İNKİŞaf – MƏQSƏDİMİZDİR İYİRMİ DÖRDÜNCÜ Kİtab
Yüklə 2,69 Mb. Pdf görüntüsü
|
- Bu səhifədəki naviqasiya:
- Azərbaycan Respublikasının Prezidenti İlham Əliyev Naməlum əsgərin abidəsi önünə əklil qoymuşdur
- Ənvər Sədatın məzarını ziyarət
- Qahirədə Məhəmməd Əli qalası və məscidi ilə tanışlıq
92
AZƏRBAYCAN RESPUBLİKASININ PREZİDENTİ İLHAM ƏLİYEVİN «ƏZHƏRİ ŞƏRİF» UNİVERSİTETİNİN REKTORU İLƏ GÖRÜŞÜ
6 may 2007-ci il
mayın 6-da Qahirədə məşhur «Əzhəri Şərif» Universitetinin inzibati binasında universitetin rektoru Şeyx Məhəmməd Tantavi ilə görüşmüşdür. Şeyx Məhəmməd Tantavi prezident İlham Əliyevi və onu müşayiət edən nümayəndə heyətini böyük hörmət və ehtiramla salamladı. Misir və Azərbaycanın əlaqələrinin tarixi kökləri ol- duğunu xatırladan rektor Azərbaycan prezidentinin rəsmi səfərini yüksək qiymətləndirdi, bu səfərin elm, təhsil sahələrində də qarşılıqlı əməkdaşlığın inkişafına təkan verəcəyini söylədi. Rektor bildirdi ki, hazırda universitetdə digər müsəlman ölkələrinin tələbələri ilə yanaşı, 76 azərbaycanlı gənc də təhsil alır. X əsrdə əl-Əzhər məscidi nəzdində yaradılmış universitet sonralar fəaliyyətini genişləndirərək, elmi-dini mərkəzə çevril- mişdir. Hazırda onun nəzdində müxtəlif institutlar, akademiya, zəngin elmi kitabxana, xəstəxana, məscid, xeyriyyə idarələri və sair fəaliyyət göstərir. 1961-ci ildə universitetin strukturunda dəyişiklik edilmiş, Ali elmi şura və islamşünaslıq akademiyası yaradılmışdır. Universitetdə müsəlman hüququ, ilahiyyat, ərəb dili, tibb və digər fakültələr vardır. Müsəlman dünyasının məşhur alimlərinin bir çoxu ali təhsillərini bu universitetdə almışlar. Əl-Əzhər hökumət tərəfindən maliyyələşdirilir, eyni 93
zamanda, həm Misir, həm də digər müsəlman ölkələrinin şirkətləri ona vəsait ayırır. Görüşün sonunda Azərbaycan prezidenti İlham Əliyevə xatirə hədiyyəsi təqdim olundu. 94
AZƏRBAYCAN RESPUBLİKASININ PREZİDENTİ İLHAM ƏLİYEVİN MİSİRƏ RƏSMİ SƏFƏRİ DAVAM EDİR Misir ehramları ilə tanışlıq
6-da Misir Ərəb Respublikasına rəsmi səfərinin birinci gününün sonunda Cizə yaxınlığındakı Xeops ehramı ilə tanış olmuşdur. Dövlətimizin başçısına və xanımına məlumat verildi ki, Misirdə qədim padşahlıq dövründə (eramızdan əvvəl 2008– 2250-ci illər) fironlar Xeops, Xefren və Mikerinin Cizə yaxın- lığında əzəmətli ehram-sərdaba kompleksləri tikilmişdir. Dün- yanın yeddi möcüzəsindən biri sayılan bu abidələrdən ən bö- yüyü hündürlüyü 146,6 metr olan Xeops ehramıdır. Ehramların yerləşdiyi sahədə Qədim Misir əsilzadələrinin dəfn olunduğu 7 mindən artıq sərdabadan ibarət nekropol var. Bu ərazidə XIX əsrdən arxeoloji qazıntılar aparılır. Prezident İlham Əliyevə və xanımı Mehriban Əliyevaya Xeops ehramının tikintisinə dair müxtəlif fikirlər haqqında ətraflı məlumat verildi. Eyni zamanda, bildirildi ki, ehram 2 milyon 300 min ədəd daş blokdan tikilmişdir. Blokların hərəsinin ortaq çəkisi 2,5 tondur. Prezident İlham Əliyev və xanımı ehramın ətrafını gəzdilər, turistlər üçün nəzərdə tutulan keçiddən keçdilər. Dövlətimizin başçısı və xanımı ətrafdakı kiçik ehramlara, məzarlığa, yaxınlıqdakı muzeydə qazıntılar zamanı tapılmış və bərpa olunmuş qayığa baxdılar. Prezident və xanımı qədim abidələrlə tanışlıq zamanı xatirə şəkilləri çəkdirdilər. 95
Azərbaycan Respublikasının Prezidenti İlham Əliyev Naməlum əsgərin abidəsi önünə əklil qoymuşdur Azərbaycan Respublikasının Prezidenti İlham Əliyev Misir Ərəb Respublikasına rəsmi səfərinin ikinci günü, mayın 7-də Qahirədə Naməlum əsgərin abidəsi önünə əklil qoymuşdur. Dövlətimizin başçısına məlumat verildi ki, burada 1922-ci ildə Böyük Britaniyanın Misir üzərində protektoratlığının ləğvi və ölkəyə müstəqillik verilməsi ilə başa çatmış azadlıq mübarizəsi zamanı şəhid olan insanlar dəfn olunmuşlar. Lakin Misir müstəqillik əldə etsə də, Böyük Britaniya iqtisadiyyatda hökmranlığını davam etdirirdi. 1952-ci ildə Camal Əbdül Nasirin rəhbərlik etdiyi «Azad zabitlər» təşkilatının başçılığı ilə inqilabi çevriliş nəticəsində Misir respublika elan olunmuşdur. Həmin hadisələr zamanı şəhid olanlar da burada dəfn edilmişlər.
Azərbaycan Respublikasının Prezidenti İlham Əliyev mayın 7-də Qahirədə Misir Ərəb Respublikasının keçmiş prezidenti Ənvər Sədatın məzarını ziyarət edərək əklil qoymuşdur. Xatırladaq ki, Camal Əbdül Nasirin vəfatından sonra, 1970- ci ilin oktyabrında Prezident seçilmiş Ənvər Sədat 1981-ci il oktyabrın 6-da hərbi parad zamanı «Müsəlman qardaşlari» terrorçu təşkilatının üzvü tərəfindən qətlə yetirilmişdir.
Qahirədə Məhəmməd Əli qalası və məscidi ilə tanışlıq Azərbaycan prezidenti İlham Əliyev mayın 7-də Qahirədə tarixi Məhəmməd Əli qalası və məscidi ilə tanış olmuşdur. Dövlətimizin başçısı İlham Əliyevi və xanımı Mehriban Əliyevanı qalanın önündə böyük səmimiyyətlə qarşıladılar. Məlumat verildi ki, Misirdəki ilk ərəb şəhərləri möhtəşəm qala divarları ilə əhatə olunur və hərbi düşərgə xarakteri Yüklə 2,69 Mb. Dostları ilə paylaş:
|