövlətin və hökumət orqanlarının ciddi
əhəmiyyət verdiyi məsələlərdən biri də məhz ölkədə
yaşayan bütün xalqların, xüsusilə də azsaylı xalqların və
KİV millətlərarası və dövlətlərarası münasibətlərin təkmilləşdirilməsi faktoru kimi
46
etnik qrupların hüquq və azadlıqlarının qorunmasına, dil və
mədəniyyətlərinin inkişafının təmin edilməsinə zəmanət
verən milli inkişaf siyasətinin formalaşdırılması və həyata
keçirilməsi məsələsidir. İnsan Hüquqları haqqında Ümumi
Bəyannamənin, Mülki və Siyasi Hüquqlar haqqında
Beynəlxalq Paktın və Azərbaycan Respublikasının dövlət
müstəqilliyi haqqında Konstitusiya Aktının 19-cu maddələri
əsas götürülərək, “Azərbaycan Respublikasında yaşayan
milli azlıq, azsaylı xalq və etnik qrupların hüquq və
azadlıqlarının qorunması, dil və mədəniyyətinin inkişafı
üçün dövlət yardımı haqqında” Fərman imzalanmışdır (16
sentyabr 1992-ci il).
Fərmanda sözügedən məsələ ilə bağlı dövlət və
hökumət strukturlarının qarşısında duran aşağıdakı vəzifələr
müəyyən edilmişdir:
milli azlıq, azsaylı xalq və etnik qrupların mədəni,
dil və din özgünlüyünün qorunub saxlanması və
inkişaf etdirilməsi;
milli ənənə və adətlərə əməl, dini mərasim və
ayinlərin tam azad icra edilməsi, ibadət yerlərinin
qorunub saxlanılması və onlardan istifadə olunması;
milli sənətkarlığın, peşəkarlıq və özfəaliyyət
yaradıcılığı və xalq sənətlərinin sərbəst inkişaf
etdirilməsi;
bütün millətlərin tarix və mədəniyyət abidələrinin
qorunması;
İlham A.Mazanlı_________________________________________________________
47
əhali üçün əhəmiyyəti olan yerlər, qoruqlar, parklar
və digər təbiət obyektlərinin mühafizə olunub
saxlanılması.
Fərmanda, həmçinin aparıcı elmi-tədqiqt və ali təhsil
müəssisələri qarşısında Azərbaycanda (güney bölgəsi də
daxil olmaqla) yaşayan bütün xalqların qədim köklərinin,
tarixi inkişafının, dil və ədəbiyyatının tədqiqinin təmin
edilməsi üçün semitologiya, antik dillər, qafqazşünaslıq
kafedra və şöbələrinin açılması, qədim etnosların tarix və
mədəni irsini araşdırmağa qadir olan mütəxəssislərin
hazırlanması və s. vəzifələr qoyulmuşdur.
Eyni zamanda, aidiyyəti qurumlara azsaylı xalqların
sənətkarlığını, bədii peşəkarlıq və özfəaliyyət yaradıcılığını,
qədim sənətlərini yaşatmağa, milli mədəniyyət
mərkəzlərində kitabxanaların, bədii özfəaliyyət
kollektivlərinin, xalq incəsənəti studiyalarının və
emalatxanalarının yaradılmasına yardım göstərilməsi barədə
tapşırıqlar verilir.
Fərmanda, həmçinin bu prosesdə kütləvi informasi-
ya vasitələrinin yerini, rolunu və fəaliyyət istiqamətlərini
müəyyən edən müddəalar da öz əksini tapır. Ölkəmizdə
bütün xalqların həyat və yaradıcılığını, əməyini, mənəvi
dünyasını işıqlandırmaq, dil və mədəniyyətlərinin inkişafına
və yayılmasına dövlət yardımı göstərmək məqsədilə yeni
kütləvi informasiya vasitələrinin yaradılması məqsədəuyğun
hesab edilir.
Dostları ilə paylaş: |