KİV millətlərarası və dövlətlərarası münasibətlərin təkmilləşdirilməsi faktoru kimi
90
partiyalar tərəfindən öz məqsədlərinə çatmaq üçün daha fəal
şəkildə istifadə olunur. Müasir cəmiyyətlərdə fəaliyyət
göstərən sol təmayüllü partiyalar “milli ideya”nı sosialist
məzmuna malik ideya kimi qəbul edirlər.
Solçuluq - sosial məqsədlərə nail olmaq məqsədi ilə
inqilabi dəyişiklikləri nəzərdə tutan siyasi xəttin
radikallaşdırılmış ifadəsidir və bunun üçün hətta zorakılığın
tətbiqini də məqbul hesab edir; əsasən azadlıq, bərabərlik,
qardaşlıq, hakimiyyətsizlik və s. emosional və ya da
uydurma şüarlarla bağlı olur. Yaranma tarixi etibarilə 1789-
1794-cü illər Böyük Fransa inqilabı dövrünə gedib çıxır. O
Ali nümayəndəli orqanının deputatlarının kralı
dəstəkləyənhissəsi iclas salonunun sağ
tərəfində,
əleyhdarları isə sol tərəfində otururdular. Lakin, hələ
bundan əvvəl də sağçılıq düzgünlüyün, solçuluq isə şeytan
qüvvələrə yaxınlığın rəmzi kimi başa düşülürdü. Belə hesab
edirlər ki, sollar dəyişikliklərə, bərabərliyə, sağlar isə
ənənəyə, guya həqiqi azadlığı təmin edən cəmiyyətin
iyerarxiyalılığına meyl edirlər.
Siyasətdə sol qüvvələrin ifrat təzahürü olub,
destruktiv və anarxist səciyyə daşıyan solçuluq gələcəyə
ümid bəsləyən tələbələri, sinfi simasını itirmiş lümpen
proletariatı, işsiz gəncləri, ziyalıların sosial temperamentinə
görə qeyri-sabitliyə meylli qismini əhatə edir. Sosial-sinfi
zülmlə yanaşı, əlavə problemlərlə qarşılaşan irqi və etnik
azlıqların nümayəndələri, feministlərin, “ifrat yaşılların”
müəyyən hissəsi də solçuluğa meylli olurlar.
İlham A.Mazanlı_________________________________________________________
91
Ümumiyyətlə, cəmiyyətin istənilən sosial təbəqəsinə
mənsub olan “kəskin hiss” tərəfdarları solçuluğa
meyllidirlər. Volyuntarizm, ifrat inqilabçılıq, siyasi
avantürizm, “inqilabi partlayış” (guya bundan sonra hər şey
öz-özünə yeni şəkildə qaydaya düşəcəkdir) solçuluğun
ayrılmaz xüsusiyyətləridir. Solçuluq əksyönümlü qüvvələrin
həyata keçirdikləri siyasi fırıldaqlar üçün də münasib pərdə
rolunu oynayır.
Solçuluq uzun çəkən böhranlı proseslər zamanı da
meydana çıxa bilir. Siyasətdə zorakılığı dəstəkləmək,
iqtisadiyyatda səriştəsiz və tələsik qərarların qəbulu və
tətbiqi, mədəniyyət sahəsində “xilasedici” tədbirlərin
görülməsi və s. solçuluq üçün olduqca xarakterikdir.
Solçuluqda azadlıq barədə moizələrin ən vulqar bərabərlik
və avtoritarizm ilə birləşdirilməsinə də yol verilə bilər.
Lenin öz dövrü üçün solçuluğun nümunəsi olan “solluq
uşaq xəstəliyi”nin politoloji təhlilini vermişdir. Lakin,
inqilabın və proletariat diktaturasının labüdlüyü barədə
onun müdafiə etdiyi ideyanın özündə də tənqid etdiyi
fenomenin əlamətləri var idi.
Siyasi fəallıq tərzi kimi, solçuluq 60-cı illərin
gənclər hərəkatlarında (qoşizm, “yeni solların” fəallığı,
üsyankarlıq formasında) və hətta daha geniş ictimai
hərəkatlarda da üstün yer tuturdu. 70-ci illərdə hər yerdə
solçuluğun zəifləməsi, 80-ci illərdə isə hətta “Sollar Reyqan
uğrunda” hərəkatı (“korrupsiyaya qurşanmış üçüncü
dünyanı” dəstəkləməkdən, sovet totalitarizminin bağışlan-
KİV millətlərarası və dövlətlərarası münasibətlərin təkmilləşdirilməsi faktoru kimi
92
masından tamamilə imtina etmək məqsədilə 1984-cü ildə
təşkil olunmuşdu və antiamerikanizm şəraitini riyakarlıqla,
bilərəkdən gərginləşdirirdi) kimi “qeyri-təbii” fenomenlər
də müşahidə olunurdu. Ümumiyyətlə, sollar və sağlar
arasındakı sərhədi qəti müəyyənləşdirməyin özü də çətindir.
Təcrübə solçuluq təmayüllü bir sıra siyasi təşəbbüslərin də
perspektivinin olmadığını göstərmişdir. Bu tipdən olan
“Avanqard” partiyaların (
“Qara bəbirlər” radikal
afroamerikan təşkilatı və s.) sosial bazaları da məhdud olur.
Solçuluqdan imtina ümumən solların hərəkatında
yeni istiqamətlər axtarıldığını göstərir. Lakin, özlərinin
sosial fəallığını yenidən nəzərdən keçirən “yeni solların”
xeyli hissəsinin elan etdikləri “sol radikalizmə dair
rekviyem” siyasətdə solçuluğun tamamilə aradan qalxması
və inqilabi idealın müvafiq şəkildə təfsiri demək deyildir.
Əvvələn, ona görə ki, “yeni solların” və hətta
solçuluğun tərəfdarlarının siyasi təşəbbüslərinin bir çoxu
bələdiyyə idarəçiliyi strukturları səviyyəsində həyata
keçirilir.
İkincisi, yeni radikalizmə ümid bəsləyən,
idarəetməyə dair qərarların qəbul olunmasında birbaşa
iştiraka meyl edən “ağ” və “göy” yaxalıqlıların yeni
koalisiyası yaranır.
Üçüncüsü, sol təşəbbüslərin bir çoxu mərkəzçi və
sol siyasətçilər tərəfindən nəinki, rədd olunmamış, hətta
müəyyən dərəcədə sabitləşmişdir. Ona görə də fəallığın yeni
sahələri axtarılır (ekoloji və müharibə əleyhinə hərəkatlar,
İlham A.Mazanlı_________________________________________________________
93
keyfiyyətcə yeni hakimiyyət strukturlarının axtarılması,
mədəniyyət sahəsində sanballı iş və s.). Belə halda əslində
solçuluqdan danışmaq lazım gəlmir, onun ifratçılığı azalır.
Solçuluğun keçmiş tərəfdarları arasında yeni
texnologiyalar əsrində son dərəcə güclənmiş elitar
strukturlara qarşı dayanan geniş demokratik nəzarət ideyası
üstün yer tutmağa başlayır. Demokratik sosializmdən gələn
bu ideya Qərbdə gənclər arasında getdikcə daha geniş
yayılır.
50
Müasir Azərbaycan cəmiyyətində fəaliyyət göstərən
sol təmayüllü partiyalar, məsələn, Azərbaycan
Kommunist Partiyası
51
, Azərbaycan Kommunist
Partiyası (AKP-MLP)
52
və Azərbaycan Yeni Nəsil
Kommunist Partiyası
53
“milli ideya”nı sırf sosialist
50
Politologiya. Ensiklopedik lüğət. - Bakı: “Elm” nəşriyyatı, 2007.
səh.259.
51
1993-cü ildə Ramiz Əhmədov tərəfindən qurulmuşdur.
http://az.wikipedia.org/wiki/Azərbaycan_Kommunist_Partiyası
52
Azərbaycan Kommunist Partiyası
(AKP-MLP)
siyasi
partiya kimi
2011-ci il oktyabrın 31-dən fəaliyyət göstərir. Azərbaycan Kommunist
Partiyası
(marksizm-leninizm platformalı) (AKP-MLP) və Ələsgər
Xəlilovun başçılıq etdiyi Azərbaycan Kommunist Partiyasının
birləşməsi nəticəsində yaranmışdır. Birləşdirici qurultayda AKP-MLP-
nin keçmiş başçısı Telman Nurullayev partiyanın birinci katibi,
həmçinin Siyasi büronun üzvü seçilmişdir.
http://en.wikipedia.org/wiki/Communist_Party_of_Azerbaijan_(2011)
53
Azərbaycan Yeni Nəsil Kommunist Partiyası (AYNKP) siyasi-
içtimai çərəyan olaraq 2005-ci ilin fevralından mövcuddur. 2005-2007-
ci illər AYNKP dərnəkçilik formasında fəaliyyət göstərib. 2008-ci ilin
əvvəlindən etibarən isə AYNKP özünün dərnəkçilik dövrünü başa vurub
Dostları ilə paylaş: |