65
Tayanish so`zler:
F.Gizo, Milliy ustaxana, G`Uchreditel`noe sobranieG`, G`Novaya GoraG`,
imperator Maksimilian, G`Obshestvo 10 dekabryaG`.
Paydalaniwg`a usinilatug`in a`debiyat
1.
Velikaya frantsuzskaya burjuaznaya revolyutsiya. Manfred A. 3. Izd. Nauka.
Moskva 1983g.
2.
Frantsuzskaya revolyutsiya. Tomas Karleyl`. Moskva 1991 g.
3.
Diplomaticheskiy slovar` v 3 tomax. Moskva 1986 g.
4.
Vsemirnaya istoriya 5. 6. 7. chasti Moskva. Izd. Nauka.
5.
Istoriya diplomatii v pyati tomax. Moskva 1959-1979 godi.
6.
Novaya istoriya stran Evropi i Ameriki. Perviy period A. V. ADO. Moskva
1986 g.
12-Tema: Amerikadag`i grajdanliq uris
Amerikadag`i birinshi burjuaziyaliq revolyutsiya bolip tabilg`an g`a`rezsizlik ushin
uristan son` AQSh ta kapitalizm tez rawajlandi, biraq burjuaziyaliq ta`rtipler
ornatilmadi.
Qulshiliq saqlanip qaldi, tek arqadag`i shtatlarda g`ana fermerlik awil xojalig`i
rawajlandi ha`m kapitalistlik sanaat o`sti. Burjuaziyaliq revolyutsiyanin` jen`isi ha`m
g`a`rezsiz ma`mlekettin` du`ziliwi XVIII a`sir aqirinda AQSh tin` ekonomikaliq
rawajlaniwi ushin qolayli sharayatlar du`zip berdi. Bug`an ta`biyiy sharayatlari da,
jumsaq klimat zu`ra`a`tli ken` paytaxt jerler, tog`aylar menen qazilma bayliqlardin`
ko`pligi imkaniyat jaratip berdi. Eldin` okeannin` arqasinda qa`wipsizrek jerde
jaylasiwi da u`lken a`skeriy qarjilardin` u`nemleniwine ta`sir etti.
Ko`p waqitlar dawaminda AQSh qa sanaat tovarlarin tiykarinan Angliya jiberip
turdi, arqa-shig`is shtatlarindag`i jallamashiliq kem-kemnen sanaat ka`rxanalarin
islete basladi. biraq AQSh tag`i sanaat awdarispag`i tek XIX a`sirdin` birinshi
shereginde g`ana baslandi.
XIX a`sir ortalarinda AQSh elede tiykarinan awil xojalig`inda kapitalistlik
qatnaslar tez rawajlandi.
AQShtin` tariyxi kapitalizmnin` rawajlaniwinin` uliwma nizamlarina muwapiq
o`tti, elde kapitalistlik ekspluatatsiya ken` en` jaydi, klassliq qarama-qarsiliqlar
teren`lesti. Biraq burjuaziya menen rabochiylardin` arasindag`i klassliq gu`res
ko`ship qonislaniwshilardin` batisqa qaray ig`isiwi sebepli pa`seygen edi. batista olar
o`z betinshe isleytug`in fermer boliw mu`mkinshiligine iye edi.
AQShta kem-kemnen fermer xojalig`i rawajlanip bardi, biraq sanaat tovarlari uzaq
jillar dawaminda Angliyadan alip kelinetug`in edi. sanaat awdarispag`i AQShta
Angliya, Frantsiyada ha`m Evropanin` basqa ellerinen keyin XIX a`sirdin` 30-
jillarinan baslandi. AQShtin` qubla shtatlarinda awil-xojalig`inda fermer xojaliqlari
menen bir qatarda plantatsiyalarda bar bolip, onda qulshiliq dawam etip atirg`an edi.
66
XIX a`sirdin` baslarinda-aq arqa shtatlarda qulshiliq biykar etilgen edi, biraq qublada
ta`biyiy iqlimnin` paxta jetistiriw ushin qolayli boliwi ha`m sanaattin` rawajlaniwinda
paxtag`a talaptin` artip bariwi na`tiyjesinde paxta plantatsiyalarinda qol miyneti
saqlanip qaldi. Solay etip uzaq jillar dawaminda AQShta jallanba miynetke ha`m
qulshiliqqa tiykarlang`an du`zim solayinsha qaldi. Eger 1790-jili AQShta qullar
69700 adamdi qurasa, 1861-jili olardin` sani 4 milliong`a jetti.
XIX a`sir I-yariminda AQShta hu`kimet basindag`i sawda ha`m sanaat
burjuaziyasinin` ha`lsizligi olardin` Angliya ekonomikasina g`a`rezli boliwi
na`tiyjesinde saylawshilar qul iyelerinin` talabanlarin qolap-quwatladi. Qul
iyelewshiliktin` saqlanip qaliwina ma`pdar bolg`an toparlar 1828-jili Demokratlar
partiyasina tiykar saldi. Bul partiyanin` wa`killeri XIX a`sir I-yariminda o`tkerilgen
saylawlarda jen`ip shig`ip, uzaq mu`ddet siyasiy hu`kimetti o`z qollarinda saqlap
turiwg`a eristi. Demokratiyaliq partiyag`a qarsiliq retinde erkin miynet tiykarindag`i
qul iyelewshilikti qatan` qaralag`an barliq isbilermenler, progressiv isbilermenler,
AQSh patriotlari 1854-jili Respublikashilar partiyasina tiykar saldi ha`m og`an
birlesti. Bul partiya qa`legen adamg`a Batistan jer uchastkalarin biypul beriw ha`m
qulshiliqti biykar etiw talaplarin alg`a qoydi.
AQShta barg`an sayin ko`p adamlar qulshiliqti jek ko`retug`in boldi. 50-jillardin`
aqirinda fermer Jon Braun Virginiyada qullardin` ko`terilisin sho`lkemlestiriwge
ha`reket etti. Ol Allegion tawlarinda bekinip alip, usi jerden turip plantatsiyag`a
ko`terilisti taratpaqshi boldi. Otryad barlig`i bolip tek 23 adamnan ibarat edi. Braun
ko`teriliske xaliqti g`alaba ko`tere almadi. vashingtonnan a`skerler jetip kelip,
Braunnin` pu`tkil otryadi derlik qirip taslandi. Braun tutqing`a alindi ha`m darg`a
asiwg`a hu`kim etildi. G`Men, Jon Braun bul gu`nag`a toli eldin` ulli qilmislarin tek
qan menen g`ana juwiw mu`mkin ekenine endi bekkem isendimG`, dep jazdi ol
o`lerinin` aldinda.
Reaktsionerler Braundi aqildan azg`an dep ja`riyalamaqshi boldi. biraq onin`
ma`rtligi, sudta o`zin erju`reklik penen uslawi AQShtin` aldin`g`i qatardag`i
adamlarinda og`ala u`lken ta`sir qaldirdi.
Respublikashilar partiyasinin` xaliq arasinda en` ken`nen tanilg`an, iskeri Avraam
Linkol`n (1809-1865) boldi. Ol qulshiliqqa qarsi shig`iwi sebepli rabochiylardin`,
fermerlerdin`, burjuaziyanin` aldin`g`i qatarlarinin` quwatlawina miyasar boldi.
respublikashilar partiyasi Linkol`ndi prezidentlikke kandidat etip usindi ha`m ol
1860-jilg`i saylawlarda jen`iske eristi. Onin` prezident bolip saylaniwi siyasiy
awdarispaqti bildiriw edi: qul iyelewshilerdin` hu`kimettegi u`stemliginin` ku`shi
pitti. Bul qul iyelewshilikti saplastiriw ta`reptarlarinin` og`ada u`lken ha`m paraxat
siyasiy jen`isi boldi, olar birinshi ma`rtebe o`z qollarina hu`kimetlik ha`kimiyatti aldi.
Saylaw mapazinda jen`ilgennen keyin ha`m nizam joli menen qulshiliqti baqlap
qaliw mu`mkin emesligin bilgen qublanin` plantatorlari o`z aldina qul iyelewshilik
ma`mleketin du`ziwge qarar etti ha`m nizamli hu`kimetke qarsi qozg`alan` ko`terdi.
Qul iyelewshi shtatlar AQShtin` sostavinan shig`atug`inin ja`riyaladi, o`zleri bo`lek
kongreske jiynaldi ha`m qubla shtatlardin` konferentsiyasin du`zgen tuwrali
dag`azaladi. Olar o`zlerinin` prezidentin sayladi. Qul iyelewshiler o`zlerinin`
armiyasinda du`zdi.