75
Əvvəla, vaxt tapıb, nazir başda olmaqla Ukrayna nümayəndə heyətini qəbul
etdiyinizə görə Sizə çox
minnətdaram. Nazirimizi dəvət etdiyinə görə nazir Əli Nağıyevə təşəkkür edirəm. Bu iki gündə mən özüm üçün
çox şey kəşf etdim. Azərbaycan mənə tanış olsa da, təsdiqləmək istərdim ki, Azərbaycanın və dünyanın
görkəmli dövlət və siyasi xadimi Heydər Əliyeviç Əliyevin apardığı xarici və daxili siyasət nəticəsində, həyata
keçirilmiş islahatlar, neft sahəsindəki strateji xətt sayəsində xarici sərmayələr üçün, iqtisadiyyatın yüksəldilməsi
üçün çox əlverişli şərait yaradılmışdır. İqtisadiyyatın əsasında sosial sahədə çox işlər görülür. Bu iki gündə
gördüklərim mənim üçün kəşf idi. Sosial şərait yaradılmasına Siz də çox böyük şəxsi töhfə vermisiniz.
Siz neft
sahəsinin, idmanın, demokratiyanın inkişafına da böyük töhfə vermisiniz. Dünən və bu gün biz sosial sahədə
böyük dəyişikliklərin şahidi olduq, ən müasir texnika ilə təchiz edilmiş Bərpa Mərkəzinə getdik. Biz istər
Qarabağ müharibəsinin, istərsə də Böyük Vətən müharibəsinin əlillərindən Heydər Əliyeviçin və onlara xidmət
edən həkimlərin ünvanına minnətdarlıq sözləri eşitdik. Biz onların ünvanına minnətdarlıq ifadə olunan şeirlər
eşitdik. Bizim üçün çox xoşdur ki, bu obyektlərin sayı getdikcə artır, insanlar qayğı və diqqətlə əhatə
olunmuşlar.
İki nazirlik arasında danışıqlar da yaxşı nəticələr vermişdir. Hər iki nazir əlil arabacıqları buraxan müştərək
müəssisələr yaradılması haqqında razılığa gəlmişdir. Cənab nazir təvazökarlıq edir, o, əlillərə bir neçə arabacıq
bağışlamağı qərara almışdır.
Düşünürəm ki, biz bunları yaxın vaxtlarda təqdim edəcəyik. İnformasiya və təcrübə
mübadiləsinin yeni yolları da müəyyənləşdirildi. Mənə elə gəlir ki, cənab Nağıyevin Ukraynaya cavab səfəri
əməkdaşlıq üçün daha böyük imkanlar açacaqdır. Bu səfər bütün sahələrdə münasibətlərimizin dərinləşməsinə
və genişlənməsinə yönəldilən siyasətin davamı olacaqdır. Bizdə əhalinin 30 faizi pensiyaçılardır. Onların
mənafelərinin qorunması siyasi vəzifədir. Sizdə də belədir. Odur ki, Sizə, hökumətə uğurlar arzulayırıq. Xoş
arzularımızı cənab Prezidentə yetirin. Biz onun tezliklə sağalıb Vətənə dönməsini diləyirik. Sizə sülh, tərəqqi
arzulayırıq. Siyasətdəki varislik və ardıcıllıq müsbət nəticələr verir. Biz Sizin uğurlarınıza şadıq.
İ l h a m Ə l i y e v: Boris Qriqoryeviç, səmimi sözlərə görə sağ olun. İki nazirlik arasında qarşılıqlı
anlaşmanın və əməkdaşlığın belə səviyyədə olmasına çox şadam. Belə gözəl hədiyyəyə görə cənab nazirə çox
minnətdaram. Müştərək müəssisə yaradılmasının planlaşdırılması çox müsbət haldır. Biz bir-birimizə kömək
göstərməli və əməkdaşlıq
etməliyik, təcrübəmizi bölüşə bilərik. Bu istiqamətdə əldə edilənlərin hamısını mən
ancaq alqışlayıram. Əminəm ki, sizin Azərbaycana səfəriniz kimi, Əli Nağıyevin Ukraynaya səfəri də uğurlu
olacaqdır.
Ə l i N a ğ ı y e v: Cənab Baş nazir! Belə gərgin dövrdə, seçkilər qarşısında vaxt tapıb bizi qəbul etdiyinizə
görə Sizə təşəkkür etmək istəyirəm. İndi Siz mühüm siyasi, iqtisadi və sosial vəzifələrin həlli ilə məşğulsunuz.
Ölkəmizdə qarşıdakı seçkilərə hazırlığın gedişini bir çox xarici dövlətlər və beynəlxalq təşkilatlar müşahidə
edirlər. Azərbaycana gələn qonaqlar dəfələrlə vurğulayırlar ki, ölkə ən yüksək beynəlxalq standartlara uyğun,
əsl demokratik seçkilər keçirməyə hazırdır.
M i x a i l P a p i y e v: Hörmətli İlham Heydəroviç!
Məni möhtərəm səfirimizlə birlikdə qəbul etməyə vaxt tapdığınıza görə sağ olun.
Bu gün prezidentlərimizə
ünvanlanmış təşəkkür sözlərimiz çox səmimi sözlər idi. Ölkələrimizin xalqları bundan sonra da dost kimi
yaşayacaqlar və dövlətlərimiz yardıma ehtiyacı olan insanların sosial problemlərinin həllinə təminat verəcəklər.
Biz kiçik bir hədiyyə – süvari heykəlciyi hazırlamışıq. Arzumuz budur ki, Siz həmişə yüksəkdə olasınız.
76
RUSİYA FEDERASİYASININ PREZİDENTİ
VLADİMİR PUTİN İLƏ TƏKBƏTƏK
GÖRÜŞDƏ SÖHBƏT
∗
Yalta, Livadiya sarayı
18 sentyabr 2003-cü il
V l a d i m i r P u t i n: Cənab Baş nazir, Sizi görmək, yenidən və yeni vəzifədə qarşılamaq
mənim üçün çox xoşdur. Mən Sizi, ilk növbədə, bu yüksək vəzifəyə təyin olunmağınız münasibətilə
təbrik etmək istəyirəm. Əminəm ki, bu, uğurlu seçimdir. Son vaxtlar bizim əlaqələrimizin inkişafı barədə
ölkələrimizin ictimaiyyətinə təqdim etməli məsələlər var. İndicə mən ötən il üçün məlumatı nəzərdən
keçirdim və gördüm ki, ötən il ölkələrimiz arasında əmtəə dövriyyəsi 70 faiz, bu ilin ilk beş ayında isə 20
faiz artmışdır. Çox yaxşı dinamikadır və ümidvaram ki, Azərbaycan Prezidenti
ilə söhbətlərimiz də öz
bəhrəsini verir.
Sizdən xahiş etmək istəyirəm ki, ilk fürsət düşən kimi, ilk imkan yaranan kimi mənim ən xoş
arzularımı Prezidentə yetirəsiniz. Biz ümidvarıq ki, o sağalacaq, hər şey normal olacaqdır. Biz bilirik ki,
hazırda Azərbaycan getdikcə genişlənən seçkiqabağı mübarizə şəraitindədir. Lakin ümidvar olduğumu
ifadə etmək istəyirəm ki, daxili siyasi proseslər ikitərəfli münasibətlərin inkişafının
sürətinə təsir
göstərməyəcək və o, davam edəcəkdir.
İ l h a m Ə l i y e v: Cənab Prezident, səmimi sözlərə görə çox sağ olun. Mən, ilk növbədə,
Prezidentimizin xahişini yerinə yetirmək və Sizə onun ən xoş arzularını çatdırmaq, işinizdə uğurlar
dilədiyini bildirmək istərdim. Bizə də çox xoşdur ki, ölkələrimiz arasında münasibətlər bütün sahələrdə
dinamik inkişaf edir və siyasi baxımdan da çox yaxşı qarşılıqlı fəaliyyət var. İqtisadiyyata gəldikdə, qeyd
etdiyiniz kimi, əmtəə dövriyyəsi sürətlə artır və qarşılıqlı surətdə faydalı olan bir çox layihələr həyata
keçirilir.
Ancaq deməliyəm ki, münasibətlərimizin belə inkişafına başlıca təkan Sizin Azərbaycana
səfərinizdən sonra verilmişdir. Bilirsiniz ki, Rusiya Prezidentinin səfərini Azərbaycanda çoxdan
gözləyirdilər və Siz bu səfəri həyata keçirməyi qərara aldıqda, bu səfərdən dərhal sonra hiss etdik ki,
bütün istiqamətlərdə çox sürətli irəliləyiş yarandı və münasibətlərimiz fəallaşmağa başladı. Biz bunu çox
əziz tuturuq. Prezidentimiz dəfələrlə bəyan etmişdir ki, Rusiya Azərbaycan üçün strateji tərəfdaşdır. İndi
bu siyasət aparılır və gələcəkdə də aparılacaqdır. Dövlətlərarası münasibətlərin bütün səviyyələrində yeni
uğurlar qazanmağımız, daha yaxından qarşılıqlı fəaliyyət göstərərək ölkələrimizə və xalqlarımıza fayda
gətirməyimiz üçün biz özümüzdən asılı olan bütün işləri görəcəyik. Fürsətdən
istifadə edərək,
Azərbaycan Prezidenti müalicə olunarkən ona göstərdiyiniz qayğıya görə də Sizə öz şəxsi təşəkkürümü
bildirmək istəyirəm. Biz bunu yüksək qiymətləndiririk. Bunu Azərbaycanda yüksək qiymətləndirir və
həmişə yadda saxlayacaqlar.
V l a d i m i r P u t i n: Zənnimcə, buna görə təşəkkür etmək lazım da deyildir. Bu, müqəddəs işdir.
Təkcə bu məsələlərdə deyil, hər hansı digər məsələlərdə də bizim köməyimizə ümid bəsləyə bilərsiniz.
Əgər səfərlər əlaqələrimizə belə kömək edirsə, Sizi Moskvaya işgüzar və ya rəsmi səfərə dəvət etmək
istəyirəm. Səfərin formatını yəqin ki, Rusiya Federasiyasının hökuməti ilə razılaşdıracaqsınız. Təkrar
edirəm, bütün seçkiqabağı işlərə baxmayaraq, biz çox istərdik ki, münasibətlərimizin inkişaf sürətini
itirməyək. Bizim ən müxtəlif sahələrə dair müzakirələr aparmaq üçün imkanımız var. Odur ki, zənnimcə,
bu, yerinə düşəcəkdir.
∗
Azərbaycan Respublikasının Baş naziri İlham Əliyev Müstəqil Dövlətlər Birliyinin üzvü olan ölkələrin dövlət başçılarının zirvə
görüşündə iştirak etmək üçün sentyabrın 18-də Ukraynanın Yalta şəhərinə gəlmişdir.
Yaltada Baş nazir İlham Əliyev ilə Qazaxıstan Respublikasının prezidenti Nursultan Nazarbayev,
Ukrayna prezidenti Leonid
Kuçma, Gürcüstan prezidenti Eduard Şevardnadze arasında da təkbətək görüş olmuşdur.