348
Əsrin şairi IX
Müəllif Qafqazda, o cümlədən Azərbaycanda maarif, mək-
təb və təhsil məsələlərinin vəziyyətini geniş araşdırıb təhlil
etdikdən sonra sualı bir cür qoyur: “Şimdi nə yapmalı?” Sualın
cavabını və problemin həllini məktəblər açmaqda görür.
Cavid İstanbuldan vətənə qayıtdıqdan sonra Azərbaycan
müəllimləri, maarifçiləri və məktəbdarlarına təlim və tərbiyənin
nəzəriyyəsi barəsində geniş məlumat verməyi özünün vətən-
daşlıq vəzifəsi hesab edir. Bu məqsədlə “Həsbi-hal” adlı silsilə
məqalələr yazıb, “Həqiqət” qəzetində çap etdirir. Həmin məqa-
lələr onun məktəb, maarif və təhsil problemlərinə nə dərəcədə
vaqif olması, böyük maraq və diqqət göstərməsi haqda geniş və
dolğun təsəvvür yaradır. Məqalələr öz məzmunu, ruhu, qaldırılan
problemin müasirliyi və aktuallığı baxımından bu gün də
diqqətəlayiqdir. Şair sayca ikinci məqaləsində daha çox Avropa
filosofları və nəzəriyyəçilərinin təlim və tərbiyə haqqında fikir və
konsepsiyalarını ortaya qoyur və buna öz münasibətini bildirir.
“Tərbiyə - pedaqogika nədir?” sualına İmmanuil Kantın
(alman filosofu, 1724-1804), Con Lokkun (ingilis maarifçisi və
filosofu, 1632-1704) və Herbert Spenserin (ingilis maarifçisi və
filosofu, 1820-1903) tərbiyə barəsində mülahizələrilə cavab verir.
Kanta görə, “Tərbiyə, təbiəti-bəşəriyyənin bütün qabiliyyətlərini
müntəzəmən və mütənasibən təməniyyə etdirməli və bütün
insanları qayeyi-müqəddələrinə isal eyləməlidir.”
Con Lokka görə, “Tərbiyə insanları fəzilətli, cəmiyyətə
faydalı və kəndi məsləklərində məharətli bir hala gətirmək için ən
qolay və ən qısa üsuldur.”
Herbert Spenser isə belə hesab edirdi ki, “Tərbiyənin qayəsi
bizi mükəmməl surətdə yaşamağa hazırlamaqdır.”
Cavid həmin filosof və maarifçilərin fikirlərini təqdir edərək,
bizim maarifçilik və pedaqoji fikrimiz tarixində, demək olar ki, ilk
dəfə olaraq Qərbi Avropa filosoflarının təlim və tərbiyə haqqında
fikirlərini Azərbaycan oxucuları və maarifçilərinin nəzərinə çat-
dırır. Məqsədi məktəbdarların diqqətini yerli məktəblərdə təlim
349
İsgəndər Atilla
və tərbiyə prosesini elmi və pedaqoji cəhətdən Avropa modeli
əsasında düzgün və səmərəli təşkil etməyə yönəltmək idi. “Fənni-
tərbiyənin insanları bəxtiyar edəcəyi, parlaq və məsud bir həyata
nail eyləyəcəyi hər kəsə müsəlləm bir həqiqət olsa gərək” fikrini
vurğulayan şair, düşünürdü ki, pedaqogika (tərbiyə) sahəsində
yaxşı bir nəticəyə nail olmaq mürəbbiyələrdən, müəllimlərdən,
onların pedaqoji hazırlığından, əfəndilərin “səviyeyi-irfanı və
təşəbbüsati-ciddiyələrindən” asılıdır. Bu cəhətdən müəllim “Elmi-
həyat” (həyat elmi) “Elmi-əxlaq” (etika) və “Elmi-ruh” (psixo-
logiya) elmlərinə vaqif olmalıdır.
O, həmin elmlərin pedaqoji mahiyyəti haqda yazırdı: “Elmi-
həyat məktəb şagirdlərinin yeyib-içmək, gəzib-oturmaq, zəif və
qüvvətli olmaq kibi hallardan bəhs edir. Elmi-ruh çocuqların
fikrini, hissiyatını, əxlaqını öyrənib bilmək için böyük bir
vasitədir. Elmi-əxlaq isə xeyir və şərin nədən ibarət olduğunu,
tərbiyədə necə bir qayə təqib etdiyini öyrədir.” [1, 199] Müəllif bu
üç fənni bir-birindən ayırmırdı, əksinə, bir-birini tamamladığını,
tərbiyə üçün mühüm əsas olduğunu düşünürdü. Məktəb şagird-
lərinin fərdi-psixoloji xüsusiyyətlərini və fiziyanomik ifadələrini
də nəzərdən qaçırmır və bu barədə yazırdı: “Bir məktəb otağına
girilsə, orada olan şagirdlərin çöhrələrinə (fizyanomiya) diqqət
edilsə bir-birinə bənzəmədikləri dərhal gözə ilişər, çöhrələri
müxtəlif olacağı şübhəsizdir...” [1, 199]
Cavidə görə, şagirdlərin əxlaq və davranışları donuq və
dəyişməz deyildir. Sinifdə nə qədər sifət varsa, bir o qədər əxlaq
və davranış var. Uşaqlarda əxlaq və davranış nə qədər müxtəlif
olsa da, zaman keçdikcə onlar dəyişir. Buna görə də müəllimin
yeknəsək tərbiyəsi mənfəət yerinə zərər verə bilər. Müəllim təlim
və tərbiyədə bunu nəzərə almalı və psixologiya elminə əsasla-
naraq, şagirdlərin müxtəlif təbiətini nəzər-diqqətdə saxlamalıdır.
Bu məsələni yaxşı həyata keçirmək üçün o, təlim və tərbiyə el-
minə yiyələnməli, öz işində elm ilə təcrübəni birləşdirməlidir ki,
pedaqoji işdə uğurlar qazana bilsin.
350
Əsrin şairi IX
Şair uşaqların ev və ailə tərbiyəsi ilə məktəb tərbiyəsi
arasında qırılmaz bağlılıq görürdü. Qeyd edirdi ki, məktəbə daxil
olan şagird (istəyinə görə) 5, 10, 15 il vaxtını məktəbdə keçirir. Bu,
az vaxt deyil!.. “Ev tərbiyəsi ilə məktəb tərbiyəsinin hər ikisi
çocuqlarda dürlü-dürlü təsirlər bağışlar, bir çocuq evdə ata-ana
tərbiyəsi sayəsində xəluq, çalışqan, mütəşəbbis bir qəhrəman oldu-
ğu halda, məktəbə dəvam edər-etməz əxlaqı, təbiəti büsbütün dəyi-
şir, fəna, uyğunsuz bir hal kəsb etmiş olur.” [1, 200] Başqa sözlə,
məktəb və sinif şəraiti və mühiti uşağın əxlaq və psixolojisinə təsir
etdiyindən, müəllimlər buna xüsusi diqqət yetirməli və əhəmiyyət
verməlidirlər. Əgər müəllim tərbiyədən anlayan olsa, məktəb
şagirdlərində “müzzür əxlaq, fəna təbiətlər bulunmaz; bulunsa da,
pək səthi, pək təsirsiz qalır” yazan müəllif, demək istəyirdi ki,
ailədə böyüyən uşaqların əxlaq və tərbiyəsi də müxtəlif olur.
Ailədə sırtıq böyüyən uşaq əxlaqsız olduğu halda, məktəbə girər-
girməz haman dəyişir, inanılmayacaq dərəcədə zəki və uslu bir
uşaq ola bilir. İstər ailədə olsun, istər məktəbdə - tərbiyə prosesi
arasıkəsilməz pedaqoji prosesdir və bu, nəzərdən qaçırılmamalıdır.
O, məqalələrində müəllim və valideynlərin diqqətini ümumi
ictimai tərbiyəyə cəlb edir və düşünür ki, bu tərbiyə təhsili bitir-
dikdən sonra 35-40 yaşına qədər olan bir dövrü əhatə edir. İnsa-
nın tərbiyəsi həmin yaş dövrünə qədər davam edir ki, buna ümu-
mi mühitdən gələn ictimai tərbiyə deyilir. Bu zaman insanın ailə
çərçivəsində, yaxud məktəblərdə aldığı tərbiyə büsbütün dəyişilə
bilər. İnsan başqa bir aləmə, başqa bir cərəyana tabe ola bilər.
“Maddi və mənəvi təsir insanın aldığı tərbiyələri zirü zəbər edə-
cək dərəcədə məsləkinə müğayir hallara sevq edə bilir.”[1, 200]
Müəllif tərbiyələrin ən əhəmiyyətlisini ümumi ictimai tər-
biyədə, mühitin tərbiyəyə təsirində görür. Bu cəhətdən diqqəti
nəfs məsələsinə çəkir. Hesab edir ki, “nəfs əksərən öncəki
tərbiyələrə tabe olmaqdan varəstə ola bilməz, lakin fövqəladə
mətanətə malik olan insanlarda onu islah etmək mümkündür.”
Şair ailə tərbiyəsi və bədənin sağlamlığı haqda yazır: “Ailə
Dostları ilə paylaş: |